峰壽司 (已結業)

次次都只係去銅鑼灣分店,今次第一次同細妹係旺角分店食,估唔到同樣保持水準,我覺得峰壽司暫時係我心目中係香港最好味嘅壽司店,每次我必點壽司:海膽壽司,鰻魚壽司,蟹柳壽司,三文魚壽司,帶子壽司,炸蠔,軟殼蟹手卷,最後叫芝士波,好味到不得了每次都很滿足地飽飽地離開

好耐冇去過lu....尋晚去之前,上黎openrice睇咗一陣,因為好耐冇出街食飯,唔知有冇新野開咗ma~最後都係揀呢間7:45pm去到,等咗30min就有位啦,雖然好耐冇去,不過....d野食仍然係咁好味~唔講咁多啦,睇相啦~

我成日唔知食乜就會去食記得剛剛開o個時候，8pm去都唔洗等位但係到o左而家， 唔係6點去到，都要有排等！！味道夠新鮮價錢唔貴低食！未去過就要試o下最值得講係﹐有好多開始有名氣之後﹐quality就會跌﹐但峰就唔唔會﹐一路都keep到﹐而且個menu仲一路有新o野加上去

金鉑鵝肝壽司超好食--*8*--我食完,黃生見到我個樣,佢即叫多一客比自己食...不過要$50一客...但佢已經是我去到必食之一..100分,因為我食緊果時,好感動,果一刻好似世界上所以東西都唔重要,如果唔開心食d個就不藥而愈...yeah..我想話***炸蠔**超好味,入面好軟身,有90分,,令外上面果客叫三文魚子鮮蝦牛油果卷,都好食,,三文魚子唔咸,一次過幾種唔同口感一次過係口分頭出招,令您覺得好豐富.70分.鮮蟹柳壽司..好甜,好軟,不過記住查晕d沙律醬先食,,好味好多,,70分 峰鰻魚壽司--要趁熱食,好香呢! 78分

昨晚同細妹二人去峰壽司食飯，好耐冇去食啦！驚晏左要等位，所以未夠六點就入去。叫左14碟!當然有三文魚，帆立貝，腐皮，海螺，吞拿魚腩軍艦同火炙盛呢D主打壽司！仲有以下推介:1) 牛肋骨壽司($15):師傅用火槍牛肋骨，燒得唔老咁咁好，好香牛味又唔黏牙，正!2) 麵豉湯($12):次次黎都要叫，好甜，仲有好多白蘿蔔同滑lut lut 既豆腐，好大碗! 3) 吉列蠔($25): 都幾大隻，有隻食指咁大!炸得十分脆同香口，內裡juicy同有蠔既甘香味，連我唔食炸野都忍唔住食左兩隻!!好犀利，食左咁多!埋單只不過係$236!

因為聖誕節既關係可以大氣道理出街晚餐的地點就試試早前人氣不錯的峰壽司因為避免聖誕的人流過多所以我們五點多就已經到達門口服務員把我們帶到回轉台上我倆就開始填肚了(選了部份壽司作評論)火炙壽司：包括帶子，三文魚，鰻魚，３件壽司只是＄２５　　　　　以價錢論是不錯，鰻魚味道都頗好蟹柳壽司：味道不錯，是沙律醬的關係？三文魚壽司：大眾化的選擇，味道亦大眾化峰蝦：帶一點兒的甜味，但蝦身太簿了峰玉子：差～！感覺頗霉，只有一個字”甜”八爪魚壽司：硬度十足”口感”非常北寄貝壽司：口感不錯，爽口，鰻魚壽司：這款壽司和蟹柳壽司是我認為最好味道的（吃過當中）　　　　　鰻魚味道十足，帶甜卻不會過份兩人吃了１９碟，埋單２８ｘ內有數款壽司令我掂念所以還可以算作笑瞼

星期六發生了小許事情,令到自己悶悶不樂,坐不安,在家中總是不知怎樣.唯有出街行下散心吧,本來想去車品品試食.誰不知原來今天休息,返回旺角尋找餐廳食頓午餐吧.就看到峰剛剛開門.只有數個客人.坐下飲一口茶,看到師傳才開始握壽司放在迴轉看.也要看餐牌有什麼壽司.峰壽司的價錢水平不貴,平均20元左右,先後點了鱆紅魚腩,劍魚腩,特大秋刀魚,池魚,左口魚,油甘魚,峰玉子,鯛魚,北海盛(三文魚子壽司,蔥吞拿魚蓉,海膽),特大秋刀魚我只能說大件,價錢都算便宜.不過秋刀魚肉比較硬不黏著飯上,只要爽起來,便很容易魚肉和飯分開,食下去的確算新鮮,一口也食不完,但是秋刀魚還有少許骨,令人有點失望,.再來峰玉子,前一次食過評價也不錯,這一次也差不多,食下去有點軟熟,帶點甜,只是玉子中間的飯有點散開,賣相也差了少許.北海盛即是三文魚子壽司,蔥吞拿魚蓉,海膽各一件,35元3件,即是平均12元一件,設計得不錯,可以試食3款價錢也不貴.三文魚子也算豐富,自己覺得味道淡了小小,我比較喜歡濃味.蔥吞拿魚蓉這款在定食 Doraya 食過,這裏好食過那一處,表面有點光澤,,可以一口把吞拿魚蓉連飯一起食完,也感到滿足.而海膽算是

呢間真到目前為止, 最正的壽司 ...成日都食壽司, 新的舊的....都未有一間令我停下來... 食完峰之後, 次次有人叫食壽司, 我就非峰不去....基本上佢的壽司都唔錯, 不過, 如果你叫我推介, 一定係下面的幾款....珍寶虾壽司超大隻, 見到已經好興奮, 基本上沒辦法一啖成隻入口, 新鮮! 珍寶帶子壽司, 軟, 鮮, 甜 ... 特大三文魚....質感厚, 脂肪夠...好味!!tips : 早d食就唔使排隊 .....

星期六工作唔開心~ 所以同朋友出旺角搵野食~試過麻麻的北海道活, 就期望峰sushi 會唔錯~雖然無想像中咁好, 但都不過不失~^^ 入面去, 無乜人, 唔駛等位, 即刻被安排坐係迴轉枱~ 我最鍾意坐迴轉枱~ 因為可以揀野食~ 但有少少意外~ @@"" 無人係迴轉帶上面拎sushi, 全部都落單 ?_?"" 係咪迴轉帶上o既sushi 係... 供人參考?? 真係第1 次見... 雖然無得係迴轉帶上揀sushi, 但坐正個出sushi 位, 可以近距離睇到師傅手撏sushi, 真係好好feel~ 佢地技術唔錯, 件件都差唔多大, 仲一啖一件, 讚~2 個女仔, 食得唔多... 墨魚 - 係我唔識食... 定... 佢太新鮮... 有筋咁... 咬唔開o既=.=||| 三文魚 - 無乜fat, 唔覺新鮮... 麻麻 蟹柳 - 好一般@@ 仲以為有唔開... 吞拿魚 - 入口即化o既感覺先係最正確?? 但我覺得好似好怪... 食緊粉咁.. ?_?" 三文魚腩 - 肥美~ 好好味~ 好過三文魚~^^ 鹽帶子 - 好鮮喎~ 仲好大粒添~@@ 火炙帶子 - 因為上者好

小金魚變成咗小病魚足足一個星期有多，剛剛呢個星期好d，見今日唔洗返工，就同魚媽媽出街搵食啦，補償一下食咗一個星期的白粥o既可憐魚胃(食到差點見到白色野都驚)。本嚟諗住同魚媽媽食和花亭，但係魚媽媽嫌行過去太子遠，以魚媽媽咁慳廉的性格又點會肯"打的"去吖(就算係小金魚比都係咁話)，但係又唔想同魚媽媽食麥當當or肯基基咁，諗諗下就醒起屋企附近仲有間峰壽司喎，之前係銅鑼灣有食過，味道唔錯，於是就同魚媽媽游咗過試下啦。去到見到門口都有幾多人等位(個時只係2點幾到)，我攞咗張飛都驚要等好耐(魚媽媽係老人家~邊肯等成個鐘頭只係為咗食餐lunch吖~~)，不過都算好彩，我地等咗10分鐘左右就有位，仲要係迴轉位添hehehehe。好~~坐定~~揀野食....... 蟹柳壽司：第一次係銅鑼灣食的時候，覺得超好食，但係今次就一般般啦，size細咗，仲要變咗無味道，雖然比起街邊所謂蟹柳都算好好多，但係差咗就係差咗。三文魚腩壽司：小金魚覺得同普通三文魚壽司無乜分別，雖然叫腩但係就一d都無肥美的感覺，可能係因為切得太薄的關係，失去叫人覺得肥美的感覺，我好似見佢無普通三文魚壽司供應(定係我無為意~但係我就唔見迴轉帶

依個食評係我最近寫得最嬲既1個!好耐都無食過咁差既野.頌要係我最喜愛既壽司...個晚和花亭收左.係旺角是但近近地就過黎食啦.入到去坐底就寫紙叫野食.我地叫左...三文魚腩,峰玉子,栗米沙律,Wah 腐皮,蟹柳,牛肋骨壽司同埋甜蝦刺身,豆腐湯.三文魚腩: 1食落去,"點解會瘦成咁?!" 完全無三文魚個種甘香肥美.頌要已經係腩?!峰玉子: 等我頌以為咩生招牌! 普通到不能普通...栗米沙律: 沙律醬係就咁整1"pad"係栗米面度...Wah 腐皮: 依個同腐皮壽司唔同既地方就係佢既size好似個包咁大! 同埋有隻炸蝦同埋櫻粉.但食完乜都唔洗食啦.而且櫻粉咁多真係甜到死!點食呀!蟹柳: 普通到無野講牛肋骨: 我見未係第2d壽司店見過就貪得意叫黎試下,點知就出事!佢黎到既時候頌係熱辣辣,但1放入口就覺得勁咸!!!咸到根本都食唔到牛肉味!甜蝦刺身: 無頭既!!! 咁同食魚心個d1蚊1隻既有咩分別?! 但都唔難食既...豆腐湯: ok啦食物方面係無1個覺得好食.頌有第2樣野嬲!明明食日本野,點解全晚都係播"Where my party people at"個類歌?我想聽依d歌就去PP啦....

假期前夕前往，所以雖然黃昏一早到來還是要等位。試了甜蝦壽司、三文魚壽司、吞拿魚壽司、帆立貝壽司、帶子壽司等等，甜蝦壽司和帶子壽司都很有鮮味! ，帆立貝壽司卻有腥味。朋友想吃海膽，不過侍應說已售罄!最正竟然是芝士薯蓉球，夠熱，一口咬下的話要小心燙。

1,2年前..已經愛上食"峰"嘅壽司...1星期都起碼會去1次...但近這幾個月的確係差咗好多....唔知道是不是越開越多分店嘅關係....以前幾個日本師父都不在這分店...而影響了食物嘅質素...如未有改善..都不會再幫襯了!! 飯....對於一件壽司嚟講...其實係幾重要,睇見佢地嘅手卷同壽司...都係用一早預備好一盆一盆嘅飯做出嚟...食落去好實..不如以前的軟身...有如超級市場買的機做壽司!!一放落口,便知道不是"手握壽司"了! 峰蝦壽司.....我平時最愛食...都無以前咁新鮮了! 鵝肝壽司.....仍然保持到水準...正所謂嘅"入口即溶"! 蟹柳壽司......差咗好多...味道唔同咗...硬咗啲!! "羽壽司"好味好多!!

今日同朋友食呀~~因為我想食sushiiiii。~~~*不過其實朋友唔係好hungry,thz你陪我食先~~xdxd~~*food>>加州卷>okay啦,青瓜幾爽口...我記得好似另外仲有d菜....感覺好奇怪(笑)~*3文魚>唔太肥美,不過都接受~*帶子>唔太新鮮,無鮮甜味。有d失望~*火灸3文魚>唔好,有d腥...>_<""~*蟹柳>okay啦.....好耐以前try第一次既時候好好多....~*鰻魚>一般啦........唔好食但唔難食....~*芝士薯容>唔夠味....不過第一粒就幾好,幾多芝士,好香口,不過之後既就麻麻地....~*峰玉子壽司>呀..無咩蛋味....~*甜蝦>我無食,朋友喜愛呢個~...朋友只係話okay,不過not super gd~xd~~*當墨魚唔知咩(?)>我覺得唔太好食......~*服務>okay,幾好呀。~*環境>一般啦...不過我覺得d筷子好難用.....好吉手...。~*

之前見到有人話呢間好.上次黎嘗試下因為我好怕出街食魚生.因為好易腸胃炎.但點都去食下啦真係估唔到咁好食.D魚生好鬼長又大舊.而且新鮮到卑我本身去食迴轉都唔多大食但上次我都食多平時一陪呀值得試呀不過有樣野最唔好係我最憎洗手間係出面.條街附近又多垃圾臭臭地.討厭