山景閣

营业中

休息中

聖誕前夕先食個自助餐感受下聖誕氣氛來到山景閣食自助餐自助餐價錢中值 但有蟹腳，生蠔食 真係好抵最重要係生蠔，蟹腳等海鮮不停refill 唔洗驚比人夾晒無得食三文魚的份量每件大大塊 好正麼盤唔淨係得海鮮 仲有其他小吃選擇例如：沙律，海鮮撻等等 其中蕎麥面更是我的最愛 夠彈牙 麵質好好 生果有西瓜，哈蜜瓜，提子和士多啤梨選擇 食自助餐甜品當然唔少得朱古力噴泉吸引到好多小朋友食甜品款式多 西式蛋糕至中式糕點也有岩晒唔同口味既朋友另外還有一部自助熱香餅機只須60秒就整好一塊熱香餅 好快熱食亦有好選擇 有雞，魚，蔬菜，炸物等更有炒飯和炒麵一定唔會唔飽飲品方面有蘋果汁，啤酒，肉桂蘋果水，更有咖啡機 選擇很多 有冷有熱 任君選擇雪糕是Dreyer’s 無限任食燒羊脾 即叫即切 羊肉質好彈牙 奐唔會燒得太乾 可以一試8點還有師傅即場製斑戟 好多人排隊食最後 每人都會送一隻芝士白酒汁燴蝦

山景門口的裝飾，好有聖誕氣氛！鍾意食生蠔嘅肥妹，見到OpenRice有優惠，印張Coupon出嚟，就會有七五折，折返都係2-3xx$，所以肥妹就同屋企人嚟食啦。佢啲生蠔好大隻，完全唔會令你失望。海水味唔會太重，不過唔會太creamy、唔會好漏！除左生蠔、仲有壽司同埋刺身，其實佢啲份量都好多架，不過我太慢啦，去到已經俾人攞咗好多仲有長腳蟹、蝦、青口！ 我覺得長腳蟹唔會太咸，好重要！前菜都有好多款又有師傅即場燒出嚟嘅牛扒同埋排骨，燒到啱啱好、好香口啊。熱食都有好多款，所以真係好啱長輩嚟食。又有飯、又有面、又有菜、又有香口嘅炸蝦餅，所以包你一定食得飽啊。不過我就唔鍾意食佢嗰個焗豬扒，略嫌太硬身！原條紅立魚配參巴汁，成條魚，屋企嘅長輩都讚不絕口。仲有羊扒食，味道都唔錯㗎。見到佢呢個咁大嘅芝士輪盤都覺得好吸人目光啊！呢個可以整卡邦意大利粉芝士輪好特別架。仲有呢個自制pancake機，咁可以自己整啲pancake出嚟，好啱同小朋友一齊整，咁佢哋有得玩又有得食。甜品都有好多款架，我就最鍾意佢個木糠布甸，中式西式都有！除咗朱古力蛋糕、慕絲蛋糕之外，仲有香蕉糕、桂花糕，所以就算老人家都好啱食架。

斜路行上去就係山景閣，感覺舒適，還要坐在窗邊位，好開揚呢！環境衛生都做得很不錯！芝士火腿多士是即場"煎", 熔了的芝士加上剛剛煎好脆卞卞的多士，好正！呢個位仲有班戟，廚師煎好班戟後，便可自行拎去生果區加mousse, 朱古力醬，朱古力碎片，彩色粒粒，杏仁片或生果粒等！以tea buffet來說真係好多嘢食，有冰鎮生果及蝦，亦會fill up 不同的食物。例如雞翼清盤後會轉豬扒，豬扒清盤後，又會轉魚柳。食過一款後又可以食另一款，幾好呀！去到最愛的甜品區，整係呢座朱古力山已令人心醉！真係無想過tea buffet可以有咁多嘢食！呢個甜品想介紹下，未曾在buffet食過，上層是椰絲，即椰撻的口感，下層是蛋糕，必食！呢個酒巴區唔知係咪晚餐buffet時會開呢？以地點，環境，食物款式，價錢各方面睇，是值得推介的！

之前在yahoo團購買了仕德福酒店自助餐晚餐coupon ，今晚終於兌換，以三百元吃到酒店自助餐，價值上絶對是超值，它的食物種類雖然稱不上多，但基於香港人最愛的都齊備，如生蠔、青口、蟹腳、牛仔肉、魚生刺身等，各枱食客都以生蠔作目標。吃完又吃，但餐廳的補貨速度尚算快手，不會出現吃完就無的情況。要選全晚我最喜愛的一款食物，我會選牛仔肉，皆因它燒得外熟內嫩，保持了牛肉的鮮味和肉汁在扒裡面，所以肉味很濃郁。另外，餐廳的待應服務水準都好，吃完的碟很快便收，真估不到團購也會有好餐廳。

聖誕前夕 又有籍口同媽媽食餐好嘅今晚帶左佢去山景閣食聖誕buffet 一入去就係甜品區 多款糕點任君選擇凍盤方面 有大大隻嘅長腳蟹 生蠔 蝦同青口長腳蟹好厚肉 媽媽表示極度滿意重有厚切嘅三文魚 希露魚 好新鮮 口感一流食buffet又點少得牛扒呢 有廚師係度不停煎架重有bbq豬仔骨 燒得好香重有出面比較少見嘅意大利粉芝士輪 即叫即整 芝士迷大愛熟食方面都有十幾款 不過最吸引我都係炸物同蒸蛋重有dreyer’s 無限量供應值得一提係 侍應會不停refill食物 確保大家食飽飽

呢到食物款式唔算多 但真係好平 每人加一後都係~$300平時想食得豪氣DD 都可以黎呢間酒店試下呢到沙律幾多款式 我覺得幾新鮮 又有冷面果D～幾好食海鮮 係自助餐既重點 款式好多有生蠔 蝦 青口 長蟹腳  生蠔好肥美 都係最搶手嘅！每次攞出黎嘅份量唔算多 補給速度一般不過海鮮真係幾新鮮 等緊時可以食住其他先熱盆款式有10幾款味道比想像中好有魚 有海鮮 有肉 有飯 有時蔬 仲有燒羊肩等等卡邦意大利粉芝士輪呢個超級正！即叫即整！煮好的意粉放在芝士輪上炒 好CHEESE啊！最後酒店仲送一人一隻芝士白酒汁燴蝦店員會親自送上甜品一定係女仔既重頭戲呢度除左有傳統西式糕點之外有得任食dreyers collection （開心果，朱古力同芒果味）雪糕有雪糕糯米糍食到8點仲有pancake 專人整比你食 不知幾開心～

< 尖沙咀聖誕大餐 >啱啱喺尖沙咀道做完運動就book左餐廳去食聖誕大餐，尖沙咀地鐵站B1 出口，大概行10分鐘就到。今日星期六較多，book左個比較低消費tea 時段去食。<海鮮>海蝦，蜆肉，壽司， 螺肉<必食:牛肋骨 >餐廳放出黎唔洗五分鐘，好快已經清曬<甜品，水果粒>士多啤梨，蜜瓜，哈密瓜，杏脯， 朱古力脆片， 好多選擇，沙律等，素食者都岩食< 一分鐘自製 熱香餅 >只要按下ok仔一分鐘之後熱香餅就會自動做，係即按即做有趣， 喺玻璃縫間，仲可以睇到佢嘅製作過程<熱食>餐廳食物每一刻都有專人Refill 餐廳另一區仲有即叫即做牛筋腩麵，肥瘦適中（必食） 只係用生面皇面底去整<冷盤區> 影相好靚有聖誕feel<甜品區>朱古力噴泉merry Christmas<報紙><自助飲吧> 奶茶，咖啡，檸茶，檸水booking / 到會: 23137024 <Tea menu>

一壓力大或者心情不好的時候，就想大食一餐發洩，雖然有人說這樣不健康，但起碼比發洩在別人身上健康吧XD! 在這個平平無奇的閒日晚上，就約朋友出來聊聊天順便大吃一餐。自助餐閒日晚上$368，現時用openrice 優惠卷有75折，即2百幾，算抵食！步行到酒店，需走一段坡路，臨近聖誕，沿路有些聖誕燈飾，都有少少浪漫。自助晚餐餐牌一進餐廳就看見的朱古力噴泉，旁邊有些水果與綿花糖，可沾朱古力食！海鮮方面，有以上這些，還有生蠔，但每次生蠔一上，就很快被拿光，愛吃生蠔的，看見店員拿出來，就要去拿了！青口與長腳蟹都不錯，我吃了不少😋。生蠔算大隻肥美喔！有海水味，挺鮮味的！店內很多聖誕裝飾呢！甜品方面有一些日常的中西式甜品，個人覺得brownie 不錯！另外也有提供雪米糍和dreyers 雪糕！竟然有我最喜歡的開心果味😍！還在咳嗽的我，還是忍不住吃了一個！還有即點即制的pancake！！我點了香蕉朱古力杏仁，滿足了我的甜食控❤️！一人一隻的芝士白酒汁燴蝦，店員會為你親自送上！蝦很新鮮，味道比例也不錯！👍卡邦意大利粉芝士輪這個超級推薦！即叫即制，煮好的意粉放在芝士輪上炒，完全滿足了芝士控！味道很讚！這一餐吃

想平平地食自助餐，可以黎呢間酒店試下。雖然食物款式唔算多，但叫做自助餐應有既野都有齊，蟹腳，生蠔，凍蝦，幾乎每枱都有拎一大碟，相當受歡迎。日式燉蛋不過不失，勝在口感較滑。^_^可以自家製沙律🥗仲有各款生果，西瓜幾香甜。成餐我最鐘意就係食魚，魚肉夠滑，有檸檬既清香，但調味可以再濃啲。燒雞柳表面香脆，配上沙嗲汁更香口惹味。另外仲會有廚師即席整芝士意粉。芝士味道相當濃郁，意粉彈牙，岩曬鐘意食芝士既朋友。

呢間可以話係細細個會黎食既餐廳，因為呢到好近屋企人工作既地方，今次係想黎回味一下兒時味道。黎到之後同以前差不多，感覺都係簡簡單單，現場都有好多外籍既客人呢到既野食唔會有好多好多選擇但一定夠飽同埋會岩食既。現場有冷盤、熱葷、串燒、甜品等的位置冷盤有長腳蟹、生蠔、三文魚、日式冷盤等等，刺身款式的確比較少但勝左都夠新鮮。生蠔每次出既數量都唔多，不過好大隻，拎3隻都差D放唔落熱葷基本上都係大眾路線，當中青口好鮮甜，炒得幾入味。餐廳仲會每人俾一隻焗帶子， 帶子唔會好細粒而且唔會焗到好乾現場仲可以即煮海鮮湯，味道有D似喇唦又有海鮮鮮味又有少少辣雪糕都有Dreyers 3款口味選擇，小妹到最後真係食唔落啦，被迫要放棄雪糕呢個部分總括，呢到既自助餐唔會好似坊間放題一樣咁多選擇或者以好名貴的材料作賣點，但呢到既食物質數都唔會好差同埋呢到既服務好好。 相信帶屋企人黎食都係食回憶，回味一下以前

下著毛毛細雨，同友人一齊去左山景閣食晚餐buffet, 店員安排左窗邊街景位置比我地，坐得都唔錯！晚餐自助餐6點半就開始，當然去左最受歡迎既海鮮區，分別有生蠔，凍蝦同長腳蟹，第一輪好快就被人搶晒😅😅好彩店員都好迅速咁refill 番！生蠔都好生鮮甜美，都幾大隻，蠔肉都好身！長腳蟹肉都好鮮甜，每張檯都有提供餃剪比客人起肉，好窩心! 每檯店員仲送上燒蔥芝士元貝（每人一隻），好鮮甜！仲有沙律🥗各款配菜比客人選擇，螺肉同海帶味道很均勻。❤️ 熱食都有幾款，椒鹽鮮魷同燒牛肩味道都唔錯！菠蘿咕嚕肉麵粉唔太厚，肉都好嫩滑！而另外還有專人切西冷牛扒配燒汁，肉質唔太un。還有燒雞串同燒排骨菠蘿🍍都係唔錯既選擇。食到咁上下就輪到食甜品🍮，有tiramisu,日本和果子同朱古力噴泉etc，岩晒小朋友食！😋😋😋 還有可以任食dreyers collection （開心果，朱古力同芒果味）雪糕或雪糕糯米糍食，到8點仲有專人開設既pancake,有芒果/香蕉同藍莓味，再加上落埋杏仁片，口感都唔錯！喜歡💕食pancake既朋友不容錯過！😋😋+++++++++++++++如果大家喜歡💕我寫既食評，麻煩比個❤️鼓勵一下我，

要食酒店自助餐通常埋單都5、600一位，仲要尖沙咀，我本身諗住都走唔甩呢個數。點知今日男友帶我黎食呢間係天文臺道既酒店自助餐居然只係300幾，真係要比個叻叻佢！呢度野食唔算非常多，但勝在夠食有餘。特別沙律bar算比較多選擇，水果多樣、火腿都好好味！有蝦、有長腳蟹又有蠔，呢個價好滿足了！雖然蠔會好快無晒，但十幾分鐘又補一轉，我地坐咁遠都夾到兩次！八點鐘師傅開始整水果pancake, 排晒長龍啊，不過又真係唔錯喎！燒牛肉都好正，薄薄地，牛味香。大排檔有燒排骨同雞肉串燒，即燒架！芝士帶子係餐廳送每人一隻既！

今日去開尖沙咀，順便食過tea buffet。15:00開始，一黎到緊系影哂相打哂卡先啦。 Tea buffet 都有好多款式，有海鮮，壽司，粥，麵，熟食，甜品，水果沙薑雞翼，味濃，雞翼嫩滑三文魚頭腩香煎韮菜豬肉餅仲有個朱古力🍫噴泉，可以用士多啤梨加朱古力，用綿花糖都得👍🏻雪菜肉絲米粉又幾好食喎，連平時唔食雪菜肉絲既，都叫多一碗黎食。有粥食，自己配花生🥜，蔥，油炸鬼。甜品🍮都擺得好靚，仲有雪米糍食🔸可以用微信同支付寶俾錢，好方便。🔸收碟收得好快，服務好好。

原價$437，今次有剪報優惠只需$338.3，環境雖然唔算大，但都算舒適，食物方面有熟食區、飲品區、甜品區、冷盤區及大排檔區等，食物種類唔算多，但喜歡食蒸魚嘅一定開心，因為哩度有蒸盧魚，鍾意飲湯嘅佢亦有忌廉西湯及西洋菜中湯(可能每次不同)，如果鍾意扒類嘅佢地都有，但質素麻麻，會比較失望，生蠔蟹腳一定有，當日生蠔都非常大隻肥美，如果有折的話都可以一試。

今日午餐嚟到尖沙咀天文臺道的山景閣食lunch buffet ，山景閣在仕德福山景酒店大堂側，開揚舒適設計空間感十足，價錢都好親民。佢哋嘅自助餐款式選擇多，選菜單內亦提供亞洲風味之地道美食以及國際著名的佳餚，無論是家庭及朋友聚會都好合適。今次我就食咗沙律很新鮮，凍蝦爽脆仲不停供應。熱葷方面，餃子、 春捲、 沙薑雞翼、炒飯我比較喜歡。我仲order一碗生滾粥， 配料仲可以自選，要晒所有餸都可以架，隨自己喜歡的。我就叫了鯪魚球皮蛋生滾粥，粥好綿，配料都好足，非常不錯呀～另外令我意想不到是甜品“奶皇水晶角”， 用火爐仔熱住，不停keep住溫度，不會令到水晶角變凍，口感超好， 糯米煙韌，奶黃餡料香滑，而且不太甜，好有驚喜呀～整體上山景閣的lunch buffet 中規中矩，樣樣食料都不錯，價錢又非常合理，仲有可能會帶畀你驚喜添。