川居雲南風味米線專門店 (已結業)

13:25坐低，兩分鐘唔夠已經落左單，仲要成個樓面計埋收銀得三個人，終於要收銀果個出黎落單，叫左個燜湯肥牛腐皮米線、凍啡少奶少冰、蒜泥白肉。等到13:45都未有野到，係連筷子都冇！ 。凍咖啡都唔係咁難沖啫。我隔離枱果個13:43坐低，又係兩分鐘叫野食，13：50都有杯檸茶到啦。我杯咖啡仲係影都冇 ！再等落去我實遲到。同阿姐講我唔要D野嘞，換黎係「啊唔好意思呀吓」。幾年冇黎食，間川居亂到不知所謂。搞到我午餐都冇得食。

川居由中學生既時間食到宜家閒唔時都會去食下回味一下，又係回味時間餓餓地叫多個小食 - 蒜泥白肉香係幾香但係唔夠蒜泥，肉就係打邊爐D腩肉片，口感唔係好夠主菜 - 燜湯米線 (雞翼/生菜)燜湯其實係好似燜肉既湯，有少少既辣味食黎食去都係鍾情佢既燜湯可惜既係從前既好味已經不在湯淡味左好多...已經無咩之前既味道二來叫左個生菜做餸但係就得果兩條雞翼細隻左都無咩特別......其實都幾失望... 從前既味道無左...... 但我信我水痕都會黎食左既希望佢會有進步

農曆新年就到，所以前日就約左媽咪去旺角行花墟加年宵，因為肚餓嘅關係所以就決定食左野先去行，我地選擇去好耐冇食過嘅川居食米線入到去得番一張二人卡位，好好彩！睇一睇餐牌，可以選擇自選餸配湯底或者揀佢提供嘅配搭，我地兩個都揀自選，之前食果陣都係叫開酸辣湯底，今次見有新湯底就黎試下啦，最後叫左豬軟骨木耳米線配四川麻辣湯底同雞扒秀珍菇米線配五味麻辣湯底，另外叫左兩件蜜川雞等左陣就上菜喇，前者嘅豬軟骨都算淋身嘅，木耳都好爽口，而湯底雖然有辣味但我認為頗淡，後者嘅豬扒幾夠味但份量少左啲，好似得三塊…而湯底都唔太討好，只有胡椒味仲有湯底唔夠熱…唔熱自然唔好食…反而蜜川雞都keep到以前嘅味道，不過唔抵食要十蚊一隻！總結：如果下次再有機會黎食，一定會叫番酸辣湯底！

川居雲南風味米線主打特色湯底但其實湯底不太特別, 七大湯底不外乎麻辣, 酸辣, 清湯米線亦只是普通貨色火焰山米線 - $54, 不算便宜, 份量 ok, 配料乃大路貨色 - 肥牛/腐竹/肉碎, 整體上味道配料皆無甚特色可言, 及唯一特別是以鐵鍋而非膠碗上, 感覺上自選米線更抵夫妻肺片 - 不過不失, 最少醬汁夠味, 正宗與否見仁見智茶餐廳格局及服務皆預期之內但價錢與其他主打米線的餐廳相比偏貴, 質素亦未見突出

今日同朋友去左川居食米線同薯粉,佢叫左個麻辣湯豚肉薯粉,我叫左個燜湯魚蛋雞肉米線,再來一容蜜川雞,味道可以,食完個麻辣湯成個口都麻晒,但好好味,今日燜湯有D失水準......

約住附近既朋友食lunch, 我想食米線, 行左都幾耐佢帶我黎呢度, 朋友話呢度『好出名』豬軟骨米線, 凍檸茶, 30幾蚊豬軟骨d肉係紅色, 紅得黎幾恐怖, 肉好韌, 軟骨好硬, 湯又冇味, 真係唔知佢出咩名, 可能我叫錯野食啦去香港仔魚蛋粉好過

今次真係忍唔住點都要留一留言，因為呢餐飯食到我地一肚氣！o個晚去食飯，其實之前都食過好幾次，覺得ｄ野食都ok，又唔係貴，所以耐唔耐都會幫襯下。今晚如常點餐，我地叫左個套餐（送一杯$14既飲品），但因為想飲菊蜜($16)，所以個人話加錢就加啦。點知佢拎返張單返o來時，竟然係加$8？！同個阿姐講，佢話送野飲就送$14，如果唔係，就要用半價叫飲品。點解咁唔合邏輯既都有？同佢講頭先落單時無人講我知要半價，佢竟話佢張餐牌有寫，咁叫佢拎o來俾我睇，結果根本就無寫到，只係寫送一杯$14飲品。我話咁我唔要杯野，改飲第二樣，佢竟然話「沖左無架喇」咩態度呀？宜家係你無寫清楚，又無講過，有無搞錯！後來佢終於肯換，咁我就要杯熱檸蜜(餐牌寫$14)，點知轉頭佢又話「熱檸蜜要加$2，要唔要丫？」搞錯呀，個餐牌明明就寫住$14，做乜又要加錢呀？佢話「入面係咁講，再唔係你寫低問我老板law，佢聽日會覆你既」對住一個咁既阿姐，真係未食都一肚氣！全程我和朋友都係好有禮貌咁問佢點解，但個阿姐就大大聲聲好似鬧我地話我地麻煩咁，又黑口黑口。咁既服務態度，叫人點再幫襯！

LUNCH時間去食, 因為去得早, 所以好多位, 阿姐態度亦OK食左碗沙嗲肥牛米線, 個湯幾好味, D牛都比想像中多同檯叫左碗麻辣湯, 我試左少少, 本身冇乜期望, 預左咁港式舖頭麻辣湯唔會突出, 但食落又幾唔錯喎, 不過唔太辣另外叫左個蜜川雞, 本身件雞麻麻, 不過個汁真係好正三十幾蚊米線其實份量都唔少, 呢區黎講收貨第日都會再去食

這家我和媽一起去過2次，兩次都是吃下午茶餐﹕$25兩款A餸面/$28一A一B款餸，有熱飲。記得第一次還覺得不錯、OK的，但第二次真的讓我忍不住給它一個「喊面」。第一次吃什麼已經不記得了。第二次吃的是炸醬雞絲酸辣米線，而我媽吃的是貢丸肥牛酸辣米線。阿姐的態度真的很麻麻很冷淡，我媽點食慢了一點，就瞪著我媽，很不耐煩的樣子。點食時不但沒有問我們辣的程度，炸醬又不能另上，令我不怎滿意。原想她沒問也起碼給我們小辣米線吧，但想不到米線只有酸，而不辣。米線太『淋』無彈性。韮菜、芽菜、腐皮很少，吃到底才發覺，嗄？沒芽菜的嗎？問回我媽才知道原來芽菜是放在面的，但我真的沒發覺。|||炸醬味濃無特別，份量也不多。肥牛真的很肥。|||雞絲和貢丸也很普通。下次都是回去裕一品吃算了。

我地4個覺得條街好凍, 一心諗住食下辣湯麵暖下胃, 點知走左入間難食野! 佢寫明有自選米線, 但又冇得食, 迫人一定要叫最少2 個餸, 要成$35, 仲貴過叫餐咁我地就叫左個午餐啦.... 有唔知6定7種湯底揀, 我地叫左酸辣同麻辣 麻辣雞米線 - 首先講d 雞, 又少又冇味, 都唔知食緊咩肉咁。入面無啦啦有2 粒魚蛋, d 魚蛋都係唔好食嫁, 好硬, 好似ping pong波咁! 再講個湯底, 又唔麻又唔辣, 都係冇味既, 好似水咁 酸辣豬軟骨米線 - 豬軟骨唔知點解d 肉係紅色嫁, d肉好un。個酸辣都唔係酸辣, 又唔酸又唔辣, 仲有怪味. 早知就叫清湯-_____-一到lunch time 就有好多人黎食, 有2 間鋪打對面。我地真係好唔明點解可以咁多人黎食, d waitress service 又差, 掛住講野, 講野又大聲好似街市咁。d 野又難食, 料又少又冇味。咁既水準收咁既價錢完全係 唔 值!!!!

因為媽咪話o個度d iced coffee好正, 所以陪媽咪去食。我叫左個豬潤擔擔面+iced coffee, 媽咪就要左個牛扒salad + iced coffee, 跟住另外又見平叫多左只豬仔飽因為個人比較中意食超lum的豬潤,所以媽咪幫我叫個waiter唔好整甘熟, 原先以為個waiter 應付我地先講好,點知碗野黎到試下d豬潤真係好正, 好lum又好大塊, 仲要勁多!!不過d湯就咸左d...所以食晒d面之後就無繼續飲湯了~然後杯iced coffee再上時,飲左啖真係幾唔錯, 好夠啡味而且面頭仲有d朱古力粉點綴下,所以幾有睇頭,,哈哈跟住一定要講既係o個度賣到超平$6只的豬仔飽, 因為唔係普通料, 是有烘底的, 而且仲有牛油, 真你超好味!!!! 甜甜地, 又香口!!! 簡直係主打的主打!!!! good!!!!!

點左沙爹海皇米線,,海鮮配料因為見..結果原來兩粒龍蝦丸,,無乜特別..感覺打邊爐6出黎仲好..唔覺點沙爹法..米線一般,..幾粒白色墨魚..一來無乜味..二來白色..所以唔知實際幾多粒了,,朋友就話咩有既咩..可見細小..到食哂咁際先發現兩件細小帶子..又係麻麻..真係強差人意隔硬黎咁..咁就38$...+5$要杯凍奶茶..又係麻麻..勁呀!!之後小食 蜜川雞..第1啖d汁同口感算係新意..但好快覺得猶如 肥肉的雞咁..但25$3件成..算la.."試"就係要有代價同心理準備

鐘意試新野既我，當然唔少得周圍搵好野食喇！於是今晚就同相公黎試下哩間正宗既雲南米線，起初食覺得味道唔錯，雖然辣係多過酸，未至於入唔到口果種．１．酸辣湯底－砂鍋雞肉：大煲到嚇親人，無諗過咁大碗，最終咪打包大半走．一黎到，隔離左右既食客都嘩嘩聲，果鍋野兩個人食都嫌多．２．酸辣湯底－雞肉鮑片米線：熱騰騰，熱辣辣，食到最尾係甜，之後就好口渴．３．椒鹽玉子豆腐：可以做得好ｄ．４．椒絲腐乳通菜：OK La...５．凍豆漿：有ｄ豆味既糖水．對面間野同哩間有無關係呢？店名一樣，裝修又差唔多，哩間就多左幾隻字，果邊得小貓幾隻．

其實一直都有去川居吃下午茶米線餐...因為實在太超值,而且米線味道非常好吃...如果沒有去過的人,真的要去一趟啊~因為下午茶餐包一碗兩餸一湯底米線以及一杯飲品(凍飲加2元),只不過是$23...說真的,你去其他吃米線的地方,一個小鍋米線都要$20啦~加一樣餸都要$5~10不等...這裡可以點的餸也包括肥牛啊~在其他店點肥牛,也要$8~10啦~所以就算下午茶的米線只有一樣餸,我也會覺得超值,更何況現在是有兩樣餸呢~而且米線味道方面,很不錯,本人覺得比尖沙咀樂道那間及很多分店的雲南米線店的米線好吃,至少每次品質不會參差,保持一貫水準...川居的米線湯底都是精炮製,吃完不會口喝...不要以為下午茶餐米線份量會很少,絕對不是啊~米線及餸的份量是很多的啊~跟平時點的米線份量差不多...吃完都會很飽...因此每次我都會當作午餐...不過星期六及假日,下午茶時段會是3點開始...不是2點半...如果可以提早一點開始就好了...至於服務,也很好啊~不過最好去新店幫襯...舊店有個阿姐好惡...就最近這次去川居,因為其中一個阿姐寫錯了餸,結果送來的不一樣,本以為沒關係的我們都願意照收,之後阿姐居然多送一

最近愛上吃麻辣，在旺角閒逛後走進了花園街的川居，隨便點了一碗羊肉肥牛豬潤小麻辣米線 ($33) 滿足一下。這餐廳環境像極茶記，亦設有卡位雅座，坐得比一般米線鋪舒服，但冷氣略為不足，除了熱還有點焗，是吃辣的大忌。先來的是加五蚊的餐飲凍奶茶，一下肚深知不妙，味道稀如水，奶味茶味不知去了那裡，算了，反正主角是主線。不消一會，麻辣米線緊接出場，但豬潤切得太細了，失去應有的口感；羊肉毫無羶味，質感跟肥牛差不多，坦白說我分不出兩者之別。說到湯底，的確是帶點微辣的快感，卻一點也不麻，有點失望。說到麻辣，暫時我最喜歡的是位於紅磡的川粵，即使小麻辣的程度也會麻至咀唇微震，相當過癮。至於這間川居，我覺得只是一間港式米線茶餐廳，絕不是正宗雲南川風味，唯此店提供多款湯底，其中較特別的是沙爹湯底，如果路過又口痕的話，或會再來試試的。