峰壽司 (已結業)

我講道理竟然比人話係同事..又再幫襯峰壽司今次都係無比貼士下次唔想比貼士咪簽卡囉...依家D鰻魚加晒價無得食平靚正O個款得最貴O個款好似有D唔抵食

點解我幫襯2年從來都唔見佢俾番貼士我既？樓下的真"好命"啊！仲試過幾次添！我冇你好彩，俾足2年呢！

食物, OK la, 態度，不願置評了次次都要吹先加茶樓下個位超hard sell, 係咪同事呀？

基本上我食咁多次峰壽司佢地d員工都唔會因為唔比貼士而黑面有幾次去仲叫我拎番d貼士唔駛比解釋係加一o個度其實已經比左不過峰壽司d飯好似難食左

尋日去新城市行街~夜晚去左搵飯食~FOODCOURT果邊裝修完喇~ 原來有峰壽司WO! 不過呢間同平時食開果幾間既形式有D唔同~ 可以TAKE AWAY架~ 不過我無TAKE AWAY~ 而款都都好似比其他果幾間小DD~計過坐位得好小~ 好似得廿幾個~ 各位FANS要食襯早呀~P.S. 旺角店果個好似木村既日本師傅過左去沙田呀!!

我果日lunch又去峰食壽司, 一坐低, 竟然由個講日文的人幫我\"針\"茶同落單, 日文人... 我諗佢\都唔低級, 但係其他人(黑衫果d)好似冇乜反應咁...我又再食海膽軍艦, 今次仲叫埋個海膽手卷添, 雖然真係差左, 但都仲係比其他同類(元氣, 板前, 目黑等...)好! 都算係有安慰喇!

我由佢開業已經食到而家睇住佢水準變差魚生縮水、又乾, 飯變大且硬, D師傅成日傾計以前星期六日lunch time 必定有成村人排隊而家鬼影都冇今日俾$時, 簽卡冇俾tips,點知個黑色衫男仔好大聲話: "唉！2次都冇！！"我feel到佢話我唔俾tips law！！着得黑色衫，已經比白色衫既高級我唔俾tips, 因為佢D態度(尤其男仔) 實在太差！成日黑面，好似欠左佢gum女仔反而冇乜野你gum既態度，我覺得唔俾tips絕對正確！已經加左1, 仲想點？(我係學生wor，正常都唔俾啦，都未賺錢)今次令我冇理由再幫襯佢law！D野又唔係好食到比人鬧都要去食，去街邊食碗牛雜好過啦！俾個喊啦，態度差，死罪一條！

我食過咁多間壽司(板前,一壽司,活壽司,壽司正,壽司派,目黑...)，我覺得銅鑼灣果間峰壽司最好味，尤其係燒蟹柳壽司，每次我都要食2-3碟！

以前覺得佢同板前不相伯眾，但係今次去啲質素真係嚇死人啲壽司全部變咗mini版。甜蝦好似bb手指尾咁細，其他魚生壽司，完全冇魚味，又切到薄一薄，食落好似陣風。我敢講，超級市場啲都好過佢！

分別響八月尾同九月尾去o左銅鑼灣兩間峰壽司。竟然兩次都不約而同無海膽!!好在係平時食開峰壽司, 如果唔係已經black list 佢。我都唔係d清閒日子去o架啦, 星期五晚同假期下午, 都可以成日同我講無貨, 咁矜貴不如貼張紙出o黎話只限逢星期幾先有海膽食啦, 唔駛我排咁耐。佢話我知無海膽o個刻, 幾乎想埋單轉去御家食囉。今時今日競爭咁白熱, 唔該做好少少啦。btw, 鵝肝唔得, 不過佢唔係專做西餐, 都無預佢好靚。只係叫大家唔駛試唧。

都唔明點解仲咁多人等位以前成日見到一大堆人等位, 冇一兩個鐘我估都唔駛旨意有得食星期六17:45去到門口, 見冇咩人, 就比個機會試下啦等左15分鐘就有位, 坐係埋面迴轉位. 見單邊都幾OK啦, 誰不知有個師傅仔就係我面前不停洗野, 洗大塊針板, 洗刀...大佬, 你地洗野乾淨比我知道我好開心, 不過你條迴轉壽司帶正正就係你既洗野盤上面, 而你又有D壽司唔用蓋, 我就覺得好像有D...... >_<你又係我面前將你D魚生解涷再切細, 你又用你個帶左"手套"的手拿保鮮紙, 紙市, 盤, 再拿第二舊魚出來再重覆一切動作...如果我係老細, 我就唔會比以上一切事情比我D客人見到.最慘係你D野一D都唔好食, 三文魚顏色怪相, 冇魚味, 元氣仲好過你, 何必辛苦自己要等咁耐呢??我就建議大家去SOGO, CITYSUPER 買外賣食好過啦...

may be go at tea time, no need to queue up.But the food is general (not as good as what friends said) and some of them is not good enough. The 帶子shusi : 帶子is full of water, seems just have ice melt, 難吃至極!!

行過見到次次都好多人既峰壽司今日竟然冇乜人?!所以就入左去試下~叫左個三文魚壽司, 三文魚腩壽司, 吞拿魚沙津軍艦, 磅蟹羔醬軍艦, 軟腳蟹手卷~整體味道都好鮮味,磅蟹羔醬味道都幾特別~

食物依舊,問題出於人身上切魚生的師傅和其餘兩位整壽司的師傅傾得天昏地暗,時常口沬橫飛哈哈大笑,魚生師傅在扔垃圾時順手整理垃圾桶,及後卻沒有洗手或戴手套再繼續切魚生,很不衛生讚一讚三色板押壽司中的墨魚板押壽司,墨魚加紫蘇加梅子對味極了

我差唔多成年冇落過銅鑼灣食飯, 尋日有機會去食lunch, 即刻去峰壽司嘆個至愛海膽軍艦, 雖然好似海膽份量少左, 但係放入口中一咬, 果d海膽從牙縫中"唧"出黎, 嘩~~ 仲好正喎, 好過其他同類形同價錢的壽司店!! 不過service就差左d, 事緣我坐低的時間仍未full, 可能時間仲早喇, 但係叫人落單就好似, d人好似唔想理唔想理咁; 遲我入黎坐低隔離的姐姐仔仲慘, 連茶都冇杯...