影片
更多
2024-11-08
228 浏览
歡迎食力組又有新成員加入，為咗進一步了解佢嘅口味，先從呢間川菜館開始。所有菜式辣度可選擇，唔係辣妹嘅佢選擇小辣。涼菜小食最快上枱，黎客口水鷄 ($66)，刺激一下味蕾。唔好比佢個辣油嚇怕，辣度絶對可以接受，鷄件上淋上醬汁，再加埋花生碎及芝麻，增加香味; 鷄肉入口都嫩滑，沾上醬汁食都唔錯。多款小炒類中，呢客京蔥牛肉 ($88)配6張麼麼皮，一個餸比你有2個食法。食法一當然係用半暖麼麼皮包住京蔥加牛肉包住，然後一啖食，滿滿口感。食法二係用黎送飯，惹味醬汁加牛肉，又做咗今晚嘅偷飯賊。壓軸出場有金湯酸菜魚 ($188)，呢個係正常份量，仲有個加大版。選擇小辣，所以紅辣椒只係少許。嫩滑嘅魚肉片已舖滿大半，入口無細骨，食得方便。其他配料包括大量薯粉條，菇菌，萵荀片等，煙韌薯粉條配上酸菜魚湯底，單食好味又飽肚。新組員對於呢餐表示認同，食得飽飽價錢又唔貴，埋單後一路行一路商討下餐邊到食，哇哈哈…….
所有菜式辣度可選擇，唔係辣妹嘅佢選擇小辣。涼菜小食最快上枱，黎客口水鷄 ($66)，刺激一下味蕾。
唔好比佢個辣油嚇怕，辣度絶對可以接受，鷄件上淋上醬汁，再加埋花生碎及芝麻，增加香味; 鷄肉入口都嫩滑，沾上醬汁食都唔錯。
多款小炒類中，呢客京蔥牛肉 ($88)配6張麼麼皮，一個餸比你有2個食法。
食法一當然係用半暖麼麼皮包住京蔥加牛肉包住，然後一啖食，滿滿口感。
食法二係用黎送飯，惹味醬汁加牛肉，又做咗今晚嘅偷飯賊。壓軸出場有金湯酸菜魚 ($188)，呢個係正常份量，仲有個加大版。選擇小辣，所以紅辣椒只係少許。
嫩滑嘅魚肉片已舖滿大半，入口無細骨，食得方便。
其他配料包括大量薯粉條，菇菌，萵荀片等，煙韌薯粉條配上酸菜魚湯底，單食好味又飽肚。
新組員對於呢餐表示認同，食得飽飽價錢又唔貴，埋單後一路行一路商討下餐邊到食，哇哈哈…….
张贴
