峰壽司 (已結業)

今日食峰壽司，質素都唔錯，不過要等位。特登等峰壽司的卡位，因為坐得舒服D，座位較闊落。依家餐廳好先進點餐係用tablet ，不過可能電子化左所以覺得服務質素一般。壽司都幾新鮮，全部都不錯。不過呑拿魚就一般，始終冇日本咁好食，秋刀魚還是以燒或焗既方式好過做壽司🍣，油甘魚太淡，肉質一般，其餘都不錯。

食過幾次都覺得呢間唔錯,今日下午又黎食首先試下蛋- 微甜但太熟有啲鞋原本以為得蛋 點知蛋下面又有飯😂墨魚壽司-好難咬 唔好食帶子壽司- 新鮮 厚肉 火灸蟹柳壽司-正常幾好食食過幾次既極上大盛軍艦最推薦$88就食到4件爆料壽司海膽-新鮮 海膽鮮甜 份量多 三文魚子-比上次無咁新鮮不過都ok蟹肉-正常無特別吞拿魚蓉-有小小筋但係都好食三文魚腩-肥美 大塊火灸三文魚-有檸檬香 較淡軟殼蟹卷-軟殼蟹炸得脆口夠香 外面蟹子有咬口整體唔錯 會再幫襯

仲記得岩岩開嘅時候覺得屯門區最好食應該就係峰壽司，但近年水準真係愈黎愈唔掂上次食只係覺得魚生唔夠新鮮，特別係油甘魚，今次真係唔係咁簡單明明餐廳有bar枱位又唔放人入去，食嘅時間已經過嘅peak hour 都等左我成個鐘叫左件海膽魚背三文魚，黎到件壽司係件三文魚上面有pat汁同啲蔥，冇魚背冇海膽點解咁都夠膽拎俾啲客？我問個staff呢件咩黎佢仲夠膽答係海膽魚背三文魚⋯ 明明佢望住果件野係得三文魚！下面呢件係叫佢換過之後嘅版本⋯ 魚背係就係出返黎，但果pat汁真係令人極不安睇下真係冇下次喇，一次難食過一次都真係挑戰客人嘅底線

今日同爸爸兩個人去左v city 食個late lunch, 最近熬夜熬得多，唔想太熱氣，就揀食壽司，見到峰的午餐set ,啱晒唔使諗食咩！ 可惜三文魚丼已售罄。我點左set A, 爸爸就要set C, 兩個飽到撐著走。整體都新鮮，質素幾好，特別深刻係炸蝦手卷，隻蝦爽脆，唔油膩，雖然除左一塊生菜就沒有其他配菜，但都ok啦，唔會太搶隻炸蝦風頭，壽司飯仲係微暖，唔係凍冰冰架，不過塊紫菜就失色左d, 冇味又太「淋」。 每個set仲跟沙律同面豉湯，我鐘意個沙律，有少少炸脆，唔寡。而爸爸就嫌個湯太咸，我就覺得ok啦,足料既!

好想食壽司 平時多數黎黎去去都係食個幾間峰壽司之前朋友都試過而且極力推介但每一次想去食時都要排好耐 特別係星期六日晚所以諗住星期五晚去試下拎飛等下 結果比想像中冇咁多人排隊所以就決定今晚去試入到去見到環境好正 而且地方闊 最岩情侶 三五知己黎慢慢坐慢慢食我個晚去到就坐左係卡位 所以就要用平板黎叫野食呢個係蟹軍艦同蟹膏軍艦 兩樣都做得非常出色 個人比較喜歡蟹膏軍艦 因為夠新鮮之外 而且分量多 簡值係物超所值燒帶子壽司 帶子都夠新鮮 亦都十分肥美 沒有任何失望 連我平時不太喜歡食帶子的都覺得好味  另外我同朋友都十分十分之喜歡食生蝦 每次到壽司店必定會點 生蝦夠彈牙 而另陫的是鰻魚壽司 不果不失 沒有甚麼評論呢個係係食之前睇過食評話係必叫 所以就叫左黎試 最靚同特別既就係壽司上面印左「峰」字眼 好有代表性 第一次黎食都不妨叫下試一試特長既壽司系列就叫左魷魚壽司 好鐘意佢既汁 配上魷魚簡直係絕配點餐時覺得呢個幾特別 所以就點左黎食 是高菜細卷 酸酸甜甜的 配合日本米 特別開胃最後當然要試埋佢地既手卷先叫完美 份量都多同大件 果然冇令我失望 食壽司最講究既就係新鮮 而呢間亦都做到呢個要求 所以

前幾日去左板長，今日去峰壽司，可以比較一下兩間既質素。峰壽司坐得舒服D，座位較闊落，點餐用既tablet 比板長快。不過服務質素一般。我地點既壽司都新鮮，全部都ok。最普通和不會再點既係呑拿魚（無咩魚味）、秋刀魚（唔夠鰻魚好食）和油甘魚（太淡，肉質一般），其餘會再encore 。

去屯門逛街到午餐時間，想到去峰壽司，因為這間壽司比較新鮮，多款式。去到看午餐牌，即時給「蒜香三文魚丼」與「烏冬&鰻魚丼」吸引了。它的實物與相片是一樣的，份量也很足夠。天呀!「蒜香三文魚丼」蒜香超香~食指大動!新鮮魚生再配少許醬汁+山葵帶出鮮味，超刺激味蕾!!自己另外再添加幾片薑，增加壽司飯的味道。另外「烏冬&鰻魚丼」份量更加多，足夠大胃王食飽!~燒香鰻魚再配少許鰻魚醬汁，入口即溶感覺很滿足。價錢接受到，感覺份量與價錢平均。

其實除左等位耐左D丶基本上非常滿意峰壽司的食物,最愛軟殼蟹手卷，料好足，正．店內經常推出期間限定的食物，燒鰻魚，秋刀魚，味道好濃，炸墨魚粒，火龍卷壽司，都好值得一試

在屯門要找一間唔錯的壽司店不太容易，又要地點方便，峰壽司就是價錢合理，地點方便，食物質素不錯的店。平均等位都要30分鐘。我最愛吃豆腐沙律，很清新健康。另外還有三點盛，可以多吃不同款式。還有列車運送，減低迴轉壽司浪費食物。正！

食過咁多間壽司店，得峰壽司既火灸蟹柳壽司最沒有之一👍🏻蟹棒上面鋪滿厚厚既沙律醬，燒到勁香蟹棒入口軟化，真係要比十個like我每次都至少叫3碟先會滿足至於呢個天婦羅🍤，都係我必點之一即叫即炸天婦羅蝦夾係日本飯一齊食，既香又脆，更吾會覺得油膩一碟得3個，完全吾夠呀

有得用V City apps令位先一邊行街一邊等，星期一都要等一個鐘的確非常之好食媽媽平時不喜歡吃魚生都認為這裏的魚生非常好味三文魚新鮮另外極之欣賞蒜蓉蜆，叫了兩份價錢合理

V city餐廳好難攞位我哋提早個幾鐘用V city app禁飛行完街再去餐廳都仲要繼續等但因為朋友淨係鍾意食壽司所以唯有照去首先叫芥辣八爪魚軍艦八爪魚有咬口芥辣都幾攻鼻鍾意Wasabi嘅朋友一定鍾意但怕辣嘅話就建議唔好食啦金龍卷炸蝦卷外面加咗蟹子同埋熱浪薯片碎勝在一碟有八舊夠晒三個人食唔使爭味道都OK不過熱浪薯片令成件事有啲熱氣仲有另一本美國卷 叫做費城卷係三文魚芝士卷外面有蟹子好味好多 芝士口感creamy又有我最愛嘅三文魚好正期間限定嘅三文魚特盛拼盤其中一款有海膽海膽食落幾甜 冇臭味三文魚特盛拼盤嘅另一款厚切三文魚上面加上雞肉絲同芝麻醬淨係厚切三文魚已經夠滿足

假期無聊揸車出去周圍逛，剛巧來到v city 睇到峰壽司就被吸引住，記得之前有睇過食評唔錯，決定入去試下，當時仲未到5點，我哋完全唔使等位，直入坐咗卡位，坐位舒適，感覺有點似元氣高速線。帶子刺身，感覺一般，不如食帶子壽司。黃金魷魚三文魚卷是季節限定，三文魚很肥美，感覺特別。特大三文魚三點盛，老實講睇樣就知一般帶子壽司，相比刺身更鮮甜, 可能口感問題蒲燒厚切鰻魚，可能燒咗好耐，確實係厚，但完全無熱感，唔鍾意。蟹膏壽司真的很鯹，唔新鮮。三文腩好肥美，呢餐價錢唔算平, 但食材方面不是很新鮮, 有點名過其實, 很多人都講去過日本之後就會愛上，因為日本人對食物的要求和水準有一定的保證，香港的餐廳完全被比下來。

平日既下午茶多數係食小食或者薯條汽水，但今日心血來潮想食壽司 好彩朋友陪我癲，下午茶都食到甘HEAVY。叫左個三文魚腩壽司，入口好幸福吞拿魚蓉軍腩，好好味，不過食過拖羅係返唔到轉頭，食呢知只可以頂下癮隔離個個唔知係咩魚，叫錯左，但有D咸饅魚飯，黃色個埋係煎蛋條，不過無蛋味，又乾，唔識欣賞純粹影相顏色靚，不過饅魚同平時一樣燒得好香有水準一盤壽司雜錦，我最欣賞個個最深色既蟹膏壽司呢個紫薯包定唔記得叫咩既野唔好食，因為我本來以為係麻薯狀態

晚飯時間每次都有十幾二十人在等位子，讓我很想試試是不是 這 麼 好 吃 😏😏 難得讓我等到了，就來試試！主要是試吃「期間限定」Menu海膽是不好吃，不甜魚片是很厚切，淡淡的魚味這，不好說，海膽是一樣的不好吃... 魚片，是入口肥肥油油的感覺，但是，這魚片是完全沒有味道的三文魚不錯，味濃哦我們還點了油甘魚，是好吃的，鮮甜厚切的（不好意思了，忘記拍照）期間限定又來了，（左、中、右）整體來說...真的還好....先來右邊，紫蘇白飯魚三文魚卷，好奇怪的味道😂😂😂是假香料的感覺，可能是我比較不喜歡啦，喜歡的朋友可以挑戰試試😂😂然後中間，筍明太厚切三文魚，像是薯仔切丁的口感，再混合了醬汁，吃起來不錯👌🏻最後是左邊，卜卜多春厚切三文魚，這個好吃呀這上面的「卜卜多春」得口感像是希靈魚黃色部分的口感，然後它混了沙律醬/蛋黃醬，吃起來口感爽爽脆脆的，「卜卜聲」好吃哦！整合一下，我是帶著失望付錢啦不是說很難吃，只是算不上我期待的而已，是我個人口味而已啦希望如果有機會再吃這一家，會有所改進嘍