幸福鍋 (已結業)

太安樓新開...上手係日式拉麵食左一次之後就無再食過 ,睇嚟依間都係同一命運. 依個價位重有好多選擇,又未去到劣評 我只可以講係雞肋.一開始個碗就有異物,通知左店員好快就換個新俾我亦有表達唔好意思. 之後拎左3罐調料俾我地不過忘記提供調料碟所以我地放落個碗度,因為枱面積有限調完會攞走.好彩有甘做因為佢地個湯底偏淡所以食物無味要加調料先食到(後來我發現佢無俾豉油我地) 沙茶鍋- 十分淡的沙茶味.,牛肉正常. 方型魚腐好好味,其他丸及粉絲 都正常.蕃茄鍋 - 淡淡的蕃茄味,豬肉無味有點"un" ,豆卜同豆乾好味,粟米十分甜. 不喜歡長白豆入鍋因為會黃而且有渣我地發現menu 文字同圖到個鍋內容有少許出入, 蕃茄鍋個圖有蜆文字內容介紹是沒有的到個鍋都真係無. 沙茶鍋文字介紹有血米糕事實是沒有的. (店家應該注意一下) 薯粉沒有很Q彈. 

依幾日凍到打冷震，緊係去打邊爐。於是去試依間新開既一人火鍋，幸福鍋。7點未到門口就開始有人群等緊位，等左半個鐘左右就入得。裝修都幾新淨，不過坐得同其他客人比較近，有d逼既感覺。上菜都快既，點左個臭臭鍋同牛肉醉雞自選鍋，花雕雞湯底。臭臭鍋稍嫌臭豆腐不足，上菜時亦唔覺得有臭味。點左小辣，都食得舒服，配左d鴨血，可惜唔太入味，配粉絲就唔錯。2個鍋都份量足既，有唔少蔬菜。至於雞肉，都算有雞味都口感紮實，肉質唔錯。最後仲跟餐叫左2杯野飲，香橙茶都好fresh，特別適合配辣鍋。最後埋單，人均一百多d，唔洗加一，價錢都算良心，會再去試其他鍋底。

呢間店新開冇耐，裝修幾靚又新淨，所以已經吸引好多人黎食，晚市要排隊等位，見到佢有得外賣，就一於試下先。1️⃣簡左你要邊個肉類Set，每個set都包一份蔬菜籃2️⃣簡湯底3️⃣簡個面類或飯4️⃣如果想配埋飲品，加$10。5️⃣如果想好似係店鋪打邊爐既感覺，加$10就可以有一set打邊爐工具。 美國牛板腱，豬梅花，阿嬤燒酒雞份量好足夠，梅花肉肉質好鮮嫩，而且唔會好油膩。牛板腱肉味好香濃，咬口有韌勁。燒酒雞浸得好重酒味，煮完之後依然食到好香濃既酒味😋澳洲牛小排，海蝦墨魚滑魚皮牛小排油花分佈都唔錯，食落好柔軟，絕對合我心水。海蝦都新鮮，肉質彈牙，墨魚滑鮮甜爽口。🥬菜籃有粟米🌽、蓮藕、冬菇、南瓜🎃、蘿蔔、豆卜、生菜、金菇、雜菇、蕃茄🍅。御膳麻辣鴨血鍋好香既麻辣味，辣度都ok，鴨血份量都唔少。桃膠人參美人鍋飲落去個湯都好清甜。古早鮮橙茶裡面有幾片新鮮橙🍊。冰糖紅棗燉雪耳材料好足夠，甜度亦岩岩好。我地打左差唔多兩小時，個酒精罐都未用完，所以想慢慢食既朋友都可以試埋佢個外賣package。

呢幾日天氣凍，淨係想留係屋企打邊爐！醒起前幾日經過太安樓，見到新開左一間台式打邊爐餐廳，今日又想打邊爐，就去左買佢既打邊爐套餐返屋企。原本以為要用自己的煲同埋電磁爐，點知佢係所有材料pack好曬之外，仲連個煲同埋個爐都有埋，真係拎到返屋企舖好檯，點著個爐就食得，簡直係懶人之選，食完係完全唔洗洗任何野😂😂😂我叫左澳洲牛小排 海蝦墨魚滑魚皮套餐，麵揀左寬條薯粉，湯底係桃膠人參美人鍋。牛小排好好食呀！佢唔大塊，好滑，入口即溶，又好香牛味，推薦大家食呢度既牛小排！一份係唔夠我食，好彩我醒目仲追加多一份🤪海蝦都好大隻，墨魚滑好彈牙，好食過樓下街市買嗰啲多多聲。湯底好足料，真係食到有桃膠！寬條薯粉出面比較少食到，都好滑，我都鐘意呢隻麵的口感。另外追加長蟹棒，以為得個名，點知名副其實，真心好長😂😂😂食落好鮮甜😇見到仲有另一款平少少既肥牛——美國牛板腱，於是叫埋，牛板腱係大塊啲，個人都係鍾意牛小排多啲。店員推介飲古早鮮橙茶，果然配火鍋係唔錯，可以解下油膩，加上唔太甜，比較健康。第一次打邊爐外賣返屋企，原來可以咁方便，爐都準備埋，自備個打火機就得，買黎去露營都係唔錯既選擇。

天氣漸漸轉涼，最岩係食火鍋，今日黎到西灣河都可以外賣打包返屋企打邊爐，你地試過未，呢道就做到啦。我地叫左兩個火鍋套餐，首先叫左個澳洲牛小排套餐，第一個套餐我地選左桃膠人蔘美人鍋，呢個湯底好清甜，而家重有好多雞黎煲湯，非常有睇頭。好有人蔘味。非常香濃。入面包括兩份澳洲肥牛，肥瘦適中，入口即溶，放入去十幾秒就食得。重有一個蔬菜雜錦，有生菜，紅蘿蔔，冬菇，粟米等等……重有面底方面我地選左薯粉，呢個非常有口感，非常彈牙，值得一試。隨餐重有野飲，我地選左冰糖紅棗燉雪耳，呢個十分好飲，唔會太甜，非常滋陰養顏。可以中和火鍋既油膩，配合得好好。第二個套餐就選左美國牛板腱豬梅，呢個套餐包括肥牛，豚肉，酒雞。湯底方面就選左養生藥膳花雕雞，呢個湯底比較清甜，而且重有幾件雞黎煲湯，真係底食，味道都唔錯。呢個就選左粉絲，粉絲都好彈牙，吸左啲湯底非常入味，所有精華都吸曬，非常滿足。野飲就選左古早鮮橙茶，呢個好有鮮橙味，酸酸甜甜咁非常開胃。能夠做到火鍋外賣一啲都唔會失色，水準有保證，值得一試。

好開心呀我屋企附近終於開咗間台式火鍋店🥰好幸福喲❤️終於唔使去到銅鑼灣先至有一人台式火鍋食😆呢度都好寬敞，好光猛環境好舒服😌同埋呢度下午茶都好抵食，唔追加其他餸的話都只係$68仲包嘢飲其實都夠食😳另外佢哋仲要冇加一😳但好主動經常幫我加湯🤓-幸福一品臭臭鍋（小辣） $68包括（配粉絲，冷泡阿里山烏龍茶）我平時都好鍾意食呢個鍋，本身已經有啲料喺入邊，好夠味，第一次食打邊爐加鵪鶉蛋，原來都幾好食個蛋黃好滑，我覺得小辣啱啱好因為會越食越辣😛呢個湯配粉絲一流！😋烏龍茶茶香濃好飲✌🏻-我另外都加咗啲餸～-鮮淮山$18616好爽脆😄-鴨血$28好滑淥耐啲入埋味仲正🤤-滷大腸$28辣鍋放呢個好惹味🤗-藥膳花雕雞鍋 $68包括（配粉絲，冷泡台南高山綠茶）我哋叫咗一辣一唔辣方便淥鮮味嘢食☺️呢個雞都好好食好滑雞味又重，份量岩岩好呀～-阿嬤燒酒雞 $38-墨魚滑$28幾彈牙同幾香墨魚味🥳-廣島蠔$28完全唔會有腥味👍🏻唔錯！

一人一鍋嘅餐廳唔算多，被呢間個名吸引住，即刻試吓～真係有幸福嘅感覺🌸餐廳新開，裏面嘅環境舒適別緻🌾，燈光柔和，枱與枱之間都有距離，唔會覺得好有壓迫咁我哋揀咗一個美國牛板腱.阿嬤燒酒雞，一個澳洲牛小排.豬梅花.花甲海蝦.響鈴，一上枱擺得好靚，一個精緻嘅三層木架，放晒啲嘢食喺上面方便又慳位，呢個設計唔錯👍🏻美國牛板腱湯底揀咗桃膠人蔘美人鍋，而澳洲牛小排湯底就揀咗養生藥膳花雕雞鍋，兩個湯底都好重藥膳味🤤正燒酒雞肉質嫩滑，而且醃得入味，牛板腱同牛小排都好高質👍🏻肉靚，豬梅花呢個有驚喜，就算淥耐左都唔會鞋口👍🏻蔬菜類都有成9⃣️款，再加埋粉麵真係超級滿足～一定夠飽飲品方面，我哋揀咗古早鮮橙茶同埋冰糖紅棗燉雪耳，兩款都好夠味同足料🤤冰糖燉雪耳唔會死甜喺清甜嘅～所以呢個價錢有呢個享受我覺得超值🍽

幸福鍋，位於西灣河太安樓地下，餐廳近日新張營業，以台式火鍋為主，餐廳佈置簡約舒適，座位尚算寬敞。餐廳餐牌設計配搭簡單，六款湯底，十款自選肉類，六款鍋物，再加上大量可追加火鍋食物，選擇亦算多。首次來試一下御膳麻辣鴨血鍋，辣度可算是初級，味道麻辣濃香，湯底不油不膩。鍋底配有鴨血，豆腐，鴨血滑而有咬口。自選肉類牛魔王愛好者當然選擇澳洲牛小排，兩碟牛小排肥瘦適中，肉質有咬口，套餐配有金菇蔬菜粟米豆卜粉絲等等，份量十足。值得一提，餐廳有醬料架供應，沙茶醬味道出色，下次再來時必試一下沙茶牛骨鍋。

前幾日行經過西灣河 見到間一人台式火鍋新開張 有一種台灣既味道 尤其是依加咁凍冰冰既天氣 就更加想去試😆呢一間台式火鍋店好多款式選擇 而且都係一人一鍋 價錢其實講真又幾抵食 你可以先選擇自己想食既材料 再有成6款鍋既湯底可以選擇 唔夠飽仲可以追加其他小食 所以都真係好吸引🐄M09) 澳洲牛小排*2海蝦墨魚滑魚皮🐖M05) 美國豬梅肉牛小排肉既質量有保證 知道來源地同埋肉質好有口感 海蝦同墨魚滑都新鮮好食 再配合湯底都幾吸味調味方面餐廳會提供鼓油、沙茶醬、蒜蓉、豆瓣醬 附和肉既鮮嫩服務都幾好 尤其是新開張店員可能未太熟習但係經理都會好用心去提點同幫忙 幾鍾意呢間新餐廳

經過西灣河太安樓見到有間新的台式火鍋，門外有很多人等位，我便趁下熱鬧和媽媽入去試下。店光猛明亮，座位舒適，通風良好。台式火鍋較健康。一人套餐選擇很多，自選肉類配精選蔬菜藍，自選粉麵飯，自選特飲，還可追加各款食物，配搭靈活自由，一人一鍋夠衛生。湯底有六款選擇，各有特色。媽媽選了一品酸菜白肉鍋，美國豬梅肉，阿嫲燒酒雞。我選了桃膠人蔘美人鍋，澳洲牛小排，豬梅花，花甲海蝦，響鈴。兩個湯都滋補味鮮。肉類優質，豬梅肉和牛小排都美味。燒酒雞有風味肉肥美。海蝦花甲新鮮。蔬菜藍有蓮藕片，生菜，番茄，鮮冬菇，金菇，黃芽白，粟米，紅蘿蔔，豆卜等，新鮮健康。媽讚白飯靚。我鐘意食薯粉，吸滿湯汁好和味。我們加的麻辣臭豆腐幾有特色，可以一試。飲品也好味，為這餐加分。自家薏米水甜甜地順喉。冰糖紅棗燉雪耳滋潤。兩個人吃得又飽又滿足，只需$352，不用加一，抵食。見到媽媽吃得滋味滿意，我覺得很幸福。下次再來試幸福一品臭臭鍋和其他自選鍋物。

✨中女獨食難肥日誌 ✨幸福鍋 中女食西灣河太安樓有好多好嘢食，新開張台式一人火鍋要試一下！放工買外賣唔使煮、唔使洗！非常方便👍🏼估唔到外賣包埋個爐，好驚喜！而且以為不會好大火，但原來都會大滾！美國牛板腱豬梅花阿嬤燒酒雞 $138套餐有齊牛、豬、雞真係好抵食！當中雞有酒味，都幾入味，牛同豬都好有味！湯底選了御膳麻辣鴨血鍋，只有微辣，內有鴨血及豆腐，鴨血都幾滑！澳洲牛小排 $138牛小排最啱牛魔王，一人份都有兩盒，而且牛肉不會太肥又有牛味，幾好食！湯底同樣選了御膳麻辣鴨血鍋！寬條薯粉好煙靭！菜籃有生菜、菇、南瓜、粟米、蓮藕、金菇等，一人份量都好足！配白飯較普通，不及配寬條薯粉好吃。自家薏米水 冷泡台南高山綠茶 +$10每個套餐加$10配飲品，薏米水不會甜而且好足料！打邊爐最啱！而綠茶都好濃味！📮地址: 西灣河筲箕灣道57-87號太安樓地下G25號舖

今日去咗西灣河搵fd拎free goods，我老公話太安樓隱藏好多高手🤪但係我唔想掃街喎😒拎住咁多野。行返岀去見到勁多人禁飛等，望一望原來係自私鍋❤️老公話咁耐冇打邊爐就去食一次啦🤪重點是唔貴👍🏻🍴食物🍴🎈特濃三重芝士鍋原本想叫藥膳雞，但驚自己燥上加燥，所以叫芝士鍋💋一上枱我見到塊芝士，但下面稀林林😒心諗唔係下化？但原來係愈滾愈杰🤣，dup 低個頭會突然聞到芝士味！芝士鍋配公仔麵係定律黎！😤勁好食！啖啖芝士味！肥都冇辦法😇🙏🏻🎈蟹棒不得不提個蟹棒🤣痴線！一枝筷子咁長，有我老公手指咁粗，我老公偷我雞話分唔到一半食想食晒成條🥲好彩我剪得返另一半！好有蟹味👏🏻另外一個係黑蚊蚊，好似芝麻糕嘅🤨應該係甜不辣？因為佢真係甜甜地，好煙韌似糯米糕！🎈台式香濃沙茶鍋鐘意濃味人士請注意⚠️呢個超正！其實本身都有醬料可以另加入碗到。有勁多配料，其實佢本身都有粉絲係底，所以如果大家叫呢個，可以嗌薯粉或者飯！不過沙茶醬配粉絲都係定律嚟🤣🤣🤣🎈海蝦3隻好大隻蝦🦐烚熟都好大隻架！好爽脆嘅蝦❤️剝左殼再浸係芝士鍋！冇得彈🎈蝦滑、墨魚滑、花雕牛小排由於落左牛小排唔記得咗😢😢烚到熟過龍😔不過都好香牛肉味🤪必叫一定係蝦滑🥰因為真