峰壽司 (已結業)

朋友介紹黎食，好多人排隊，等左都有一個鐘!不過d野幾好食，都值得既!呢度有好多吞拿魚腩系列，其吞拿魚腩蔥粒卷----正!有軟軟綿綿的口感及香蔥粒，$15有六件，好低食!!三文魚壽司---三文魚都幾大塊，加埋洋蔥絲，正!蟹捧壽司------蟹捧好味!唯一美中不足既係所有壽司既飯都好少，令到「餸多過飯」，飯大舊d會更好! 同埋舊飯唔夠實，好易散。(因為是用人手搓的緣故?)

見到有咁多好評，昨日決定同男朋友去試下！我覺得一麻麻地啦最好食都係火炙三文魚，其他都係屬於一般同埋d飯好散完全沒有驚喜反而有d失望。

之前家姐食過，覺得幾抵食，所以母親節就一家人嚟食，等位等得耐都預左，因為我地total 7個人，但係服務員態度唔係幾好…安排左好耐都未入得去坐…其實d壽司都ok，三文魚9蚊碟算抵食，鰻魚都幾好味，只係間唔中有d壽司既飯好散，一夾就散開。最大問題在於衛生方面，食完之後我嗰晚有少少肚痛，以為只係自己食得太多，原來我阿姨仲慘，肚屙屙左十幾次，第二日既佛誕假期就係咁渡過左…我地傾過後發現應該係d海膽壽司出事，因為我地其餘6個人都冇食到海膽壽司，而家中兩位腸胃比較敏感既屋企成員都冇肚屙…雖然知道食壽司食物中毒既風險較大，所以肚屙只好怪自己唔好彩，但係為免再中招，都唔會再去峰壽司。亦都奉勸各位食客，如果真係要去峰壽司，唔好食海膽，都係食番三文魚或鰻魚此類普通嘢穩陣…

以前係銅鑼灣分店，夜晚要等成個幾兩個鐘先有位.. 但堅持要等 ~ 依家旺角有分店，對我呢 d 非港島人來說是有福了。雖然喜歡吃魚生，但黎峰壽司，都係鍾意叫熟食 ~ 今日都唔例外：火炙牛肋骨壽司：火喉真係岩岩好﹗用甜甜地既燒汁醃過，只需點好少好少既醬油已經好夠味火炙牛舌壽司：有檸檬汁調味，而牛舌又幾大塊下，口感比較煙 un，都幾開胃架。軟殼蟹壽司：是剛炸起的，但唔會食到成口油 (唔好講笑，以前在別的壽司舖真係試過... 一咬落去就好多油湧出黎) ~ 同埋佢隻蟹都幾肥美，食到最後一啖都仲食到蟹。不過有時會冇咁大隻，所以今日真係好彩。至於魚生就食左兩款劍魚腩：比元氣的新鮮肥美，但硬係有根.. 在日本既 100 yen 壽司店食過 d 係入口即溶，但在香港始終搵唔返。油甘魚腩：呢個就真係入口即溶了.. 新魚同埋都幾夠份量。因為都係一個人入去食，所以今次唔係食得好多 ~ 連三文魚同火炙三文魚都冇食添... 唯有下次再去食返 ~

旺角的峰壽司數數看今次已是第三次光顧, 今晚由派籌輪候至過了2個籌的號碼, 不需半個小時, 相比以前開店時已快了很多! 是好事定壞事? 從前在銅鑼灣總店沒一個半小時甚至兩個多小時也繼續勢死等候.吃過了的壽司有: 普通的三文魚, 軟殼蟹手卷, 三文魚手卷, 芝士蟹柳, 大蝦, 特長鰻魚, 特大秋刀魚, 牛肋骨(但似打邊爐用的牛肉),牛舌, 蛤仔湯等....進食過程當中還提起某壽司店因毛髮事件影響生意..... 我是坐在回轉bar枱, 看見隔壁兩位西人(相信是外國遊客, 因不懂拿起筷子及不懂用醬油,wasabi 點壽司) 拿著菜單指指點點, 研究當中吃的是什麼.我們沒有再叫任何食物, 只是坐著........ 忽然後面傳來嘩然大叫, 回頭一望, 原來有一隻淨計身長不計尾巴, 應該沒一呎長的老鼠從天而降, 跌下來時已經暈倒, 身驅忽然顫抖, 疑似是帶病期間因看不開跳下去了斷生命? 抑或是已吃了迷藥帶醉, 不能行直線, 所以在天花板上的冷氣槽不慎"線"腳滑下??當時掉下來的位置剛好是回轉bar枱後的路中心, 附近位位目到整個過程都胃口大減, 職員看到也迅速地先找面紙把牠蓋上作遮掩, 之後再拿掃

原本我係開飯網只係睇人地食評多，今次實在怒不可遏所以留言比各位知道峰有幾好味。今日，我同愛人在係旺角區行街食壽司，得知開飯網峰壽司及北海道活壽司都係好壞參半，兩間壽司店人潮及人龍都吾見，而愛人之前試過(活)，今日我本著勇於嘗試精神拖左佢入去試(峰)，差吾多六點半去到，店內人員服務態度尚可，我地order左約12,13樣野食，上菜速度很快，第一碟食既係甜蝦壽司，飯面有wasabi，女友見到面色一沉，蝦只係普通蝦毛仔，第二碟係北寄貝，壽司飯好鬆散份量勁少，第三碟係佢地招牌峰玉子壽司，蛋味算香但得個大舊，但飯好似米糠咁少夾係中間，第四五碟係粟米沙律同吞拿魚沙律，味道算係正常，同樣地飯一樣係熱同散，筷子技藝差既人完全夾吾到，第六碟係全晚精華所在，明太子沙律壽司，賣相好似紅色既屎一pad~~，入口味道除左咸味同腥味完全食吾到係咩野，食到我差ｄ反白眼，第七碟北寄貝沙律，北寄貝碎混入青介同一堆吾知係咩既野再加一ｐａｄ沙律係面，入口有令人嘔吐既感覺，跟住上既係蜆仔面豉湯，湯只係沖出黎既普通野，蜆好明顯洗吾干淨，連續幾隻都有沙。果一刻我同內子作左一個好難堪既決定，取消所有未上既ｏｒｄｅｒ埋單走人，最後帶

各式壽司全部冇咩鮮味三文魚冇甜味又不大塊..海膽壽司仲有d腥臭味總括: 完全不值..我味公主建議執左佢呢個價去百佳買黎食會滿意好多

話說上次和JKY來到旺角逛時想吃壽司，初試峰壽司失望而回，今次唔信邪再試，諗住有咁多好評就點都有少少實力，點知.....唉，我都唔想咁，不過，永別了，峰壽司!!!! 我們餓著肚子來，速速點了幾碟壽司。*我地點的都是較相宜的壽司*三文魚壽司- 講真，入口無味無口感，條魚究竟死左幾耐？雖然三文魚係平野，但係作為一間壽司店，連三文魚都搞到咁，叫人點咁試貴野？仲有，食壽司係想食鮮味，峰壽司放一大堆洋荵絲係D魚生上面究竟有咩用意呢？洋荵陣味咁出，睇怕都唔係用來襯托魚的鮮味吧甜蝦壽司- 賣相好唔ok，入口麻麻，元祿外賣唔太好食都好過佢，應該係話，仲樣衰過百佳果D鮮墨魚壽司- 哇咩事呀，賣相我唔理你，但係點解可以食到入面D軟骨？!仲要韌到咬唔到， 補COLLAGEN咩依家 又唔係好食，唉，服左你章紅魚壽司 - 係九洲/北海道果塊餐牌上面，賣相唔錯，不過一入口呢.....令我不禁問道，條魚死得耐到連connective tissues 都無咁d？=_= 塊魚雖然都算厚，但係咬落散散地，無口感，有d似....都唔識講lu，不過味道好過上面兩樣。魷魚壽司 - 對唔住，咬落去果下我完全辨認唔到呢塊係咩!

星期三晚假期前夕去食, 九點幾都要等一個鐘。但職員服務幾好, 有耐性, 抵讚!不過真係好失望...今次食, 啲飯勁散, 總之一夾就散開哂。啲魚生都唔覺好新穌, 啲肉無乜光澤; 火炙嗰啲又唔熱比之前喺白沙道嗰間食, 遜色咗, 同埋唔知點解啲豉油咁鹹

第一次本人和友人都係sushi 愛好者, 平日都會週圍試下唔同鋪既sushi。一直都好想試下4 分的峰。今日終於夾到時間食。好期待! 服務, 環境就唔多講了，叫既東西如下:三文魚(好似前幾個post 所講, 三文魚無味, 無脂肪(全件橙色的,其實大家可以從前面post d 相睇下), 鞋口, 金水既半價三文魚還要比佢好好多!! )鱆紅魚(依個普通, 不過多筋)油甘魚(這個無咩筋但係無魚味的)三文魚子(ok)帶子(又貴, 又細隻, 而味道一般)叫左5 款後, 就沒有再order 了, 因為以咁既價錢真係唔值。完全沒有食完sushi的滿足! 亦覺得之前既期待係多餘。這值四分嗎? 如果板前/長係三分, 佢只值2 分而已…….

前幾日食完D難食壽司,心思思要食番最愛既峰補番數!所以今晚同另一個峰壽司迷,心靈相通下一齊去食峰~三文魚壽司: 起碼有三文魚味,但略嫌太薄~峰玉子壽司x2: 暖暖地、甜甜地,好好味!赤貝壽司: 好新鮮,好爽口!海螺壽司: 呢個都好有鮮味~峰蝦壽司: 峰煆不嬲都係信心保証!火炙蟹棒壽司x2: 燒過既蟹棒同沙津醬融為一體,好好食!火炙海蟃壽司: 個汁同舊魚都好味~火炙帶子壽司: 燒過既帶子好似仲鮮味~火炙(汁)盛合: 包括有火炙蟃魚、火炙三文魚同火炙帶子三款,個三文魚好食過生既好多!炸軟殼蟹手卷: 熱辣辣、啖啖肉,每次必食!蛤仔湯: 有好多好多隻蜆,正!兩個人食到好飽先走,但我始終都係覺得白沙道既峰最好食!

第一次試, 同fd去食叫左4碟壽司試下先1. 三文魚走蔥2. 峰池魚3. 油甘魚4. 海膽第一次食三文魚係無三文魚味, 都唔知自己食緊乜, 真係唔怪得佢要加蔥啦, 原來係因為咁, 真係仲衰過元氣元綠峰池魚同油甘魚都係唔知自己食緊乜, d魚全部都無味的, 同板前d壽司差成條街, 池魚又"諧", 油甘魚又有筋, 難食到死仲要佢d豉油係超咸的, 可能因為佢d食物唔得, 所以要加d蔥, 整d咸的豉油來蓋過食完呢幾碟野, 真係走夾唔抖, 即刻走左去食板前峰壽司係我食過最難食的壽司, 一試難忘

上個月月頭去左呢間峰試下個lunch set一黎首先叫左...釧路產秋鲑　他他三文魚無乜特別, 味道仲麻麻地峰玉子　　　有特色~ 最緊要係即做! d玉子仲出緊煙火炙三點盛　帶子, 鰻魚同三文魚都幾好特大海鰻　　大就夠大, 但肉質有點散Lunch set (約$60) 有:味噌湯　　　　　竟然遲過壽司黎... 味道普通帆立具壽司　　　幾好食~ 但雪左好耐蝦壽司　　　　　ok蟹棒壽司　　　　ok樟紅魚壽司　　　未試過一間好食...三文魚壽司　　　ok吞拿魚壽司　　　唔知點解無味ge...北寄貝沙律軍艦　加埋d 沙律醬幾好食~軟殼蟹手卷　　　唔錯喎~ 但有點太油...本來一早叫左炸蠔, 原來漏左單, 最後補落單先黎...即炸熱辣辣, 但本人不好蠔, 女友話唔錯~甜品叫左紅豆擂沙糕, 幾好食~但d 醬好"結", 好難點, 食起上黎有少少麻煩overall 黎講ok~ 個lunch set 好抵食!!lunch/tea time同板前比, 我一定會揀峰!!環境: 一般啦~ 服務: 有點懶散, 明明人手好充足, 但手腳慢而且成日傾計

今日放假同女友行街街,剛經過此店門口,女友二話不說就拉我入去,鬼叫佢係壽司焚化爐咩.可能過了午飯時間,都唔需要等位一坐埋位,佢就聲order佢至愛:劍魚腩,油甘同彰紅魚,但我女友話部份魚生冇咁新鮮,可能係琴晚賣剩......我就叫了招牌菜特大鰻魚,同埋我覺得最好食火炙三文魚,唔知係唔係心理因素影響,總覺得較銅鑼灣總店的水準相差一段距離....同埋人手好似不足,成日叫order都好耐先有人理

第一張左上: 三文魚→普通, 如果連薑食, 會冇三文魚味右上: 甜蝦→幾鮮甜左下: 平貝→唔夠帆立貝好食, 口感有少少膠感覺右下: 蛋→唔夠甜第二張左上: 蟹棒→唔醮豉油, 將醬搽勻成條蟹棒, 幾好食右上: 秋鮭(釧路/ 他他三文魚) →唔出眾, 枉稱特別壽司, 口感一塊冇味肉only左下: 劍魚腩→仲有少少冰味, 口感有少少膠感覺右下: 油甘魚→一鮮味都冇第三張左上: 旬池魚(長崎) →難食都嘔, 仲有少少骨右上: 章紅魚→口感有少少膠感覺左下: 吞拿魚沙律→又係超市油浸罐頭feel, 完全一樣右下: 鮮墨魚→好"un" !!!仲有叫腐皮壽司, 都係好差, 又唔夠甜佢壽司飯好細舊, 又鬆散, gf 仲食到佢有陣味服務不過不失啦, 筷子套食成半粒鐘先有人收埋單$240, 唉~~ 唔會再