峰壽司 (已結業)

一行3個人去食lunch~搵左一陣先搵到呢間既~去到D 朋友已經叫哂成台野~ 好多~~咁我就一邊睇牌, 一邊食~ 唔錯!!!食左好多之前未食過既野~有一樣野, 係北海道叫スズコ既野~ (有相) 見佢好好睇~ 叫左啦~..嘩..好難食..唔開間野事, 係呢舊野難食!!!最好食軟殼蟹手卷, 熱既~正!!!! 佢人2SUPE吞拿魚都好好食, 整體上都唔差, 可以再去p,s d waiter 好細心, 我地跌左快子, 我地未黎得反應, 佢就比左新既我地~ 同係地下拾番啦~ 勁!!仲開門比我地走..我諗係因為有個講日文既老板係到~ 哈哈哈~

從未去過日本,所以唔知點先叫正宗~而且壽司比較貴只係食過板田o個種,所以一試峰,已經覺得好好食~~刺身鮮味d, 壽司飯真係捏得唔同d (見到樓下朋友o既食評開始覺得驚),.,.,雖然係咁,又唔代表佢所有壽司都令人超級難忘~ 我食過2次,試過蟹棒, 火炙鰻魚&三文魚&帶子,仲有腐皮,峰蝦,軟殼蟹……最鍾意o既始終係肥肥又juicy o既沙律醬蟹棒,同埋燒得好惹味o既鰻魚~至於其他,尤其係刺身性質o既,相比起個價$,就覺得無咁新鮮好食~所以,再下次會鎖定目標,cheap cheap desu只要三文魚、蟹棒x N碟,再加鰻魚~ 咁就會食得開心又滿足啦= =+~

尋日坐左0係bar檯度食野...眼前有幾個壽司師傅.. 4-5個倒啦~有3個0係度切緊三文魚個個都有戴手套得1個無戴!!! 兩隻手咁LAR 落去d三文魚度切切切睇見都核突佢呢間野叫做係講衛生架啦好驚訝佢會無戴手套!!! 佢3個一路切一路吹水... 又講又笑.. 又唔戴口罩..噴晒口水落去呀下!!!!! 切切下無啦啦叫埋另外2個師傅埋去.. 5個一齊切.. 切完出黎又拎住玩下咁樣!!! 一齊笑,講,玩舊三文魚.. 之後洗毛巾.. 係洗條唔知乜0既毛巾.. 真係睇到想嘔!!!!我心諗唔係呀嘛當住咁多個客面前咁樣玩?? 坐0係我地隔離仲有2個OL.. 人地走左之後, 無戴手套0個個同埋另一個師傅即刻0係度gup住人又講又笑.. 咩態度呀... 俾其他客聽倒你話幾核突!!!其他staff 又無笑容好似唔識笑咁唔該d高層真係再培訓過d staff 啦!!! 完全唔掂!!!

今次係慕名而來的,想食一餐好好好滿意既壽司,唔理價錢(當然又唔可以係天價)於是就揀左峰壽司了!店舖裝修整齊,燈火通明,食店本應這樣,個人很怕入到店內黑蚊蚊既店!員工的衣服都整潔,初步印象唔錯!食物是包括了特大峰蝦,長鰻魚,帶子,吞拿魚,蟹腳同埋赤貝,特大峰蝦三十五蚊件,好有自信既收費,味道係幾好,而且新鮮,不過雖則話唔理價錢,食左兩件都真係有少少肉赤既感覺長鰻魚又真係好長,應該長過半尺,味道ok啦,不過感覺上呢碟好似抵少少!帶子,吞拿魚幾新鮮,食壽司其實魚生既味道都好原始,勝負多數在於材料新鮮度,佢地都做得幾好!只可惜係,小妹唔可以成日嚟食,除非有人請啦!

the fish was dry and not very fresh. the foie gras shushi looked nice but it was swiftly (and completely) consumed by my friend before i had a chance to take a bite the shop has a kiddo japanese chef but unfortunately most of the time he's bossing people around instead of making shushi.

今日下午五時多去, 冇乜人, 服務好左, 冇之前咁差, 但係... d壽司就好唔掂囉!!首先冇我至愛的海膽軍艦, 失望!峰蝦, 第二至愛, 但係干晒身, 一d都唔新鮮! 諗住可能轉得耐o者!自己order左一客北寄貝同赤貝喇!北寄貝有一件係干到好似黃黃地色咁... 唉~~赤貝就好少少, 不過都唔甜o既....仲有... 唉~ 個海螺叫做好d囉...食飽就算, 都唔想再叫, 唔想食~~ 沙田間鋪又係咁, 呢間又係咁差, 我諗我唔會再食峰集團囉!!

食壽司，兩個人食最好；一人一件，剛好一碟。兩人都叫自己喜歡的，然后分享，大家才可以試到不同的東西，最開心，食得多，口味也就慢慢相近。今天的魚生頗新鮮，尤其峰玉子和帶子壽司。埋單才一百多，抵食。

仍記得幾年前剛開張時, 門口堆積如山的人群總會嚇退我.現在壽司店成行成市,到底那一間是最好吃的大家都心裡有數.比起和花亭/板前,這裡的壽司就沒什麼特別, 玉子令人失望...不過都算好吃. 魚生新鮮. 店員服務也不俗如果不用排隊40分鐘就更好!

fd介紹去嘅~ 壽司幾抵食，味道都唔錯~但係下午茶時間就有一點兒唔太新鮮嘅感覺...同埋夜晚嘅隊真係太長...不過環境都算ok,服務差咗D lor...

我本身其實係一個好鍾意食日本野既人，所以我多數都去有板既地方試，但好多朋友都介紹我去食峰壽司，咁星期二晚就去左呢間試。我叫左我一向都會叫既野食，有壽司有天婦羅，但係個味道就比預期差好遠，連燒鰻魚都係凍既，你話又點食得落，蛋壽司又係一樣，只係暖，魚生壽司都係麻麻，唔係話太新鮮，所以整體都覺得一般。

一直都想試試呢間，但門口次次大排長龍令我開業至今都試唔成~好LA~今日7點去到等三分鐘入得但..........好失望D魚生冇鮮味，燒牛琍像冇燒過，一d都唔香，燒鰻魚唔熱，碗湯勁細，唉........太失望

CWB開飯, 力爭之下(朋友想去板前,但係要等成二百張, 所以放棄) 終於可以試一試呢間品評唔差o既店。可惜....壽司飯一夾即散, 手卷總算還可以, 值得讚o既係紫菜好脆。但係壽司/刺身o既靈魂-魚生真係唔多得, 叫左客三文魚刺身一鮮味都無; 個鵝肝入口唔係即溶, 而係好似己經霉左咁咬落好虛; 牛肋骨同普通牛肉無乜分別; 係個軟殼蟹炸得幾脆幾好味食物衛生方面, 新上迴轉帶o既居然無蓋住行左個圈! 上左帶o既唔知佢隔幾耐會換,亦睇唔出可以點樣識別邊係新鮮邊唔係- 眼見o既有好幾碟我坐左個半鐘佢就轉左個半鐘。所以我地都係選擇剔紙落柯打埋單三個人食左接近$550,唔~ 我相信應該有比較好o既選擇咯。

18 Feb 好幾次上堂前(6:30PM左右)，我們也去了峰壽司(銅鑼灣白沙道12 號地下)看一看，但每次也是失望而回，因為太多人排隊了！今天上堂前再接再厲，YES！有位呀！我們3個人興高采烈地走進去！很久沒有吃峰壽司了！還記得第一次食的時候(O岩O岩開張)，足足排了2個鐘，才能入去食！Oh my god！但那裡的特大峰蝦壽司真的令人回味無窮！$35一件，實在物有所值！今日再試，仍然保持水準，good！另外，值得推介的是生帶子壽司，實在很新鮮，而且很大粒，好好味！service我覺得普通啦，冇話特別好OR特別差....但如果要我等1-2個鐘先入到去食，我會選擇唔食，因為佢唔係好食到要咁樣等囉.....但如果好似今日咁唔洗等，OR只係等15MIN，這裡會是一個好好的選擇！

哩到既帶子壽司一流, 但係唔加salt 既帶子比以前貴, 我記得以前只係$20, 而家新menu 要$25。而且, d 帶子真係無以前咁厚, 但係其實有salt 有lemon juice既帶子更好味!蟹棒壽司都好好味! 唔係一般既蟹柳壽司三文魚加onino 都好好味, 帶出三文魚既鮮味!但可惜. 佢地d service 比早期真係差左好多, 我食開係sogo 隔離個間, 佢地以前殷勤既service, 而家好似無哂咁...有一次叫左個玉子壽司, 叫極都無,迴轉帶上無, 之後問個waiter,佢用唔友善既語氣問咩壽司, 之後再唔知係邊到抄到一件黎...唉希望佢地好好改善下service 方面!但好奇怪, 哩幾個月好似少左人食咁, 都唔洗排好耐隊就入得, 可能而家銅鑼灣區太多壽司店...la..

仲記得以前行過峰壽司,岩岩開張無耐,都已經好多人等,但個時都仲未算多人認識,總算係等一陣就已經入到去食....我好記得入面既大部份壽司都係非常之大,就算簡簡單單如蟹析壽司,都比元氣,元綠既長同大,而且壽司上面一個沙律醬做陪襯,非常之美味,加上價錢ok平,每次埋單都唔使250,有時200樓下就已經飽住咁走得,食日本野,已經算係平...不過1-2年冇食,唔知依家變成點,因為依家女朋友少食日本野,所以都好難有機會去到,但係我依家仲好想食番佢地既巨大帶子壽司,真係好大....好大....又新鮮....推介!!!而服務都唔錯,廚師們好多時佢地都會對住你笑笑口,雖然有d講日文聽唔明,但係佢地都好有禮貌,而侍應就次次有求必應,我以前成日去食,都冇試過落錯單,食物有問題等....而佢地亦都唔急住趕人走,你食到飽先走都冇人趕@@