嶺南樓

营业中

休息中

去左探朋友 又係住嶺南大學附近 於是就跟佢去呢間飲茶一入去 裝修都不俗 地方大適逢係平日 所以好多年青人 應該都係大學生點心幾抵食又好味 流沙奶皇包真係好正 真係流沙 而已經唔多地方做到燒賣不錯 有蝦味 豬肉都鮮！叉燒腸粉就一般 皮有點厚 饀又唔多蝦餃幾好同燒賣既蝦一樣有鮮味雞扎就麻麻 雞有d＂鞋＂下次有機會再去!

野食黎得幾快 服務態度good重點水晶包 不得了 充滿花奶的香滑 又唔會太甜 健康人仕必食另外奶皇包 鳳爪排骨都夠熱 唔會凍氷氷 炒飯都好食 不過炒麵有d濕 豉油雞都入味但係水晶包先係重點 一定要食

星期六同家人飲茶，黎黎去去都係市中心，有車就決定黎呢度試下，而家泊車要$10 1小時，仍算平而且食滿$200 有1小時free parking, max 2 hrs.點心粉麵全部都熱辣辣，叫左個餐係$158 有3個點心，1個小食，1個粉麵同1碟菜，再叫多2個點心同2個甜品就夠哂。粉麵叫左魚香茄子米，份量頗大碟，炒得算乾身唔油膩~~油菜要求少咸少油亦做到， 唔錯~~點心黎到都熱辣辣，味道唔特別，一般水準~~黎到已經2點幾，人流唔多，價錢又唔貴，下次要試下晚飯~~

春卷：未食過這樣難食的春卷，皮厚和乾爭爭，很難想像這樣容易造的點心都會這樣低水準羅漢齊粉果：是厨司推介的，感覺被騙，味道太淡豉汁蒸排骨：好味，沒有過份醃製黃金脆豆腐：一般鳳爪：可以

星期六，總是想一家人飲個茶，來個開心家庭日。可是現在飲茶也所費不菲，朋友們常問我「邊到平」、「邊到抵食」。我常回答「去大學啦」，這好像是必定正確的答案，因為大學總是以平價租地方予人，以希望可以提供平價膳食給學生、教職員，這些餐廳大多開放予公眾，某些可能會在繁忙時間設限制。作為其中一個有交稅資助各間大專的香港人，當然要曲線享受一下福利。今天到了嶺南大學的嶺南樓，泊車車位足方便又經濟（$5/小時）。茶樓也不多人，不噪。薑蔥叉燒撈麵、蝦餃、燒賣、瑤柱菜苗餃、牛肉球、牛柏葉、珍珠雞、蕃茄濃湯鮮竹燒、鳳爪、黃金流沙包、蘿蔔糕。星期一至日均有特價粉麵飯，當天是薑蔥叉燒撈麵。只可以用價廉物美來形容。其中，值得一提的是黃金流沙包。咸蛋黃落得足，香味夠，也夠流，只$15.8。超值吧！其他點心不過不失，但價錢絶對取勝。一行七人，只是$234。當左我地係5個人，但都無分別，因為無收茶芥，都無收加一。平均一人$34有找，除左係大學可以有如此性價比，我真的想不到別的。

又係新一個學年,嶺南樓又轉menu平日下午大約1:45來到嶺南樓飲茶.見到有大量空枱, 不過好明顯唔夠人手, 因為全部都未執.個waiter問我搭唔搭枱, 心諗咁多空枱仲要搭枱?個waiter無服務可言, 佢仲要串我話繁忙時間要搭枱wor!最終爭取到唔洗搭枱不過被黑面我地叫左D小菜同點心,味道都唔錯, 之前來食過D點心唔夠熱,依家改善左好多!炸魷魚鬚好脆咖哩魷魚夠腍又入味什菜煲足料又夠熱咕嚕肉都唔錯雖然服務差左, 不過食物質素提升左唔少~

家住屯門, 但從不多於屯門中心一帶出沒, 到山靈麼樣。人傑的嶺南大學更是少之有少。嶺南大學不經不覺在屯門已十多個年頭, 除以前很間中有朋友畢業才會入去兩張相外, 其他都少有按觸。這十多年來, 我相信到這裡少於十次。今次屋企人提議來這裡飲啖茶, 食個包, 享受一下鮮有的家庭日。如不是妹妹介紹, 相信也不知道這裡有家酒樓 (不過間間大學都會有最少一家酒樓, 不然教職員吃什麼?!)。嶺南樓, 從大學校園的路牌是無辦法找到的, 只可找什麼康樂活動大樓。之後入到大樓, 又只有教職員餐廳, 好不容易才在二樓, 如學生會活動signate一般的箭咀才找到"嶺南樓"三個大字。而有樣東西值得一提的是, 只要我們訂了位, 基本檯面就空著留給你。你訂十二點, 十點十一點入來的人那不到這檯; 你訂一點半, 十一的人也拿不了這檯。嚴格來說, 這餐廳早段是不會有太多人在坐, 但亦沒有位可給walk-in的。餐廳飲茶不算太多點心, 不過每樣基本的飲茶食品都有。春卷, 酒樓炸物之首。這裡的春卷很普通, 外皮炸得脆, 但內餡很實, 而且沒有味道似的。鹹水角, 又一炸物。口中只吃到炸皮與中間黏黏綿綿的質感, 內餡味道又吃

N年前是嶺南的學生，時常來此地飲茶N年後搬到嶺南的附近，剛巧嶺東嶺東商專酒樓重新開幕此地跟城大、理大一樣，城軒集團旗下的老實說，此地沒理大、城大酒樓好，當中城大環境食物都是最好的新開張的嶺南樓，食物質素高了一點點，地方大了一點點，價格貴了一點點，少了一份親民，感覺是沒有太大學生感覺的地方點了：炸蝦角－即時來，是一早做好的，但入面的蝦很鮮甜有汁，足料，沙律醬可怕，已結成硬塊蝦腸粉－熱但不算太熱，皮厚了點，都是那個優點，蝦無發過，比一般新鮮鳳爪－味道是ｏｋ的，可是有兩種鳳瓜混在內，一種是浸發過的燒賣－足料，達標但未算太出色雞扎－沒偷工減料，用火腿、姑、很大件的魚肚、雞，最正是只是中點這兒的點心多是超點的環境不錯，不算豪華，不過樓底高、舒服，不用等位。埋單約一百元左右。過後在嶺南走了一圈，嶺南變了很多呢，看不慣。

首先解釋下點解標題會定為hea時間的地方其實大家都明飲得茶就唔急得最多飲得茶多需要急住去洗手間而已但對於lee間中菜廳耐性是比一般需要的為高事關有以下原因:1.大部分即叫立即整2.員工小基於以上兩個原因....由入去坐好開好茶到你劃好張點心單之後要搵個職員幫你已經係時間到等到d野黎起碼15分鐘以上先會有第一籠/碟仲要係一d整定左個d 好似炸云吞,蛋撻個d不過食物質素係幾ok的先說炸野部分好似頭先講ge炸云吞佢配埋個汁食好夾而且好脆口食完d碎係一定飛返到落張枱豆沙角(小點)有三件會剪開成6件個角皮係最引人入聖ge地方因為真好外脆內軟好香口豆沙又足料唔太甜小點7蚊lee個係最抵食ge點心同樣咸水角都係用lee隻皮所以都好食d料唔算多但前者同後者都大約有7 cm長一隻春卷入面有蝦好脆口d蝦味又出到黎蒸飯我食過鳳爪排骨飯個時特價7蚊有交易d鳳爪同d排骨好淋夠多汁其他就同一般酒樓差唔多學生免加一同茶介我每次都30-50蚊落樓只係服務真係因為等人黎加水...係好耐先一次d茶又唔得猶其香片d味好怪....不過天地堂hea時間ge地方lee 到係最方便比樓下canteen靜又可以坐得舒服小小唔怕耐ge

今日(15-2-2009Sun)全家人同我男友除o左大嫂要返工外,一齊到外婆家見見從外國返o黎渡假o既舅父,我o地今次一行14人,再次o黎到呢o度飲茶,貪呢o度冇人,唔使等嘛.舊年6月第一次o黎時,仍有媽媽在,但今次.....我o地叫o左好多點心,多到我冇可能數到,而且唔係樣樣都有食,講講:海蜇勳蹄,海蜇已經冇醮汁食,竟然辣辣地.燒肉,係皮脆,OK.燒賣,細細粒味道竟然麻麻.蘿蔔千絲酥,失望.唔熱之餘重冇蘿蔔味.奶黃包,同男友share食,餡唔係黃色,只係白白地色,冇奶黃味,唔得.炸魷魚鬚,燶o左同腍,唔得.棉花雞,雞肉好似有異味咁.咖哩魷魚,夠腍又唔太辣,OK.牛肉腸,啲牛肉味唔多對辦喎,咩肉o黎o架?其他唔記我喇,印象中都冇其他特別好食.環境:今次唔多人,有大枱唔使分枱喇.上次就好熱,今次就凍凍地,唔識較溫度嗎?服務:又同止次差唔多,今次唔明點解唔係full,但啲侍應好似好忙咁,又直行直過睇你唔到.呢餐又唔知幾錢埋單,但又應該唔平.

在嶺南三個年頭，中菜廳陪了我三年，吃了不知多少餐…早茶…午茶…下午茶…晚飯…火鍋…離開這裡一年…時不時都回來走走…今日約定舊同學回來飲茶… 除了我們…也遇見同期舊生回來飲茶…就是這樣，回這裡不需要有目的，就是想回來，就回來。這種歸屬感，我相信嶺南是營造得比其他院校出色的。以前最愛吃這裡的流沙包，奶黃半流狀態…熱烘烘，左手拋右手…好味得不得了，今天當然要吃啦，沒以前那麼好吃，包也愈來愈小…但親切感要加分了。炸芋角,叉燒酥, 蛋撻仔…叉燒腸, 蝦餃, 牛肉,燒賣, 馬拉糕…全部不過不失最好食的是豆沙鍋餅和香芒雪花卷呢這裡的選擇比鄰近的富泰村酒樓是少了一點，但味道一點都不差，而且環境舒適，侍應服務親切，最重要是價錢也很合理。有時間一定會多點回來呢…

** 此 食 肆 的 第 一 個 OK **9-6-2008 Mon端午節補假,全家人入屯門外婆家宣佈壞消息,到大約兩點,一行15人去飲茶,決定o黎呢間.由於冇咁大張枱,所以我o地分兩張,我o地幾兄妹一張,爸媽同外婆,亞姨舅父等一張.呢o度食物好普通,價錢應該係中上,我o地見到寫一碗弼要$38.00,一窩粥要$78.00.爸媽o個圍有叫,見直徑大概有4-5吋,高都大約只有6吋o既粥,媽媽食o左兩碗,事後我問爸爸o個個係咪一窩?佢答唔係,係一碗.而媽媽話啲粥好味好甜,內裡o個三件豬肝都畀佢食晒.而我o地幾個食o左1.叉燒腸2.奶黃南瓜包3.鳳爪蒸排骨4.燒買5.油菜(要菜心)呢啲全部都一般.5.棉花雞6.千層馬拉糕7.山竹牛肉呢啲都好少,千層馬拉糕極其量都有1吋半高,3吋乘3吋o既正方形面.山竹牛肉就最離譜,細到不得了.其他都唔記得喇.不過佢就全部都係熱.環境:玻璃幕牆係幾high,樓底都好高(一半係兩層樓高),但唔夠冷氣,越食越熱,洗手間重涼過佢,舒服過佢.服務:好一般囉,都已經唔太多人都好少主動斟水.其他:唔知點解我o地張枱只有6個人,卻寫我o地8個人,於是將張咭交畀舅父時提一提佢同