平成二十二日本料理 (已結業)

之前聽朋友介紹呢間平成二十二幾好食，琴日就去試一試，試完覺得都唔錯，可能唔算多，Ｄ野都黎得幾快，但有個問題就係都幾經常漏單，好彩再叫過都係好快到。宜家講下Ｄ食物Ｄ魚生食得出好新鮮，要爽口有爽口，要彈牙有彈牙，特別推介，馬刀背，好爽好鮮。但食蝦就要麻煩Ｄ，要自己剝殼同拎條蝦屎出黎，但都好新鮮。再講埋Ｄ熟食，Ｄ熟食都唔錯，食左個豬軟骨，好林好入味。另外有個天婦羅粟米，呢個有驚喜，初頭諗住試下，點知一試覺得好ＯＫ喎，外面炸皮，入面就係一排脹卜卜既粟米，好驚喜，幾特別，可以一戰。最黎每人食左$306，種類未算多，但以食物新鮮來說，頗抵食。

薯仔沙律佢個薯仔沙律整得唔錯，好有日本食到嘅薯仔沙律嘅感覺。黑豚生姜燒 少少甜嘅洋蔥，加上煮啱啱好嘅豚肉，師父煮得唔錯。煮牛腸牛腸炆得好淋一啲都唔韌,，佢啲蘿蔔炆得好入味，又香又甜又淋。甜粟米天婦羅，蟹腳天婦羅我最鍾意嘅粟米天婦羅，佢好有心機將粟米一片一片咁砌出嚟，再攞去製天婦羅，加上啲粟米好甜。蟹腳天婦羅都用料十足，佢用嘅炸粉唔會太厚，可以隔住炸粉見到材料 算唔錯。刺身船刺身方面都算多選擇，用料都好新鮮，啲大蝦帶子都非常大隻，刺身都大大件。燒物雞翼，牛脷，羊架，烤菠蘿，海蝦 ，每一種燒物都燒到啱啱好唔會過火，師傅手勢一流。除咗平時放題食到嘅嘢食外，今次還有蒸鍋，有幾種蒸海鮮。海鮮上枱時還會動，非常新鮮。鮑魚，扇貝，大蜆，龍脷柳，嘩正到爆！呢個價錢還有海鮮食,好抵呀！飲品甜品選擇都好多。

約咗成班friend去尖沙咀，佢哋話要食新鮮嘅日本放題 ，咁其中一個朋友提議不如食呢間，佢話水準都唔錯。呢度過刺身船我即刻嘩一聲，真係樣樣都顏色好靚又望落好新鮮，最緊要就係因為我哋有四個人一齊食，佢仲送多咗一版海膽刺身，真係正到不得了。其他刺身壽司，蛋壽司，花之戀等等，都用足料幾好食。叫咗個出面好少有嘅香煎鵝肝，真係大塊，又香又好味。苦瓜炒蛋都唔錯，上面重豆板醬添。麻醬豆腐都幾開胃，我愛凍豆腐，食到變心心心眼。

咁既價錢有咁既質素真係不敢恭維，本身諗住情人節食下貴d既放題， 去之前都睇到openrice其他人comment好似幾高質，點知黎到完全中伏！第一， 漏單情況好嚴重， 我同男朋友第一次落單之後等左30分鐘以上都只係黎左一樣， 全程好似淨食刺身咁，冇食過其他野， 本身落單紙既選擇已經唔算多， 但係真正傳菜到台上數量更少！！！不過後尾果幾輪嗌既野食都有黎，只係等得太耐已經冇哂mood食= =第二， 服務員態度有好大改善空間，整體黎講服務態度算係平平，唯獨有一個女侍應塊面好黑，每次行過黎傳菜/收碟果陣好似前世已經得罪佢咁，睇到都覺得心情唔好第三，食物質素唔值呢個價， $308+1 呢個價仲貴過御前大江戶，但係呢間野拍馬都比唔上佢，除左刺身比較厚之外其他食物真係冇咩特別， 男朋友都話同兆萬放題差唔多質素，可能食兆萬會仲多選擇仲開心。甜品方面亦都冇咩選擇， 得幾樣咁。另外環境都真係幾逼下，我地個位坐得唔好，係最入面，waiter成日都睇唔到，出入都好唔方便每次都要叫隔離借借，有得唔出去就話ok姐，但係甜品同飲品都要自己出去拎，焗住要唔方便收得呢個價其實真係要比番相應既質素同服務，呢間野真係唔洗e

同幾個朋友仔黎到呢間日本放題，發現都幾有驚喜喎😝吾執書梗系票嗌左刺身先啦😍刺身好快送到上枱😀兩人同行仲送原板海膽一客😋配紫菜食好味！吾會腥，入口仲好creamy!三文魚，帶子，吞拿魚等刺身都系厚切嫁❤吾吝嗇！好肥美鮮甜，好新鮮呀😀值得一提仲有甘海老，真系好大隻🦐肉質仲好晶瑩添🙂壽司選擇都有成十幾款🍣好喜歡壽司嘅份量，飯吾會太多，吾會用飯塞飽你，食完個肚仲有好多空間試其他野😋火炙三文魚，花之戀，霜降牛肉都好吸引😃完全滿足到一班壽司控！炸物亦都吾差嫁！芝士年糕夠煙軔🙂炸雞軟骨，炸蝦，軟殼蟹等天婦羅都炸得好夠脆🍤炸粉唔會係好厚！🌽甜粟米天婦羅仲要好貼心咁去左芯，直接食就得😚唔少得嘅仲有小食😉食完好醒胃添呀！薯仔沙律好足料，中華沙律，味付螺肉，芝麻豆腐好滑😗另外仲有好幾款和食🤓牛膀豬軟骨好入味，肉質好淋身，日式冲湯素翅用咗上湯黎整🍲味道唔會好鹹，帶點清甜😃好味！就連香煎鵝肝都有得食😋吾會重油膩感😛燒物方面就揀咗燒菠蘿🍍羊鞍，牛舌雞翼等！燒完都唔會好乾身😀牛舌好惹味，仲encore左幾串添🤠 以為咁樣就已經夠飽🤔少年你太年輕了😎我哋一共四人去仲有海鮮拼盤送添啊！可以蒸熟佢食😝有魚類，有鮑魚，扇貝

平時喺尖沙咀食嘢經過平成二十二都見到好多人食，呢一放工就即刻衝過去，大約六點九到，唔使等位，入面都仲未坐滿。自己本身未食過呢間，但聽同事講呢度嘅刺身好新鮮，所以係充滿期待感去食。因為我哋得兩個人，所以只有一張二人枱比我地，枱面有啲細放唔到太多野，所以唯有分批叫，費事都是堆到枱面都係嘢食。見到佢都有好多選擇，以刺身來講，見到佢有馬刀貝，喺其他地方我都未食過，而天婦羅嘅選擇仲多，有軟殼蟹甜粟米秋葵天婦羅，覺得幾新奇特別。佢飲品甜品雪糕都有好多款式，而且數量多，唔使驚冇。既然呢度刺身出名新鮮，咁當然第一時間就要叫左先啦，刺身全部都係厚切， 三文魚係用三文魚腩，所以好肥美。 佢寫明有特大甘海老， 咁當然就要叫泥試吓啦， 佢原隻連殻送上，當然佢已經剔咗條蝦腸， 所以可以放心咁食，隻蝦有成隻手掌咁長， 啲肉好透明仲好鮮甜。馬刀貝好爽口彈牙，因為之前未食過，所以冇得對比，不過都好食。油甘魚真係好鮮甜，而且肉質好透明，見到魚肉嘅紋路。帶子非常大粒同好厚肉，好新鮮。另外海膽都好好食，自己本身海膽冇興趣，諗住試一啖就唔會食架啦，點知一食落去，不得了啦，高質素嘅海膽係真係會食到鮮甜，以前食過淨係覺得腥，但係

過埋年初十 大家都開工大吉 當然要同班好姊妹 食過簡單開年飯 祝雞年有個好開始 -- 今次揀左山林道開餐 貪佢一條街 夠多唔同選擇 中、西、日、韓都有 -- 早排新年 成日食中式野 轉轉口味 食日本放題清清地 -- 平成二十二日本料理 -- 我地食8:30 時段 人流唔係好多 $268 + 10% -- 飲品自行係雪櫃拎 有啤酒任飲 -- 隔離就有4款雪條任食 雀巢MEGA雪糕批 當然都係回本之選 大家記住留肚食 -- 食品種類都算多 同一般放題差不多 刺身、串燒、炸物、壽司等等 -- \\ 刺身 款式都好多款 & 新鮮 -- 特別推介帶子 大大粒厚切 大過個5蚊銀家 -- 特大甘海老 都好正 有成個汽水罐咁長 不過美中不足的地方 就係原隻要剝殼 -- 另一款推介之選就係 \\ 串燒 -- 鹽燒雞翼、牛舌、豬腸、羊鞍都好有水準 \\ 鹽燒雞翼 燒到外皮好乾身 卜卜脆 \\ 鹽燒豬腸 都係香口之選 左少少似燒雞皮 不過豬腸更加油香 \\羊鞍 Size 都好大 一件都有成隻手掌咁大 油香充足 叫一件可以2個人Share -- 回本之選 \\ 香煎鵝肝 大大件鵝肝任食

平成二十二放題提供八張食物點餐紙，款式唔算好多，但我認為最緊要係食物質素。先嘗的是小吃，芝麻涼拌蕃茄，剛好可以在餐前洗擦味蕾。納豆青瓜感覺新鮮，味道配搭得宜，十分開胃。串燒方面，我選了三款包括蝦、手羽先（雞翼）與及羊架，三樣都燒得好香，火喉掌握得恰到好處，又唔會濃，盡顯大廚了得的廚藝。然後是品嚐店方每個月為客人送上的「見面禮」，四位以上送即蒸海鮮，包括車厘蜆、大元貝、龍躉片和鮑魚。全部都好新鮮、爽口彈牙，特別讚的是龍躉片。真係未食放題已經好impressed。食完啲熱野暖胃，就放心飽嘗魚生了。日式放題的主角一定是刺身，有十多款選擇，貴價的巨蝦刺身是平成的招牌，蝦身爽甜彈牙，並以冰鎮方法保持溫度；另一推介是帶子，肉厚鮮甜，食完想再吃；其他刺身包括北寄貝、吞拿魚、鱆紅魚、翡翠螺等，都是有質素的。而叫我們最喜出望外的，是店方特別送上的一板海膽刺身 ，十分鮮甜，完全無腥味，配上紫菜和少少壽司飯，真的是絕配。問師傅先知海膽來自韓國，值得推介！試完刺身就到壽司，選了一盤共五款壽司，包括灼燒三文魚、鰻魚、赤背、生牛肉與及蟹柳，壽司飯搓得剛好，醋味適中，灼燒三文魚燒出魚油香，鰻魚好味，赤背爽口，生牛肉

年多前曾光顧過平城二十二，那時比較深刻的是這裏的巨型牡丹蝦，是次再度到訪，念念不忘的還是這裏的巨型牡丹蝦。想不到相隔年多再重臨舊地，竟然沒有漲價。在這茶餐廳快餐店年年漲價的年頭，很難得。跟友人說好要慢吃淺嚐，不許浪費食物，更不能白費胃部有限度的空間，所以每款食物只點算最少份量，以及只選擇真正想吃的款式。我還特意在點菜紙上寫“少份量”字眼，好吃的才會再多點一趟。很欣賞蟹子沙律很爽身不會出水，很新鮮可口。想不到2人光顧還贈送海膽一板，這下可要再收緊食物的種類和份量了。牡丹蝦要自行脫殼，一向懶惰的我幸好有友人幫忙，安坐位中便可嚐到肥美鮮甜的蝦刺身。女生亦可測試伴侶的體貼度，可謂一舉兩得。近半年已興起了一股海膽熱，餐廳或因此乘著這股熱推出免費海膽，的確很有觸覺。我馬上問店員海膽的生產地，原來是韓國貨，海膽看來十分新鮮，結實有光澤，放上一段時間也不易溶掉。以紫菜夾著吃原來更美味有層次，口感也清爽，很滿足又有新鮮感。其實其他刺身款都很鮮味，但風頭難免被海膽搶掉。天婦羅是必吃食物款式，故此吃完一大盤刺身後仍不能錯過。軟殼蟹比想像中普通，其他款式都不錯。日式餃子值得一試 ，皮薄饀靚。串燒方面最喜愛虎蝦

今次係第二次去食平成22，上次好似係星期六日，所以好多人排隊，今次係閑日，仲要我哋一放工就衝來，七點都未夠，唔駛等位就入得啦。平成22有好多其他放係餐廳搵唔到嘅嘢食，呢個都係我哋食完一次返轉頭再食嘅原因。有好多唔同種類嘅選擇。呢個係必叫嘅煎鵝肝，其實相比煎，我更加覺得似係炸，因為面頭有一層好薄好薄嘅粉漿，食落更加酥脆，一咬落去鵝肝嘅油分就咇再出嚟，外皮夠趣，中間都仲係軟林林嘅，隱約中見到粉紅色添。蒜片牛肋肉一般見到嘅都係牛柳粒，但係平成22用咗牛肋肉，會比起牛柳粒薄切啲，但係受熱會平均啲，唔會出面熟曬但係裏面仲係紅卜卜咁樣，而且牛肋肉切得較為薄，比較易入口咀嚼，都較為入味，蒜香嘅味道唔太重，反而多咗牛味。刺身全部都係厚切嘅，最緊要係二人入座，仲會送多一板海膽，海膽出乎意料地鮮甜，唔好以為送嘅就冇質素，完全食唔到有腥味，而且海膽嘅形狀好靚，唔會變咗一劈野，每一粒都金黃色，好新鮮。另外仲可以叫到唔算係太想睇放題出現嘅油金魚，而且有金魚嘅質素好高，非常肥美，每一啖都有如有嘅甘香，令人想不停再叫過嚟食。而三文魚方面就用咗比較少見嘅三文魚腩，比一般見到嘅三文魚更加肥美。甜蝦方面竟然係原隻上，連殼

友人請客，因為我哋都鍾意食放題，所以我就揀咗我一直都好想試好耐嘅平成22。打去book位嘅時候，得知而家做緊優惠，任何時段都係279一位加一。二人送咗一板海膽，但質素一般。多人應該係送蒸海鮮。之前一直想試嘅原因係想open rice睇到人哋嘅食評，呢度嘅刺身蝦極大隻極吸引，而我同友人都係刺身蝦嘅fans。刺身蝦鮮甜肥美，冇雪藏味，而且係爽脆嘅。唔好處就係要自己剝殼啦。其實因為咁大隻刺身蝦，食得多反而會漏，個肚full晒唔係好食到其他食物。除咗刺身蝦之外，帶子刺身係係原粒上，冇切開，超級大滿足。呢度嘅食物質素相當唔錯，但當然比起其他依家時興嘅放題選擇相對地較少。而且呢度環境真係麻麻地，因為好似唔夠光猛，而且地下好似濕立立咁。值得一讚嘅係其中一位男服務員，佢每次落餸嘅時候都好細心幫客人擺好位，而且會話比你聽呢碟係咩。

同朋友慶祝生日，朋友話要食放題，諗諗下自己都好耐冇食過放題，就上openrice呢度搵下邊間放題好。搵過一啲連鎖既，但又想試下其他，於是揀左呢間！因為朋友唔食魚生（但佢又想食放題，我都覺得怪），於是揀呢間好似多啲熟食，岩佢食。位置唔難搵，入到黎仲有空位，我地約左食夜晚8:30，佢比左近門口個位比我地。開頭有少少卻步，但朋友話ok，咁佢生日佢話事；之後意外發現，可能呢邊冇乜人，反而好靜可以傾下計，感覺悠閒。先上黎一盤魚生：因為得2個人而朋友又唔食魚生，我每樣叫得好少，一件起兩件止，但點知佢都自動加左少少碼做2人份量，但咪又係我食哂XD 意外既係黎左板海膽，明明我冇叫，但侍應好好人，仲教埋我地點食（佢有比埋啲紫菜我地食）。每樣野上黎侍應都會介紹返，等我地知自己食緊乜lol黎齊啦影張相，繼續食。每樣都唔係大份量，非常岩我地少少地試下，驚喜既人沖繩苦瓜炒蛋，未試過苦瓜竟然唔苦！仲有少少甘香既甜，平時唔食苦瓜既我 - 意外勁中意。燒雞翼串都好正，整體超好評，魚生夠哂份量，新鮮又大粒，非常抵食。侍應又好人，好好服務，超好禮貌。下次都會再黎食過w

👅呢個故事教訓我大時大節要趁早book位🙈🙈搵左好幾間終於搵到呢間疑似ok又有位既放題係平安夜個日食餐飽😆😆😆第一個環節，刺身❤️❤️❤️全部刺身都算幾新鮮😋最正係厚肉既帶子同超大隻鮮甜既蝦😍而個版海膽就唔太靚，有啲腥味🙁🙁火炙三文魚&霜降牛壽司👅正正正😋😋😋生既牛食落無咩味，都似係食緊啲魚生咁既feel🤓🤓呢間放題唔算激多野食簡，但勝在有好多特別啲好少放題有得食既野食簡,連鵝肝都有得食😎😎😎有個位要彈下，除左頭一轉同尾一轉出齊啲野食之外，中段時間基本上等好耐都算，仲要逐碟逐碟咁上無q哂癮🙁🙁🙁

頂，食品種類少，仲要有嘅叫咗都唔出俾你，質數一般，兩個人叫嘅野食已經唔多，都勁漏單，又等多過食，都未食飽就已經嚟同你講last order.仲咁嘅價錢，食大喜x好過。非常之差！叫馬刀貝無馬刀貝，叫味付螺肉都話無，係咪做生意㗎？啲咁基本嘅都無。無你就咪寫出嚟俾人簡啦！啲炸漿又硬，俾你點炸野嘅汁一早就已經倒咗每台都有，唔係連食品一齊上。都唔知擺咗幾耐，唔會再去囉！唔值呢個收費啦！食過咁多間放題，呢間算最差。

30/12/2016 今年最後一次同我位好姊妹食飯，想揾間好食嘅,openrice完一輪，揀左哩間咁多like嘅，打去bk位，話分兩輪，一係1830，一係2030，唔想咁夜食，唯有揀1830，一收工由黃竹坑趕到黎1840，問可唔可以照食兩個鐘，recep果位阿姐話：唔得喎，你地bk 1830一定要2030交枱！ 我話真係趕得好辛苦，因為遠… 佢先話：8：30 full booking吖！ 我話：咁算啦入到入面，個位冷氣好大，叫左三次先有人關細少少，時間緊逼，已經一路寫紙入單，之後我就去拎嘢飲，飲品唔多，啤酒好唔吸引，有烏龍茶同一d有氣嘢～之後火煱又話四位以下要加$20/位先可以食，變左種類又少左…刺身上了，有海膽送喎，好鮮甜，甜蝦大隻，但要自己mok殼唔方便食，三文魚好厚身但有冰，北寄貝都甜，但帶子大得黎冇乜味，吞拿魚唔好食因帶酸，其他刺身大致都唔錯！試左天婦羅：秋葵，蕃薯，蟹柳，軟殼蟹等，質素都好高，炸物：多春魚，雞軟骨都正，但寫2都比左好多，食唔哂咁多…手卷：鰻魚黎錯蛋，三文魚飯好多燒物：雞翼，羊架，蝦都燒太燶了，蝦最ok,因仲有鮮甜味，菠蘿好juicy同甜前菜小食：如蟹籽沙律同芝