平昌 Premium (已結業)

從韓遊回來不到二個月，心癮又起，唯有去吃下韓燒一解鄉愁韓國街韓燒店好多，可是我家大人說希望找家在鐵路站附近的，又要吃到飽式的，最後挑選了平昌。先說地理位置：在佐敦站附近，步行二分鐘可到，非常方便餐廳：前身是7080，但裝潢設計更高尚一點，座位寬闊坐得舒服，我們坐在靠窗位置，開揚而且光亮，每張枱附有呼叫按鈴，便利三種不同放題式套餐，我們挑選了「大君御膳」。來吃韓餐點少得海帶湯，雖然不像在韓國店裏是熱騰騰的，但味道同軟滑的海帶都非常道地，必點韓燒除了有指定爐邊蛋外，還特別地有甜栗子，剛好開始栗子季節，當造食物一定要加分超甜栗子軟身好味下雨天，怎可以少了海鮮䓤餅，但原諒我手快過部手機，海鮮䓤餅看似與餐牌上略有落差，可是一口咬下，餅邊煎炸到非常脆口，大䓤及八爪魚都非常入味，與韓國的可一比喔照燒五花牛跟牛脷，我家大人來回翻單好幾次，大力推薦說很好吃豬皮跟雞腎串，淹製入味，豬皮烤過後軟身不會硬飲品自助，選擇不少另外，仲有八款韓國雪條選擇，紅豆味好好食整體來說：韓燒水準提高了，服務也很好，換盤及時，上菜快速，回頭指數

平昌韓燒, 之前去過旺角. 今次試吓佐敦莊士敦廣場5樓. 地方好大, 座位寬大. 只有一樣要改善, 就係通風系統. (本人認為) 因為我一出life. 已經見到有少少煙霧迷漫. 因為人好多. 爆場. 好彩我有book位. 但都要等10分鐘. 仲有抽獎大君御善及世子御善有圍裙呀最正就係醬油蝦任食, 醬油味道超正, 蝦肉爽又厚. 如果可以加埋紫菜飯就更加一流. 朋友第一次食芝士爐邊蛋. 佢個反應超正. 因為佢實在太鐘意了. 食物種類都幾多款式。肉類都有好多款。烤五花腩/照燒牛五花肉/燒雞翼/燒雞腎串/烤生蠔/烤魷魚/烤帆立貝/烤蝦/烤鰻魚。。。。。要特別講吓以下幾款食物。因為我覺得水準唔錯。烤五花腩~厚厚的一件。肥瘦分明。烤完肉質唔靭，甘香照燒牛肉五花肉~薄片牛肉，色澤鮮艷。跟燒汁絕配牛仔骨, 味道偏甜牛舌切薄片烤鰻魚~好少韓燒放題會有烤鰻魚。烤生蠔~同樣都係好少韓燒放題有烤生蠔。通常都只係烤蠔肉。雖然生蠔唔算大隻。但係好鮮味烤帆立貝, 都幾厚肉呀 烤蝦大隻鮮味仲有唔少熟食可揀. 但係已經太飽了. 只叫咗煎海鮮蔥餅, 不過就麻麻地.  因為麵粉太厚韓國什菜拉麵. 好正呀! 麵條剛好. 有煙

今次黎左間有質素算是不錯嘅韓國燒烤放題，佢有我最愛嘅醬油蝦食，味道唔錯必試首選，肉類方面亦好有睇頭，有大大塊牛扒比你燒，牛扒真係好食非常有口感，而且牛味都幾重，豬肉方面當然要試五花腩，入口爽口仲有油香，真係一試難忘，海鮮都有，種類都幾多，佢亦有提供飲品和有雪榚，雪榚方面只可攞一次，整體都相當滿意！食完仲有抽獎

點選國王歺(因想試韓牛)後, 首先會來一set頭盤。等左陣, 來左d唔係我點既野, 又唔係國王歺既野.......感覺有d混亂。 之後又來確認我地係咪點國王歺。搞左10分鐘後, 叫佢收走桌上既菜, 重新落過單後, 最後就來番國王歺既頭盤菜。点餐時, 同時show身份證生日年月日有8字就有相關優惠。一心想試韓牛, 點知.......咁好咬口, 咬到😓, 其實都幾靭....肉味都有...但有d失望, 唸住入口即溶, 好軟熟咖麻。雖然每碟韓🐂都有雪花.......最軟熟都係一條條個款雪花牛, 仲有一大片個款, 唔記得咩名。済洲五花腩 , 豬 - 都算軟熟醬油蝦 - 幾大隻, 幾厚肉, 都幾新鮮 醬油鮑魚 - 都算軟熟, 鹹甜鹹甜燒大蝦 - 都幾大隻, 新鮮同厚肉燒鮑魚 - 都算軟熟燒蠔 - 好細隻, 好難燒 (似終韓燒個燒盤係斜, 比較唔好燒有殼類)燒扇貝 - 無特別 細細隻燒鰻魚 - 都不錯 肥美可口燒五花腩 - 都不錯 軟熟熟食方面由於都飽鮑, 試左甜酸軟殼蟹 - 唔得, 其實可以簡單d, 噗d粉就咁炸, 應該已經好味.....佢個粉厚到以為係春卷包軟殼蟹冷面 - 想試, 第一次落單無來

平時韓燒食得多, 呢一間嘅肉, 做到很專業. 豬及牛不是獨沽一味, 種類繁多, 五花肉, 五花腩, 梅頭肉, 細緻到我分不出有什麼分別.大大塊嘅豬扒及牛肉，要清好個燒烤爐上其他食物才可以煎.這個爐特別設計，可以 焗蛋, 烘紫心薯，十分特別,有特色。海鮮有鯖魚, 帆立貝, 蜆。燒豬皮， 燒完之後很煙韌，出面見唔到呢樣。喜歡熟食嘅朋友， 有海帶湯 ，鰻魚 ，雞肉凱撒沙律，煎海鮮蔥餅等。飲品來自韓國, 雪條也是。稍為有質素嘅韓式燒烤放題， 極力推薦這間。

今晚約咗喺外國返嚟嘅親友食飯，一行7人。其實都唔知揀咩餐好，最尾我哋揀咗中間嘅世子御膳，店員話揀呢個餐就可以食埋大君御膳嘅嘢。初時落完單一段時間都未有嘢食，期間有好幾個店員過嚟問我哋叫咗咩餐，幾多個大人幾多個小童...呢方面有啲混亂🤔 但係當搞清楚之後，上菜時間都好快。呢間放題嘅款式種類選擇好多，已經成枱都係嘢食😅飲品選擇都多一串串嘅係雞腎，如果成串燒嘅時候會比較難熟，見議淨係拆啲雞腎出嚟先燒會好啲。好入味爽口。佢哋嘅肉都幾好食👍🏻估唔到放題都有醬油蝦食，食開韓燒嘅人都知喺出面叫一份醬油蝦/蟹都唔平㗎嘛😜海鮮都唔錯店員話生蠔都要燒一燒先食。親友話啲魚幾好食，好滑。右邊嘅牛肉我哋encore咗幾round，好味好juicy😋仲有鴨胸都一定要食，影唔切相😉估佢唔到係好腍，推介!👍🏻👍🏻8月仲做緊優惠，只要係身份證上嘅出生年月日有“8“呢個數字就有唔同折扣優惠，我哋其中4個人都有1個8字，每人有9折，成張單平咗$111😁仲有，只要有4個或以上嘅人like&share佢哋嘅fb，同埋要喺openrice收藏佢哋，就成枱都可以任食雪條。整體嚟講，呢間餐廳嘅評價都好高，值得再嚟😋唯一一樣唔好嘅係

一行三人黎到位於佐敦莊士倫敦廣場5樓，決定到5樓食韓燒放題我地決定叫世子御膳套餐，由於我地唔食得多，所以就決定食少d 款啦！先黎左幾碟小食，之後叫左幾款牛肉同海鮮。牛T骨扒好大塊，肉質有厚度。牛前胸腹有牛味，軟熟。後其再加左香草五花肉。。。燒同食既時候都嗅到有香草味，而且燒完後無想像中咁肥膩，都係一個唔錯既選擇。。海鮮類就有帶子同烤大蜆，個人覺得燒帶子較好吃，因為唔會燒到太乾淨淨。至於燒大蜆，因為燒完會縮水亦有機會燒乾，所以就唔多推薦啦！至於飲品方面，除左有可口可樂等飲品，仲有幾款韓式飲品同啤酒。食到飽飽後，附上雪條，劃上句號。

餐廳環境唔多好 油煙多 d餐具紙巾都全部痴立立個鐵板燒乜都燶 一餐飯換10次板 跟本燒唔到野d員工行屍咁 禁十幾次鐘冇一次有人黎幫你 唔明個鐘有乜用寫幾多野係唔會尼返咁多 樣樣都隨心D野唔係好食 唔值尼個價錢個抽油煙管又唔實 成餐飯跌落黎吸住個爐幾次想要甜品就要like佢 不論fb ,open rice 真係比唔落唔怪得openrice咁多like 全部都係假野黎成餐飯就好似食炭咁 一定唔全再黎呢間野食飯漢和都好過呢間野十幾倍

小妹又同好朋友去食好西！今次選擇食韓燒就揀呢間位於佐敦倫敦廣場嘅平昌Premium！18:30上到去人唔多，可能係時間尚早啦，冇乜人。環境都幾寬敞同個場都幾大！一坐落位就見到有圍裙供應！而且係分男女架！幾得意同搞笑！前菜都準備咗幾款俾大家架！當中有醃魷魚好味！但略為咸，但用生菜夾埋一齊食都好味！當然仲有我喜歡嘅爐邊蛋啦！係可以無限Refill架仲有喺。。呢到嘅店員係會不停咁幫大家換燒烤盆架！佢地有三款menu俾大家揀架，由最平到最貴！因唔同價錢提供唔同級數嘅肉同海鮮，我地就揀咗平啲嘅大君御膳，因為我地都一致認為選擇都算多同夠食！海鮮當我係首選！有生蠔，扇貝，蝦，魷魚，青魚！本人推介蝦同扇貝至於肉嘅選擇都唔少！本人就推介五花腩，牛仔骨同牛脷！雖然唔夠厚肉，但都可以滿足到我個胃同把口架佢地都有蔬菜任點架，包括茄子，青椒，薯仔同生菜食韓燒除左肉食同海鮮外都有韓式熟食俾大家選擇架！當中有韓式炒粉絲，辢炒年糕，水冷麵，泡菜豆腐辣海鮮湯⋯⋯味道都唔錯架。。飲品種類方面都唔算少，當中包括有啤酒俾你飲。。唔係到到有架！我地黎食韓燒梗係要支持韓風嘅飲品啦食飽後，侍應就會俾張雪糕柯打卡俾你揀一人一支雪糕，

自己曳，玩即興又唔book位！Oppa職員話冇位等半個鍾，不過係我點估到佢平日夜晚都可以全full,仲要果晚落雨架喎，唔黎唔知呢間咁受歡迎！一場黎到，見到d人食得咁滋味，而且韓燒香味撲鼻，唔係唔繼續等呀？！等位梗係善用時間𥄫下食乜好啦，佢有三個唔同嘅任食餐，價錢毎個差$60上下。最後揀左中庭果個餐，叫世子料理！點左餐，會auto俾三款牛同海鮮我，最大塊嘅係成冷，肉甜有咬口；油花最多嘅係前胸腹，牛油香口感軟；圓圓地果片係牛肉眼，肉林；不過帶子都幾易＂痴底＂，夾起會易爛，唔通我技巧唔夠？蜆仔係好新鮮嘅～點菜紙我鰻魚寫2，佢俾兩大件，係一條嘅份量！幾闊佬wor!燒左嘅鰻魚軟熟美味，醬汁濃郁，蠔有淡淡海水味，鮮甜得黎鹹鹹地，燒元貝都幾鮮味啵！普通腸仔牛餐肉我唔介紹啦，下左面果d值得食啦，白身d係牛腸，橙橙地色係豬腸，牛腸呢就肥美d,有咬口d,豬腸呢就醃得野味d，辣嘅，豬牛豬係直得點回本野黎！雞串燒，甜甜地，有d蜜汁咁，雞翼多肉大隻～五花豬腩肉燒完包菜食可減膩感，豬頸肉好爽呀！冰凍鮮美嘅醬油蝦黎嚕，醬油甜甜地，蝦肉又實淨，唔記自己究竟一共食左幾多啦！任食wor，出面食醬油醃果d好貴架嘛，俾左錢做

好耐無食韓燒，就同Oppa去搵Oppa。平昌位於佐敦莊士倫敦廣場，地鐵一出就到，絶對方便。而且任食時間有2個鐘，足夠我們輕輕鬆鬆由前菜食到甜品。店內環境充滿韓式燒烤氣氛，枱與枱之間闊落，就算一次點好多食物，也夠位擺放。我們叫了最平的放題--大君御膳，種類都唔少有豬肉類、牛肉類、雞肉類、海鮮類、蔬菜類和不同的料理，各式其式，而飲品和甜品則是採用自助形式。燒烤盤外圍會放上蛋汁和迷你小蕃薯。蛋烤一陣就食到脆皮香濃的蛋，而迷你小蕃薯更是超級香甜。我們款款也叫一些，豬肉類、牛肉類和雞肉類味道不錯，尤其肉味香濃的牛肋肉和爽口美味的牛脷。海鮮類新鮮，烤過的鰻魚配上鰻魚汁美味，帆立貝及生蠔新鮮，烤過仍然Juicy。海鮮純豆腐辣湯鮮甜美味，石鍋麵豉湯有香濃的牛肉味，辣泡菜湯湯頭濃厚酸酸辣辣。所有石鍋都熱辣辣，令人非常醒胃。最後來一碗韓式拉麵，拉麵爽滑，好韓式，正。

多月前，曾到過這間 「平昌」的旺角店吃東西，印象不差，這一晚，決定來這間分店吃放題。這兒的放題蠻特別的，分為「大君御膳」（包30款以上的前菜、豬肉、雞肉、海鮮、韓式料理等，星期一至四，成人$188，星期五、六、日及公眾假期，成人 $218）、「世子御膳」（包逾50款食品，星期一至四，成人$258，星期五、六、日及公眾假期，成人 $278）和「國王御膳」（包70款以上的韓牛、濟州豬肉、海鮮、韓式料理等，星期一至四，成人$378，星期五、六、日及公眾假期，成人 $398）三種。既然一場來到，就做一次國王吧！一次過點選了國王的餐牌中所有韓國和豬肉菜式，當中包括「韓牛後腿外側邊肉」、「韓牛後上腿肉」、「韓牛肩胛肉」、「烤原味牛排骨」、「烤雪花牛肉」、「濟州梅頭肉」和「濟州五花腩」，一次過由待應端上桌，畫面都幾震撼。 也分別清那樣是那樣了，總之就是逐一把這些豬呀，牛呀的夾到爐上面燒，然後放到碟子，吃。各款牛肉、豬肉分別似乎不太大，質素可以，但就未能讓我留下很深刻的印象。 我雖愛吃韓牛與五花肉，但海鮮才是我的至愛。所以在國王的菜單中，我把「烤鮑魚」、「醬油鮑魚」、「醬油蝦」、「烤大蝦」、「烤生

咁快又到收眉日子，又係時候book枱食飯，近排又開始掛住韓國，一於去食韓燒滿足一下自己先😆😆餐廳位置方便，位於佐敦倫敦廣場樓上，店內裝潢闊落，舒適，只是油煙比較大。餐廳有3款唔同價錢任食餐牌可供選擇，有大君御膳，世子御膳，國王御膳，不同等級食物款式都有少少不同，我地揀咗中等價錢世子御膳，所以可以2款餐牌野食任叫。店家會先上幾款前菜，牛肉作頭盤，其他就可以自己選擇。前菜我最愛飯卷同芽菜，蔬菜入口爽脆，調味香口。牛肉眼-牛味濃郁，有咬口牛前胸腹-肉質嫩滑，肉味香濃牛T骨扒- 入口鮮嫩多汁，微微嘅焦香更加香口干貝- 煎香之後外脆內軟，味道鮮美大蜆 - 蜆肉肥美，有淡淡海水鮮味鰻魚每件都好大件，醬汁香濃，肉嫩juicy 烤LA牛排骨我最愛嘅部位，肉質軟嫩入味，入口肉味香濃，堅正👍🏻照燒牛五花肉-肉嫩多汁辣醬牛五花肉-辣味惹味十足，肉質軟嫩最後原來仲有雪條任食，我地各自揀咗一款，估唔到又幾好食又好適合韓燒完之後食。

其實呢間店啲食品質素幾好 😊價錢都好ok😁 今日第一次去，我們十二點到，是第二枱， 首先去洗手間 洗手，條走廊滑到不得了，我個朋友爭啲跣親😑 同服務員講，一啲表情都冇😕 莫講話同你跟進，跟住四位叫佢哋開茶，佢指去雪櫃嗰度叫我哋自己攞嘢飲，我話我想要熱茶，佢才 淡淡然的斟畀我哋，當然唔會主動同你refill啦,抽油煙系統好差, 個抽油煙機根本燒野啲煙唔係向上抽，一路都向住我朋友塊面係咁噴😫 同不同嘅服務員 講過這個問題，但到到最後埋單都冇人理你囉😔食物尚好，但係服務態度真係勁差囉😓

一打開升降機門，就清楚嗅到韓式燒肉的味道，看到眾多少男少女，在店裏走來走去，夾着各式肉類。桌上迅速端來前菜，包括大豆芽菜、泡菜、黑豆，和平日外邊的韓式料理沒有太大分別。場面早早放有圍裙，供客人保護衣物。T骨牛扒，非常之大塊，燒完之後再剪開，分給各方吃亦可。但是個人比較欣賞另一款牛肉，薄薄的，估計應是牛五花，不用燒太久便可以吃，肉味香濃，不點任何醬汁也可。牛舌亦都薄薄的，不用煮得太耐就可以吃。據說店內有內臟，內臟醫五臟廟，趣也，豬大腸就比較辣，醃料盡吸豬大腸裏邊，嚼久則辣之，甚至舌覓動。牛腸偏韌，難咬。五花腩非常薄片，在爐子上略燒下，很容易會燒焦，或者變成了煙肉。作為韓式🇰🇷的燒肉店，店方亦都有提供生菜，可以給客人包着肉來吃，另外也有三款醬汁，一款是甜味的、一款是燒肉的辣醬、還有一款海鹽醬。醬油蝦，之前在其他地方只吃過醬油蟹，感覺相似，這碟蝦味不太香濃，反而這是吃醬油多，因為蝦肉大大件，再加上吸收了醬油的甜味，味道好得多，之後都追加了兩碟。除了各式肉類之外，店方亦有平日在韓國食店可以吃到的，例如水冷麵，以及豆腐湯鍋，豆腐湯的樣子又是紅彤彤♨️的，味道少許辣，但有點翠玉瓜以及豆腐，友人之後還