幸福鍋 (已結業)

太安樓新開咗一間台式小鍋，平日路過都幾多人食，難得閒日放假，就嚟個下午茶，點知都係滿場，好彩等咗5分鐘左右就有位。藥膳花雕雞鍋 $68下午茶都有8款鍋可揀，鍾意藥膳湯底，味道唔算濃，約有4件雞件；另外再自選粉麵類，我揀咗粉絲～ 原來小鍋本身有粉絲喺底，建議可試其他粉麵古早鮮橙茶原片鮮橙，茶味香，唔錯番茄湯白豚肉鍋 $66本身配料多，番茄湯比預期濃，每件配料都索到番茄味大元貝 $28大元貝新鮮，送上枱前已經處理好，只係夾粒元貝肉就可以淥嚟食，好方便澳洲牛小排 $58牛小排大約6片廣島蠔 $28一份有2隻，都可以麻辣鴨血 $28麻香少辣，台式火鍋必備甜不辣 $18本來想食米血糕，可惜賣哂… 既然嚟食台式火鍋，就揀返台式配料 - 甜不辣，質感少少煙韌，味道似港式魚腐嘅質感

外賣在屋企食，可以加錢買打邊爐套裝，自備打火機，就可以開餐，真係好方便👍我叫左2個鍋，所以買左2套養生藥膳花雕雞湯底湯底非常足料，當打住左火爐後，開始滾，花雕酒味濃，雞肉好滑口湖扁魚蛤蜊鍋好多蛤蜊，好足料，又新鮮美國牛板腱，豬梅花，阿嬤燒酒雞外賣嘅牛肉和豬肉好新鮮，夾起唔會覺得霉爛。生雞肉在取出黎煮之前一直浸係花雕酒入面，雞肉吸晒酒味。滷肉飯細細碗滷肉飯飯配搭一人鍋啱啱好。古早鮮橙茶，冷泡亞里山烏龍樽入面有材料同茶包，浸泡嘅時間更加長，令到嘢飲更加入味，所以飲落去烏龍茶的茶味好濃☺️

太安樓連火鍋都有喇！呢間裝修靚靚既火鍋店，午市時間坐滿人，兩點幾入去都係啱啱坐到最後一張枱今次叫左特濃三重芝士鍋同埋麻辣什錦牛肉鍋野飲叫左冷泡阿里山烏龍同埋冰糖紅棗燉雪耳另外再加左蝦滑，廣島蠔同埋澳洲牛小排三重芝士真係好大塊芝士，隔離枱大家都嘩然忍唔住不停飲個湯底，個鍋底本身都有粉絲，另外仲包個粉絲，一定夠飽餐廳好細心，怕肉太熟，所以上枱時啲肉係生入面仲有豆腐魚蛋，鵪鶉蛋，仲有響鈴同長蟹柳！麻辣鍋可以揀小，中，大辣或者特辣。本身鍾意食辣嘅朋友可能要揀中辣入面有鴨血，好夠味，揀左寬粉，吸哂湯蝦滑好彈牙！廣島蠔都新鮮，牛小排都可以一試飲品兩款都ok，本來怕好甜，但完全唔會

之前經過見到新開火鍋店，裝飾都幾親切，主打一人一鍋嘅台小鍋，有臭臭鍋、麻辣鍋、藥膳花雕雞鍋等～～ 都幾特別。 午市套餐，每一鍋仲包括好多配料🤩同特飲，我覺得都幾抵食台式香濃沙茶鍋朋友唔食辣但鍾意濃味啲，香味撲鼻，配料滿滿，有牛肉片、米血糕、牛丸、芝心魚腐、花枝丸、炸枝竹、鳴門卷等等～～～牛肉嫩滑香口、米血糕煙韌～ 好驚喜仲有鮮甜嘅花紋蜆😍一品酸菜白肉鍋湯底酸酸地好開胃，豚肉肉色粉嫩爽脆，仲有蟲草花、蕃茄、金菇、凍豆腐、鵪鶉蛋等等，都幾養生😌每個套餐都包粉麵，公仔麵、寬條薯粉等，仲可以叫台南滷肉飯㗎😋至於飲品，除咗汽水，仲有滋潤嘅特飲，冰糖紅棗燉雪耳、自家薏米水、古早鮮橙茶😎😎真係好有驚喜

等左10分鐘左右就入得，都算快，唔使等好耐。環境裝修得唔錯，睇落都幾靚。不過坐位就太逼喇，4人坐卡位，張枱都唔太大，中間既隔板仲會郁黎郁去，其實都幾危險下。Order左個美國豬梅肉+燒酒雞+蜆湯,上菜速度都快，個set有埋蔬菜籃都好豐富，蔬菜都新鮮仍好好味。豬肉望落好靚都好好味😋唔會有un既感覺，燒酒雞都好滑唔會有過重酒味👍🏻👍🏻不過蜆湯嘅蜆就唔係好新鮮，同埋滷肉飯有怪怪地既味道，而且唔係好夠熱。另外員工max既服務態度好好👍🏻☺️

今日返西灣河真係好開心，主要係為咗探朋友，其次仲可以懷緬一下自己之前住喺呢度嘅日子。見到附近開咗間新餐廳，主要係打邊爐，所以忍唔住買外賣上朋友屋企打邊爐。湯底：台式濃香沙茶牛骨鍋我好鍾意呢個湯底，原因係唔需要再點任何豉油已經好夠味，喜歡的沙茶朋友一定要試，而且有三大件牛骨，果然真材實料。澳洲牛小排牛小排肉質鮮美滑嫩，油花分布均勻，好味！豬梅花豬肉片軟嫩，香氣足且多汁，油脂豐潤卻不膩口，有飽足感。花甲、海蝦、響鈴只係百零蚊就有海鮮食，性價比都幾高。花甲同海蝦都鮮甜，響鈴香脆。薯粉薯粉夠軟滑，重點係佢可以吸收湯底嘅精華，極之美味！呢個餐啱晒我呢啲懶人，唔需要準備都可以食到非常豐富嘅邊爐餐！😍

朋友住西灣河太安樓，约我係西灣河地鐵站等，一齊去食火鍋。真是好近地鐵，行過馬路就係，係惠康和麥當奴隔離，交通好方便。原來有8款1人火鍋揀，好有特色，有辣有唔辣，好吸引。我同朋友各揀左不同味道，1個揀泡菜豚肉豆腐鍋，可以揀大中小和特辣，我揀左少辣。另1個揀藥膳花雕雞鍋，又揀埋粉絲和薯粉，我地叫左自家薏米水和烏龍茶。泡菜有少少辣，好惹味，是我的至愛，豚肉滑滑的，好味。藥膳花雕雞鍋有红棗、人參、蟲草花，好補，又有豬肉水餃、娃娃菜、金菇等，好多料，好食。薏米水和烏龍茶不甜，好飲。

呢一日本身係想去西灣河太安樓到掃下街，食下d垃雜野🍡🍢🥟🍤🍖！點知係外圍行過時，見到新開左間台式餐廳😍裝修都幾骨子下🌸一見到有得食一人火鍋，就已經即刻行左入去拎位🤭🤣個人覺得幾唔錯，有成10款肉類或者係海鮮揀，而每一set都一定配埋個蔬菜籃😍夠均衡呀！另外，先再自選粉麵，有公仔麵、薯粉、粉絲、飯或者係加＄10有個魯肉飯（呢個幾有誠意）！湯底都有成6款揀😍而特飲都幾健康養生🤤上菜成件事覺得幾精緻，幾骨子👍一d都唔頹，而個價又唔係貴，重點🤡豬梅花x牛小排＋養生藥膳花雕雞雞鍋：牛小排既油花幾均勻，食落去好滑嫩🤤豬梅花有肥有瘦，食落去幾香而又邪惡🤡個湯底個藥膳味幾重，好滋養😍好夠味！推介🌸牛小排x燒酒雞＋麻辣鴨血鍋：雞好滑嫩而又帶住幾香既酒味🥰麻辣鴨血幾惹味，又唔算太辣，不過又唔會太濃味！古早鮮橙茶：好fresh☘️個茶底幾香，不錯！

呢排天氣仲凍凍地，大家應該打左無數個邊爐，今日我都體驗左一個好方便既火鍋外賣。因為外賣關係，自由度更高，叫左下午茶餐藥膳花雕雞鍋，配左個薯粉，一個冷泡亞里山烏龍茶。花雕雞鍋一打開就好香酒味，材料亦豐富，桃膠，豬肉餃、鵪鶉蛋、冬菇、豆卜、枝竹、滑雞件等等，菜單清楚列晒出黎。冷泡烏龍茶茶味香濃，薯粉煮完好通透。之後就叫左好多唔同配料，花雕牛小扒、澳洲牛小扒、美國牛板腱、廣島蠔、墨魚滑。牛肉全部油花都好靚好平均，偏瘦較健康，牛味濃又軟腍。廣島蠔肥美新鮮，墨魚滑彈牙亦滑溜。值得一提只要加10蚊就有埋個架同埋細既gas ，真係非常方便，清潔整理容易。食完暖粒粒，幸福感滿滿。

店舖以木系台式裝修為主可以揀台式一人小火鍋餐/鍋物套餐後者既組合就有多啲配料食前者就比較着重自選肉款😚牛魔王嘅我係揀咗前者嘅🤭.▫️美國牛板腱&豬梅花 $118▫澳洲牛小排&阿嫲燒酒雞&大元貝 $148每人有個一人餐架唔洗爭😚有10款肉肉組合可揀肉肉分別係牛板腱&豬梅花&牛小排三款我地都有試 兩款牛既味道都唔錯紋路分明 口感軟嫩有牛香牛小排既油脂感更豐富😚豬梅花呈粉色同薄身 脂肪比例剛好有肉感之餘都好嫩滑唔鞋燒酒雞啖啖肉 帶淡淡花雕香仲有粒彈牙大元貝 長蟹棒同爽彈墨魚滑😚.每鍋仲會包一個蔬菜籃同一款麵食前者有粟米🌽豆卜菇南瓜蕃茄菜等麵食可揀飯/薯粉/粉絲/方便麵薯粉屬於闊扁型 都好索到湯同煙韌.▫口潮扁魚蛤蜊鍋▫養生藥膳花雕雞鍋有6款台式特色湯底 款款都好吸引😚蛤蜊鍋落左啲蛤蜊去煲 飲落帶點清甜 養生鍋好好飲😍 飲得出係藥膳既味道見到湯底加左杞子等藥材味道香濃順便可以補下 忍唔住係咁飲🙈.▫自家薏米水 +$10▫冰糖紅棗燉雪耳 +$10店家仲自家製左5款特飲可以加配兩款都揀左養生type😛前者落足薏米 飲落唔會過甜又可以排毒去濕後者真係勁足料 差唔多成枝都雪耳🙈飲落好夠味 甜度都剛好 好

西灣河開左間新店，食一人一鍋火鍋🍲天氣咁凍，岩晒打邊爐😌.餐牌分左唔同打邊爐Set,價錢由$108起，我地2個人叫左一個「美國豬梅花、牛小排$138」同「特濃三層芝士鍋$108」，另外再配自選粉麵。第一個餐自己擇湯底就擇左（台式濃香沙茶牛骨鍋）好香同好濃牛骨味，配料唔使點點醬都好夠味，另外值得一讚係佢既牛豬都好食，薄薄一片好香牛豬味👍🏻另一個特濃三層芝士就好岩芝士控人食，一上碟已經好香濃濃芝士香味，但一邊滾一邊驚佢痴底，所以都要睇得小心啲。.野飲跟餐自選特飲 第一杯+$10，擇左冰糖紅棗燉雪耳👍🏻自家製好味唔甜飲得過，巨峰玉露就係一罐罐個啲。

冬天打邊爐是常識，但係當一個人想食蕃茄鍋🍅，另一個想食芝士鍋🧀咁點算？除咗鴛鴦鍋之外，一人一鍋係另一選擇，仲有當你日間要返工連買餸時間都無嘅時候，咁又點算？「幸福鍋」幫到你😉$66起一個鍋🍲➕一個粉麵🍜➕一款特飲🍹另可以$18起追加其他火鍋食品，最重要係加$🔟有埋個鍋及gas比你，返到屋企真係點著個火就有得食，勁方便😍我哋今次選咗：🍅蕃茄鍋白豚肉鍋：新鮮蕃茄湯，健康之選💪娃娃菜、白豚肉、豆乾、蓮藕、蕃茄、粟米、香菇、凍豆腐、青豆角、金菇、榨菜絲、炸枝竹、鳴門卷、准山、木耳🧀特濃三重芝士鍋：香濃芝士湯，芝士迷至愛三重芝士、白豚肉、甜不辣、長蟹棒、芝心魚腐、響鈴、靈芝菇、南瓜、冬菇、粟米、鳴門卷、豬肉水餃、鵪鶉蛋選咗寬條薯粉、粉絲及自家薏米水、古早鮮橙茶，再追加咗一個美國牛板腱係咪好吸引呢，真係勁方便又抵食😋

幸福鍋打邊爐真係all time favorite🤤諗唔到食咩，最好就係打邊爐，食完暖粒粒，一d 都唔lonely。太安樓出名多野食，地下行鋪開左間台式一人前火鍋店，一個個set 咁， 唔夠喉仲可追加材料。我叫左個”澳洲牛小排·阿嬤燒酒雞·大元貝”餐，賣相都好吸引。 湯底揀左養生藥膳花雕雞鍋，一黎就好香藥材同花雕味，本身湯底裏面已有幾件鮮雞，超嫩滑。牛小排份量唔算多， 但牛味濃，油脂分佈平均。蟹子墨魚滑有驚喜，好彈牙又有墨魚肉。超長蟹棒都好吸引，大元貝不過不失，而阿嬤燒酒雞聞落都係濃烈花雕味，雞肉依然嫩滑。食食下都幾飽，仲有一盤新鮮蔬菜加粉絲，最後可索哂d 精華🤤飲品都好有心機，我點左鮮橙茶，紅茶底，味道鮮甜清新，唔會太甜，有鮮橙味。冰糖紅棗燉雪耳都好吸引，下次會encore 試試佢👍🏼

終於開左啦，住附近嘅我緊係黎食下啦，我地食下午茶都要等位，係門口見到餐牌都抵食。幸福一品臭臭鍋 $68正宗台式味道，唔止配料多，連一啲台灣特式配料都有，好似米血糕、鴨血，辣度可以自選，套餐仲跟埋主糧同埋特式飲品，呢個價錢絕對好抵食。蕃茄湯白豚肉鍋 $66蕃茄湯鮮甜，配料同樣非常多，最喜歡既係佢蔬菜比例較多，食落唔會好漏，女士食既話一定夠飽。澳洲牛小排$58除左一鍋鍋既鍋物，唔夠的話亦可以自選追加，因為本身揀左既套餐都係豬肉片，所以就試下澳洲牛小排，牛味濃郁，薄切但份量多，鍾意食牛肉既一定要試下。大元貝$28彈牙鮮味，唔會食到成口沙。海蝦$28肉質爽口，一份有3大隻。廣島蠔$28蠔味夠，一啲都唔腥，煮完亦唔會好縮水。古早鮮橙茶套餐飲品除咗一般汽水，仲有好多自家製飲品，橙茶茶味香濃，加上淡淡橙香，唔會好甜，解膩一流。冰糖紅棗燉雪耳好似糖水，但轉成支裝飲品又幾特別，同橙茶一樣甜度適中，打完邊爐飲埋就最啱。

幫襯過3次。開業無耐食第一次芝士鍋，好味份量亦足夠，但原來少咗南瓜同鵪鶉蛋都唔知，直至第二次幫襯睇餐牌先知！第二次試咗沙茶鍋，味道好濃好夠味，不過成個鍋明顯俾第一次嘅芝士鍋配料少。剛剛可去點返沙茶鍋，鍋裡面少咗米血糕，不過因為本身唔太鍾意食所以無問職員攞返。但係今次嘅薯粉好明顯比起之前少咗3份1，蔬菜亦比之前少同碎，額外叫嘅響鈴亦都無蔬菜墊底。因為每個鍋嘅內容物都會顯示係餐牌上面，餐廳如缺貨有責任同食客交代再用另一樣取替，唔應該當無事發生隻字不提。另外不要因為過咗試業期就將食材大縮水，跟餐嘅薯粉份量只有半碗仔唔太合理。