常溫

营业中

休息中

入到去，發覺呢間「常溫」唔係麵包舖，係主打蛋糕、曲奇。晨早流流先食咗個「抹茶麻薯卷蛋」同「荷蘭撻」，抹茶卷蛋入面嘅忌廉唔膩唔黐喉，粒麻薯冇硬弸弸仲煙靭得嚟可拉絲。荷蘭撻賣相好簡單，諗住普通料，意外地雞蛋味幾濃，實蛋糕質地入面伴隨少許類似蛋達又似慕絲質感，餅面有少少脆底，口感算幾有層次。打算將「香橙杏仁牛油蛋糕」分開一半，一捏就碎，橙皮杏仁片少量，自己不太喜歡鬆散質感。比較喜歡個質地係長形啲嗰款蛋白蛋糕（忘了名字，見3件蛋糕的圖、最底下嗰款），比較鬆軟似啲古早蛋糕。總括佢啲蛋糕類都係少甜，似乎健康啲，不過價錢就相對拉高啲。

💛 @sowarmhk 🎂 伯爵茶芝士慕絲蛋糕家姐的生日蛋糕🥰💛 揀咗「常温 @sowarmhk 」嘅伯爵茶芝士慕絲蛋糕，仲免費幫我哋改咗做呢個咁靚嘅聖誕特別造型，喺蛋糕上加咗雲石面，好靚呀😍 伯爵茶味加埋芝士清新得嚟唔會太膩，好夾❣️爸媽同生日嘅家姐都好滿意，蛋糕size仲有啲大添，五個人都食唔晒手，淨返少少第二日可以繼續食XD ！呢個蛋糕好味價錢又合理，下次可以再試埋佢哋嘅古法拿破崙蛋糕添呀💛！！

媽媽生日😌上年遇到不愉快嘅事件所以食唔到拿破崙蛋糕，今年再補返一個。呢間係朋友介紹，喺新蒲崗嘅一間小店，❤️士多啤梨拿破崙 5x5吋＄498朱古力生日牌加$20～ 😌蛋糕微甜，食落非常之酥脆。蛋糕面鋪滿左士多啤梨，但係我上咗一㗎痴線嘅的士，結果跌咗少少落嚟🤷🏻‍♂️Anyway! 總之老媽子大人對個蛋糕好滿意就夠了：）我仲買咗古法拿破崙，不過比咗另一個生日嘅朋友，我都等緊佢食評！呢間係我bookmark左下次一定要再去買嘢嘅！因為佢仲有好多唔同嘅蛋糕或者甜品都想試！

一向都知新蒲崗多隱世美食，去嗰陣專登做定research，見到有好多人讚佢個拿破侖，就心郁郁走咗去買🥰💙古法拿破侖💙💵$27佢細細件就要$27，真係一啲都唔平😳不過食落又真係同一般街買or以前細個食美X嗰啲好唔同😛千層酥好酥鬆，合桃蛋白餅好脆😋中間夾住嘅牛油忌廉份量啱啱好，唔會太甜太漏☺️整體係真係好食嘅～💚開心果戚風蛋糕💚💵$14依個都好有驚喜，超級濕潤柔軟😍😍仲要真係食得出真嘅淡淡嘅開心果果，絕對唔係人工嗰種假化學味☺️食完成個都唔會口乾想飲嘢～不過我覺得可能因為始終開心果係屬於果仁油脂類，會比其他茶類or水果味多咗啲油膩感～🧡伯爵茶瑪德蓮🧡💵$16依個都好唔錯，伯爵茶味好出好香，蛋糕質地都好鬆軟，係一件優秀嘅下午茶☺️💕overall💕雖然定價較高，不過質素有保證😛

認識常溫是因為剛開業時有朋友推介它們的蝴蝶酥。店舖位置對我黎講相當隔涉, 可以話每次都係專登去幫襯, 買完即閃(因為附近實在都無野好行)。雖然朋友介紹它們的蝴蝶酥, 但我每次必買的卻是常溫另一款受歡迎甜點 - 拿破崙。也有食過佢地既戚風蛋糕, 同樣高質, 蓬鬆輕盈的戚風蛋糕入口鬆軟濕潤, 清新無負擔的滋味。一段時間無幫襯, 突然之間想食的原因是最近試左一間位於屯門的蛋糕店 - igatti, 令人失望的拿破崙, 酥皮既唔香又唔脆, 吉士醬又太甜膩。所以我又掛住常溫了。古法拿破崙 - 跟一般在市面買到的拿破崙不同, 中間夾層不是吉士醬而是牛油忌廉和合桃蛋白餅。酥皮香脆, 牛油🧈香氣濃郁, 夾層的合桃蛋白餅鬆脆得來又帶點煙韌, 合桃也毫不馬虎, 焗得脆身, 充滿新鮮果仁香, 牛油忌廉為整個拿破崙帶來順滑口感, 這絕對是一款層次感十足的甜點。   常溫的古法拿破崙暫時係我最鍾意的拿破崙, 食過咁多次都依然保持水準。定價💰合理, 不過對比起宜家好多既蛋糕店就可以話係唔合理........地平。記得igatti一件要$50+, 梗有一間係左近既美心西餅都要$20+一件, 無論價錢如果, 唔好食就

岩岩放工去買蝴蝶酥，買下佢個size，佢木無表情甘講「果度有寫」。問佢拿玻崙，又西晒語氣甘解釋。講真，我平時一定走，今日叫做想食蝴蝶酥，所以吞左佢。好老實，一間鋪頭可以令客人比完錢，未食已經覺得受氣，感覺極差。我唔知呢間野憑咩甘有信心可以以甘既態度做落去。今日係我第一次買，亦唔會再入去買。果女仔係後生，廿零三十度，一個人看鋪。呢間野叫常溫，So Warm? 邊忽Warm？如果負責人睇到，請留意下客人既聲音，我唔係第一個甘話你間鋪。如果果個女仔就係負責人，甘當我無講過，但你可以考慮下改個鋪名，一點兒既溫暖，我都感覺唔到。

#_bigfoodbaby新蒲崗#_bigfoodbaby餅店新蒲崗真係有好多誠意小店值得支持下，除咗有大熱嘅享樂烘焙，呢間餅店嘅古法拿破崙都十分出名👍🏻✨🌝古法拿破崙 $27 (短條 12cm $124/ 原條 20cm $206)同法式拿破崙唔同嘅係，港式無咗兩層吉士醬，由三層酥皮三層合桃蛋白餅三層牛油忌廉組成，絕對係心機同誠意之作👍🏻而佢哋嘅酥皮充滿牛油香，但食落無一般港式拿破崙咁膩，我諗係無咩豬油？而口感方面，佢哋亦做到好鬆化但又唔易散！（通常食拿破崙都好狼狽啲酥一路食一路跌🤣）但呢度係可以完整食哂一舊！另外合桃蛋白餅口感上係較煙韌，配埋唔會過甜嘅牛油忌廉真係幾好食🤭🌝伯爵茶戚風蛋糕 $14見到佢有賣埋細細件嘅戚風蛋糕，就買咗黎淺嘗下，蛋糕體非常鬆軟充滿空氣感，食落亦唔乾👍🏻伯爵茶味非常出同清香🤩係完全唔覺膩，口感清新嘅蛋糕👍🏻🌖開心果戚風蛋糕 $14好難得見到有開心果味嘅戚風蛋糕，食落有淡淡嘅開心果味，再濃啲會更好📍常溫 (新蒲崗)新蒲崗大有街33A號佳力工業大廈地舖

古法拿破崙每件 $27短條 12cm $124原條 20cm $206法式拿破崙係由三塊酥皮和兩層吉士醬組成，而港式拿破崙就有九層，分別係三層酥皮、兩層合桃蛋白蛋糕同埋四層鮮牛油忌廉。不論係法式拿破崙定係港式拿破崙，本來小編都冇乜特別好感，但自從試過常温嘅古法拿破崙之後，自此就愛上咗佢哋😋因為佢哋嘅招牌古法拿破崙真係好好食👍🏻小編就買左12cm版本，大約可以切到5件。拿破崙分別由三層酥皮同兩層合桃蛋白餅組成，酥皮同合桃蛋白餅之間夾住一層薄薄嘅牛油忌廉。酥皮食落好鬆脆，合桃蛋白餅有小許煙韌。而牛油忌廉滑身，亦唔會好膩。整體口感非常豐富，而且唔會好甜。如果去開新蒲崗嘅一定唔可以錯過！

老婆經過蘇蘇Media啲網友介紹，推介呢間小店嘅拿破倫；以我嘅體驗係冇可能在服務質素會有評分，其實人有幾厭世先至可以做到呢種效果。一般來講我唔會賣脹就走人算啦，無論佢嘅創業故事有幾動人，KOL點樣做足功課⋯⋯不幸嘅係因為係老婆生日指定，便吞下了這肚子氣。無論店員係咪老闆娘定係邊個個囡，最好都係唔好再接觸人。從頭到尾都冇眼神接觸，垂頭嘅黑面琵鷺，超趕客。心唸可能係自己未幫襯，或者有生意又會好少少，於是就訂生日蛋糕。而價錢就⋯算啦唔提，人人或者有唔同唸法。問店員有乜嘢選擇，回覆係「IG」，繼續黑面。講Pick up time，無端抱怨下次唔好咁急，其實我哋只係正常咁問幾耐而冇要求快，硬係搵機會郁你。好困難咁溝通到邊日點拎蛋糕，又重覆講下次唔好咁急。當然又係冇尾音好似買咗700幾蚊，直到最後俾錢都唔容易，唉！以咁嘅環境之下，訂個蛋糕真係好辛苦⋯⋯重要忍得住唔發嬲，事前要練好自己嘅情緒管理，心平氣和，與世無爭，立地成佛。祝 店主你捱到一個租約。ps 未食，所以味道3粒星

-經常去新蒲崗練習，成日都諗新蒲崗有咩食🤣 （做運動真係會令人好開胃㗎…😮‍💨-好奇一望OpenRice，就發現咗哩間餅店，聞說有好好味嘅拿破崙，於是就開住Google map過嚟拜訪吓先🤪-拿破崙有件裝同條裝出售，我買咗一件試吓，仲買左兩件拿破崙蛋糕卷🧡-經典拿破崙：細細一件，咬落去第一下已經有好濃嘅牛油香味，酥皮好鬆化但又唔會食到一地碎👍🏻佢哋嘅餅皮真係好唔錯，夾埋香滑忌廉同合桃蛋白餅，真係好香，口感亦好豐富😋 -拿破崙蛋糕卷：有啲似傳統麵包店嘅花卷🧡佢哋嘅蛋糕都做得好好，口感鬆軟有蛋香，配埋鬆化嘅拿破崙，確實係個穩陣嘅配搭👍🏻-不過三件加埋就過100蚊，價錢係有啲貴，不過試一兩次我覺得都可以嘅，經過的話買一件食吓都幾過癮😉🧡

建議：如果天氣熱，記得要放入雪櫃凍一凍先食，感覺會無甘鬆散😋#試伏專員 K君比較鍾情於#拿破崙 ，好多時候不論係去港式定西式餅店，都會先留意有無傳統/新口味既拿破崙蛋糕❤️有次去開#新蒲崗 ，行過見到間好木系既舖頭，一開始以為又係新開既Coffee Store😂 點知上Google Map一睇原來係一直有留意開主打#古法九層拿破崙 既－常溫，老闆係沿用港式做法，重點係零添加。到底法式同港式係有咩分別呢⁉️為左了解多啲啲，做左少少功課🤤 #法式拿破崙 Mille-feuill，係經典既法國甜品。三層酥皮，中間夾兩層Cream/Custard❤️ 而港式拿破崙 最唔同既就係加左蛋糕 同合桃。今次試左：▫️古法九層拿破崙 (HK$27)件裝拿破崙係獨立包裝，另外仲有2️⃣個Size 揀：12cm (HK$124) /原條20cm (HK$206)。打開包裝後，有淡淡既牛油香。層次都算分明。唔知係咪前排比較熱，所以買完放一陣先食落，整體都好鬆散。可能放係雪櫃凍一凍 等天氣涼先室溫食會比較好☃️酥皮部份加埋夾層既Cream，食完有少少油感🤔 不過酥皮係真係好脆👍 另外，蛋糕感亦唔係好強烈。合桃比較碎身，唔算

好多人問我有冇食過新蒲崗嗰間餅店嘅拿破崙呢？咁我咪上網搵囉，終於搵到啦！入到去嘅時候見到不同嘅甜品，咁主打就係話佢哋嘅拿破崙好好味，咁我都知道佢哋製作呢個拿破崙係好用心機，而且仲有分唔同大細唔同嘅價錢，真心一分錢一分貨，咁好食嘅拿破崙係好多優質材料嘅，所以貴系有道理嘅！不過係呢一區平少少咁多啲人可以買來食啦！拿破崙嘅酥皮真係做得好香，裏面嘅果仁蛋糕係好香濃，不過都係甜得滯，如果唔好咁甜同埋平返少少，相信大家都會開心啲！

今日經過此店，見開飯都有人介紹讚好，但未嚐就先感覺收銀員態度不又善，因先有位嬸嬸問價錢，雖然有標價，可能嬸嬸不懂字，才問價錢，該店員很晦氣答27元。而我揀選了3件伯爵蛋糕及3件拿破輪，我問幾錢，答一佰二十三吖，我俾左125，佢找了2蚊係枱面，原全冇笑容冇多謝🤦‍♀️。老實講在這地區，門面亦一般，我覺略貴了點。好了，見口碑不錯，回家後就即品嚐，先食伯爵蛋糕大失所望，只有少許伯爵茶味，蛋糕香味及質感太一般，再試拿破輪雖然比一般餅店香脆，但牛油味太重而且有D煙韌感覺。總括未有再想食既衝動。

拿破崙出晒名, 今日買咗件俾小朋友食, 佢同工人share 一件, 兩個都大讚好好味, 仲想encore 添, $27件都抵啊! 不會太甜又好多果仁, 小食多滋味, 真係好好食~ 

常溫 蝴蝶酥 $90無防腐劑👍🏻 店員建議最好7天內食用～咬落好脆，但酥皮層偏厚偏硬實，入口未夠鬆化，似一塊有厚度的硬身脆餅多d～ 面層的砂糖粒甜度適中，唔過甜，亦唔過淡！同原味蝴蝶酥幾夾～我覺得係好食既！但如果你問我真係要同帝苑酒店的招牌蝴蝶酥相比較的話，常溫出品的蝴蝶酥只有一款味道，選擇比較少，食落口感無帝苑餅店出品的咁鬆脆、無咁薄身鬆化～🤔 J妹下次打算買常溫招牌的拿破侖試下！___________________常溫 (新蒲崗)新蒲崗大有街33A號佳力工業大廈地舖___________________