嵩記牛什

营业中

休息中

今日又去深水埗買嘢，行到連午餐都唔記得吃，肚餓打鼓之際行咗去嵩記食碗腩米頂下肚先。嵩記在大埔道三間牛什店較比較接近深水埗，但地方卻殘舊一點，只有四張抬，過了午膳時間，人流相對减少，做咗安心出行坐下，叫咗個腩米和腩汁芥蘭，價錢一律$28, 無分坑腩和崩沙腩。先嚐一口湯，嘩，湯味濃郁有緻，很甜又有牛味，碗麵size和其他兩間差不多，再試下D牛腩，唔肥略偏瘦，但煑得啱啱好，不柴不黏牙，一咬就開，超爽而唔係淋晒冇口個隻，芥蘭$13條條爽口甘甜，再試埋佢D辣椒油，甘香蒜味濃郁有蝦干味，不是一味死辣，三間牛什店，呢間最好。最后忍不住買多個凈腩返去加餸。

我從未寫過食評，這是第一次忍唔住要寫…….咁既平民價吃到這個質素牛腩麵，真正！老實講外面很多店吃靚牛腩絕對靚過佢，但我吃完埋單$25蚊碗，我問個姐姐係咪搞錯左😅，可以話係全城最正既$25牛腩麵。食完就走，無影相

老店店面入面大約有三、四張枱，坐得好迫如果有人搭枱走 要起身讓一讓入面都幾殘舊但做街坊生意都唔會太介意出奇地樓面個哥哥仔又幾好禮貌依個價錢嚟講，無驚又無喜啲連鎖粉麵店會好味過佢試過就算雖然話有冷氣，但係個門簾大到走晒冷氣食到身水身汗，同好唔環保

沒有金錢肚，只有草肚的牛什! 再加唔淋嘅牛腸! 淨係呢兩樣就唔得啦！唔明點解係嗰啲牛什group間唔中就有一個post講佢，都唔知係咪鱔稿?! 可能因為佢價錢係低，今時今日$25一碗牛雜河，加$7一罐可樂就搞掂一餐，算係OK。去到附近可以一食，但就唔使好似我咁，特登坐車去試！

午飯時間經過呢度，見呢間鋪好似都有啲歷史，又見佢價錢好抵下，好奇心之下就入去幫襯！雖然呢間鋪應該係食要佢嘅牛腩牛雜，但今日唔太肚餓，揀咗食魚蛋河，盛惠25 ！魚片魚蛋一般，但幼麵麵質正！湯都好夠熱👍🏻餐牌原來仲有越式牛肉河！睇嚟要來多兩三次先得！

正所謂「行過路過唔好錯過」，今日經過石硤尾街，就見到呢間主打牛雜嘅麵店，見佢舖面舊舊地，好似有啲料到，於是就入去試一試啦。叫咗碗牛雜米粉，牛雜就有腸、肺、膀及金錢肚等，都係啲正路嘅部位。d牛雜都煮得夠淋，d汁都入味，不過老老實實，同出面其他地方食唔到嘅味道差唔多，又唔係好覺得非常突出，當然，牛雜嘅份量係比出面多啲嘅，所以都算抵食。

又係呢到食麵嘅日子今日試下呢個嵩記牛雜麵唔食又至可，一食又發現多一間食飯堂啦叫咗一個牛雜麵同一個牛腩牛丸面， 先講湯底湯底十分之濃郁，有好香嘅牛味配上蔥花飲落去覺得好滿足。再來牛雜， 內藏一啲都冇腥味，而且好入味好林， 平時食開嘅牛雜麵可能得一兩舊餸 但係嵩記嘅料好足，就連河粉嘅份量都好多 夠食飽有突。 牛腩就更加唔洗講 :，30蚊一個牛雜麵嚟講 真係冇得輸。至於牛丸十分之彈牙 大部分嘅牛雜麵店都 都好難食到咁嘅質素 極度推薦呢間平民食店

某日 , 到 深水埗 購買了洗銀水之後 , 就四圍行行逛逛 ....行經這間 嵩記牛什 , 見到舖頭門前的一個餐牌 , 寫著有 "越式生牛河" 於是就入去幫襯 , 一嚐究竟 ~特色越南生牛肉河 : 味道是否正宗就不得而知 , 但湯底味濃 , 有魚露味 , 亦有辣椒 , 故此也帶點微辛 , 鮮甜也有幾分清香 , 完全不覺油膩 , 而且嚐不出有味精 ;牛肉不夠生就是事實 , 有牛肉味 , 亦算是腍滑香嫩 , 牛肉跟湯頭的味道都很夾 ~味道上雖然未至於是有驚喜 , 但也叫人吃得過癮 ~本篇完 ~

但這嵩記牛雜真的很值得推介，在我心目中，是我曾經吃過頭幾家最好的潮式粉麵店， 普通腩已經夠爽口夠入味不會韌，我再用了一星期天天食，試試什麼叫真正崩沙腩，脆骨腩，牛坑腩，愛找好食的朋友們，你來過就知道，但都要看大家運氣唷，老闆人真的好用心，良心店，我未試過去一家粉麵店，個老闆會拿着塊牛腩給你看，這是什麼位置，其實真正嘅崩沙腩就只有這個位才真正是，市面上的崩沙腩又不可說不是，其實我選一個部位給你吃，其實就是市面上的崩沙腩，但不是我剛剛告訴你正真正崩沙的部位了，是下小小的總括來說這家嵩記牛雜價錢抵， 性價比真的高，真的是真材實料

放工晏咗經過深水埗就買外賣番去食！第一次買嵩記，有驚喜！鋪頭細細間，好似好多老字號一樣，嵩記都有個Window位畀人見到斬牛雜！牛腩麵: 牛腩爽口，唔鞋，湯底都重牛味，又唔會過鹹，拎番屋企，麵都無淋到，係好食嘅！牛肚河: 牛肚一樣爽口，唔會太淋又唔會太韌，無渣，又清得乾淨，真心覺得係幾好食！中意食辣，加小小辣椒，更加惹味！總括黎講，絶對係好食嘅，廿幾蚊碗，咁嘅質素，咪話平嘢一定差！不過就細碗咗小小，男仔應該唔飽，再嗌多個小食之類應該啱好！

話說小弟放工好幾次經過這間牛什麵舖, 都畀佢嘅老式裝修同埋牛腩嘅香氣吸引, 雖然唔知道呢一間嘢係唔係好老字號. 但今晚就走咗入去買咗個牛腩麵外賣. 鋪面唔算大間得幾張枱, 但係周圍環境令到呢間舖頭就好似經歷咗數十載. 只有兩三個上咗年紀嘅店員打理舖頭. 外賣牛腩麵25蚊加1蚊, 呢個價位真係算係平民價. 裏面大約有六七件牛腩, 肥膏大約佔兩成, 牛腩咬落去爽口彈牙又唔韌, 面底比較幼細, 湯底仲有少少鹼水味. 總體嚟講呢一個價位買到呢一個質素嘅牛腩麵, 性價比十分之高! 推介!

今天到嵩記牛什係第二次幫襯，上次已經係兩年前了。今次只食咗一碗牛雜河；可能係個粉底多咗，兩碗就多咗啲，有可能會食唔晒。坐低後，見到牆上餐牌全部加咗價，都兩年啦預咗。基本上，牛雜保持到水準，爽口唔錯。不過湯底偏淡；印象中，上次湯底好正。師傅唔同咗人，上次嗰個無咁後生。另外，今次見到啲顧客近半係學生哥，而其他顧客都好似同啲職員唔多熟絡，無偈傾。最後，希望佢地可以保持到以前嘅味道同水準，否則，好難繼續支持小店。

以前住附近經常幫襯，今日去開深水埗特登去食。一入鋪頭已見到牆上嘅餐牌唔同左，心想：應該係過完年加價所以換新餐牌。依舊叫了碗牛腩麵，先喝一啖湯⋯味道比以前淡了，牛腩嘅份量小了，味道不同了。望一望平時淥麵嘅位置，原來嘅老闆唔見左，樓面嘅伯伯唔見左。但鋪頭名字冇轉，唔知係唔係轉左手呢？下次再經過要睇下舊老闆係唔係响度先會再幫襯。

今日一入舖，平時見開的兩個人不同了，連阿伯坐的位也没有了，是否換了老闆？仍然叫了碗牛什粗，湯底多了胡椒的微辣，麵質有啲變咗，多了梘水味，至於牛什，切得很“幼細”，散修修，比之前份量少了一半（個人感覺）。應該不會再幫襯了，除非見到之前的師傅主理。

中式粉麵店，店面雖殘舊，但味道出色，最like係清湯牛腩，牛腩夠淋有口感，清湯唔搶味，而且仲用緊支樽裝汽水，配埋一齊就正哂；街坊街里經過都會吹下水，好有人情味嘅小店。