山景閣

营业中

休息中

朋友請食buffet😎當然要應邀出席海鮮@款式有比較受歡迎嘅生蠔、蝦、青口同長蟹腳。最受青睞當然係生蠔，幾大隻肥美，口感偏爽口，帶點海水鹹味，好鮮甜，可能為咗確保開殼後進食時間唔好隔太耐，每次攞出黎嘅份量唔算多，但係補給嘅速度都還可以。其他海鮮都幾新鮮，凍蝦都幾多膏彈牙，蟹腳大隻多汁，每張枱已經準備好剪刀，比食客大戰一番刺身@刺身只有魚同蝦，種類比較少，三文魚色澤鮮明，幾厚切肥美，不過蝦就普普通通冷盤@除咗一般自由配搭嘅沙律，呢到都有唔少小食，其中巴馬火腿配蜜瓜最為吸引，呢度仲有蜜瓜同哈蜜瓜可供選擇，蜜瓜比較香甜，哈蜜瓜無咁甜，但係比較爽口。天然甜味嘅蜜瓜配鹹香嘅巴馬火腿，口感好豐腴，encore咗好幾次，不過蜜瓜如果去埋皮就更多了～其他仲有煙三文魚、香芒大蝦沙律、煙鴨胸、螺肉、中華沙律等，份量少少令人可以試更多唔同類式熱盆@熱盆款式有10款左右，味道比想像中好，配搭都比較均勻，有魚有海鮮有肉有飯～意式燒原條鱸魚、金菇瑤柱扒時蔬、燒羊肩、菠蘿咕嚕肉等等每位客人都有一客焗帶子，味道唔錯甜品@甜品無人會嫌多，呢到糕點嘅款式都頗多，有焦糖布丁、意大利芝士餅、不同味道嘅慕思、馬卡龍、和菓子等等

在尖沙咀吃個普通的午餐，動不動都一百幾十元，要找間舒服又好味的餐廳，隨時要二百元。想不到在尖沙咀的酒店，吃個自助餐，連加一竟然可以做到一百五十元，這個價位，以今時今日的物價來說，簡直是震撼價，它就是仕德福山景酒店山景閣。雖然價錢便宜，但食物種類和質素都絕不將貨就價，海鮮、凍肉、壽司、熟食、甜品、粥品等一應俱全。海鮮有青口、蝦、螺，款式雖不多，但款款鮮甜味美；熟食推薦海南雞和沙薑雞翼，海南雞肉質鮮嫩，沙薑雞翼沙薑味濃，雞翼嫩滑。吃到差不多的時候，當然要試一試甜品，tirimisu同紅豆果籽都做得幾好，甜而不漏，而朱古力噴泉當然要吃一吃，串少少棉花糖和士多啤梨，再點朱古力醬，簡直大滿足，為整餐自助餐畫上完美的句號。

難得放假就同屋企人去食下午茶自助餐為咗方便大家我哋都揀選左交通方便嘅尖沙咀仕德福山景酒店入面嘅山景閣西餐廳任飲任食嘅下午茶自助餐每位都只係$188門口擺放着三款嘅餐牌可以讓客人一目了然而且餐廳近酒店門口仲可以用微信支付同埋支付寶俾錢方便遊客又方便本地客店員仲安排我哋坐梳化位置可以飽覽落地玻璃外嘅日光美景一入到去已經見到有多款熱盤及甜品見到都流晒口水了可以食足兩個鐘當然慢慢食啦首先就係食前菜 餐湯 沙律同埋凍食喺右手邊位置有各款自選沙律蔬菜可以讓客人自由配搭食完沙律蔬菜非常開胃見到廚師即場煮喇沙湯麵唔執輸排隊等喇沙湯味道好濃郁入面仲有大蝦同埋豆腐卜等配料 還有好大隻好新鮮嘅大蝦、三文治、漢堡包同埋熟食等而且職員不停添加食物真係唔使驚要同人搶食 總括來說每樣我都食咗少少 味道都唔錯喎女士們一向好鍾意食甜品見到甜品櫃擺放得咁精緻唔少得要相機食先還有朱古力噴泉可以將水果用竹籤插起在朱古力噴泉放2秒整個水果就變咗做朱古力外皮食落去好有口感而雪糕同埋糯米糍還有不同味道選擇最後我哋真係感覺值回票價

我是下午茶迷，知道山景閣餐廳有自助下午茶餐，星期六日假期先有，而且價錢便宜，只是$188一位，二話不說就同朋友齊齊去訂四位開餐。餐廳位於尖沙咀仕德福山景酒店，自助餐由15:00開始，我今日準時到達。餐廳位於酒店的大堂，餐廳環境開場，環境乾淨企理。 食物選擇有沙律、凍盤、海鮮、熱食、炸物、甜品、水果等；食物選擇多元化而且不停供應，令人食得好放心呢。 至於前菜方面，有沙律菜、各種麵包等等；我就先食沙律菜，打打底先；沙律菜新鮮並且翠綠，仲有唔同既Dressing，食完沙律就正式開餐。 大蝦🍤呈現鮮橙色，而且非常大隻，肉質極為細嫩鮮美。必定要試吓上湯白菜豬肉餃，因為湯底鮮甜，而且豬肉餃子好大隻，皮薄餡靚。 食到呢一刻其實已經好飽，不過甜品係第二個胃，所以點都要幫襯。甜品方面，都有好多選擇；有各式各樣的蛋糕、水果同埋雪糕🍦，多不勝數。呢個價錢，呢個食物質素，特別欣賞既係refill既速度快，絕對是下午茶迷不能錯過的地方。

難得約到friend一齊 chill, 就book左哩度食 tea buffet. 見哩間咁多好評，所以一試。哩度嘅環境都幾cozy, 同朋友黎或者拍住拖黎真心不錯哩度咸食甜食種類都好多，亦都好好味，見佢咁受歡迎成日無晒要fill up 就知啦推介榴槤酥呀！又香又脆，好少有酒店會有哩啲特別偏門，造工複雜嘅食物咖甜品控嘅你地有福了，哩度勁多款甜食，朱古力 fountain 都已經大大個mini cake 款式多又夠細舊，真心可以一個人試好多樣，眼闊肚窄都唔緊要，至在夠晒細舊有水果又有凍盤cake, cheese cake真心唔錯，好硬身好creamy 嘅芝士

對上一次吃自助餐事隔多年, 今天再一嘗自助餐那種任食的滋味。此餐廳位於諾士佛台旁邊, 地點方便就腳。 餐廳空間不算很大而且幸好當日食客不算很多, 所以輕鬆走動取全何食物。坐位也坐得舒服。   安排好位置後當然要出去走一圈看看有什麼美食, 選擇真的很多, 而且連甜品的選擇也很多      食物種類選擇挺多的大量不同種類, 雜果蝦沙律, 火腿沙律, 青瓜, 車厘茄等等冷盤方面:有非常大隻肥美的美國生蠔, 長腳蟹, 青口, 蝦, 三文角刺身, 壽司, 冷麵蜜瓜巴馬火腿, 煙鴨胸, 蟹肉芒果, 凍燒牛肉, 海南雞, 煙三文魚等等熱盤方面:有原條鱸魚, 菠蘿咕嚕肉, 豬柳比吉打, 椒鹽鮮魷, 瑞士式牛肉等等甜品方面真係選擇不少:芝士餅, 慕絲, 焦糖焗蛋白, 和果子, 馬卡龍, 自助熱香餅, Dreyer’s 雪糕等等   入坐後每人會送一客蛋汁焗扇貝, 肉質不錯, 爽口,  蛋汁微甜 長腳蟹非常大隻, 多汁多肉, 吃了很多哈哈蜜瓜巴馬火腿 – 蜜瓜沒有去皮, 火腿有一點點咸味, 每個份量不多, 不太平均, 普通煙鴨胸, 凍燒牛肉, 比想像中好, 肉質挺嫩, 下一round 有再添食 美國生蠔,

放題就食得多，自助餐都唔算成日食，因為覺得比較上貴呢間既價錢適中，間唔中黎食下都OK既呢間自助餐仲要係好多酒吧附近，可以去飲埋酒haha我覺得呢度重點係有牛扒!!!雖然係整定出黎既，不過你可以自己揀下睇下個生熟度細細一塊都唔錯，牛肉味都夠我食左2-3塊都唔會有太熟既情況，所以都唔會太硬原來係會有炸蟹球食，配埋個泰式辣醬佢無扮蟹架，入面係真係有蟹肉既外層係蝦丸，幾彈牙亦都好有味另外呢度係有刺身食既，油脂都OK平均既三文魚都夠凍既，係趁新鮮拎出黎就夾~仲有蝦都好新鮮好鮮甜仲有既係甜品!!! 係香蕉杏仁朱古力班戟個班戟唔會好厚，都唔會好厚粉咁而香蕉杏仁朱古力都好足料見到佢整得都好快好熟手咁塊班戟都整得岩岩好，唔會燶左，仲會有個啡色邊!熱既班戟加上蕉係好夾!!!

而家係尖沙咀有刺身有蠔食嘅buffet，平平地仲有交易？真係難以至信，但今日的確親身體會過、品嚐過用買二送一作招徠，仲有成人八折優惠，咁大嘅offer..竟然唔伏！但一分錢一分貨，但以呢個優惠價黎講已經係性價比高。餐牌中超過60款美食，並唔係虛張聲勢生蠔、長蟹腳、三文魚刺身都有供應有多種水果可以飯後食、做沙律，甚至朱古力噴泉都有而熟食反而最出色，金菇扒西蘭花、瑞士牛片、海南雞等等最後食埋個人手製pancake同Dreyer’s 雪糕就心滿意足！P.S. 食到結尾，甜品都差唔多被搶購一空，想試勻多款甜品嘅就要早小小啦

最近有點煩，在忙籌備婚禮的事，找了朋友陪逛婚展拎資料兼睇場。去睇完尖東幾間酒店實在很累了，想找個地方抖抖順便慰勞下朋友。假期沒有訂位想hightea唔洗諗了，而且行半日勁肚餓又不想太失禮，馬上搜尋尖東附近下午茶自助餐，找到山景閣價錢幾抵即管來一試。-太餓了拎左吞拿魚蟹籽多士，味道還可以。燒牛肉牛角包也不錯；海鮮只有凍蝦可選，如有更多海鮮就好啦，始終係最回本食物。仲有其他簡單冷盤，款式唔算多味道正常。-熟食反而比冷盤好味，擇得落手嘅有唔少。辣酒花螺辣辣地幾惹味；炸魚餅春卷香口。扒芝士火腿三文治勁多芝一直烘住唔錯啦；好可惜係榴槤酥味道麻麻兼酥皮實在太厚。唔小心拎多左澱粉質攪到飽左無乜點食甜品。係食左啲西瓜菠蘿同埋走去玩DIY PANCAKE，部機好過癮按一下鈕便擠壓出麵團自動製作，但力道不勻出來成品變一口班㦸很趣怪哈哈。-整體來講食物不算很高質，但人不多勁好坐，而且超抵玩埋單$150位，仲平過去hightea....

要知道依家食個自助餐，高級小小酒店既無6百都埋唔到單要經濟小小三百幾四百埋單既真係少之又少啦咁岩有親戚黎香港，佢地話想食自助餐，見到食評既評分都唔錯一於就黎依度食自助餐Buffet 的地方不大，分了兩邊，一邊近門口位既主要係熱食、冷盤、海鮮同甜品區熱食區有七八款左右。有鱸魚、菜、及炸物等等仲有兩款湯、紅湯及中湯另一邊既有即煮熱湯同西冷扒等等海鮮類 估唔到呢度都有生蠔仲要size幾大隻唔重海水味，偏爽口同淡味，大隻得黎幾厚肉同新鮮一拎出到就好快俾人掃哂，但補貨速度都算快海鮮方面仲有海蝦、青口呢兩款都唔錯，海蝦新鮮，肉質彈牙仲有長腳蟹，蟹腳上面個舊肉就一般而腳身都唔算好咸 不過不失刺身有三文魚、蝦等等冷盤及沙律區有日式冷面，可自己落調味醬，另外有蜜瓜火腿等等。蜜瓜都幾甜嫁另一邊有海南雞，及一些涼伴小茶菜不錯海鮮湯，即叫即煮，仲配蒜茸包海鮮湯材料豐富。有蝦、蜆、魚，青口、魷魚。湯底清甜，微微的海鮮味及蕃茄味海鮮湯旁邊有燒烤骨及西冷扒但西冷扒落得鬆肉粉太多，口感係爽口😅而且沒什麼肉味入座每人送一粒一芝士焗帶子芝士味香濃由八點開始先人有整班㦸八點過後我就叫左一個香蕉🍌朱古力班㦸啦最後甜品區都有超

終於都到Happy Friday，當然要食得豐富啲獎勵下自己，所以一早book左食自助餐盡興下。自助餐6點半開始，我地早左到都安排我地入座慢慢等，服務唔錯。開始前當然行一圈睇下有咩食啦，一入門口就係甜品、海鮮、刺身、生果、沙律、熱盤、飲品，右手邊就有雪糕、pancake、鐵板燒、即煮冬陰功、燒味，比我想像中多野食。6點半準時開始，第一時間當然係食生蠔同長腳蟹啦，估唔到啲生蠔咁肥美大隻，由於太肥美既關係，最後我地每人只係食左7隻; 另外長腳蟹好鮮甜唔咸，蟹肉完整，好好味。之前睇openrice啲食評話生蠔同長腳蟹要同人搶，因為每次都出得好少同refill得慢，所以其實都驚驚地，但我呢日去又無呢個問題喎，都出得好密，而且廚師一路會睇住有咩唔夠，唔會話食唔到，所以拎得都幾輕鬆。凍蝦夠大隻同彈牙，青口都唔錯。刺身有三文魚、鯛魚同蝦，刺身都幾新鮮，最正係三文魚，好肥美，唔錯。沙律有鮮蝦什果沙律，薯仔沙律等等，另外配料都唔少，有粟米，青瓜，車厘茄俾你揀，另外竟然有冷麵，都幾驚喜。未試過食自助餐有冬陰功海鮮湯，有啲驚喜，味道都唔錯，酸辣適中。熱盤有金菇瑤柱西蘭花，迷你蒸馬拉盞，炸春卷，即燒牛扒，海南

過去一直都有食山景閣的自助餐，最回味的是以前的椒鹽瀨尿虾。近一年沒有再去，今晚一家三口再次幫趁，想不到面目全非！價錢便宜生蠔不足還可理解，但疏到每十五分鐘才放十隻八隻，一兩個人不到半分鐘便取清光。最要命的是甜品少且賣相差，賣相是比麵包鋪水平更不堪，外觀根本引不起興趣食用；冬蔭功湯底完全唔掂，做法無紋無路，最慘是大排檔只有此湯底，無其他選擇，即係叫你唔駛食！就算最簡單一般的忌廉湯，以為都可以頂下，点知都係水汪汪，仲差過茶餐廳...今次原想一家三口慢慢食慢慢傾之晚飯，變得相當無㽼兼負面。還有侍應質素...無禮貌兼得閒無事你未食完都收你碟！無他，因全埸得十多個客，太得閒。值得一讚只有三個鐘酒店場免費停車，將埋單的$20貼士俾埋泊車 Bell boy走人。不再回頭！（唔明樓上D寫手点解離譜得咁緊要都可以寫得咁好！救命！）

話說7、8年前和TerrGor為了要慶祝2週年紀念日特地上網去購物買山景閣的優惠卷時隔多年我們路過時就想都沒想決定晚餐就吃buffet好了山景閣都不算難找位於諾士佛臺盡頭天文台道斜路最頂的位置位子很寬闊在菜色方面一樣也有新鮮生蠔無限供應少不了蟹腳、蝦的陪襯熟食方面也以中餐為主咖哩牛筋、韓式辣炒年糕薯蓉、越南春捲還搭配有不同菜類最可愛的是還有港式小點心迷你馬拉糕 超可愛份量也不會太大一個剛剛好另一區還有廚師現煎牛扒和雞排超香的餐廳還附送了炸蟹腳在差不多吃飽才發現有一部超可愛的pancake機自助式熱香餅機即時製做很有趣最後還是忍不住玩了好幾次

平時食野食到唔知食咩好？自助餐就最可以解決當下的煩惱。☺️喺尖沙咀諾士佛臺附近，仕德福山景酒店內，有個平價自助餐，可以滿足一下我同女朋友嘅飲食慾望🤤我地一去到去，自助餐廳已經差唔多爆晒場，食物選擇不算最多，但勝在包羅萬有，不同國家的食物都有。第一輪當然去食刺身壽司生蠔🤤三文魚刺身肥美，而且亦有自助餐少見的鱆紅魚，十分搶手！！生蠔亦不錯，有陣陣海水鹹味，我個人覺得很好食🤓熱食方面，燒排骨肉質軟淋，而且醬汁惹味。另外喜愛冬陰公及海南雞，肉質很滑！甜品方面有驚喜，選擇豐富，自選配料pancake及自制熱香餅都推介給大家🙈全庫了都新鮮熱辣又好食！

最近因工作，心情有點不好，貼心既男朋友仔就帶我去食酒店buffet，cheer up一下酒店就係工作地方附近，一收工就可以去happy下酒店buffet就係大堂果層，一入面就已經見到雪糕，同鮮果pancake一坐底就出左去拎食物， 食物選擇都好多元化，冷盤唔單止有多種生果、各式風乾火腿，仲有冷麵、螺肉等等 不過最吸引眼球嘅當然係海鮮啦 三文魚、青口、凍蝦、蠔、長腳蟹雖然蠔同長腳蟹定期先會拎出嚟，但都輕鬆拎到蠔雖然比較薄身，但海水同鮮味唔差而我最鍾意嘅當然就係長腳蟹 ，之前係其他酒店食既長腳蟹海水味過多，勁咸呢到既長腳蟹就無呢個問題，海水味剛好、蟹肉又夠濕潤、蟹肉應有的鮮味都具備，質量都唔錯熟食就同其他酒店差唔多，豬牛雞羊魚齊哂熟食當中最推既係-燒豬肋骨加燒菠蘿，呢個真係超好食豬肋骨一啲都唔乾，醬汁到位，好惹味燒過既菠蘿帶餘溫，暖烘烘，甜度升溫，不得了另外酒店仲會送每一位炸蟹鉗，酒店出品當然係好食啲唔單只炸得金黃，蟹肉仲好彈牙，真係食到啖啖蟹味甜品驟眼睇都有十來款，仲有朱古力噴泉，可以點生果、棉花糖當中芋頭布甸都幾好食，芋頭味充足，味道天然，又唔會太甜不過我當然要留肚食主打嘅鮮果panc