平成二十二日本料理 (已結業)

食咁多日式放題, 都大同少異來來去去莫過於刺身串燒天婦羅咁, 款式亦無太大變化唯一好處就係任你叫任你食至於呢度, 總算有啲新意思, 食物亦都有誠意刺身新鮮而且鮮甜, 款式選擇唔算好多主打都係蝦吧海膽係2位送既, 每枱只有一板份量都OK, 味道一般般無太大驚喜4位或以上就送龍蝦刺身呢個就真係幾唔錯啦始終龍蝦刺身都唔常見, 仲要係送既更加難得全餐最好味就係佢串燒同天婦羅都係新鮮即造沙錐魚好大條, 肉質結實雞亦兩條體已經分離, 食落非常方便薯仔沙律有微微既辣, 幾好味呢度餃子算比較出名, 係自己制作不過好唔好味就好睇煎果下有無技巧啦

｜龖蝦刺身｜提到放題，真係唔係間間都有龍蝦刺身試得到，雖然都近2XX 嘅價錢，但千載難逢嘅機會，所以就豁出去！好彩質素夠高！刺身啖啖都好爽口新鮮！點啲wasabi，入口感覺更refreahing！｜牛肉鍋｜呢個鍋都值得提介返！因為實在太豐富嘞！除咗基本牛肉同蔬菜造配料，我仲on top加多咗豆腐、菜同蝦等！個湯底想對較清，不過所有配料共冶一爐，出奇地又好鮮！｜其他放題小食｜牛舌：牛舌好juicy～大大塊入口好rich好有口感，而且唔會燒得太老，keep到肉質爽嫩！刺身：三文魚、劍魚腩，夠鮮，基本上都有得輸，加上兩者脂肪分佈都好平均，所以入口感覺自己好幸褔<3

材料新鮮，純不欺場，令人感動同袍定期聚會今次選來平成22，一向自己不愛放題式日本食物，但是去了平成，令我改觀。生熟食物丶刺身丶火煱一應俱全，最令小弟感動的是份量和質素，絕不欺場，這樣的做生意，令人感動不已，快樂時光總是短暫，2小時半的放題轉眼又過，侍應半小時前cut 單，轉眼之間已經著我們離去，聚人有點不快，但是平成22的食品質素及份量丶那份絕不欺場的精神令我們深切感動，我們也要遵守承諾。我們一定再來。

成日話食日本野，但係日本野有咁多種，一日又可以食到幾多呢乙我可以好老實咁樣話俾自己聽，自己係眼闊肚窄。。所以係我諗爆頭嘅時候，朋友就已經決定咗去食日本放題啦，乜嘢都有得食，唔使嘈，唔使煩，哈哈。首先想來個刺身，呢度用嘅蝦，唔係用甜蝦而係用好似成隻手咁大嘅海老，好新鮮，好爽口。我眼望望左好耐，點解隔離枱會有龍蝦刺身食，但刺身紙上面係冇得點嘅呢？我初頭以為係另外自費，爭d想食到喊出嚟，哈。點知龍蝦刺身就係我隔離出現啦！原來係做緊優惠，每位四個人就可以送一隻龍蝦刺身，超抵啊。啲肉好爽，好正，好感動呀！送完龍蝦就再送埋個海膽，仲要係成板嘅海膽，原來每逢兩個人惠顧就會有一板海膽送架啦！好滿足囉！呢個沖繩苦瓜炒蛋又幾好食喎，苦瓜炒蛋炒出嚟啲蛋一啲都唔老，而且上面仲有啲好似中式豆豉鯪魚嘅豆豉，咁樣撈埋落去個炒蛋，鹹味顯得相當惹味。仲有天婦羅，呢度嘅天婦羅比較多款式，選擇除咗平時比較常見嘅番薯，芋頭，洋蔥之外，仲會有粟米，多春魚等等。特別推介係粟米天婦羅，粟米超甜。一場嚟到再試試個火鍋，一個人加20蚊就可以任食。配料幾多選擇下，最重要梗係有我最愛嘅肥牛bb喇！食到甜品啦，甜品全部放喺個雪條櫃嗰度，除你

尖沙咀山林道出名多野食，你想食乜都會有，今晚就梗系去食最受香港人歡迎ge日本料里，你冇估錯就系呢間（平成二十二日本料里），店內燈光昏晚，望落有D懷舊ge感覺，都好熱鬧，而家做緊優惠（4人入座即送龍刺身）【什錦刺身】最重要系新鮮同厚切，食落先有口感，吾錯，但款式吾算多，希望會有改進，【龍刺身】鮮甜美味又爽口，好新鮮，而家4人入座即送龍刺身，千奇吾好錯過，【蒜香炒牛肋片肉】芝士年糕，我ge至愛，真系百食不厭，燒椒盬海，雖然要自已動手剝榖，麻煩D都值得，因為好香，又鮮甜，火鍋配菜都一樣咁新鮮，

呢排經常都去尖沙咀嘅柯士甸道又或者山林道食嘢，發現呢度其實都好多嘢食，中西日韓泰，甚至私房菜都會有。嚟到呢度可以逐間搵自己嘅心水。平成二十二，一聽個名就知道係食日本菜嘅。日式嘅放題，高質素嘅日式放題。一去到睇到嗰啲餐單已經放左係個台度，有7類嘅食品可以俾你揀，有刺身，有壽司，有烤物，有天婦羅，甚至乎火鍋。一嚟到咁梗係食咗係啲刺身先啦，刺身都有好多種類俾你揀。特選日本大海老，油甘魚同埋北海道帶子。大海老非常大，雖然要自己剝殼，但係自己剝嘅時候仲可以食埋佢頭嗰啲膏，又甜又多。油甘魚唔係話嗰個自助餐都有得食，因為係屬於比較貴價嘅食品，但係呢度都可以無限量供應俾你啊。另外北海道帶子都幾大粒，係原粒上，唔會切到一片片薄片，搞到冇乜口感咁樣。原來夠兩個人仲會送多一板海膽，你睇吓板海膽幾大，仲有埋紫菜可以俾你包埋食。呢隻海膽味香濃，食落都好creamy 。食食吓主角竟然出場！呢個主角我哋係冇叫到架，原來食放題夠四個人，餐廳就會送來一隻龍蝦刺身。係呀！你冇聽錯！係龍蝦刺身，成隻龍蝦都幫你新鮮咁樣剝晒啲肉，切片上，正丫，正丫！剩係呢個刺身都值回票價！跟住輪到熟食，我首推就係沖繩苦瓜炒蛋。其實我本人都幾鍾

如題。平成廿二週年慶祝，四位送勁新鮮原隻龍蝦刺身。好扺！又好食，淨係隻龍蝦都賣$2xx 至少，即叫即撈，美味新鮮！龍蝦肉晶瑩剔透，爽口彈牙，而且份量又多！至於兩位呢會送一板海膽，好鮮甜啊！呢度嘅刺身選擇都好多，三文魚同帶子絕對係必點，帶子原隻出現，甜美可口，還有我喜歡爽口的貝類。少得這隻十分之美味又大隻的"甜蝦"到這裏不妨一試他們的涼瓜炒蛋，即叫即做，苦瓜爽脆，配上美味鹹香的麵士醬串燒水準亦都很高，尤其是燒牛舌和雞翼。還有燒豬大腸也很好吃！雖然我沒有吃到膽朋友讚不絕口！炸物比一般的出色，選擇亦都很多，力推薦南瓜餅和甜粟米天婦羅，一些貴價的軟殼蟹天富羅也有供應！不得不推薦的是這個鵝肝！大概喜歡吃鵝肝的人一定要來到平成22品嚐他們的。仲想真真正正的鵝肝而非鴨肝，入口溶化口感味美！做仲有四款雀巢雪條供應，仲有我最喜愛嘅紅豆冰，朱古力棒，大腳板等等！每位＄310，喂仲有龍蝦送，兩位又有海膽送。炸物刺身質量又夠好！仲有無限量飲品供應！同大胃王食飯必選地點！

今日選了位於山林道的”平成二十二”刺身十多款可選, 當中特大甘海老,必定要選, 很少放題有這樣大而新鮮的級數, 肉質爽口彈牙, 多膏味道鮮,重點係.無限量提供厚切三文魚, 原粒北海道帶子, 北寄貝, 油甘魚,海花螺等十分新鮮, 食過就知不是一般貨色,令人意想不到是週年贈送海膽, 4人同行就有龍蝦刺身, 雖然是送, 但卻很有誠意, 海膽味道鮮甜甘香, 龍蝦肉爽味鮮,而且分量十足壽司花之戀, 和牛壽司，蟹子, 鰻魚壽司,各有特色, 特別是和牛, 清清淡淡但牛味十足小食:除了常有的中華沙律, 蟹子沙律, 沙律上的蟹子分量剛好, 這還有薯仔沙律, 將薯仔打成蓉,香滑,像是雪糕, 好好味熟食方面, 很用心,因為每一樣上檯的時候仍然熱的,炸物天婦羅, 脆漿薄身,而且不油膩, 其中軟殼蟹天婦羅做得很好，大隻，蟹爪炸得金黃香的 :0而且, 待應收拾時間剛好, 每收一碟,也會幫忙整理檯面上的碟仔, 也時時提食客, 要趁熱食, 手捲不要效太耐, 否則紫菜會腍影響口感, 很細心的提示, 值得加分

天氣熱不太想吃火鍋任食 然後便想到去很久沒去過的平成二十二吃放題真的很久沒有放縱任食了放題選擇一定不能少 喜歡食刺身 鍋物 炸物都有而我最喜歡平成二十二便是有海膽送每條海膽差不多可以鋪滿整塊紫菜今次去食 仲有蒸帶子送如果連粉絲及蒜蓉蒸應該會更惹味而且每次來也會叫素翅 非常好味推介大家試試最後甜品方面 有四款雪條可以選擇有我最喜歡吃的紅豆冰 吃了兩條也不夠

放緊長假又去捉精靈同夜晚去山林道搵野食咁arm平成二十二係正兩個pokemon checkpoint中間超開心早年係新假期見到依間餐廳係放題排行榜第一名已經想去食 今日終於去左試一試食放題必叫刺身 依到既甜蝦雖然要自己剝殼不過每條都好大條 剝完既蝦身都有成隻中指咁長而且每枱食客都會送海膽估唔到送既海膽都會咁肥厚 真係食完海膽同甜蝦都覺回左本兩個人食 今次好似叫左太多壽司不過依到既壽司堅好食 特別係花之戀 食完兩件都唔夠喉之後真係必叫鵝肝 平時d放題係無鵝肝食架鵝肝仲要唔係細細塊 超好食入口即溶 必食之選另外中意食炸物既人 都係必叫天婦羅我自己就最中意炸秋葵而最驚喜係有雪條食平時個d放題都係一杯杯雪糕 但依到好唔同係有雪條!!!! 下次去山林道食野 又一好選擇

話說原本訂左6:30，係電話reconfirm 果陣改8:30，既然重改到時間🙄🙄平時要早成個星期前訂位，今日早3個鐘都改到，心諗'大事不妙'。8:15去到就即時安排入座，當時入座率得7成，下⋯星期日點解得甘少人嫁。該鋪做緊2人同行送海膽（應該得1/4板）ok無臭，甘海老幾大隻，但要自己剝殻，搞到隻手污糟哂☹️得大隻又唔係好好味先慘，帆立貝又係無味既⋯馬刀貝好腥（臭臭地）😣小食方面：中華沙律，帶子裙邊尼啲應該好難難食（我諗），點知前者無味，後味唔好食😩😩揚物，燒物：全部係咩味都無既，好健康呀😑 冬菇，牛舌都係無味嫁（OMG)鵝肝超級油，但算係⋯好味既 Order 左第一輪之後，就停左手啦⋯諗唔到食咩好，最大問題係明明叫1件三文魚刺身可以上2件，無叫吞拿魚又上左。已經無物落單都可以漏單，第二輪叫左燒菠蘿，'辣'嘴既（有理由相信係用微波爐叮熱嫁）。1個鐘未夠已經停左手，第一次食放題係諗唔到可以叫咩食⋯根本唔使諗返本，唔明點解甘多好評

山林道不嬲都多野食，同朋友諗咗好耐都冇結果，最後都係揀食放題。雖然要等位，但香港地有咩地方唔洗等丫，說時遲。那時快就入咗了。地方暗暗地有氣氛，店內都好熱鬧，坐滿了客人。收費都貼在牆上，好清楚。也很支持環保，除了叫大家珍惜用紙，也叫大家珍惜食物。坐咗一陣，刺身就泥啦！厚切嘅刺身被冰鎮住，先食了一口三文魚，油甘肥美。而凡立貝更是一絕，有手指公咁厚肉，鮮甜彈牙！甜蝦肉質爽脆，甜而不鯹。最開心係有成一板的海膽，附上紫菜夾住食，海膽有帶有海水味，好新鮮嘅感覺啊！一D鯹味都冇，口感幼滑，必食啊！之後我地一口氣點咗好多，餐廳好細心的一小碟一小碟上，因為食放題少不免會眼闊肚窄。朋友們點了好多肉，我主力點菜。這裡菜的選擇也有不少，蟹籽沙律凍冰冰，清爽又甜。大推介大番茄，很清甜很開胃又健康。食完菜梗係要食d肉，燒雞亦係唔錯嘅選擇，雞冇被燒到乾淨淨，反而又香又脆又滑。天婦羅望落其貌不揚，但都幾有內涵架，我最愛多春魚天婦羅炸粉漿不太厚，但外皮炸到卜卜脆，多春魚又唔鯹，推介！芝士年糕係我每次食放題都必點的！來到平成都唔例外！甜的年糕包住咸的芝士，這是雙重煙韌的感覺配上雙重味覺的享受。來到大家都好期待嘅海鮮窩，由

未試過食咁低質素既放題 仲要唔平！😡 一入門口比吧枱我地坐 成陣腥味湧埋黎點食 除左三文魚刺身之外！其他全部唔掂！蝦要自己剝彀海膽又腥又苦 天婦羅厚粉又唔脆雞翼無味架啵 又乾身 自己整仲好食 牛肉都唔得送既蒸氣海鮮煲 無咩特別 總之就唔好食 好低質 唔值3舊水得現成小食係正常

完全極度非常差到無人有，食咁耐放題無試過咁差，要公開評論的是第一次。1.寫左紙落單無踪影。2.進單時面黑黑。3.食物質素差到俾。4.幾個侍應大媽叫都唔應唔睬。5.最最最'慶'的是，交單俾個啲大媽侍應，佢話我地無寫枱號，將啲單飛返轉頭掉落枱，差啲就飛中我個friend，咪話佢有無搞錯，佢唔道歉，仲掉頭走，直頭睬我地都傻的態度，真係好離譜。6.我地應該食到8:30，佢話要我地8:25交枱，仲係好應份的語氣。7.我枱後面的客都有同樣的遭遇，我去洗手間時問過其他女仔，佢地個個都話一樣咁氣頂。最後，我出左門口外面專登大大聲講佢地的衰野出黎，你地有你地咁樣對啲客，我地有我地唱你，又貴又唔好食又服務差劣，早啲收檔好啲囉！

身為一個「餓底」，晚餐食放題是最佳選擇，因為永遠都唔會係「蝕本貨」。網上得知平成二十二八週年有優惠，二人行即送一板海膽！作為一間放題店，刺身是整間店的靈魂好不好吃，一試刺身就知。果然沒令我們失望手掌大的甜蝦，新鮮到不行，友人笑說好像剛剛釣上來般。厚切的三文魚，吃到魚味。不要笑，要知道坊間許多放題刺身都是只吃到冷藏味道，但平成的刺身真的魚有魚味。至於其他燒物熟食，除了鵝肝印象深刻，其他都只是一般水準。不過服務真的給滿分，在放題店很少見到有這麼好的細心照顧的服務。