嵩記牛什

营业中

休息中

曾經呢間小店红極一時，因電視介紹過。小店只有4張枱左右，我地好幸運有位坐。叫左一碗牛腩同牛什河，只需$23。 看圖可見，牛什好多款式，入哂味，的確幾難得。牛腩不算冧身，但此價錢已算是超值。

好一段時間冇幫襯 見倒老闆畀“飲食“訪問 "咁就做咗半世人……" 大將風範冇架子 老闆講到煮麵冇難度 望吓就識煮…… 勁老店照舊咁殘舊 幾張摺枱摺櫈 枱面放齊醬料 辣椒醬 醋 牙簽 辣椒油 好香好正筷子有啲立 抹下食得安心啲……我由$16食牛什麵 而家$23 都係覺得“很平“份量又足 牛什牛腩牛根 都係傳統嘅滷味道上湯淨云吞~ $23 大大粒 7粒 半肥瘦肉 細虾肉爽 生菜底 湯清 牛什湯河粉/麵 $23牛什分量多 夠淋 滷香冇腥 河粉量多 牛什麵夠爽 冇鹼水味灼菜心 配 蠔油 $13 分量多 好抵食 菜心翠綠 嫩 冇黐牙但冇處理乾咗嘅菜頭 就有戒心驚有虫虛驚一場 菜好好食

今日一碗22的牛雜面在深水埗講得上是良心價格，看鋪頭就是有些時光印記的，兩父子檔，父親裏面切煮，兒子外面收拾收錢，在商業掛帥的地方，他家的口味出奇的清淡，不像大部分店一樣重鹽重味精，這家的顧客全是老街坊，這個價格來說，口味是物超所值的。

已經黎幫襯過幾次不過鋪頭實在唔就腳, 好難先黎到幫襯鋪頭環境麻麻, 有點殘舊, 而且每次黎都聞到好強勁既油溢味, 但因為佢地既牛腩麵, 我地仍然會返黎幫襯我叫左碗牛腩河牛腩肥瘦適中, 軟腍得黎都幾有咬口湯底濃郁, 價錢有誠意而朋友叫左雲吞撈, 份量夠, 雲吞味道唔錯撈麵奉上既一細碗湯, 有濃郁既蝦籽味撈麵仲幾爽口彈牙, 唔會好重鹼水味希望繼續保持水準, 我會繼續支持

嵩記舖面好細，一眼已經望晒，有3-4張枱左右，樓面一個伯伯，廚房一個叔叔，就係咁多人。一直都聽男朋友話嵩記牛腸米好正，終於比我試到，真係好好食，一試難忘。價錢牌係冇依個選擇，只有最common既選擇，牛腩，牛肚，牛什個d。售價只需22蚊既牛腸米份量一d都唔姑寒，牛腸好多，湯底五香味濃，薄薄既牛腸內壁脂肪好平均，唔會覺得特別膩口，而且炆到好稔軟，上下顎一壓基乎可以拉開，米粉份量都唔少，食完一碗真係意猶未盡，飽雖飽，但仲想試下其他，男朋友又想食多少少，一於決定叫多個筋腩米試試。筋腩米價錢貴少少，但都係30幾蚊，份量足料，筋位稔軟入味，牛腩一咬即爛，真係好抵食。真心覺得牛腸米真係冇得輸，要比較起，牛筋腩雖然唔差，但真心推介依然係牛腸，加上辣椒油同紅醋一齊食，真係毫無破綻。雖則店子小小，舖面陳舊，但非常值得繼續支持！

之前讀過幾篇有關嵩記牛什嘅食評，今天專程去呢間小店幫襯作支持。嚟到牛什店，鋪面細小只得5張枱。首先唔食牛什住，叫咗個四寶河(有一粒雲吞，一粒魚旦，一粒墨魚丸，兩粒牛丸)；牛丸最正，好彈牙，可惜雲吞係無蝦的。之後再叫番個牛什麵；啲牛什唔錯，麵條屬偏硬。顧客唔太多，但見到唔少客人一坐低就落單要求走蔥呀，多腩汁呀，走肺呀 ... ...；相信佢地係熟客仔。門口屬開放式，坐近行人路嘅枱喺夏天可能就較熱喇。整體食物都唔錯，除咗雲吞無蝦之外！

近日不知為什麼，這間麵店在各大報章獲廣泛宣傳。有天天氣驟然炎熱，反而一鼓作氣，大舉出動，來到試一試。遠看都不見店面，非常窄小。進店時，老闆篙哥在內裏煮呀煮，外邊的阿姐也起勢抹桌子，勤奮貼地，敬業樂業。叫了碗牛腩牛雜麵，麵條當然不多，牛雜牛腩在面頭，輕易覆蓋全部麵條。其實，吃完之後一個小時，已經有少許肚子餓😆。湯底不算味濃，微微鹵水味道，不咸不濃。辣椒油香濃，還有點蒜味似的😬。牛腩肥瘦均勻，質素相當不錯，猶如坑腩一般😍，瘦的部分也不會痴牙難吃，相比牛雜，這幾條牛腩牛味更豐富。牛雜有牛肚、牛腸、牛肺、牛膀，大約各一件起兩件止，質素還好，乾淨沒骯物沒臭味。店面雖小，其實店內還挺多位置，四五張桌子。門面看似不光鮮，實質有點歷史🤔，但未算骯髒。深水埗區真有趣，明明食肆眾多，但牛雜麵店竟然寥寥可數，西九龍那邊要走至大埔道此處才有牛雜麵店。小小一碗，麵條雖少，但餸料味道還算不錯，牛腩質素好，肥瘦均勻，來這店試試這老店無坊。

位於大埔道和深水埗交界店前的二人檯很有地道風味牛根入口即融 絕不會軟身像鼻涕般質地有一點牛酥香 我未食過咁好味嘅牛根牛腩十分入味 每一塊牛腩都有極香的牛味肉質夠林身 切後的牛腩絕不像煲湯肉般鬆散肥瘦適中 吃後沒有感覺到口渴麵質有點硬建議大家要林啲不過食麵應該要慢慢品嚐所以食慢啲都無問題真正的隱世食店！另外店主默默從熱到死的廚房為大家煮麵客人加蔥 少麵 少肥 走蔥 多腩汁 從沒有半句怨言22蚊單餸 對比起上環90蚊一碗煲湯肉麵絕對係嵩記大勝

嵩記既環境確實差少少，係好舊式既麵鋪，連伙記都係上左年紀既叔叔，但有時食好野就係要有冒險精神！而家香港地＄22蚊一碗麵就已經非常少，仲要係有質素既就少之有少。嵩記既牛腩真係咬落爽口、而且肥瘦適中、又唔會炆到無晒咬口、仲要好入味、份量至少有10舊牛腩，連個湯底都唔弱咖，唔會成口味精，就算食晒成個麵都絕對唔會口乾。不過唯一缺點係我覺得個麵餅就差少少，鹼水味比較重，食其他粉會好啲，我見好多人都加8蚊轉伊麵。

情人節身邊人不在港，自己唯有舊地重遊。不足一個月，佢地加價了10%，由20蚊加到22蚊，但依然抵食同好食。樓上就係今晚孤獨情人節餐的一道菜，亦係唯一的主菜～腩什麵！黎得呢度，一來支持本地小店，二來感受下老香港，三就係一支公絶佳既用饍地方。叫咗雙拼加十蚊，結果尐餸多嗰碗麵。味道依然如故，牛雜尤其出色，好味。

獨L收工無野做，咁啱屋企今日又無飯開，9流流飄咗去深水埗 ，無啦啦又經過一間麵檔，走入去幫襯咗過牛什麵。牛什黎講有5，6舊，夠甘香，麵就有少少鹼水味，而湯底同腩汁都無投訴。它肯定是舊時代，老香港，舊舖面，老伙記，感覺很香港，很暖。20蚊一碗細細碗，其實剛剛好，我一定會再來。

區區有特色 走出傳統食街 步入大埔道你會發現店舖偏向屋村舊式 因為依偎著石硤尾邨 數十年前主要服務區內食客為主時而世逆 變遷總得面對 或許這是一件正面又期待發生的事情其實一直想試呢間老店但每次都很多人 時間又不足 所以直到今天才有機會慢慢走過來仍然人山人海 座無虛席 樂得仍然有20元麵食 街坊價錢 用心照顧不同需要 抵讚！！牛筋腩河粉 $30雙拼都只不過等同於平時既單拼麵價錢而且牛腩用上牛坑腩 質感味道均是最好的部位 貨真價實 而且牛筋亦不少 份量足！牛筋係我最常食既部位 因為我對內臟不太感興趣 牛什就恕我未能品嘗喇！！牛筋相當之入味 未至於林透 但保持口感有咬口 亦都燘至林身 入口容易 坑腩部份 整齊切口 肉同脂肪可以好分明用料經過細選及有要求 水準上乘而且牛腩細節鮮明 咬落一絲絲好鬆軟入味之如又不會過份濃烈 剛剛好油菜 $10份量好大 芥蘭翠綠有光澤 爽口新鮮 街坊生意 小本經營 能夠維持都多得一份用心不忘本的生意著實可貴

兩公婆睇左某報介紹深水埗有間極出色又經濟抵食既牛腩牛雜麵店 就係咁吸引我地去食 間鋪一睇就知已經有歷史嘅 舊 得幾張枱 紅色大餐牌 基本單餸係$20 可以加餸$10 我試左牛筋牛粉腸河 湯底較淡 反而牛筋同牛粉腸好五香 份量夠牛雜河 都普通 不太入味可能新做 因為去到連牛腩也沽清雲吞也一般 無特別 內有虾肉豬肉

一直喜愛居住舊區 從兒時住過的西環 到近年的長沙灣 就是喜愛那種大街小巷各式各樣的小店情懷 到半年前搬到深水埗 又燃起我在街上逛來逛去 尋找小店 尋找人情味和美味的衝動 當幾年前居住長沙灣時 每當乘巴士經過長長的元州街 眺看到這間店面有三四十年歷史的麵店 都會好奇想試試 直至最近終於一嘗心願走進店裡 幾位全是六七十歲的老伙記 看看掛在牆上一張舊舊的紅色膠片 二話不說點了一碗牛什米粉$20的一碗粉 分量適中 男士們可能要吃上兩碗才有飽肚感 這碗牛什米 湯頭清甜 牛什用鹵水炆煮 非常入味 最難得牛腸是有脂肪 吃下甘香而不腻 可見老師傅既功力到這兒吃麵 吃的是一碗看似簡單的麵 著實吃的是一碗實而不華 飽歷時代變遷的麵 充心希望這些老店能長存時代變 人物風景都改變

嵩記牛什門面已經告訴你他經過了幾多的千錘百鍊坐下, 落單簡單利落絕無花巧一碗半肥的牛腩送上來佐以永遠的最佳損友伊麵牛腩帶肥甘香可口一口牛一口麵滿足得講不出聲我的世界彷如只有它十分鐘的奇幻旅程完結離開, 就是等待你下次的回來