川居雲南風味米線專門店 (已結業)

原本１８蚊三隻的招牌小食蜜川雞已加價至２５蚊三隻４８蚊六隻，半年冇幫襯過琴日再去水準退步，理由係蜜川雞選用的雞翼的皮非常厚，口感肥膩，冇左以前果種既香脆又甜甜地的惹味。幾款湯底之中筆者鍾情於酸辣，但係川居呢間舖的米線味道好得意，筆者帶過唔少朋友去試，食開非正宗雲南風味（酸同辣分開果種）的朋友會食唔慣川居的味道，話唔好食，但係好多本身都幾挑剔同識食的朋友試過川居之後都話好食。個人感覺係雲南米線好講究湯底味道，而川居果煲湯底的酸同辣味係好和諧同埋有層次的。配料方面，個人覺得任何配料選擇都係次要，因為筆者覺得川居的湯底的味道本身好濃，我試過選不同配料夾埋酸辣米線入口，根本係食唔到湯底以外的味道的。順帶一提，川居每碗米線的份量都幾大，如果唔係太肚餓的話，兩個女孩子係可以分享一碗的，而現場所見亦的確有好多情侶都係SHARE一碗再叫小食的。

食川居食咗有八、九年，由舊址洗衣街食到現址，對佢十分有感情亦十分愛戴。嗰時食米綫都唔係咁普及，覺得煙煙un un好得意，咁就鐘意咗，都係因為川居。以前四眼仔老細成日看舖，而家少見咗，可能因為有分店關係，好事嚟嘅！好鐘意燜湯湯底，別處難尋，好濃味，我諗應該落咗多款香料泡製，加埋配料新鮮，米綫份量多，食得好滿足。其他湯底都試過，如清湯、沙嗲、酸辣，而酸辣都幾好，夠哂酸，諗起嚟啲口水都喺牙骹滲出嚟，加埋啲炸醬、菇類已經夠豐富。有食客話可能因為通漲，啲料少咗，係，你如果keep住每星期有去街市，唔好多，一星期一、兩次，啲食物係不斷加價，開間舖唔淨止計食材價格，如舖租、人工、水電等都有加冇減，所以都明白配料份量可能會少咗！ok啦！可以接受啦！最正最抵食時段當然係下午茶啦！卄蚊鬆啲已經有交易，份量雖比正常時段細，但都可以食飽，又食到燜湯經已心滿意足。仲有抵讚嘅係裝修後間舖唔同哂！醒晨哂！

以前同朋友都幾鍾意係度食野,因為除左米線之外,呢度的小食真係唔錯,點知尋晚再去,好失望!點左個自選米線,其中一款送要左秀珍菇,黎到竟然成大碗得果四隻菇?唔係下話?$5一款送,得四隻秀珍菇,咁即係一隻要超過一蚊?而家物價升左都唔係咁誇下話?只係隔一條街既香格里拉,又係$5,但係就有好多秀珍菇,起碼十隻以上,仲要大件好多喎!同埋人地$18包一款送,呢度唔包喎!唉!都算!到我地點飲品,話要凍檸廉,個操大陸口音既阿姐"下"左好多次都唔明,我地唯有解釋即係一罐忌廉汽水,要檸底,佢都仲係一舊飯,最後傻下傻下扮明白走開左,又去問另外一的阿姐,激死!而其他阿姐,服務態度似乎唔多好囉!我既comment係,貴夾唔飽,服務差,唔抵食!除非真係好想食佢果的小食,如雞翼,否則唔打算再黎!

招牌蜜川雞炸得香口o既去骨雞翼加上甜甜地o既味道真係幾好味d 米線o既湯底都唔錯，有幾款可以揀燜湯同沙嗲比較好味，燜湯較濃而沙嗲就較香再加兩款餸o既價錢大概係三十幾蚊一碗其實都唔算平架我最鍾意o既配搭就係沙嗲湯底配肥牛或者海鮮o里度有少少相http://eat-together.blogspot.com/2008/01/chuan-ju-restaurant.html

麻辣米線一向是本人的至愛. 然而, 慚愧的是, 我是在好兄弟的介紹下才發現"川居"這店子.好兄弟向我推介這兒的麻辣湯底. 可能是由於先入為主, 總之吃過大圍米之寶的"火燄米線"的我會將川居的麻辣湯底評為"不合格". 清湯不過不失; 有很多網友都推介沙嗲湯底(也許是取其花生的香味), 但我反覺得不及燜湯有特色: 渾厚的湯底帶點微辣, 這是其他雲南米線店子沒有的味道, 我覺得燜湯才是這店的"必食之選". 這店的招牌菜是"蜜川雞", 師父用巧妙的刀法把雞鎚切得精緻非常, 酸酸甜甜的味道亦很有特色, 一口一件也會令你感到吃得過癮. 雖然三小件賣二十五元絕不便宜, 但這"另一種吃雞翼的方法"卻是值得一試.午線套餐三十五元一碗米線(連飲品)比同類型的店子貴, 下午茶餐兩餸連飲品只售二十二至二十四元(視乎你選取什麼湯底, 不過份量會比午餐的較少). 想試味的話可考慮下午茶餐. 如果想試試蜜川雞的話則可考慮此店的二人午餐: 包一碗大米線, 一碟油菜, 四件蜜川雞及兩杯飲品, 收費七十八元也還算合理.

黎過三次，次次都覺得水準不錯，沙嗲湯同燜湯都係必食推介。其實lunch同dinner一碗都$3X，相比起譚仔、四川、景霖、雲桂、川之味等平價米線鋪，的確係貴左少少。好彩有下午茶餐(2:30pm start)，一碗連drink都係$21~$27，真係抵好多，值得一試。試過-沙嗲湯豬扒玉子豆腐米線(lunch~$33)-燜湯羊肉玉子豆腐米線(tea~$22)-沙爹湯羊肉排骨米線(tea~$23)-招牌蜜川雞(小份)(~$25)沙嗲湯同燜湯都好好味，值得一試再試。配料必叫羊肉，羊肉羶味重，好正，份量一般;豬扒也不錯，其他則麻麻地。蜜川雞(小)有3隻，係就係幾好味，但份量超細，細得可憐，一啖可食晒一隻，好唔抵食。下次會再來，回味一下沙嗲湯同燜湯。

辛辛苦苦搞完活動，lunch走去呢度食個米線點了沙嗲肥牛香菇米線，好大碗，份量十足，我最鍾意食的芽菜亦多，要讚是米線真正彈牙，沙嗲味濃，滿口花生香，沒有辣味，適合怕辣人士﹗跟埋餐飲埋奶茶35蚊，差唔多吧﹗食完感覺很滿足﹗

通常黎呢度都係食lunch，今次試下晚餐，價錢相差無幾，都係三十零蚊，唔怪得位置唔多就腳都滿座啦！裝修過後燈光柔和咗，中間多左排二人位，但就感覺怪怪同埋坐得唔舒服，所以坐落左都要佢換位。呢餐叫左以下食物：1)炸鳳凰卷(其實即係沙律卷，新鮮熱辣脆卜卜，好香口，但食多會滯）2)香菇沙嗲肥牛米線(黎呢度唔食沙嗲好似對唔住自己咁，今次唔食豬扒玉子豆腐改食呢個，湯底依舊香濃味美，值得一試再試）3)涼拌麻辣雞絲米線(由於沙嗲湯實在太濃了，所以輪到食呢個時就覺得比較淡，但咁樣反而有種清新既感覺哩！因為係少辣，唔會食得太辛苦，喜歡清淡既朋友可以一試)見到枱枱都叫蜜川雞/骨，似乎好好味咁，有機會一定要試下！至於服務方面，對於旺角區從來都冇咩要求，呢度的阿姐手腳都幾快，算係咁啦！對面街小巴站度有間分店，呢度冇位可以去果邊睇下，調轉都得！

每次黎都會叫沙嗲湯底既米線同埋雞亦，真係好好食呀!哈哈哈!!但豬扒米線食10次.10次個豬扒都係唔林架!可能炸老左呀!!而家有得任揀湯底好好多呀!我既至愛雞亦沙嗲湯真係好食!!

早幾晚要到旺角買行李箱, 所以要在旺角吃晚餐, 於是來到川居雲南風味米線專門店一試雲南米線.一入店內, 見到都幾光猛, 座位都算闊落, 不過中間一排座位比較古怪, 而且冷氣風口很厲害, 怕冷人士要小心選擇座位.昨晚吃了:1.菌子腩肉米線配酸辣湯(湯底ok, 夠酸, 但辣味就唔夠, 腩肉比較乾身, 有少少似五香肉丁, 仲有兩粒墨魚丸)2.香菇沙爹肥牛米線(湯底沙爹味唔夠濃, 但都ok! 肥牛真的很肥, 而且幾鮮甜, 冬菇同金菇都好食!)3.蜜川雞(要左細碟$18 有3 舊, 甜甜地, 好香口, 雞肉好肥美, 好好食, 建議可揀大碟!)食物大致不錯! 但食完好口乾, 好有可能係加左大量味精. 另外, 昨晚出現落錯單的情況, 原本叫既香菇沙爹肥牛米線變左豬排米線, 令到多等了10 分鐘! 三樣食物+ 兩杯豆漿= $98, 價值都唔算貴! 相片請參考:http://www.fotop.net/thxdtsdd/eat

同朋友行mk, 特登嚟呢間食米線下午茶餐: 米線+ 飲品$22, 凍飲+$2, 都幾抵, 唔知係咪茶餐, 米線幾細碗朋友要火腿& 肥牛, 火腿好細片, 肥牛亦好碎, 佢話湯太酸, 而且好杰喎我要腐竹+ 墨丸, 反而覺得湯唔夠酸, 都幾咸, 而且好多味精, 食左2啖已經唔得, 要勁飲水囉都唔係正宗雲南/ 四川口味, 同荃灣既米線店相差遠了

兩米線$35, 加飲要加$5, 湯底有五款可以自由選擇. 所謂晚餐, 其實都係選定兩米線, 同散叫無分別. 服務就略差少一點...麻辣羊肉湯米線指定動作, 要中辣. 呢度中辣都幾辣, 唔錯. 但就無咩麻感覺. 呢個係晚餐, 睇個名唔知係兩, 到先見到有羊肉同埋龍蝦丸. 羊肉片好羶好正, 但份量唔多. 龍蝦丸普通. 配料都多, 都幾大碗. 可能因為湯同無一齊過, 所有菜都唔多入味, 辣味還辣味, 又可以好清楚食到米線味, 羊肉味等, 證明湯底味入唔到d度.魚片皮蛋湯米線幾創新湯底, 亦都幾健康, 味道幾好. 雖然知道正宗過橋米線係食時先將湯同米線撈埋, 但咁就會好似唔入味lor, 米線亦比較硬身d.蜜川雞$18有三件, 係呢度招牌菜, 幾香幾惹味.

尋晚同朋友食飯,係佢介紹我黎呢度食米線既...一入去,初時我覺得最平都35蚊一碗米線,使唔使咁貴呀?但係點左黎到,發現原來好大碗,比一般米線多!食左個滑雞鮑魚湯米線,揀酸辣湯,第一啖,個湯真係好辣,差點受不了,但係食落之後,竟然愈來愈唔辣,真奇怪!雞係雞件,唔肥,所謂鮑魚就求其左少少,另有一些配菜如雪菜果的,都好多料,同埋味道唔錯,一碗都好飽肚!我地加五蚊配多碟腐乳通菜,比較細碟...再叫左個什麼蜜糖什麼雞,好得喎!3件18蚊,6件則35蚊,但係真係好味,雞肉脆脆地(個面),啖啖肉,好香,有蜜糖味,甜而不辣,夠滋味!必食推介呀!

喺度食咗幾年，雖然水準一時時唔同，但係都間唔中會返嚟幫襯吓佢。今晚約咗舊同事食晚飯，卅幾度冇得打邊爐，於是嚟食米線。行到門口…差啲唔認得。一排冇嚟原來裝修咗，成間大家樂咁，尤其啲有英文字嘅玻璃。叫咗碗過橋米線，同事叫咗碗麻辣米線配腐皮同金菇，另外要多一碟細蜜川雞。過期米線其實冇幾年前我初初嚟咁好食，個湯都唔多同味。蜜川雞同蜜川骨可以話係呢度招牌菜之一，一早就應該出「細版」啦。如果唔係左邊卡位，我未必會入去幫襯。

每次出差回來,總想到川居吃火線. 今次出差的不是我,但同事也提議去食食.川居剛裝修了不久,座住多合二人共享,我們一行三人,要移玉步到對面新舖.一坐下,三個中我及另一位同事叫了肥牛金菇米線,另一位則叫了雞肉米線.熱騰騰,從開始吃至吃完,煙從不間斷的冒出,真係由頭到尾都"口甘"好煙..肥牛正,金菇好味,沙爹湯底好甜.又夠份量.真的百吃不厭!