峰壽司 (已結業)

噚日細姑姐帶咗我同阿嫲嚟咗鼎鼎大名的峰壽司食lunch精明的我們為避開等位0既命運, 下午兩點鐘先嚟到, 哈哈!唔駛等位~強高興一坐低就急不及待叫嘢食!好新鮮呀~~~~~樣樣嘢都好好食, 鰻魚好juicy魚生肥美~親子壽司上的三文魚籽新鮮到好似恐怖片0既片段-- 幾十隻發光0既眼望實你|||一啖質落口, 爆炸質感令人興奮無比鵝肝好豐腴, 有金箔响面, 香得嚟有少許羶最差(比較嚟講)係軟殼蟹手卷, 軟殼蟹有回油跡象(i.e應該係放得太耐先畀客人)三個女人仔, 食咗21碟嘢.......第一次食壽司食得咁放AI (artificial intelligence)侍應.....雖然表情木訥, 但服務唔錯!我哋唔覺意將軟殼蟹手巻剔錯為炸蝦手巻(講起都覺得唔好意思), 件炸蝦巻拎到嚟我哋話唔要啲侍應都冇托我哋手踭, 換番件軟殼蟹手巻畀我哋~抵讚期待下一次再嚟拆過

尋晚同男友諗緊食咩小菜好ge時候...行過lee間峰壽司就入左去食....我對上次都係2,3個月前食.....而第一次係朋友介紹而到此進食晚餐，當時發現峰蝦壽司十分新鮮，可能係因為多人食的關係..(我本身係愛蝦之人...但從不食生蝦)....而尋晚同唔多點食生野ge男友就點左以下食品....峰蝦壽司($20)，三文魚壽司($12)，吞拿魚沙律壽司($9)，粟米壽司($9)，蠔情卷($25)，wasabi八爪魚壽司($12)，蟹柳沙律壽司($12)，北寄貝沙律壽司($12)，芝士薯容($20)，蛤仔湯($15)，炸八爪魚($20)峰蝦壽司 - 蝦夠爽口新鮮~三文魚壽司 - 夠新鮮，厚肉~吞拿魚沙律壽司 - 只是面有少許沙律cream..咁就叫沙律咩?!粟米壽司 - 正常~蠔情卷 - ok~wasabi八爪魚壽司 - 八爪魚夠爽口新鮮~蟹柳沙律壽司 - ok~北寄貝沙律壽司 - ok~芝士薯容 - 好味~要親熱食...凍左芝士會一舊舊左...唔好食~熱食..芝士重溶緊~正~蛤仔湯 - 正常~炸八爪魚 - ok~ 連加一共$183~服務一般...有啲waitress發晒呆咁企係到...

是否心理作用？ 還是覺得銅鑼灣店比較好吃．．．不過，與元氣比較起來，我仍然覺得峰壽司更抵吃呀！覺得他的質素較高、選擇多很多，說真的，價格也貴不了元氣太多，反正都是要排隊的了！最喜歡仍是：特大峰蝦壽司、帶子壽司、蟹柳壽司、三文魚刺身、軟殼蟹手卷

呢度係手握壽司而唔係機整, d飯唔會一夾就散我喜歡試唔同o既野見回轉上見一碟紅卜卜, 唔知咩黎o既壽司拎左落黎試, 入口即溶, 超好味問清楚原來係吞拿魚腩從此之後, 愛上吞拿魚腩, 所有魚生魚腩都要一試

menu 好似無改過, 所以我諗對於我嚟講先係新野....其實係芝士薯蓉波波, 嘩, 一咬開, 好香芝味呀! 溶溶地, 加埋薯蓉, 襯晒啦!

好耐冇嚟峰壽司啦! 水準仍然保持到, 帶子仲係好新鮮, 好實在, 好鮮甜, 正!! 峰蝦壽司既蝦好彈牙, 好爽!另外有個super碎蔥吞拿魚壽司好特別, 好似人腦咁, 口感雖然麻麻地, 但係味道都不錯, 好得意. 最抵食應該係海鮮沙律, 入面有好多款刺身, 好味道!! 峰玉子壽司亦好特別, 蛋上有個峰字啊! 好靚!整體都好好, 服務都不錯, 價錢又合理, 等四十五分鐘入座都值得, 好想再嚟!!

其實自己一次都未食過咁多人話好食既峰。有次行街行到支力，就同朋友ｏ黎呢度食，等位唔使好耐。入到去呢座最角落既位。後面度門d員工成日開，搞到呢好熱，之後佢地又唔記得俾杯，真係扣晒分。食ｏ左好多三文魚同鏝魚，差過板前喎－＿－冇咩味！ｏ係迴轉ｏ個度ｄ壽司仲衰ｄ魚生乾到痴ｏ左隻碟.........................睇見都唔想食=,=真係唔係人地講到咁好食-_-是次朋友請吃 多謝晒^v^

尋日响呢度食下午茶, 一入到去覺得好嘈, 啲staff播緊dsico音樂, 仲要好大聲, 於是就同一個著黑色套裝既中國女staff講, 問佢可唔可以細聲d, 佢話好, 但係無做到, 我估佢係店長之類, 真係覺得d音樂好煩擾, 於是搵另外一個黑色套裝既女staff講, 原來係日本人, 佢唔識廣東話亦唔識英文, 佢d同事見到都唔埋黎幫佢，於是再搵番第一個店長之類既staff講, 佢先細聲d, 我覺得我呢個要求唔係好過份, 我都無要求唔好開佢既disco音樂, 仲有做緊生意既時候又搵人係度檢查冷氣系統, 有無諗過衛生既問題, 或可以搵d帆布遮住做野既地方, 真係印象一次比一次差, 以前又試過miss單, 啲staff又鐘意企埋傾計, 可能我地去既時間比較少人, 佢地覺得無咩所謂, 始終覺得銅鑼灣間好d, 我唔會再去旺角間,

和女朋友在旺角看電影，想不到吃甚麼，便在彌敦道逛逛。女朋友喜愛吃壽司，便試試峰壽司吧。坐在bar「木台」位，看著師傳做壽司。吃了多款壽司，實在普普通通，不少在水準以下。最美味的，竟然是峰玉子壽司？！甜甜的，暖暖的，口感和味道也挺好。海膽壽司也不錯﹐鮮甜的。但除此以外，其他的都實在不太出色。那三文魚壽司，一點肥美的感覺也沒有……而蟹棒壽司，由於沙律醬實在太多，結果蟹的鮮味被蓋過了，好像在吃沙律壽司。而火炙壽司，是水準以下之作。由於坐在bar「木台」前，可以說說那師傅的做法。那師傅先將食材放在鐵板上，(有時還把不同食材疊在一起)然後用火燒。最後才把食材放在壽司飯上。我不知道這樣的做法是否正宗 (希望其他食家解答解答)，結果一種食材，有不同的味道，而且食材和壽司飯經常分離。不太滿足的一餐，應該不會再光顧了。

其實本人唔太喜歡吃日本野, 不過自從食過一次ge峰壽司, 就忍唔住再去, 今次係第三次~一入門面, 個waitress見到我地把遮濕左, 就幫我地將d遮入膠袋!!真係細心呢!我同二個朋友去, 叫左一個set A, 兩個set B初初仲諗, 怕唔夠食, 會肚餓~~偷食左朋友個個鉄火卷, 真係幾好味唯一缺點係, 點解峰壽司d豉油咁鬼鹹!!好鹹!! 下次要醒目d唔好點咁多la我唔係一個鍾意食生冷野ge人, 但係食d吞拿魚、生蝦、章紅魚, 都覺得ok, 至少唔腥先ma!~d魚生又鬼咁大舊, 一舊壽司分兩次食呢~haha~可惜我食帶子壽司個陣, 可能我太飽啦....有d想嘔ge感覺....蟹柳壽司依然咁好食!!!正!!~我朋友都話玉子壽司好甜好好味~~不過三文魚就麻麻地wor最後吃我最愛ge軟殼蟹手卷~~~啖啖肉~hehe~~d醬真係一流~個麵豉湯都不過不失啦~三個人$168!!~大家食得咁開心, 都抵啦~

同朋友一齊去食，一致認為太鹹，唔抵食。一齊食左幾次sushi，最唔滿意係今次。軟殼蟹手卷、山葵蝦軍艦鹹到唔駛鼓油，更何況呢度d鼓油本身都係太鹹，點左一次就冇再點過其他例如生蝦，帶子壽司都只係不過不失，唔算鮮甜只有蟹棒壽司比較滿意呢種質素實在配不上這個價錢，係樓下買幾蚊一舊個d sushi仲好

第一次認識峰壽司是銅鑼灣軒尼斯道分店，六點前黎到不用排隊﹔否則.....食後感是刺生夠鮮飯醋味夠香服務態度好，聽聞總店水準更高，可惜不是香港人其非經常到香港區走走，到現時還未能到總店品嘗。幸好旺角有分店，所以經常結伴同來大吃一番。必食最愛蟹棒壽司﹑蝦天婦羅(綠茶鹽)壽司﹑軟殼蟹手卷﹔其次是芥末甜蝦壽司﹑三文魚壽司﹔每次食蟹棒壽司兩三碟也不為過 講個秘密俾峰既FANS 知︰旺角店晚市基本都要等上一個鐘， 1 JUNE 08 曾到 SILVER CORD 地庫FOOD COURT 翻新後開了分店，那次星期日七點亦不用排隊，係咪太好呢！

之前同男朋友去食, 點解? 見D食評話幾好就去試.....本來D都SUSHI都唔錯, 但之後食2碟, 2碟都有魚骨!! 仲要唔係細細條.....好彩我冇成舊擺落口je (睇o黎d師父手勢都.....)~~另外我又叫o左salmon同tuna, 但都唔夠我食開o個間咁厚切同delicious~同埋真係sushi為主, 冇其他日本dishes食......不過佢就provide到一D冇咁common ge 魚類, 都幾特別~

很喜歡它的洋蔥三文魚壽司，很香。但等位太耐了, 61號籌竟然只係叫到12。我係19 ，由6開始拿，竟然要等50分鐘。三文魚壽司加左價, $9-->12, 我覺得如果12就唔抵食了，又有雪味。火焰鏝魚好乾, 好似食魷魚絲咁。蟹棒買相很差，不似板x咁肥美。

去開朗豪坊睇戲，一想就想起來峰壽司Dinner，知道這食店等位的人龍很長，為怕等位所以6點半前就到，食物方面都OK，唯獨是整壽司D師父無帶口罩(又不停講野)及冷氣太大，原先店員安排第一個吧位，未坐低已感到頭頂的冷風勁吹，立即要求店員更換另一個位，店員再安排尾尾第三及第四個吧位，坐低感受一下先，雖然細風少少但都吹得幾 "應" ，眼見隔離最尾尾o個兩個位有人埋單，又立即要求店員再換位，今次我坐最尾"好好多"，老公個位都係吹得勁，但老公話: 算啦唔好再換位"拿拿臨"食完走人，食完頭2碟壽司卒之頂唔順要攞風褸著(想帶埋帽添)，食得慢的話有D壽司吹到干干地，10碟壽司約半小時極速食完埋單走人(老公話吹到頭痛)，然後坐隔離個一PAIR又話要換我地個位，你話咁"吹"法仲點會有下一次???