平成 (已結業)

難得有個空閒既星期二🤣黎尖沙咀行陣街同隻豬食下特色日本菜啦🤤食之前飲返杯啤啤佢先😆😆😆🍺🍻紫薯沙律滿滿微甜而不膩既紫薯蓉🤤拌以三文魚籽一齊食味道都好夾🤩🤩八爪魚大阪燒超正唔厚粉既大阪燒🤩啖啖八爪魚肉盡顯足料😋華味鳥燒雞頸經慢烤燒香肉嫩既雞頸串😋配合微微鹹香既薄鹽拌燒更有風味之餘☺️🐔加以檸檬汁更為開胃🍋🤤海量蔥溫泉蛋炒三文魚稻庭烏冬烏冬一向都好煙韌有咬口😋🍜配以特製醬油同炒三文魚夠香濃之餘亦唔會太鹹😆加入海量既蔥花同溫泉蛋拌食甚有風味🥚😋

6點後又無堂食，朋友提議改期，最後可以堂食既日子，朋友揀左呢間位於棉登徑既居酒屋。勁隱蔽，去到附近兜左一陣先搵到。可能係太隱蔽既關係，唔算太多客～好地道既日式風味，仲好貼心比你掛褸。$60 胡麻冷菠菜 - 開胃小食，平時都係食開胡麻豆腐/秋葵。$160 鹽蔥醬燒牛舌粒係厚切既牛舌！好有咬口，燒到有少少燶邊，推薦！$80 三重芝士蔥蛋餅只係簡單既配料，估唔到咁好食！香濃既芝士味，仲有拉絲既效果。$180 溫泉蛋松葉蟹肉蟹膏拉麵撈麵款，吉穿隻蛋再撈埋D肉同膏食，口感一流！呢間日式小店有比較少見既菜式，細細間店好適合傾計🍻，比起大型既連鎖店，我更鍾意呢D有heart小店😊。

前兩日係IG見到呢間居酒店，店舖雖小，但入面既裝修擺設都好有日本feel。即刻打電話黎book台試試佢。我約左6pm，係第一台客人，諗住叫杯啤酒happy hour先，店主即推介我一個小優惠，松葉蟹蓋+suntory draft beer $100. 超抵，原來每日都唔同，要留意住IG，順便叫埋其他野食啦。松葉蟹蓋： 熱辣辣， 一啖一啖咁食蟹膏，正👍🏻野菌炒五花腩： 唔好睇佢細細碟，份量都幾多下，一啖肉再一啖啤酒，人生🥰紫薯沙律：紫薯甜甜地，入面應該落左啲汁係酸酸地幾開胃。三重芝士蔥蛋餅： 推介之一，外面脆身，入面既芝士係熱溶，好好味一啲都唔漏，就算凍咗都唔會傾住一舊舊。三文魚子紫菜麻醬冷麵：普普通通。去日本最中意就係去食居酒屋，入到去咩壓力都無曬，同同事、朋友們傾下計食下野飲杯酒，幾開心。希望多啲人會黎呢啲小店支持下👍🏻👍🏻👍🏻

尖沙咀多好西食就係人都知，但要搵到一間性價比高又坐得舒服既唔係咁易。今日就黎到「平成」，門口係用木風格，好有日本鋪頭feel入面同日本居酒屋好似，好似去左日本食野咁，疫情之下黎呢到當去左旅行都好！Menu圖文並茂，睇見都食指中指無名指大動！選擇都算多，唔怕有野唔岩食。黎到居「酒」屋緊係要飲返杯，呢到飲酒好有心機，將冰同酒分開，好似冰鎮咁，唔怕冰溶左溝淡左杯sake變到好難飲。燒明太子：入面係塞滿晒既明太子，無偷工減料，夾起身唔會散晒，但仲食到一粒粒無痴埋一舊，燒得岩岩好，味道亦不錯！鹽蔥醬燒牛舌粒：牛舌唔會好硬，食落好爽，鹽燒唔會好咸，亦無蓋過牛味。燒野菌三重芝士蛋餅：極高質，蛋餅同芝士融為一體，煎到岩岩好唔會好水好易散。味道一流，好重芝士味，配上野菌有啲口感，正！溫泉蛋黑松露牛肉稻庭烏冬：湯底甜甜地，好正，稻庭烏冬亦索到湯底甜味同牛肉味，極出色，最後連湯都飲埋！

今日約咗朋友去尖沙咀「平成」食飯，因為前排同朋友傾開好掛住日本嘅居酒屋🏮所以就搵到平成呢間店。我哋6:00入到去🍴第一個感覺已經覺得好得意。真係好又去咗日本嘅感覺😭🍻牆上面嘅衣架，就同日本一樣，比客人掛起自己件大褸🧥所有佈置都好得意，好有感覺，令人覺得好舒服自在，好似去咗旅行咁～-飲品方面我哋首先叫咗一杯黑啤(Suntory Draft Beer 🍺 )，同埋百香果～我同朋友本身都好怕勁苦嘅啤酒，但係呢款黑啤好容易入口，我朋友唔鍾意飲酒，都覺得完全接受到，仲話幾好味添🤣🤣至於百香果，好香好清新👍🏻真材實料-嘢食方面，我哋叫咗五樣嘢。1.牛肉大阪燒 （$120）完全覺得係日本嘅味道😻大阪燒熱辣辣，入邊有好多牛肉碎。醬料都好夠，我同朋友5分鐘內K.O.左呢碟野🤣🤣2.泡菜炒五花腩（$110）呢樣餸雖然喺日本未食過，但都點黎送下酒。五花腩薄薄地好入味，加埋泡菜辣辣地好惹味🤤我覺得泡菜同五花籃好夾。因為有少少辣嘅菜，咁就可以中和返五花腩本身有嘅油份～3.燒墨魚咀（$90）墨魚咀好大粒。絕對唔係放題嘅質素！放題嗰啲通常燒到好乾，縮晒水🤣但係今次我終於試到真正墨魚咀應有嘅味道😍呢兩串墨魚咀係我暫時

疫情影響冇得去日本唯有喺香港搵間日式居酒屋食當自己去咗日本今次搵咗間係尖沙咀K11附近係棉登徑一間比較隱蔽居酒屋小店餐廳佈置很有特色牆上貼滿各類清酒嘅貼紙彷似置身於日本居酒屋嘅小店一樣感覺舒服我們一行二人點了五款食物胡麻冷菠菜、華味鳥燒雞皮、華味鳥燒雞肝、鹽蔥醬燒牛舌粒及松葉蟹肉紫菜胡麻醬冷麵菠菜絕對是胡麻醬的好朋友冷菠菜食落口感爽口配上胡麻醬作開胃前菜不錯來到居酒屋燒物是必食這間燒物即叫即燒超級惹味鳥燒雞皮係超級香口惹味入口完全吾覺得油膩鳥燒雞肝食落皮脆肉嫰味道剛剛好只要加少少檸檬汁已很夠味鹽蔥醬燒牛舌粒厚切牛舌粒好有口感入口牛舌肉嫰鹽蔥醬燒味道又吾太濃送酒一流👍🏻最後點了個松葉蟹肉胡麻醬冷麵冷麵麵質夠彈牙配有很足料的松葉蟹肉及紫菜味道不錯小店環境舒適同朋友傾計飲酒不錯選擇

今晚約左朋友放工小聚，去試下寫字樓附近既日式居酒屋，地點都唔難搵，係正一蘭隔離。門面裝潢好日式，木質招牌加和式倘門，好有feel🎌一入到去坐底，店鋪裝修亦好似日本居酒屋，燈光氣氛十分適合小聚傾計。先order左杯啤酒同巨峰乳酸梳打，suntory 啤酒一貫高質，梳打清爽唔太甜，有驚喜。店員同我地講話今日like  社交平台 仲free左杯啤酒，like！🥳小食方面：雞肉脆骨棒+烤明太子雞翼 8/10兩樣都燒得相當好，又香又脆，雞翼亦唔會燒得太亁。凍左食都保持到香脆！ 最欣賞雞肉脆骨棒，每一啖都好有口感又易咬主食：海量蔥溫泉蛋三文魚稻庭烏冬+野菌芝士蛋餅 8/10烏冬好彈牙，同鮮甜既湯底好夾，三文魚碎一啲都唔腥，如果有埋多蒜就仲正蛋餅芝士味濃，口感軟糯，入面夾心既野菌每口感更豐富😋仲要鐵pan上，夠曬熱辣辣。之前睇其他食評話店員服務態度差都有啲擔心， 但今日親身體驗過又唔覺啊～都幾有禮貌😙

棉登徑果頭有好多日本餐廳，見佢舖面細細唔洗等位就好即興甘試下佢。舖面細細位置唔多，但坐得唔逼冇乜壓迫感。店面放左好多日本酒模仿返日本居酒屋嘅feel。 鮟康魚肝前菜叫左店舖recommend 嘅鮟康魚肝，之前冇食過好好奇就落左order。原來係涼菜黎，魚肝個質感好霖滑再配上卜卜脆嘅三文魚籽，成個口感好balance 。味道食落咸鮮咸鮮，加埋蔥花就冇甘膩。一口炸雞炸雞係居酒屋嘅靈魂，要知間居酒屋嘅底蘊試佢嘅炸雞就知！一上菜就知呢間野合格啦，炸雞即叫即整，熱辣辣噴住煙甘上。外皮脆薄甘香，入面鎖住晒d肉汁，咬落啖啖肉，而且份量好大有成十幾件，幾抵食❤️燒五花腩三重芝士蛋餅蛋餅真係芝士愛好者必點，芝士咪好香濃，加上邪惡嘅拉絲同埋燒到油香十足嘅五花腩，真係冇人抵抗得到。海量蔥温泉蛋黑松露牛肉稻庭烏冬以為烏冬會清清地，點知佢有勁濃嘅黑松露味，切開埋隻温泉蛋配上蛋汁，成個味道變得濃厚。牛肉一d都唔鞋，配埋海量蔥花提鮮吊味好清新。柚子茶&生薑茶柚子茶普通左d，反而生薑茶幾驚喜，薑味濃加上甜甜嘅蜂蜜好暖胃！

尖沙咀不嬲都出名多美食❤️行出k11果邊好多都好多日本小餐廳🤤今日去左一間去左一間隱世日本菜🇯🇵水準又幾高下🥰.🐥華味鳥燒雞肉脆骨棒（2本）$80岩岩燒起熱辣辣♨️燒既時候配上啲燒汁🤤好正😇雞肉棒入面好似包住啲軟肉❗️好有口感😋再配埋日本生蛋，令到雞肉棒更滑😋.🥬胡麻冷菠菜 $50韓國前菜食菠菜就成日見姐🙈估唔到日本前菜都有得簡佢😇凍既菠菜配上胡麻醬再加上一啲木魚碎🤗估唔到其實都幾夾💯.🌋三重芝士火山燒鰻魚丼 $200鰻魚既量真係好多🤩送晒一碗飯都唔成問題🤣鰻魚都算肥美😇加上芝士就有啲邪惡😝吸引左我黎食，鰻魚控既你🍱千奇唔好錯過啦❤️.🍝三文魚籽紫菜胡麻醬冷麵 $130啲紫菜好難撈得好成碗麵😂痴得上紫菜既麵都幾香口🙂美中不足既係，口感唔夠豐富

呢間野啲服務真係勁差服務。改正：應該係話完全冇服務。個店小二首先叫我哋自己喺張紙度寫低要食啲咩，佢話唔會幫我哋寫單。跟住叫佢加水，佢竟然叫我去門口度自己浸水，我問佢點解可以叫個客人自己浸水，佢回答話：「呢度係自助。」真係O晒嘴。嘢食方面，都只可以話係不過不失，不過有幾碟餸勁鹹。埋單每個人要$400。已一間完全冇服務嘅居酒屋來講，絕對唔值咁樣嘅價錢。原本以為，小店係質素同服務嘅保證，同埋樓上啲食評都話呢間野幾好食。食完先知道上當受騙。

尖沙咀棉登街有好多食日本野既店鋪，今日就去左其中一間小店，係一間充滿特色嘅日式居酒屋雖然地方唔算大，但內有乾坤，裝飾上用左好多清酒既招紙貼滿成間鋪，而且有好多別具特色嘅酒具－－－－－－1. 三重芝士燒蟹肉松葉蟹蓋 $150芝士+松葉蟹肉+蟹膏，比較新式既做法🥰以為芝士再加蟹膏咪好膩，但完全無咁既感覺，而且兩者互相配合，突顯各自既長處，包括鮮甜加香味2. 蒲燒鰻魚丼 $170非常推薦！滿滿既鰻魚蓋住珍珠米，其他店舖通常係飯多過鰻魚，但呢度就調返轉👍🏻每一啖飯都可以加埋鰻魚一齊食，而且鰻魚嘅肉汁滲透左落去飯入面，所以非常之鮮味3. 鹽蔥醬燒牛舌粒 $160牛舌上面有非常多既蔥，厚切既牛舌粒，口感一流，而且唔韌，用黎餸酒一流😋4. 巨峰提子乳酸梳打及荔枝乳酸梳打感覺就好似提子味同埋荔枝味嘅益力多，好特別而且配返嘢食非常合襯

今日去到尖沙咀棉登徑, 呢度成條街大部分都係日本料理。朋友帶路去咗 平成, 餐廳裝修日式居酒屋風格, 門口放置一輛電單車裝飾, 好有vintage感覺!內裏坐位不多, 主打高級日式料理。係餐廳Like 佢fb專頁, show畀店長睇就會有晚市優惠。松葉蟹蓋松葉蟹蟹 蟹膏豐盈, 蟹味濃郁醇厚, 加上原隻雞蛋覆蓋蒸焗, 保持蟹膏天然原汁原味, 蒸蛋嫩滑軟熟, 散發陣陣蟹膏鹹香！三重芝士蔥蛋餅三重芝士加入了雞蛋, 質感嫩滑軟熟, 散發淡淡蛋香, 灑上青蔥突顯芝士味香濃！華味鳥燒雞肉脆骨棒外層火炙, 焦香撲鼻, 雞肉嫩滑有肉汁, 混合了雞脆骨, 爽脆有嚼口！三文魚子紫菜胡麻醬冷麵三文魚子 晶瑩剔透, 鮮甜帶海水味, 冷麵圓渾粗身, 煙韌軟熟有嚼口, 加上新鮮生雞蛋撈麵, 倍感柔滑順口！巨峰提子、荔枝乳酸梳打顏色夢幻吸引, 乳酸果味香甜, 酸酸甜甜幫助消化, 清涼解渴！

正所謂日本菜，我至愛之前食隔離一蘭都已經有留意到呢間好似幾吸引咁今日黎開呢頭，就決定食佢幾豐富，睇返相都肚餓華味鳥燒雞肉脆骨棒呢隻唔係平時係百Ｘ惠Ｘ幾十蚊一包果Ｄ　ＣＨＥＡＰ　ＣＨＥＡＰ雞串可以相比佢食落去真係會食到好香既雞肉味，而且外層既燒汁勁惹味，用黎送酒真係一流海量蔥溫泉蛋黑松露牛肉稻庭烏冬好有驚喜既一道我自己本身唔太鍾意食烏冬既，但呢個好食到要爭黎食原因係佢個湯底真係超級超級正，又香又濃仲要有淡淡米香、煮得岩岩好既烏冬掛湯能力一流，所以每食完一啖都會令你好想再食第二啖加上佢仲落左黑松露，令成個味道更有層次牛肉亦充滿油脂，香而不膩，牛味十足又軟熟燒野菌三重芝士蛋餅好邪惡既一個蛋餅可以見到入面有滿滿既野菌而芝士多到可以拉到絲，食落啖啖都係香濃既芝士味泡菜牛肉燒餅泡菜夠惹味，而且煎得都幾香上面仲有滿滿既沙律醬，味道好夾巨峰提子乳酸梳打、荔枝乳酸梳打呢到既飲品一Ｄ都唔頹唔似出面Ｄ溝出黎好藥水味既梳打

呢間餐廳位於棉登徑，附近唔少日本菜餐廳。但同其他餐廳唔同嘅係，呢間門面好平凡同隱蔽，反而就咁吸引咗我地食~ 入面環境明顯有用心佈置，係充滿日本舊式餐廳風味嘅裝修，我地隨手影都影到好有格調嘅相。呢個華味烏燒雞頸燒到金香可口，調味亦處理得好好。肉質鮮嫩，加上七味粉同少量lemon，作為前菜非常開胃。另一個前菜我地叫咗松葉蟹蓋，同頭先雞頸唔同，用簡單嘅蛋、蟹同蔥花作配襯，感覺好鮮味，啖啖都係蟹膏！至於呢個燒五花腩三重芝士蛋餅，感覺狼少少似西班牙蛋餅，但無西班牙蛋餅咁膩。五花腩嘅味唔突出，至於蛋餅熟嘅程度啱啱好，我自己幾鍾意~蒲燒鰻魚丼相對驚喜不大，但份量十足，配飯食好正~賣單時，店員同我地講，原來依家叫串燒會有一杯手工啤油送！而且每日嘅啤酒種類都唔同，我地今日飲嘅啤酒麥味濃郁但又唔會苦，啱晒我呢啲唔經常飲嘅人~ 而啤酒嘅錢會喺賣單時扣番。呢餐雖然唔平，但感受到餐廳對食物處理嘅用心，亦覺得係一間好專業嘅日本餐廳！

一入到去見到店員/廚師好似好hea心諗會唔會係伏... 不過食落就知係用心製作💕串燒真係燒到外脆內juicy，陣陣炭烤香重點推介呢個「三重芝士火山鰻魚飯」🤟有成條魚之餘，芝士都好重手，燒到焦焦的，鰻魚油份夠🤤 好正啊～