山景閣

营业中

休息中

去諾士佛臺飲野前，發現呢到原來有間仕德福山景酒店架，入面有buffet dinner 食，價錢勁底，三百幾蚊位咋！🤤🤤🤤膽粗粗又貪就腳，決定兩個人走入嚟酒店入面呢間山景閣食個Buffet dinner 先😋😋😋有新鮮美國生蠔😻、雪花長腳蟹🦀、凍蝦🦐、燒牛肉🐂、甜品選擇多❤️仲有特別送贈嘅清蒸粉絲扇貝😍😍燒牛肉係我至愛，所以攞左幾轉😆😆😆有個芒果蝦沙律好好味、雪櫃入面有一杯杯嘅Dryers 雪糕🍦整體嚟講 呢個價錢食到嘅Buffet 可以話係物超所值😃

大夥兒聚會，不想夾太多錢，大家又沒有一致意見吃什麼菜式，就一於去吃自助餐好了，什麼都有，不用煩惱。因為並不是大胃王，如果選擇那些要600至$800一位嘅酒店buffet就太蝕了，所以揀咗$300一位嘅平價酒店自助餐。容易啲回本呀嘛。雖然只係$300一位，但係選擇都幾豐富，雪糕更加係Dreyers, 食多兩杯就好容易回本啦。熱盤同甜品都有好多選擇，仲有三擋即叫即煮，有湯麵，有煎雞扒牛扒豬扒，熱辣辣，肉質嫩滑，仲有即切嘅烤牛肉。 生蠔都幾新鮮，雖然唔係即叫即開,但係都幾juicy. 食物質素ok! $300 酒店 buffet 很抵食了。

今次親威請我同屋企人食嘢，帶咗我哋去尖沙咀既呢間酒店食嗰下午茶buffet，啱岩好三點去到，即刻可以入去食，坐既位置都幾闊落。因為係下午茶既關係，食物主要都係一啲小食同甜品為主。一嚟到就飲杯嘢先，因為有飲咖啡既習慣，所以一嚟到就去針咗杯Latte飲，但好似我媽咪咁唔飲咖啡，就可以飲熱奶或者橙汁咁。前菜有啲沙律、涷既三文治同壽司等等，我都攞咗幾件，好飽肚。水果就有西瓜、木瓜同菠蘿。熱既三文治同pizza都有，呢個熱三文治係芝腿治，啲芝士食既時候係有拉絲，唔錯唔錯。雖然話少粉麵，不過其實都仲有粥同即場整既叻沙，叻沙嗰湯底都幾好飲。熱食有啲唔同既小食，嗰薯仔就我覺得最好食，拎咗幾次添。媽咪最鐘意既峴，佢仲拎咗好多添～有水餃同南瓜果～到甜品啦！有好多唔同既蛋榚仔同tart，另外佢仲有部即場可以整既pancake機，再自己加唔同醬料添。

一年新的開始了，又是朋友仔生日的日子，最好就係食自助餐，自己能夠自己選擇喜愛的食物啦.這食店自助晚餐叫經濟，有蟹腳有生蠔，有刺身等貴價食材、比起其他過千元的自助餐，這性價比高很多.每人送一客的元貝.三文魚夠新鮮，十分鮮味香滑.環境佈置也十分舒適.即切的牛扒，十分香口.肉骨茶麵，即叫即煮的.各種飲料又是自助去選擇.有Dreyers 雪糕.海鮮Bar 枱.甜品部.小朋友的至愛.即煮.各食物都十分有水準，大家可先訂定枱，避免冇位啦.

今日朋友請我嚟到尖沙咀嘅山景閣酒店到食下午茶自助餐，餐廳大堂唔算好大，但係勝在夠光猛明亮，最緊要嘅係唔會有好多人喺度嘈喧巴閉，充滿寧靜嘅下午，自助餐時間有足足成兩個鐘，絕對夠晒充裕嘅時間啦，餐廳地方歡堂，而且景色優美，可以望住櫥窗出邊嘅大街，別有一番感受。食物嘅種類繁多，而且擺得井井有條，壽司方便種類唔算好多，但係勝在夠晒新鮮，最驚喜嘅係總會有蝦，肉質紮實，而且夠晒新鮮，充滿海水味，估唔到連冷麵都有，而且唔會好大，啱啱好我最鍾意食嘅係牛角包入面包住啲三文魚，真係好美味，我一年食咗兩個，熟悉方便都唔少架，我最鍾意嘅仲有市招炒蜆，啲蜆無沙，而且又好新鮮，甜品方便就真係多不勝數啦，估唔到連下午茶都仲會有朱古力火鍋，最驚喜嘅係仲可以自己整pen cake，件皮係師傅整嘅，新鮮熱辣，入面嘅材料自己可以加，而且水果種類幾多，自己鍾意邊種就加邊種，估唔到係一個假日裏面可以係一間咁高性價比嘅酒店食下午茶，真係覺得人生好好享受啊⋯⋯

山景閣：寧靜悠閒下午tea尖沙咀一直都系游客光顧天堂，購物餐飲选择多多，行完而临近3點，午餐而错過，因此友人推薦山景閣食下午茶tea,选择多多。餐廳位於山景酒店大堂内，店内裝潢简洁，座位寬松，围住中間的长型餐桌，可能系下午三點幾，客人并吾多，我地选左够近窗邊的位置，可以睇下外面的街景，休休閒品嚐美食😋。下午茶的品種都好丰富：水果有西瓜、菠蘿、哈密瓜.精緻美味的甜點：士多啤梨慕絲、芒果布甸、紅豆芝麻球、鲜蘆薈椰汁糕、炭燒芒果慕絲餅、雜果啫喱，還有朱古力噴泉，好開心，一次過試晒旁邊系日式凍盤，冷面、熟蝦、牛肉、螺頭、各式壽司及三文治還有熱食，茄汁豆腸仔、麦包、白酒汁芝士吞拿鱼通粉、鼓汁炒蜆、香煎蓮藕餅、薑葱三文魚頭腩、炸虾餅、咖喱角、牛肉燒賣先來個皮旦瘦肉粥清下腸胃，自制鲜果班戟满满芒果和士多啤梨充斥口腔，酸酸甜甜好開胃.

今天難得放假，決定找一間餐廳輕鬆輕鬆吃飯。到了山景閣，同名字一樣風景如畫，環境一流。沒可能想到這是尖沙咀。這是中午自助餐，食物多元化，品質非常新鮮！雖然在洒店內，但價錢一點也不貴。今次我有幾種食品推介— 首先西折芹羅宋湯，豐富的蔬菜既有口感，也非常有營養！西芹就有清血毒的功效，有助改善因月經而形成的皮膚暗粒。 小籠包-小籠包鮮甜多汁，湯汁飽滿卻不油膩，雖然最好是趁熱吃，但要注意燙口。海南雞雞味十足兼且柔嫩，特別是漿料豐富。那個海南豉油汁撈飯一流。道地喇沙拉麵，酸酸辣辣好開胃，用料豐富，容易入口！最後那個甜品pancake一定要嘗一嘗，老人小朋友都啱食！總括而已這餐自助午餐，物超所值！

小姐👧🏻 話想去食buffet，上網爬完文揀咗呢一間平平哋，每位$300嘅酒店buffet。$300都預咗唔會有啲咩貴價嘅嘢食，驚喜嘅係，雖然價錢好平，但係竟然有生蠔、扇貝、長腳蟹 🦀, 刺身同埋壽司 🍣 都有，雪糕 🍦 仲要係 dryers 添！ 淨係食生蠔已經回本啊，雖然唔係貴價貨色，但係都大隻、juicy, 鮮味！蒜蓉粉絲扇貝都好新鮮，長腳蟹有海水味，刺身方面，雖然係大路嘢，三文魚、吞拿魚都係厚切又新鮮，唔錯唔錯。熱又有好多選擇，我認為全個buffet最好食嘅地方就係甜品，選擇多之餘樣樣都做得幾精緻，最後食返三杯Dryers 🍦 ，回本有凸！ 😂

早幾日，我就跟左個朋友一家人食lunch buffet. 因為朋友個親戚嚟咗香港，你就順便係佢住嘅地方食埋午餐。話得係buffet, 梗係多嘢揀啦。除咗熟食之外，仲可以自己叫佢整粥，仲有冷盤甜品生果等等...我覺得佢整體嘅味道都唔錯，好似有咖喱雞翼，咖喱味入曬味，所以雞翼好惹味。而炸蝦炸得好脆，粉漿整得好薄。而個小籠包雖然個皮係厚d, 但係入邊啲肉整得好鮮甜。出邊仲有雪糕可以自己拎，你仲有咖啡茶同埋特製飲品自己攞，我就攞咗杯檸檬青瓜水。

行完天文台道既長命斜當自己做左運動🤣就可以食lunch buffet 獎勵自己😋! 星期日酒店lunch buffet 原價$14x 本來已經好抵，用恆生信用卡仲有9折，即係免加一！性格比很高呢！去到12:00，已經full 左。好彩有預先book 位！ 雖然餐廳不是太大，但用落地玻璃，好開揚。食物方面, 雖然海鮮款式在下午不算多,但勝在夠新鮮。 熱盆方面, 勝在夠熱, 特別推介中式皮蛋瘦肉粥, 夠綿夠夠熱又足料。亦有專人幫你煮喇沙。最後,甜品方面, 除左有西式甜品外, 亦提供多款中式傳統甜品, 給人一種回憶的味道。

新年新價單 午市加咗$20 有折提供出番生蠔 大隻新鮮(有碎売) 講真唔出好過出 …… 點解呀！每20分鐘倒出1次 每次出12隻左右C9阿哥阿姐空手回 氣氛緊張出蠔嘅位置 變成競技場攞咗幾隻 有贏咗嘅感覺拜託店家 1係出密啲/ 1係配給維唔倒成本 就索性唔好出……真心真係唔會怪責 1分錢1分貨 只想有番平時Hillview 舒舒服服 hea住嘆嘅感覺 其他食物很豐富 有水準熱葷數量一樣 肉類多咗 ……沙律 即煮粥麵檔 中西湯 小籠包 干蒸牛肉 海南雞……甜品~多 冇出芝士cake 粥底淡味 魚比較腥 薑蔥少喇沙湯麵~蝦醬太重味 微苦 無椰香凍盤~牛扒好有肉香 但微瘀色待應招呼周到 收碟快 餐具乾淨感覺四眼廚師就有啲面黑慢動作希望店家日後會有改善 食嘅開心 做嘅唔好唔開心

山景閣位於諾士佛臺盡頭，仕德福山景酒店內環境光猛, , 空間感十足，沒有一點壓迫感,感覺時尚自助餐可以滿足一下我嘅飲食慾望, 因為美食選擇好多元化，有來自多地的代表美食，勢必大飽口福!!!海鮮區，分別有生蠔，凍蝦同長腳蟹生蠔都好新鮮！呢個值得encore!長腳蟹肉都好鮮甜，於嘴裡散發出淡淡的海水味，而海水的鹹味 讓蟹更鮮甜, 爽口肉脆。每張檯都有提供交剪，比客人起肉，好貼心!日本美食 有三文魚,蝦同埋希靈魚刺身, 種類比較少……….三文魚色澤鮮明，幾厚切肥美蝦就普普通通而 三文魚壽司也不錯 而另外還有專人切西冷牛扒配燒汁，肉質嫩而不失嚼勁冷盤及沙律區有日式冷面，可自己落調味醬，另外有蜜瓜火腿等等。當然唔少得女士們最愛嘅甜品啦!!!!五顔六色的甜品，非常多款式。有：藍莓芝士餅，朱古力咖啡慕絲餅，泰式椰汁粟米糕，法式馬卡龍，鮮忌廉蛋糕，朱古力慕絲，士多啤梨慕士...等………….由八點開始有整班㦸，我就叫左一個香蕉朱古力班㦸啦~仲有dreyer's雪糕杯! pancake伴埋雪糕杯冷熱交融，必食甜品為這一晚畫上了完美的句號😍。估不到便宜酒店自助餐也可以如此高質！難怪人山人海!

朋友請食自助餐，因工作地點方便揀咗呢間餐廳，已經第二次嚟，感覺食物選擇少咗，味道更一般。其實客人好少，但生蠔同蟹腳喺開始30分鐘後已經無點Refill。Ok嘅食物唔多，雖然唔貴，但性價比唔高，不過靜靜哋一路食一路傾計都可以。生蠔唔係即開，鮮味一般，都好Creamy好大隻， 印象中七點半後只refill過一次，數量係數得出。青口無咩味，蝦正常，蟹腳有少少乾。刺身有三款，中段只得返三文魚，質素一般。熟食味道一般，魚係鱸魚，Xo田雞無肉味，最好係炒蜆同鎮江骨。燒牛肉都可以，豬扒好硬好鞋好實，雞係無味嘅。忌廉湯都杰身但係淡，羅宋湯似屋企煲嘅蕃茄湯，一啲都唔濃，反而啱我。泡芙同馬卡龍係我七點左右拎，嗰陣都係四五粒，七點半後都無，應該好少人好似我咁我食甜品，所以即係無Refill。甜品都係一般。即製班戟唔錯。三款Dreyer's變咗全場最穩定。

當日下午到訪的這間餐廳，門面設計簡潔鮮明，裡面環境闊落，冷氣充足，坐下來不會很擠迫。這家餐廳位於尖沙咀天文臺道，從地鐵站來非常便利，適合一家大細過來慶祝聖誕。😘😊最令我印象深刻是餐廳內佈置了很多加上後現代設計,富有時代感，亦有小朋友最愛的雪糕。奶茶咖啡機, 可以自己弄一杯香滑的咖啡。各位食家可以一邊享受食物一邊欣賞藝術, 都市的浪漫!從各種細微處可以看出店主的心思。自助餐有特色的食品有:1.三文魚壽司，東風螺以及海蜆。生熟度剛好，保留海鮮味。三文魚非常新鮮。2. 蘆筍火箭菜沙律， parma ham用料新鮮，味道一流。無論如何忙碌，這個聖誕必須一試!😊3. strawberry mousse這個甜品當然是女生的最愛。菜式品種多，絕不欺場，食物質量十分高，份量也不少，十分推薦這間用心經營的食店per la vita dolce! 😘

尖沙咀區酒店自助餐通常給人感覺價錢昂貴，但是天文台道仕德福山景酒店:實價每位:$150.超底食好味，各式各樣美食不停供應，有甜品種類繁多的香脆開面三文治、可口芝士火腿三文治，細脆皮香酥老婆餅，香味十足芝士餅，好味薄荷朱古力餅，軟棉香蕉冰卷，滑順木糠布甸，精緻法式馬卡龍、中式桂花糕及熱辣紅豆飽，各適其適，任取任食，還有朱古力噴泉及雜果撻味道出色，選擇多而餐廳環境企理，寧靜地去享受一個慢活優閒的下午茶自助餐！還有值得推介美食有鮮甜涷中蝦，賣相精美壽司，中式沸騰的雞球粥，即叫即做牛腩湯幼麵，鮮美的豉汁炒蜆，甜味香燒蜜糖雞翼，汁濃可口小籠包及牛肉燒賣，印度咖哩角及蟹柳炒烏冬，包任飲果汁、茶及即磨咖啡供應，各種水果，最後當然品嚐杯三色雪糕，飽滿超美，既經濟又豐富的美味，值得再光臨！祝大家有個甜甜蜜蜜的聖誕節！