峰壽司 (已結業)

聽人講vcity依間壽司好好食決定黎試下🤷🏻‍♀️星期四大約夜晚6點黎 唔算多人同大部份壽司店一樣 轉哂用ipad點餐本身好想試佢大條嘅墨魚壽司點知賣哂 少失望叫左三款唔同嘅大條三文魚壽司其實食落唔覺得特別好食 至在有綽頭再叫左其他壽司試唔知係咪我嘴雕 我覺得其實好一般最滿意已經係三文魚腩其他壽司我覺得同出面無咩分別如果俾我揀 我會想去元x多過依間😅價錢唔係特別平 味道亦唔係特別出眾 所以未必會再黎了 不過未食過嘅都可以一試嘅☺️

每個月都至少食一餐𡶶壽司，店員換了一批又一批，但大多都係好有禮貌同勤力的！星期四晚六點半就入座，不用等位，食到八點都未見要等位。一坐底就準備落單叫特大三點盛，本身係IPAD都仲點到，隔左唔夠兩分鐘見到UPDATE左賣晒啦！想食真係要再早D去碰運氣，特大魷魚真係好快賣晒！唯有補返張舊相當食左啦！舊舊都厚切又新鮮！但其他三點盛就好似少左選擇。另外必點既係辛辣龍之卷！賣相已經好吸引，今日少左熱浪薯片但多左蟹籽，但依然係大件夾抵食，口感一流！墨魚口感爽滑煙韌芥辣針魚軍艦係期間限定，爽口彈牙，推介！食到飽都係$255，不愧為我至愛既飯堂。

其實好多人都會成日去光顧一啲連鎖式壽司店，我都唔例外，但我覺得<峰壽司>實在太好，好嘅意思係，服務好味道好上菜速度好呢間店都有而家好興而小朋友又好鐘意嘅火車運送啲食物到客人面前架！我今次嗌咗幾款壽司同烏冬，最鐘意佢哋係會用暖嘅碟載住啲壽司，而啲壽司係睇住師傅即做再放落碟，唔係響迴轉帶度攞出嚟或者啲飯凍冰冰咁樣，另外碗烏冬嘅湯底好甜每次必點嘅！提提有小朋友嘅朋友仔，呢度係有兒童餐嗌架，每份餐除咗有一份禮物之外，仲有一次用電子板玩遊戲嘅機會，贏咗仲有多一份架！

其實食過好幾次每次都無令我失望一諗唔到食咩 全家都一致同意食峰壽司非常推介「特大三點盛」D鰻魚/三文魚好長好大件普通三點盛都值得點 因為抵過單點好多👍🏻手卷超級推薦蔥花吞拿魚啖啖肉又有香蔥味而我最鍾意就係軟殻蟹手卷卷物都好正軟殻蟹卷又係舊舊都有蟹 好滿足上次點左個薯片卷物 實在太得意醬料同薯片又幾夾wor!入面係啖啖肉既炸蝦 左但個名我就唔記得左😂魚生拼盤其實唔算話好特別但係魚款色好多！仲有好多平時冇見過既魚中意食魚生既都可以點黎試下熟食方面推介炸蠔、魚餅、薯餅👍🏻不過每樣得兩件就少左d啦如果咁岩坐到bar位 仲會有架火車仔送餐 都幾得意😂呢間回頭左好多次喇❤️❤️

屯門峰壽司已經光顧了不少次並成為我家的飯堂，每逢6時必定開始要等位，今日5:45pm到不用等位之餘仲發現聖誕menu已出😄聖誕menu正面聖誕menu背面見有新menu立即點了2款試試😋聖誕軟殻蟹卷 - $78軟殻蟹愛好者當然要點個軟殻蟹卷啦！壽司飯包著新鮮脆口生菜和多肉而不肥膩軟殻蟹，壽司上放上飛魚子、魚子和沙津醬，令壽司變得不會太乾身之餘又增加了口感和味道炸帆立貝（海膽汁）- $48繼炸三文魚丸後，聖誕推出了炸帆立貝，48蚊4粒，每粒都係完整的帆立貝，新鮮炸所以熱騰騰，但略嫌有點油身，食一口後炸粉與帆立貝分離，海膽汁食吾出海膽味，似一般沙津醬，但整體不錯

剛剛喺歐洲翻嚟，食完佢地既壽司，不禁好掛住香港的壽司一回來，一定要食峰壽司，因為佢地個熱浪壽司好好食！係，無睇錯，係熱浪薯片壽司！星期5既晚上，7點食，都要等一會先入得去壽司有好多選擇，本人最愛既，鰻魚壽司，峰玉子，火炙蟹柳壽司，帶子壽司，熱浪壽司，每一次嚟到都一定要食坐吧台，用平板點完，要會有運到你面前，小朋友應該會玩得幾開心厚厚既蛋包住小小的醋飯，好食！叫左蒸蛋，蛋好滑，入面有三文魚，魚子，蝦等，不錯哦食左外國的鰻魚，再食翻香港嗰d,係無得比，好食勁多火炙帶子，本人認為新鮮版好食d,不過火炙3點盛，就好好食喇紫薯餅，熱辣辣，甜甜地，好味最期待既 辛辣龍之卷，以我所知，荃灣嗰間係無e個食既，不過今次d熱浪無咁脆卜卜，入面炸蝦熱辣辣，好味總括而言，咁多間連鎖壽司店，本人all time number one fav 都係依間，慢慢食，慢慢坐，又好味，I always will be back

4大1小加1bb去食lunch. 之前有一段時間無去，因為覺得分量好少。今次再試意外地份量大了很多員工也友善了叫了set Asalad新鮮爽趣，有生菜同番茄粒， salad dressing 落得適中，唔會浸到d菜淋哂。miso soup大碗同多料左好多， 唔咸， 味道幾好。紫菜好似不太新鮮但可接受。overall 呢個價錢呢個質素係acceptable 了。w朋友小孩手多按制叫店員幾次， 店員們也沒有罵和黑面。 感覺很好呢。

次次晌屯門嚟吃到食壽司，終喺等好耐先入到食，今次母親節特登5點幾就嚟攞位，終於唔洗等，好滿足峰壽司嘅壽司的確喺有啲水準，雖然價錢可能貴少少，又有可能感覺無咁多款揀，但食過咁多次，佢地周不時都有期間價定好抵食今次試咗個蒸蛋，好特別，佢送上台嗰下嚇一嚇，無諗過蒸蛋咁誇張，而且又keep到熱到，而蛋亦都好滑口，下次一定會再叫

相約左友人去食飯，因為天氣真係太熱啦都唔想食熱野，所以就決定去壽司。因為星期六呀到到都要等位，好多人。等左成八個字都八點啦，真係好肚餓呀，食乜都覺得好味架啦。所以menu都唔想睇啦直接叫set 唔諗算咁就叫左一個＄188 set，依家都電子化啦所以用tab 落單之後再由特急線送餐。其實都唔會特別對呢類型既餐廳有乜期待，因為未入去都知係乜野味道。但係估唔到咁都有驚喜點解小卷會用雪菜做餡架！？！！？！？！？！？一上菜，我同友人既對話就係咁「呢個小卷咁既？咁似雪菜既⋯⋯」「唔會呀？試下先。」「嗯⋯⋯我都好相信應該真係雪菜」「唔係呀我又試下先」「呀⋯⋯其實我慣左雪菜跟米粉」到底日本既壽司係咪真係會用雪菜整小卷？？！不過係又好唔係又好，我寧願青瓜都唔要食雪菜呀係咪想挑戰紅豆軍艦壽司呀！！！！！

今個星期日同老公去吃日本野屯門 V City 好多人，星期日很多大陸人來港購物峰壽司排隊很長～我們前面排隊的有二十多個號碼但十五分鐘就到了我每次去食壽司都堅持現點現煮，一定新鮮，迴轉壽司我們怕不新鮮丫😅這裡的軟殼蟹手卷真的超好吃食物出貨的速度很快，服務員態度也不錯～

曾跟一位元朗食友討論過，在純寿司，與峰寿司之間，誰勝誰負？為着要得出個結論，便特意光顧了純寿司。（詳見食文：在純寿司，與峰寿司之間）最後得出的結論是：還是元祖店峰寿司最好。喜歡峰寿司，除了它自身的過人之處外，不多不少也帶着感情元素。在沒有峰寿司之前，壽司界是元祿、元気的二分天下。峰寿司的首店開在銅鑼灣，親民的價格加上高質的食材，令峰寿司風頭一時無倆，由那時起，峰寿司便成了我心目中迥轉壽司的第一名，我的青蔥歲月裏有峰寿司的回憶，算是老客一名了吧！這十數年間峰寿司並沒有大紅大紫起來，但憑着穩定的食物質素，在食友間一直維持着不俗的口碑。常言道：「不進，則退。」作為峰寿司的老客，一直期望這老話不會應驗在峰寿司身上，可是到了今天卻真的應驗了......其實近日到訪過豐壽司，已發現其水準有下滑之勢，但屯門迥轉壽司店選擇之少是有目共睹的，每當想吃壽司的當兒，峰寿司仍是同級壽司店之中的首選。不過這天晚上的不快用餐體驗後，我想我要重新審視對峰寿司的評價了。這一切源自於「一時癮起」，忽然心血來潮想吃迥轉壽司，下班後立即利用apps系統取票，好讓到達V City後能加快入座速度，要知道峰寿司作為V City

一年沒吃峰壽司，突然心血來潮，用Vcity app 㩒飛，7:36pm㩒，8:50pm才能入坐，中間輪左60張枱！其他餐廳只係要等幾張枱咋！間餐廳真係好受歡迎！每次去必試新野，今次主角係鯛魚✨魚肉上是醬油味嘅蘿蔔蓉，中間有蔬菜同脆脆，魚肉有炙過，整件放入口一咬，醬油蘿蔔蓉汁流入壽司，口感豐富😋新鮮嘅鯛魚配上醬油蘿蔔蓉及蔥，唔使點Wasabi，就已經好好味呢！鯛魚透薄晶瑩中帶一點紅，真的好美，加上甘香海膽，一啖一件，一咬，中心也有脆脆，於是就食唔停口😁海膽甘香配青瓜一流，三文魚籽有啲鹹，吞拿魚碎不及完整的好吃除咗熟蝦，甜蝦同海老都好鮮甜吞拿魚點小小Wasabi及豉油就已經好好味蟹柳只係加左黃色魚子冇乜特別鮮長腳蟹一啲都唔新鮮淡而無味千尋海老，蝦好鮮甜這個加左金箔，蝦頭雖然炸咗，但只係裝飾，唔食得，金箔下有粒豉油味嘅啫喱，蝦一樣咁鮮甜但整體冇乜特別，有點小貴。餐廳食物整體水準不俗，亦坐得好舒服，難怪整天都人頭湧湧👍🏻

其實今日同幾個frd底高層去食飯交換情報。去到唔使等位好奇怪🤔平時條隊好長吓⋯⋯見到個餐牌就知點解，因為加晒價😒一個餐都起碼貴左廿蚊。睇嚟佢哋想轉做行高檔路線。咪會一會佢啦。午餐得返六個餐最平嗰個＄79。咁反正都係就食個最貴既$99餐有幾條長壽司、有幾件刺身壽司、有幾舊蟹糕、三文魚子軍艦、仲有啲小卷。加個面豉湯同埋沙律菜。有位唔食生野既叫左鰻魚飯配烏冬面。其實賣相係靚咗嘅，啲嘢同以前差唔多啦。其實以前都新鮮嘅，不過賣相差啲但平啲。依家執翻好啲就賣貴啲。卡位窄到呢⋯⋯其實坐唔到四個人囉。

小妹家在天水圍，雖然銀座有元氣壽司。新北江亦有板長壽司。但我最愛都係Vcity既峰壽司。帶子壽司，帶子比想像中細，但鮮甜油甘魚拖羅壽司，魚肉薄過之前，由相片可見，薄到見飯。吞拿魚大腩壽司，夠厚切。新出品-魚背兩食，魚背肉上加了醬汁，更為 惹味。另一件 軍艦應該是拌入麵豉及碎魚背，味道不突出新出品-甜蝦兩食，甜蝦壽司不錯。另一件係蝦膏壽司，十分惹味北海道三食，有海膽軍艦拖羅魚蓉軍艦及三文魚子軍艦，海膽沒有怪味，拖羅魚蓉ok。三文魚子很脆口。I蜆肉麵豉湯，最後點了熱湯暖胃。有很多蜆肉，可惜有幾隻蜆內有沙。麵鼓湯不會過咸。

食晚飯之前個肚有小小空虛，於是去左VCity間峰壽司食番幾件壽司做下午茶。4點幾都要等位真係估唔到。坐迴轉檯最開心唔係係你面前轉十幾廿個圈都無人擰既壽司，而係order完食物，自動送上門既新幹線列車。蔥粒吞拿魚 $28 紫菜爽脆無變腍，冰凍既吞拿魚蓉份量都幾多，不過都幾凍下，敏感牙齒即刻發作。火炙三文魚 $18 輕輕火炙過既三文魚都算幾大塊，切片檸檬上面落左d鹽，搽落三文魚上面，多份咸味同檸檬清香，就算唔點豉油都幾好食。峰池魚 $22 近排鐘意食池魚，池魚刺身都算有光澤，魚油質感都唔錯，雖然唔係話好新鮮，食落都唔差既。蝦天婦羅壽司 $24 炸蝦大條但係唔肥仔，炸漿唔算厚而且都幾脆口，至少無個份油溢味，蝦肉都幾彈牙，呢碟算係唔錯。蔥粒吞拿魚細卷 $24 飯多過餡，而且d餡分得唔平均, 有卷d吞拿魚蓉少到幾乎見唔到咁濟，加上紫菜腍左，呢款卷物真係好一般。長腳蟹碎卷 $24 賣相甩頭甩尾咁真係麻麻，面頭d長腳蟹肉碎到不能再碎，飯卷入面有青瓜、蟹柳同生菜，用料一般，不過味道都算唔錯既。火炙帶子 $36 帶子都幾大粒，不過同新鮮仲有d距離。火炙既程度唔重手，同樣加左檸檬同鹽，算係交到功課。峰玉子