峰壽司 (已結業)

叫左個set食到有個酸菜小卷放落個口五洗5秒吐返出黎⋯難食到呢其他都一般，又貴又五好食d呑拿魚有點腥真係五多得食完覺得好浪費錢咁早知食全場8蚊碟或者食返x氣好過一定性價比高過佢地啦！呢間用料還好但係配搭好五得d款都好少，無咩揀到咁加上以前做過某日本料理餐廳佢地既壽司握得幾鬆夾一夾就散個型又五靚最後無收個尾，搞到扁扁地抵食指數2/10好味指數3/10中伏指數9/10再食機率1/10服務指數2.5/10

之前話過晚上超多人的壽司店，今日睇戲前12點幾來到吃午飯，唔駛等，可以直接入坐，試一試有幾吸引人來排長隊。去相首先是壽司，三文魚子唔脆口，無卜卜聲，好彩唔腥。油甘魚TORO，講明TORO當然要甘肥啦，但就一點都感覺唔到，同普通油甘魚無分別，吞拿魚正常。炸蠔有點過熟，墊底菜一睇就覺翻用多次了，影響食慾。軟殼蟹手卷，一樣炸過龍了，而且炸漿唔好食。同炸物相反，火炙三文魚燒得唔夠，有點求其。鹽燒油甘魚魚鮫，一樣燒得唔夠，而且無鹽味，同樣有種求其的感覺。忘了影實物的期間限定，寒鰤，俾我感覺是一舊肉，無任何味道，失望。吃完，失望，點解要排長龍吃呢？就以這個價錢來說真的十分過分，炸的師傅炸過火，燒的師傅求其燒，唔知是否同一位師傅。除此之外，服務員收碟十分怠慢，每次只會放食物時有碟才收，如果唔係點行過都唔會理，小弟觀察其他顧客桌上都是一樣，一視同仁。10分鐘了，到結完帳都唔肯收，但服務員確實行來行去，真係好忙。總結來說，起一個非繁忙時間，客人唔多，服務和食物質素都咁差，真的不可原諒。最後有一樣好的，是飯，夠實唔易散，一樣，也是只有一樣可以接受的，但始終補救唔到。就算有好地點，好科技又如何？點解張單上的

由於同事唔開心，所以要食好啲。叫套餐魚生飯丼連加一$109 ，但其實又唔算太好，但真心係抵過和民。有沙律做前菜，一個稻庭烏冬配魚生飯，看似繽紛豐富，其實貴嘅都係舖面嗰層。。。但除了魚籽，其他海鮮都唔夠鮮味，飯質是ok 正常的，但這不是基本的嗎？反而烏冬好味，因為湯底清甜，真係有海帶味。所以麵連湯一滴都無食淨！

近日好想好想食饅魚飯，所以媽媽提議到峰壽司午餐，順便滿足我的饅魚癮. 雖然峰壽司相當近我家，但還是初次到訪，因為以小火車送壽司對我來說實在沒有吸引力! 中午十二時多來到，已有數人在等位，侍應問我們要坐吧枱還是卡座，當然是選卡座la，還可以即時入座，原來等位的人全都等吧枱的，可能想睇小火車掛~ 不用多想就選了2款午餐，媽媽選了壽司盛 ($69)，而我的就是饅魚丼 ($89). 2款午餐均奉送沙律，以小魚乾配上沙律菜，可惜醬汁十分之鹹，鹹到難以入口，所以只吃了少許菜而已. 而小魚乾索滿醬汁，鹹得過份. 過了數分鐘，媽媽的壽司盛送上，不過質素認真麻麻，魚生色水都不新鮮，樓下一田的壽司檔質素比峰壽司還佳. 吃了軍艦壽司，紫菜是軟到霉爛，絕對不是即製的，令我懷疑這壽司盛是從沒有人要，且在迴轉帶轉了N世的壽司拼砌而成的. 看着這壽司盛也不開胃 至於我的饅魚丼，則等了接近15mins才送上，有4件饅魚的，份量都幾多. 不過用上崩碗盛着就影響觀美感. 剛烤好的饅魚，醬汁香甜，肉質嫩滑，配上白飯已經很美味，這丼飯水準都不俗的，令我很回味. 估不到峰壽司的壽司只算一般，但饅魚飯

每次想食壽司 都必定會食峰壽司自問自己係個嘴刁既人 所以依見壽司一定一定要去食，唔試唔知原來屯門仲有咁好味既壽司 而且依間壽司店服務態度唔差 唔似某壽司店咁唔理會你 hea你咁餐具都好靚好有特色依個真係一定要食！叫軟殼蟹壽司 軟殼蟹即叫即炸 所以夠脆

成日食韓國嘢 成日食韓燒突然有一日超想食壽司連lunch都特登去買壽司食左幾日都滿足唔到我 所以決定放假去食壽司鵝肝壽司第一次食入口即溶 上面仲有少量金薄海膽壽司完全無腥味👍🏻👍🏻👍🏻👍🏻鐵板明太子薯仔 可以一試。味道都唔錯 唔使成日都食冰冷冷嘅嘢係時候都要食下啲熱野啲壽司飯微暖 夠晒新鮮 最驚食到啲壽司飯係硬身嘅 壽司飯本身又唔會係太多份量啱啱好 以我個人覺得啲飯可以再少啲 因為咁樣就可以食咁多野 一旦又唔想只食刺身 😂🙈Subtotal $81810% $81.8Total $900

坐喺壽司bar枱最近壽司師傅嘅位，啲壽司師傅唔帶口罩，傾計傾足兩個鐘。本身諗住拿拿臨塞飽個肚，食埋個蒸蛋就走人。等左半個鐘，忍唔住問人究竟有無落單，佢check完話一早落左。點知轉頭個waitress竟然同我講整蒸蛋嘅機壞左，無蒸蛋。

又到晚飯時間了，今餐係食我心裏念念不忘的峰壽司。晚飯時間有好多人排隊等位，足足等左個半鐘，終於都到我地入座。但等咁耐都係值得，因為次次去食都覺得好食！今次要食的是峰壽司推出的期間限定-春旬祭的春之三文魚盛。有三款不同的三文魚食法，由前至後首先係厚切魚籽醬三文魚，一啖都食唔晒的厚度，好有口感，加上魚籽醬令三文魚味道更豐富。中間係明太三文魚腩，魚腩肉質好滑，加上明太子，呢個組合都幾特別！最後係櫻蝦三文魚卷，香口又滿到瀉的櫻蝦搭上厚切的三文魚，一脆一腍的口感，感覺好新鮮。而且啲三文魚好新鮮，食得到它的鮮味。呢個春之三文魚盛真的令人食指大動，好正！

開心一餐壽司！最近饞壽司，心心念念想食一餐，週日過左午餐時間都想食。就近係西鐵站V city搵到峰壽司。過左午餐時間，人唔多，一個人坐吧台，可以享受壽司電車送餐樂趣平板電腦點餐好方便，有圖片。決定放開大食一餐當放題！一餐200幾，價錢同放題差唔多，食飽飽，質素高，又開心！

今日本來打算落荃灣廣場拜會吓三層壽司直送小火車點知我用元氣咭登記攞飛唔Work之後打電話問得知派籌同嗌既籌號相差100個..........Ohno...於是去屯門睇吓有咩食原來V City既峰壽司都有壽司直送小火車嚟到V City 峰壽司門口籌派到我手係291但係籌號叫到229....仲有63張枱先到我哋真係同荃灣廣場元氣壽司不相伯仲.....我梗係唔會企喺度等啦我哋去咗商場周圍行番到嚟個籌號都係叫到268不過去到27X- 28X之間突然急飛好快去到291....(可能大家都見冇可能等到閃哂)我哋因為要見識一下小火車於是要等多3張枱先入到去迴轉架位只得7個其餘想坐近火車軌的只有 Bar 枱我哋坐低後就見到架火車迎面而嚟!火車軌喺迴轉壽司輸送帶上層佢只係一條直軌冇得轉彎當師夫預備好壽司之後就會放在火車上然後按掣火車就會高速送到你面前你拿走壽司後只需按下紅燈掣火車便會回到廚房起點你拿走壽司後只需按下紅燈掣火車便會回到廚房起點因為太肚餓既關係即刻喺迴轉壽司度拎兩碟俾佢哋醫醫肚先跟住我同媽咪開始喺呢個iPad度落單喇!操作簡單易明好好容易之後我揀咗碟炸蝦卷不過諗得耐咗iPad等唔到咁耐張單會

今日突然約左寶貝下午茶,決定去一個平時少去又易去的地區,一程飛天小巴轉眼就到左目的地!! 寶貝己一心決定食乜野,我當然唔會拒絕LA!可能係平日的下午茶時間,所以舖頭當相清閒,我地可以揀一個心儀的卡位~!噢~~一坐落就見到飛天烈車,我真係大鄉里了~暫時我知APM的元氣有壽司火車好開心黎到呢到都有呢~呢到可愛的地方係上層火車下層有迴轉~適合唔同喜好的客人倒好茶我地就開始點野食~諗住一手拎個電子牌落黎~點知係不動產~唔郁得~我地只好牛咁眼咁慢慢篤...玩左一陣就等食~我發現呢到除左有湯的食品會有服務員拎上黎之外,好多都由火車送到~!我地點左個午餐,仲有辛火龍卷,三文魚三食午餐 - 絕對係例牌貨,所以實物同張相都有一段距離,明白的~   壽司併盤 - 上枱感覺唔係好得~肉質乾乾地,幸好食落都有應有的味道,放下要求!   蝦天婦羅烏冬 - 大蝦天婦羅,可能大廚上個期冇睇電視,教大家如何可以番炸D蝦唔會變淋...所以D蝦一夾就軟晒~我的天啊~~真係唔掂~烏冬味道OK,基本唔會對佢有任何要求,湯底相信係一般清湯,唔覺有味!   麻漿野菜沙律 -- 青菜好鮮好爽好脆,加埋吞那魚同蟹棒棒絲,加少少7味粉

星期天，一家外出購買年貨準備迎接一年一度的農曆新年。經大家一番商議後，午餐最終選了在峰壽司進行。因已過了真正午膳時間，等候了十五分鐘左右便可安排入座。惠方卷 (限定商品)古代流傳至今的傳統習俗，為新一年開運，亦稱為開運寶卷。是由七種材料卷製而成，分別是三文魚、玉子、蟹柳、青瓜、海鰻魚、干飄、黃蘿白。據說要一口氣吃下，還在吃的過程中不能說話。惠方卷份量頗大，材料之間緊密連系，不會過於鬆散。特大三文魚三點盛由於是特長關係，各款三文魚也略嚴較為薄身了一點，顏色色澤尚可，味道不過不失。火炙蟹柳經火炙後的蟹柳配合蛋黃醬，整體略帶微溫，口感屬普通質素。蝦三點盛有甜蝦、千尋海老、峰蝦。峰蝦壽司是眾多壽司中最經常點來吃的，因蝦肉肉質爽滑彈牙。三文魚細卷紫菜包著三文魚，紫菜質地較腍，味道平乏不算突出，是為飽肚系列之選。整體來說，店內環境寬敞，在價錢較為親民情況下，食物質素已算合格。

返到香港後，繼續豪食。下午先過黎v city lunch~呢個時間有lunch set, 都唔錯~~要左一個B餐同D餐!沙律既份量都唔少, 而且有新鮮蔬菜, 好爽口!天婦羅烏冬, 因為炸物同烏冬同時上, 所以上枱後, 炸物都變淋了.... 但係件炸蝦係好大件既!兩款既壽司! 可能電話功能太差, 影出黎麻麻, 但壽司既色水其實係唔錯既, 食落仲好新鮮!

臨近年尾要清大假，請了星期五下晝同老公拍拖去睇戲，睇戲前先到V City的"峰壽司"吃個午飯。平日2點多去到竟然要等位！真的有這麼多人不用返工嗎？！！幸好等了10分鐘就可坐下。食店用平板電腦看menu和落order，但平板電腦固定於頭上無法取下，選擇久一點手也頗疲倦呢！平日的lunch 有套餐供應，亦有秋季限定的食材。坐迴轉檯落order，送上食物的不是店員，而是一部造型特別的電動車！ 廚房把食客的order 做好後，就用電動車送到食客面前，頗特別的方法，又可節省人手。午市套餐 - D set 海老天烏冬+壽司盛 $79壽司盛有6件: 蔥粒三文魚腩軍艦 - 三文魚魚脂較多，用吞拿魚腩蓉做口感會好點。北寄貝沙律軍艦 - 沙律醬多了點，口感有點膩。吞拿魚 - 尚算新鮮，但薄了一點。油甘魚 - 肉質都ok，較一般的大塊。挪威三文魚腩 - 頗新鮮大塊，不錯。醋鯖魚 - 鯖魚做壽司比較腥，還是鹽燒會好食點。海老天烏冬 - 烏冬腍了點，蝦天婦羅有三隻，外表浸腍了，但內裡蝦肉仍爽口彈牙。整碗份量很多，很超值呢!套餐還有沙律 - 菜麻麻地新鮮，用上酸醋醬汁頗開胃。材料很多有車厘茄，粟米粒，罐頭吞拿魚碎

因為有火車送食物，小朋友好奇想試。所以特意坐吧台。帶子正。玉子軟。三文魚瘦。三文魚子一般。八爪魚芥辣一般。多春魚子好紅。火炙（三文魚，吞拿魚）ok。軟殼蟹手卷差不多有半隻蟹正