常溫

营业中

休息中

小店主打"常温"蛋糕，而佢嘅招牌可以話係傳統港式拿破崙。拿破崙製作極麻煩，再加上小店用料講究，所以以經新蒲崗嘅話就唔好錯過啦。————————————————🍰 拿破崙, $26（3.5/5）拿破崙由4層牛油忌廉，3層自製酥皮同2層合桃蛋白餅組成，層次豐富。一開包裝已經聞到好香嘅牛油味，食嘅時候酥皮酥脆，牛油忌廉香滑而不膩，再配合有合桃嘅蛋白餅，口感豐富，係一種我自己未試過嘅味道。

常溫🌟西式糕點小店🍰古法拿破崙一口食唔哂甘多層所以分開食，好好味，酥皮酥脆又鬆化，仲有啖啖牛油香味，中間有忌廉同合桃蛋白餅，口感煙韌，甜度岩岩好🌟🥧荷蘭撻俾佢特別既外型吸引左，出面好少見呢款甜點，内裏撻皮同杏仁蛋糕都好味😋中間有滿滿既忌廉，又唔會好甜

我第一次幫襯~琴日買咗2舊，一舊係拿破倫，一舊係柚子磅蛋糕。我琴日食咗磅蛋糕，味道好味，但質感都係乾同鬆，可以再重牛油！今朝先食個拿破倫，無任何翻熱，一食勁驚喜！千層依然酥脆~個餡都有精心設計，合桃有咬口，同埋成舊呢個組合都唔會一咬散晒～個忌廉好味，又做到佢要做嘅野！以後認住你個拿破倫！✨🤤💖

次次去新蒲崗買麵包都淨係去享樂,今次諗住試試新意思, 行前兩個街口, 見到而間常溫好似都幾出名,所以就沖入去了~一入到去, 麵包味超香~舖頭後面見到麵包師傅係度整緊麵包同焗蛋糕~唔怪得咁香啦😋而間舖頭唔係淨係得麵包賣,仲有蛋糕, 杏仁條, 曲奇餅等等~我就俾而個戚風蛋糕吸引左😝最後我買左開心果戚風蛋糕($14)同埋佢自稱人氣No.1既古法拿破倫($27)戚風蛋糕超柔軟~!!不過開心果味唔太重~ ok 啦~拿破倫我見佢no.1, 所以試左,勁酥脆!!!! 完全可以同出面帝x果個比~不過咁細件$27就貴左dd~平dd會好d hahahaha!!!但都值得試下😋😋😋

我好鍾意食麵包甜點之類嘅嘢，一有介紹比較特別嘅，我就會好想去試，常溫一直都想食，但係舖頭真係唔係好就腳，所以今日去開新蒲崗，一定一定要去朝聖，本來一心只係諗住買拿破崙同埋戚風蛋糕，但熟悉我嘅人都知道，是沒有可能的事😂😂😂，睇吓戰績如何👇🏻👇🏻👇🏻▪️原味香草戚風件裝 $13一打開好香蛋味，超級鬆軟濕潤，簡單的味道就是好味，這就是我喜愛的戚風，正在埋怨自己點解買得一件咁少😂▪️蝴蝶酥 $80蝴蝶酥係我最鍾意食嘅甜點之一，呢度嘅蝴蝶酥唔係平$80只有一小包，但牛油香濃，糖充滿焦香，而且極度鬆脆，坊間唔係好多餅店可以做到如此酥脆▪️法式杏仁條 $55呢個下午茶配杯茶一流，面是充滿着焦糖的杏仁夾住酥脆嘅餅底，有着法式甜點甜美嘅味道，鐘意食焦糖杏仁嘅朋友不可以錯過，呢款是咁多款甜點當中比較甜嘅一款▪️荷蘭撻 $20呢個我本身冇諗住買，但係姐姐落力推銷叫我試吓話呢個好好食，我又買咗，因為我好怕好甜嗰啲果醬，冇介紹錯真係好好食，撻底係鬆化，中間嘅蛋糕有好香濃嘅蛋味同埋好鬆軟，cream唔會太甜，重點最頂嘅果醬好好味呀，我對呢款甜點印象完全改觀，未食呢個之前我腦海仍然係停留緊係美心$4一件好難食嘅印像😂⚠️放咗

或許是「西貢」近年差劣的交通狀況，驅使我在星期三的下午，提早在「西貢」小巴總站乘搭專綫小巴，從「西貢」趕來「新蒲崗」，光顧位於「大有街」，一到下午七點就已經打烊的西式麵包糕點店「常溫」。我上門光顧「常溫」的時候，時間才剛剛下午三點半而已，換言之我即使付款購買，和享用完「常溫」的西式糕點之後，距離正式上門光顧享用「牛腩飯」晚餐仍然有一段遙遠的距離。於是我在「常溫」琳瑯滿目，擺放在陳列櫥櫃表面上的各式西式蛋糕糕點裡面，選擇了外表鮮艷奪目，紅彤彤，呈心形形狀的西式蛋糕甜品「紅桑子開心果慕絲」。我雖然只是在「常溫」裡面，僅僅購買了一件「紅桑子開心果慕絲」而已，但是「常溫」仍然為「紅桑子開心果慕絲」預備一個有手挽的外賣紙盒。但是「常溫」的「紅桑子開心果慕絲」在我終於去到公園，嘗試打開「常溫」外賣紙盒的那一刻，發現「紅桑子開心果慕絲」仍然不小心觸碰紙盒，慕絲甜品其中一角稍為撞崩了一點點。我最初以為「常溫」甜品「紅桑子開心果慕絲」裡面的實際味道，會有來自「紅桑子」的濃厚酸味，也曾經期待過「紅桑子開心果慕絲」裡面，會有原粒「開心果」果肉鬆脆口感。結果我發現「常溫」「紅桑子開心果慕絲」的實際味道裡面，原

📍籃瓜形狀芒果芝士慕絲暫時係我食過最好食嘅芒果慕絲！芒果味比芝士味重，加上超可愛嘅南瓜形狀！實在令人唔捨得食😂特登咁樣橫切面切開俾大家睇吓，入面係幾咁靚，必食之選！📍蘋果形狀抹茶脆脆慕絲青蘋果嘅外型都係童話嘅主角！抹茶味好濃，一啲都唔甜，睇起嚟都唔捨得食！加上入面有脆脆朱古力碎！好好食！上次食過紅色嘅紅蘋果，好似係紅桑子，個人比較鍾意食抹茶❤️📍柚子燉蛋慕絲柚子味好濃，反而蛋嘅感覺唔係好重😂柚子好清香，最頂仲有啲金箔，成件事即刻高貴晒🥰不過呢款唔係成日有，我上次黎都冇$48/ 個， 底層墊底嘅威化餅就一般，唔係幾好食

同事一講起新蒲崗美食💁🏻‍♀️就會大推常溫嘅古法拿破崙 早幾日佢去咗新蒲江，估唔到竟然帶咗返嚟做手信😲✨飲食記錄：常溫古法拿破崙: 利申對拿破崙係又愛又恨，又鍾意食但又會食到好呢hea🧟‍♀️ 常溫嘅古法拿破崙，餅底好鬆化而且牛油好香但食落又唔膩🤤餅底之間有只係好薄薄一層嘅忌廉，所以唔會一啖咬落拿破崙就散哂成口餅碎忌廉儀態盡失😅仲有好特別嘅係❕佢好味得嚟係常溫食咖😲

某連鎖西餅店以前都有這種件裝蛋白合桃夾心的拿破崙，後來變大件了，酥皮由三片變成左右兩片，連合桃夾心的質感都改變了，自此亦冇再幫襯。常溫的古法拿破崙就是那間連鎖西餅店賣的一樣，終可再讓我重拾過去的美味。這個拿破崙酥皮鬆脆，夾著有點煙靭的合桃蛋白，一脆一靱，口感不錯。至於味道，如果奶油和蛋白合桃夾心可以甜多少少，味道會更豐富。常溫的古法拿破崙，整體唔錯，但一件$26，有點貴。另一件是柚子戚風蛋糕，柚子味清新，蛋糕帶點濕潤，質感比平時吃的戚風蛋糕還要輕，自己則不太喜歡這種風一般口感。

新蒲崗有唔少值得支持嘅小店～ 今次黎到呢間出名賣古法拿破崙餅嘅餅店😋 本來一心黎買拿破崙，但見到佢有好多其他產品都好吸引😍 今次試埋戚風蛋糕同磅蛋糕～拿破崙好鬆脆，食落層次好豐富，甜味剛好，而且入面嘅合桃同奶油嘅份量岩岩好～ 開心果戚風蛋糕好鬆軟、口感微微濕潤，有開心果味👍🏾，一件嘅分量比較細，食完唔夠喉🤣 不過磅蛋糕就麻麻哋😖，味道冇咩特別而且質地太鬆散，可以唔使試😝見佢哋雪櫃有一件件嘅roll cake都好吸引，下次可以挑戰吓🤤

於母親節前一天買了一個蛋糕及拿破崙餅慶祝胖女店員態度非常差，問多句都嫌你煩其實我只是問了兩句，黑口黑面幾好食都假啦（其實蛋糕酒店價錢味道一般）臨走前已經再問店員個蛋糕上嘅玫瑰花會唔會跌落嚟完全冇搵膠紙貼好過底果然返到屋企一打開成個玫瑰花塔咗落嚟講真個蛋糕味道就真係一般啦如果咁嘅價錢我去酒店買好過啦服務態度好好多又唔使受你氣再唔改善真係唔再光顧。P.S.另外個拿破崙切餅如果佢幫你切又要收你$⋯⋯⋯加個盒又再收錢真係冇下次

因為朋友生日，我地打算露營慶祝普通蛋糕要雪著，為左方便就係上網搵到呢間訂咗一整個戚風蛋糕每日出爐嘅蛋糕都唔同口味我預先一日去訂原個戚風蛋糕當日10點半先知會出咩味我嗰日就有黑芝麻同伯爵茶最後揀咗伯爵茶蛋糕然後我地自行加水果做裝飾由拎蛋糕日計起到食蛋糕個晚經過咗2日半嘅時間好彩冇壞到，因為店家係講可以放2日食落伯爵茶嘅味道仲係非常濃郁蛋糕好鬆軟，食咗都唔會覺得口乾食到攪碎咗嘅茶葉但朋友就唔係好鐘意食到茶葉味道同價錢合理

🇭🇰 < < 常温 > > 輕盈Roll Cake💰 [ ~$50 ］📍 [ 新蒲崗大有街33A號佳力工業大廈地舖 ] ______________________________ 1️⃣ [ 開心果卷蛋 🍰] ʜᴋᴅ38新蒲崗有好多出色小店 🤓今次就試左常温幾出名嘅卷蛋最上面係少少開心果碎 蛋卷整體都偏綠色幾特別☘️蛋糕幾鬆軟同濕潤 唔會太dry中間嘅cream食到有dd開心果味整體幾清新 唔會太甜膩口🥰但如果開心果味再重啲會更正😋好味指數：7.5/10🏃回頭指數：7.5/10🔎🏷️ #letus九龍 #我要吃掉全世界 #letus下午茶系列 🔍

由於想搞搞新意思 所以訂左拿破崙蛋糕同朋友慶祝生日-之前食過呢間甜品質素唔錯😌但係訂蛋糕都係第一次 基本上個蛋糕無令我失望～蛋糕好有份量！！拎一陣都覺得重有啲吃力🤣呢個拿破崙完全做到層次分明 好酥脆 每一啖都食到芒果好滿足🤩🤩 整體嚟唔會太甜 就本身好怕食甜品都覺得好好食☺️☺️-有興趣訂嘅可以留意佢地instagram 嘅蛋糕款再whatsapp訂 最好預2個工作日比師夫做準備😁 可以保證食物質素絕對對得住價錢😌

朋友間互相推介呢間餅舖。。講到好神😆。。當然我都唔執輸要走來試吓啦。。其實我嚟過兩次。。第一次差唔多6:00可能真係夜左啲佢嘅拿破崙餅已經賣晒啦🤦🏻‍♀️🤦🏻‍♀️🤦🏻‍♀️。。之後又隔咗幾日下晝四點幾今次就終於買到啦😋😋其實佢嘅門口都有啲隱蔽。。而且唔夠顯眼。。。我哋入到去第一時間梗係買幾片拿破崙餅啦。。然後仲試咗佢嘅金磚開心果。。返到去第一時間梗係開咗個拿破崙餅食先啦。。又真係好鬆脆😋而且還有點麥芽糖味。。最重要係佢合桃份量都多。。。所以成個拿破崙嘅口感層次都好豐富但係另一個開心果仁金磚杏仁。。呢個就好普通囉。。只係普通一件牛油蛋糕上邊有多啲果仁。。🙈其實唔試都冇損失😅😅😅其實佢哋仲有好多唔同嘅蛋糕或者餅食。。價位偏貴💰💰。。我諗最值得我欣賞都係拿破崙👍坦白講。。雖然我覺得$26一件仔拿破崙都係貴。。但我欣賞佢嘅手工仍可接受嘅。。希望佢真係能夠保持呢個質素啦