廚十三老壇酸菜魚 (太子集團中心) (已結業)

本地的酸菜魚專門店不多，而做得好的更是屈指可數，包括這次我們來到的這家「廚十三」。避風塘魚腩 (HKD 108)每次來到必點的一道，撲鼻而至的辣香與魚香未上桌已教人唾延三尺，恰到好處的辛辣將魚鮮味盡數引出，魚肉處理得細膩嫩滑，愈嚼愈香，開胃惹味。老壇酸菜魚(大份) (HKD 450)佢為店家的招牌菜，特意挑選的鱸魚肉質鮮嫩細緻不在話下，入口零舍結實彈牙，魚皮亦十分煙韌富膠質感；湯頭方面更是十分足料，以幾種不同的辣椒，配上自家製的酸熬成，香辣惹味，不但完全去除魚腥，更帶來充滿層次感的味道，先入口的是微酸，再來是舌頭上的酥麻香辣，加上嚥下喉嚨後的回甘，最後我們幾乎整鍋飲清光，絕對是誠意之作。配菜方面加點了寛粉及蒿荀，使整體口感更豐富。紅糖冰粉 (HKD 28)最後來個清甜冰凍都的紅糖冰粉，為這餐完美收結。總括而言，優質的食材及烹調技巧，加上不俗的性價比，教人回味無窮，很期待下一次光顧。

友人知我鐘意食酸菜魚，特登帶我黎開餐😆嚟到餐廳環境比預期中大，裝修新穎、整潔、而且空間感大、座位闊落，仲望到少少海景添😊餐廳主打係酸菜魚，另外有涼菜、蔬菜、小食、飲品、甜品供選擇。侍應端上一樽茶，味道清香, 有助去油。前菜點左個泡椒鳳爪，味道頗搶、辣，鳳爪肉質爽實，好味道。我哋點左個小分酸菜魚，加咗寬粉、豆腐。酸菜魚上枱時超大碗，味道芳香撲鼻，賣相一流。入口先麻，繼而酸辣，味道豐富。爐魚魚塊好多，件件嫩滑、無骨啖啖肉。酸菜係另一精髓，有莖有菜葉，雙重味道同口感。寬粉煙韌滑啫啫，索曬個湯底又飽肚。豆腐豆味香濃，如入味d更好。甜品點左紅糖冰粉，冰粉本身無咩味道，冰冰涼涼滑入口，配埋紅糖水，味道清爽。除左野食好味，呢度坐位濶落，坐得舒服又唔會被催交枱，加分。

香港酸菜魚普遍價錢較貴，大多兩三百起跳，廚十三價錢不算平，但魚肉質素及酸湯絕對是高質。若果要吃正宗酸菜魚，這間必不會失望。老壇酸菜魚 大份 配寬粉及篙筍小份、中份及土豪版分別有約一、二、三條鱸魚，配有少量豆腐及大量爽脆酸菜及豆芽。湯底酸中帶麻，呷一口麻香酸香並重。爐魚個頭大，每片魚片大而偏厚身，魚肉肉質滑嫩無骨，魚質及師傅刀工也算上乘。一份寬粉份量滿多，質感厚身爽滑，口感煙韌，吸附酸湯，不錯配搭的主食。篙筍口感爽脆，浸久而不老，特別適合配搭。避風塘魚腩師傅以較肥美富脂肪的魚腩作食材，以避風塘香炒，炸皮超薄魚肉嫩滑帶肉汁，絕非外間乾癟的成品可比。冰粉冰粉透明清澈混上黑糖糖水，口感滑溜、表面帶膠質、質感微煙韌。味道微甜可口、入口去油解膩，清熱解暑。整體來講，餐廳面向海景、食物高質好味、價錢合理，整適合酸菜魚迷光顧。

朋友知道我喜歡和想念酸菜魚，便介紹了此餐廳給我。 吃後也很有驚喜。我們叫了午市套餐，$168的價錢包了兩碗飯，飲品，酸菜魚的份量也很足。 下單前有問過店員魚肉的份量，成品的魚肉數量比想像多，而且切得也大塊，加上配料如豆腐等，絕對多兩個人吃。味道方面，酸菜魚的酸辣適中，辣味會比酸味重少少，湯頭也可以直接飲用，非常順口。 魚肉嫩滑，豆腐吸收湯汁後非常好吃。 另外加了蓮藕，金針菇等，也和湯頭很夾，配白飯一流。酥炸無臉男即是炸酥肉，香脆不乾，配上乾碟吃著辣辣的，非常野味。超級有驚喜的皮蛋，配著的虎椒好好吃，皮蛋也彈牙，沒有怪味。 辣度只屬小辣，作為小食一流。午市套餐的酸菜魚好便宜，值得一試

在家抗疫嘅時候大家都少不免會嗌下外賣，大家離不開會叫吓薄餅炸雞，尤其係屋企自己整有啲難度既，今日去開尖沙咀就search 吓有咩外賣介紹，就俾我搵到呢間主打酸菜魚既廚十三，依家外賣有八八折添。首先要講吓個份量我叫左個大份嘅有兩大兜湯，一盒酸菜再加一盒魚，都足夠三至四人食，魚肉嫩滑厚身，返到屋企加熱就可以食, 啲湯仲多到可以加其他食物打個邊爐添. 另外佢有個甜品都好出色，個名仲好特別叫雨露均沾，其實係糯米整成條狀然後有黃豆粉再加一啲黑糖一齊食。仲有其他小食前菜下次可以再試吓

近排比較少出外食，難得今日時間啱兩個人就去了這裡食，之前都去過另一間分店食過，咪道真係唔錯，而今日就係食午餐時段，呢個價錢都十分抵食，還可以加埋自選配料，絕對係超值，老壇酸菜魚雙人套餐，有二人份飯麵粉選擇之外，還有兩個普通飲品增送，當然要加埋香酥雞翼，還有超好味嘅五香牛肉！落單後最快就係個老壇酸菜魚，魚片肉質彈牙爽口，入口啖啖肉十分入味，而當中配菜亦有爽口蓮藕片，軟滑豆腐，當然就係另一個主角酸味適中爽口嘅酸菜！入口十分開胃，今次我就要了一個飯配埋個湯真係正，自家製湯飯！而個香酥雞翼都十分出色，廚師已將雞翼單骨處理，炸得十分香脆，外脆內軟入面唔會太乾身，十分入味！喜歡食雞翼就必吃之選！而個五香牛肉亦十分出色十分入味，五香牛肉煮得好香，有點似將牛肉乾撕開，五香味道香濃，肉質煙韌夠晒口感！又係一個配飯之選！今日真係十分滿足！還有這裡嘅環境又係一個唔錯嘅選擇，邊食飯可以望主個維港景色，一個價錢有齊味道視覺嘅享受，今餐絕對超值！

而家疫情咁嚴重，但係我同男朋友又想食酸菜魚，於是就決定試吓廚13叫外賣，因為佢外賣仲有額外八八折，非常抵！我哋嗌左個酸菜魚二人套餐，走辣。大家可以喺圖片度見到，雖然係走辣，但係黑椒胡椒嗰啲都係保留到。所以非常適合一啲唔係太食得辣，但係又想試吓小小麻嘅風味😆另外我哋仲加咗土豆片同金針菇。另外叫左個酥炸無面男😆好香口，送麵食一流！食川菜點可以冇皮蛋！呢度嘅皮蛋好軟好鮮🐣總結就係，如果大家上嚟食，就要預早book定位，因為我哋等緊外賣嘅時候，其實出面都大排長龍。

幾年嘅冬天都冇咁凍，遇着最近晚餐沒有堂食，星期六趁機會出尖沙咀行街，心情靚靚食個酸菜魚，廚十三 的酸菜魚頗有名氣。難得午餐價錢實惠，店員服務一樣細心，座位寬敞大家保持足夠距離，陽光充足，心情特別輕鬆。酸菜魚 雙人套餐 $168午市 有優惠價錢，魚片足夠二人的份量，可以配米線或白飯，還送加多寶或汽水，感覺圓滿。百吃不厭的酸菜魚，招牌酸菜比與還好吃！花椒、辣椒乾及泡椒令味道提鮮不少。這裏的口味也十分正宗，酸菜魚用上鱸魚或桂魚，起骨切片，魚片魚肉入口嫩滑，酸菜魚湯底香濃，酸辣開胃，配上米線吃更惹味十足。當然也少不了追加配菜，午餐肉 和青筍片 是我的心水配搭，比火鍋更吸引我的味蕾。正經的雞被撕 $108充滿玩味的菜名，也就是麻辣手撕雞，雞肉撕成肉絲，啖啖肉方便懶人入口。拌入香濃的醬汁，超美味的涼拌手撕雞，麻香辣絕對好味， 開胃非常，喜歡麻辣的朋友不要錯過。酥炸無臉男 $88無臉男 令我聯想起日本卡通片，菜名好得意，好奇心驅使下當然要試吓。外層炸得金黃香酥，入口即化，肉味香濃。喜歡辣的還可以配搭蘸辣椒粉，記得要趁熱食呀！雨露均沾 $48最後來到甜品時間，這個甜品名字有趣，實際有點像炸年糕，蘸上醬

今天家人想吃酸菜魚，所以放工到了廚十三老壇酸菜魚買外賣回家吃。點了大份酸菜魚(額外加酸菜、寛粉、木耳)、手撕雞及香酥雞翼。大份酸菜魚+酸菜+寛粉+木耳: 湯底酸味麻味辣味都好夠，味道比較地道，每一啖都刺激味蕾。魚肉用了鱸魚肉，完全無腥味，食落鮮嫩，額外加了寛粉及木耳，混入一起吃，吸晒湯汁嘅精華，辣得好味道! 外賣湯底會分兩碗，每碗都有仲一個魚頭，證明真材實料，啱晒鍾意食魚頭嘅朋友呀~ 正經的雞被撕: 菜名很有趣，其實係手撕雞，雞肉絲撈埋醬汁，食落麻麻辣辣好惹味，另外，加入芝麻及青瓜，令味道更香、更清爽。香酥雞翼：炸雞翼香脆可口，唔油膩，配埋類似重慶燒烤嘅調味辣椒粉，好惹味。

以前去大陸做嘢，總有機會食酸菜魚，但而家已經無再去，加上疫情，直頭出街食都少咗。 但不得不佩服香港人，靈活多變，晚市禁堂食要轉外賣之餘，連酸菜魚都可搞外賣，仲要好企理。因為實在太耐無食，忍唔住要買黎食下。外賣包得十分企理，一份湯，一份料再加一份魚肉。另我再叫咗一份牙籤牛肉返到屋企急不及待整黎食，我就好簡單咁轉落個鍋道滾住黎食，正到飛起因為本身佢分開咗包，啲料放入去係十分整齊，同堂食一模一樣，仲可安坐家中睇住電視食添。我叫咗二人份量，啲料多到不得了因為佢魚肉分開咗包，返到黎啱啱好，無話浸到過熟或散哂，仲好滑好鮮甜份量仲幾多下。值得一提嘅係個牙籤牛肉，當餐前小食及送啤酒一流。佢係類似零食五香牛肉粒果啲味，但變成新鮮牛肉，又冧又野味十分推介

聽聞「廚十三老壇酸菜魚」在國內很火，香港亦有四間分店，上星期晚上身在尖沙咀於是就去了太子集團大廈的分店買外賣，當晚只有6-7度，想到可以寒冬下在家慢嚐酸菜魚就開心。酸菜魚遵照總店「 只用一種魚、只有一種辣度、只有一種味道 」口號炮 製，只用1至1.3斤重的新鮮鱸魚，不能加減辣度，但客人卻能選擇大小及追加配料。另一主角老壇酸菜則從成都直送，據說用芥菜及十多種香料發酵365天。餐牌上的選擇不多，貴精不貴多，主要都是大、中、小份的酸菜魚和配菜。我就點了一客《小份酸菜魚 $338 （2-3人用）》和兩款簡單配菜。鮮魚即叫即劏，等了差不多5分鐘就有。抱著回家時已聞到香噴噴，十分熱燙，所以回家後我們就直接食用，不用再多花時間煮熱。湯底香料十足，酸香麻辣，刺激味蕾很開胃。新鮮雪白的魚肉新鮮開胃，嫩滑鮮味，細骨全部挑乾挑淨，可能我們都愛吃魚，覺得下次可以試4人份量的。芥菜葉多於莖，份量頗多。另外加的配菜：+鮮腐皮 $28 - 非常鮮滑，大力推薦！+青荀片 $28 - 清甜吸味。原來這裡的湯底都不配寬粉，下次一定要記得自己加配！小店亦提供幾款惹味川菜小食。

今天生日我和柱哥决定吃酸菜魚，二話必說就跑到尖沙咀太子大厦的老壇廚十三酸菜魚，這間同事們吃過很多次，所以我也很有信心!首先我們2人各叫了一客酸菜魚，份量很大而且魚片入口十分彈牙可口，我們各選了米線和白飯，湯底叫了小辣，酸酸辣辣真的十分可口，而且酸菜醃得很入味，令鱸魚片更添可口，我和柱哥覺得很好味，尤其是喜歡吃海鮮的我們，鮮味十足!不開心的木耳又香又辣又爽口，但我較喜歡撈豬耳，這兩個頭盤令我胃口大開!酸梅湯很香，柚子茶也不錯，這頓生日飯吃舒服，最重要才4百元，柱哥說真的很抵食而且酸菜魚很鮮味!我下次會再來的!

天氣好凍啊☃️中午同老公去咗廚十三食酸菜魚米線，被安排到坐靠近窗邊，有少少海景看到。老壇酸菜魚米線（$168），二人份量，超級大碗，裏面除咗大塊魚片，當然唔少得酸菜，聽講呢道酸菜好食過魚，仲有豆腐、金菇、蓮藕、粉絲、米線，酸辣惹味，魚片亦好嫩滑，套餐配兩罐汽水。麻辣牛𦟌（$98），牛𦟌軟腍入味，麻辣有勁，配上莞茜，增加了香味。雨露均沾（$38），其實是黑糖米糕，煙煙韌韌，沾黑糖醬進食，外脆內軟。甜品紅糖冰粉（$28），滑嘟嘟啫喱配上蒟蒻粒，清甜可口，剛好中和酸菜魚的辣味。好奇點解餐廳改名「廚十三」，因為老闆自己都很熱愛酸菜魚，已鑽研出13種酸菜魚食法，有機會都想品嚐一下其餘12款口味。

是日到尖沙咀廚十三老壇酸菜魚外賣自取。去到先行點菜，必選是酸菜魚加寛粉木耳再加多個酸菜令湯更好味。另外加了正經的雞被撕，香酥雞翼。回到家湯還熱，即時食就岩岩好。酸菜魚條盧魚魚肉質良好，唔好太散，混起酸菜和湯底一起食好正。酸菜個味道唔會太咸混入湯中食就岩晒。而寛粉加木耳簡直係吸收了湯底既日月精華。正經的雞被撕雞肉質都好好，加埋青瓜去食有肉有菜感覺好好。香酥雞翼外脆內暖，加埋雞翼肉汁都算多，辣辣地口感又好。

尖沙咀厨十三老壇酸菜魚很有名的，最近午餐也有一個午市的單人套餐，我和同事欣欣都很想去吃，今天心血來潮就去啦!環境很寛尚，有很多卡位，而且落地玻璃又光猛又舒服的，我們一入去待應很有禮貌招呼我們啦!我們每人都各叫了一個單人套餐再加了二個涼菜!老虎椒愛鬆花蛋有小小辣，皮蛋很香，我們覺得不錯!清炒窩筍絲很夠味，而且十分爽口，真的很健康!酸菜魚很大碗，我選了配米線，魚肉一点也不欺場，很多魚片，入口不但爽口而且很新鮮，配上酸菜，酸酸辣辣加上還有一些配菜，藕片和金針菇浸入了湯底，也很夠辣味，我覺得今天的午餐真的吃得開心，也吃得稱心!