山下見日式料理 (已結業)

平時去葵芳多數去葵廣掃街今次就去離葵芳地鐵站5-10分鐘路程嘅隱世日式小店食個lunch 😆小店店名叫山下見⛰聽個名都知佢係黃店💛入面仲有d位貼咗memo😭係呢個時勢已經好難得😢要支持雖然話黃店 但作為餐廳都要有質素先可以留住客人☺️山下見都唔會話令食客失望🤤我地2個人叫咗一個便當同一個刺身丼🌟原條鰻魚便當 $88一嚟到嘩咗一聲😍真係原條嘅鰻魚😍😍其他餐廳通常都係得一半 要原條就要另加加錢 呢到毫不吝嗇 成條放係面飯底係珍珠米 配埋鰻魚汁真係令人食到唔停口😭當然鰻魚唔好expect係好靚嗰種 但都彈牙唔會好淋~ 而且性價比不錯😌便當有埋兩款小食同麵豉湯 感覺幾豐富喔😆🌟三色刺身丼 $78三款刺身包括油甘魚 三文魚 同帶子油甘魚同三文魚都好厚切😍但帶子就有d細😂而且有啲薄不過三款刺生都好新鮮 油脂都平均推薦油甘魚😍😍不過飯量有點少如果男仔食可能唔夠飽😂🙈嗰日晏就仲想叫壽司但店員話冇😭唔知係點解呢🤔不過小店服務好好 雖然得一個樓面waitress 但都好快手好好服務 不斷幫我地加茶 值得一賺👍🏻💛

香港既日本餐廳真係好多， 但黃店就唔多啦， 聽朋友講葵芳開左間日本餐廳想去試，個名仲要咁有意思， 即刻應承朋友一齊去試下。 下晝3點去到， 唔駛等位即刻有得坐啦， 雖然唔係好大間，但感覺光猛乾淨舒服， 樓面姐姐仲好nice咁叫你慢慢揀下有咩o岩食， 我同朋友因為已經lunch食左野， 所以叫左唔太多野食， 叫左燒鯖魚便當同埋鐵板牛肉煎鵝肝卷。 野食一到， 見到擺盤好靚， 心情同食慾大增，試左鯖魚一啖，超級juicy, 冇諗過乾燒既魚都可以咁juicy, 實在太好味，仲有埋前菜同埋湯先係$58, 雖然本身鯖魚唔係貴價貨，但普通既魚煮到好食既話，就絕對要讚！！！！ 根住朋友叫左鐵板牛肉煎鵝肝卷， 嘩嘩嘩， 食左1啖又係好驚嘆，牛肉好薄好香，一d都唔un, 再食到外皮微脆入面軟滑既鵝肝，真係覺得呢間餐廳既出品好高質， 唔駛含淚撐黃店。 我重覆一次， 真係好好好好好味， 下次一定會同朋友留肚食多d野！

山下見嘅嘢食選擇唔算少，當中一啲菜式亦喺同類餐廳中較為罕見，例如黑松露鯛魚薄切 ，鯛魚非常鮮甜，即使同味道重嘅黑松露一齊食都唔會完全失去魚味。常見嘅明太子玉子燒則驚為天人，玉子燒得非常軟嫩完全唔會過熟，每咬一口明太子同蛋汁就係口中爆發，非常滿足！而係每日推介嘅十色刺身丼同燒牛柳粒便當都正評無伏，每款刺身都好新鮮，而燒牛柳粒則熟度剛好，加上香蒜粒惹味到停唔到口，就連便當小菜嘅中華沙律同腐皮都好食，推薦！山下見鋪仔細細人手唔多，但店員服務周到有禮貌，食物質素又高，就算要等都可以體諒啦！

開頭幫襯呢間舖頭時正值疫情， 生意好唔樂觀， 後來疫情好轉，見佢慢慢多番啲客， 之前幫襯過佢啲刺身飯，雖然唔算平不過都幾新鮮。今次就試咗佢個吉列豬扒便當。去到舖頭見到好多客， 外面仲企咗一堆等外賣嘅同埋等位既。 建議店家喺店舖外擺放一些櫈仔畀大家等外賣，因為啲外賣都出得比較耐， 我今次都等咗半個鐘先等到個外賣， 拎到返去，炸豬扒仍然係脆嘅，沒有炸得太乾，仲有啲前菜同埋麵豉湯 ，質素都唔錯不過前菜可以多番啲😂， 白飯份量都好夠，整體質素唔錯

自從畢業後多年黎都冇咩機會會去葵芳學校區回憶當年學生哥時代雖然葵廣有好多開飯既選擇但日日行咁遠 中後期大家同學仔都好懶🤣唔係去銀河就係去三哥譚仔頂多再遠啲去埋譚仔事關行去葵廣一來一回再加烈日當空真係非常難受☀️🙈今日有點事要做，重遊舊地，發現除左大部份昔日熟悉既餐廳之外，重多左幾間以前冇既店舖。「山下見」就係其中一間啦於事決定快快手手做完野，去食返個Lunch試試先店內環境小小的，大約有3張4人大枱，再加一行吧枱位。 唔好睇舖仔細細，選擇都唔小架！ 有前菜類、壽司類、便當類、魚生丼類、小食類。鐘意熱食同凍食都會搵到自己既選擇每日有午餐推介諗唔到食乜既話跟呢個Menu揀就唔怕唔知揀乜好😂是日午餐推介 帶子三文魚蓉丼魚生夠新鮮 有唔少既海葡萄唯獨可能本人重口味丼飯略嫌有點太清 （唔太夠醋？）要落好多鼓油添味Wasabi如果可以份量比多少少就好啦好在同行友人唔用 咁就可以人棄我取啦🤣即叫即燒玉子熟得剛剛好 夠哂厚身嫩滑👍🏻蒲燒饅魚夠哂肥美😍都算大舊質素唔錯食多件都唔會漏喉角切魚生丼 友人叫既，賣相都唔錯，魚生份量唔少，夠哂新鮮肥美睇見餐牌啲壽司🍣其實都唔錯下次黎試吓其他野先另外有做外賣，遲啲叫

今晚與朋友去慶祝生日，還好有訂位，7點半門外已排滿人，有等位的、等外賣的。先試玉子燒上枱是還有煙，令味道在熱力下踴現。牛肉燒蠔卷絕對令人食完會掛住。食物質素高，價錢合理，絕對值得再食

玉子燒係甜口味再加少少明太子的鹹香！又唔會好乾，整得好好食！雜錦海鮮炸物食左兩舊先記得影相新鮮炸，大大份，又好食又抵！希靈魚出面試過食過有啲好酸好奇怪但佢地呢個都幾好食，味道啱啱好！另外，仲叫左個鰻魚便當唔記得影相大大份，有前菜，有埋麵豉湯！兩個人食到超飽，埋單都唔洗$300，好抵！

今次同朋友食左火灸三文魚丼（加帶子）、厚燒牛柳粒便當、明太子玉子燒同埋鰻魚壽司😋佢個火灸三文魚凍嘅三文魚燒到啱啱好油脂分明，感受到佢個三文魚嘅鮮嫩之餘又唔會太膩，帶子雖然有少少薄，但入口即溶，都好好味😍頭燒牛柳粒燒得啱啱好，調味唔會太咸，咬落去仲好夠肉汁，絕對推介！🥰由於佢係即叫即整嘅關係，明太子玉子燒一出到嚟仲熱辣辣，不過怕惺嘅朋友可能就唔係好啱食呢個啦，唔怕惺嘅就會覺得好過忍好香口，鰻魚壽司就同平時食嘅差唔多🤣

性價比超高的小店 山下見日式料理⭐️食物質素看到出師傅的用心💛【刺身】真係每一片都好新鮮，我相信師傅一定係唔會俾唔好嘅野客人食😂擺盤方便唔求其(刺身丼嘅碗、壽司碟都似有揀過，好似完全唔關事😛😛但我相信細節都做好嘅餐廳，一定會越做越好🥰)((((係啲飯我自己覺得可以再好啲🤫🤫如果改善埋啲飯所以野都會好味10倍！)))【吉列蠔】絕對要自私吃🤤質素高到我建議要加價！🤣🤣**提外話係店員記性超好...我一口氣點了5,6樣完全無出錯，連我自己都差啲唔記得叫左咩😆**仲有出餐超快...係我後加嘅吉列蝦無吉列蠔炸得咁透同乾身🤫我會再黎架😛

原來葵芳街市入面開左間新日本店💛一於夾埋同事一齊外賣自取啦。刺身丼同熟食丼都有，仲有廚師推介的黑松露鯛魚刺身，同牛肉煎鵝肝卷❤️睇到已經覺得好吸引。等下次堂食試下先。店內有個飲品櫃，波子汽水，咖啡，可樂，梅酒都有😜估唔到波子汽水只係賣$10😱超抵呀！三文魚親子丼。滿滿的三文魚粒同三文魚籽☺️魚仔豉油😍好有童真。同事的原條鰻魚飯好正，$88原條價錢相宜，附送麵豉湯。外賣可以先whatsapp 落單，去到就有得拎🤗

今晚又是開夜班前的滿足慾望餐，日本料理在熟食方面也是一個學問。今晚選了店主私心推介的泡菜豚肉丼$58，飯量滿足，而且泡菜與椰菜開胃健康。薄切軟綿的豚肉送飯一流，跟餐再加了$12.5的吉列炸蠔，即炸口感酥脆，點上沙律醬更美味Juicy.美滿的晚餐另再加一個$20,CP值好有水準的茶碗煮，這個蒸滑蛋可以用柔軟形容，在一杯水綿綿蒸蛋之中，記得要再挖深一點，因為底層的蟹棒肉會令舌咀樂以忘返🤣👍.👅美味: ⭐️⭐️⭐️⭐️⭐️/5✨環境: ⭐️⭐️⭐️⭐️⭐/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️⭐️/5

禁堂食令結束之後就三號強風信號📶唔知係咪真係咁啱呢？而今日天氣亦都係唔穩定，keep住間唔中就落大雨。而小編今日就行遠少少🤏去到榮芳街街市附近，其實都仲可以搵到好多穩世美食🤤，而今日去既呢間係萬綠叢中一點紅，係眾多既餐廳同舖頭中顯得格格不入😳，唔係因為裝修唔好🤔，而係餐廳係門口大開，睇哂入面裝修擺設🤯，覺得好獨特又吸引小編埋去睇下個餐牌📃。✦✦✦✦✦✦✦✦✦✦✦✦✦✦先講下個餐牌先，一大張打橫前後兩面都有嘢食揀，設計簡約亦有風格😲，易睇易明。揀好自己既餐之後就要去收銀處落單，落好單畀完錢就乖乖咁期待自己既晚餐🤭。而係呢個時候小編就緊係留意下周圍既環境👀，見到門旁有個凍櫃放住各樣日本飲品，有茶、汽水、同啲酒，其實咁樣放出黎小編係覺得幾吸引同好融合到個環境👍，而且行過既人唔一定入黎食飯，可能只係買支野飲就夠🥃。地方雖然唔係好大，一眼望哂，不過裝修風格令人好舒適🥳，大多以木材質為主。✦✦✦✦✦✦✦✦✦✦✦✦✦✦🎈火灸海鮮丼(三文魚、海鰻、帶子) $68整個海鮮丼都妙既地方就會火灸三文魚，從味道、口感都係前所未有，非常之好食💯。簿切三文魚上面加左一層芝麻醬再一層燒過既燒焦香味👃，入口一咬即軟開

第一次係openrice 寫食評，因為佢地個燒三文魚真係好好食。其實平時都會同同幾個同事去呢間餐廳食飯，但政府出左法例話唔比堂食，唯有買外賣返公司食。今日試左佢地午餐推介鹽燒即切三文魚，於是買左盒便當試下。第一次食到咁好食的三文魚，三文魚真係好香，好juicy。如果有得堂食一定會更加好味。平時去其他餐廳都會燒到好乾好難食。同事買左吞拿魚蓉魚蓉丼都好好味，魚香味好重。係附近真係好難搵到間咁有質素ge日本野

平時最鍾意食日本野，係IG 見到葵芳有間新開既日本料理，個名叫山下見，即刻拉左老婆去試下，專登中午過來可以堂食，我地兩個叫左一份炸蝦特式卷，老婆食原條燒鰻魚飯，我就揀左佢地個No1 三文魚親子丼，三文魚好多好新鮮好大份食得好滿足 , 啱晒我。炸蝦卷脆卜卜，加埋d 沙律醬又好夾喎，鰻魚飯我試左一啖，燒到好香，肉質好軟，味道好好,不過如果下次再食我都係會揀三文魚丼或者試下其他刺身。等到遲d 可以晚市堂食就一定即刻book 枱試多d 其他野食。總括黎講，真心極力推介呢間日式小店， 價錢平，但刺身丼既三文魚刺身及三文魚籽份量真係好多。如果中意熱食既話，我老婆就覺得個鰻魚飯冇得彈， 原條份量只係$88 , 我見其他店既鰻魚飯都係3,4片或者半條已經賣1百蚊以上。 所以我同老婆下次一定會留定肚再黎試多d其他野！

雖然佢地唔係開左好耐，但係今次已經係我第三次幫襯佢地。因為近兩次食都非常好，同埋疫情關係唔能夠坐底係到食，於是用左約$1300 做omakase。廚師幫我地5個大人2個小朋友，揀左d今日最新鮮的刺身，一d卷物同埋熱食。個人覺得有幾樣野係必食，第一是卷物，必食堆介係炸蝦卷（小朋友最愛）同埋芒果帶子鵝肝卷。第二必食堆介是刺身，三文魚好新鮮，同佢地員工傾開先知，原來師傅機孚每日都會劏一條三文魚，所以品質先會keep到咁高。第三是鰻魚飯，鰻魚燒到恰到好處，係同區黎講，好難搵到有咁好食同埋有咁高性價比。總結，真係好開心佢地開係我屋企附近，每次想食壽司刺身必定幫襯。