廚十三老壇酸菜魚 (太子集團中心) (已結業)

終於唔洗北上都可以喺香港食到好味嘅酸菜魚嘞~之前見飲食專欄介紹呢間廚十三老壇酸菜魚係由深圳太二酸菜魚班底開設，食過之後果然名不虛傳，好有太二的風格同口味。我地2個人叫咗3人份量，超大碟嘅酸菜魚，排場氣勢就好似喺深圳食嘅咁，2個人食，份量剛剛好，酸菜魚嘅辣度夠晒辣，除咗有又大片、又厚、又滑嘅新鮮鱸魚片，仲有好多酸菜、蓮藕片、豆腐。另外叫咗碟夫妻肺片，有牛展、金錢肚、牛舌，辣度比酸菜魚更辣，牛展份量都好多，好入味，但就嫌牛展太硬，我就較鍾意金錢肚，彈牙入味。餐廳以卡位為主，亦有做好防疫隔板，座位仲有USB充電位，最啱邊食邊打卡用到電話冇電嘅客人，好貼心嘅設備。見到餐牌有午市酸菜魚2人套餐，只係$168，好想下次早D再去食。

近日天氣轉冷了，好想吃點辣的，心中有兩個選擇：辣雞鍋、酸菜魚，心大心細下，這天選了後者。看網上介紹，「廚十三」是由珠三角紅到美國的酸菜魚，餐廳只用1至1.5斤重的新鮮鱸魚做魚鍋，即叫即劏。好像不錯呢，一於來試試。來到尖沙咀分店，裝修沒有想像中的老氣橫秋，且更有不少有趣的壁畫和海報等，感覺很年輕。餐廳採用了一排又一排的大玻璃窗，光線充足，可以看到非常廣闊的街景，遠眺維港都沒問題。老虎椒愛松花蛋 $68蔥油撈豬肚 $98我們點了兩款前菜，「老虎椒愛松花蛋」沒有想像般辣，而是酸中帶辣，十分開胃；「蔥油撈豬肚」用芫茜、蔥油、花生等撈過，香噴噴的，豬肚夠厚身。老壇酸菜魚雙人套餐 午市$168然後今天的主角就到了。$168二人分量的酸菜魚套餐，可以選米線或米飯等，米線會直接放進湯裡。這分量真的嚇了我一跳，像個面盆，有我四塊面那麼大。裡面除有鱸魚，還有金菇、粉絲、蓮藕等等，十分豐富。鱸魚很滑，全部魚肉都已起骨，吃起來方便。酸菜湯底本身是小辣，不會太crazy，但如果我下次記得的話，還是會點選微辣，這樣會吃得更暢快。雨露均沾 $48吃到鼻水直流，十分過癮，也是時候要個甜品解一下辣。「雨露均沾」其實是烤

疫情下已經再沒有機會出境到深圳食名氣店- 太二酸菜魚，經朋友極力推介這間由太二班底開的廚十三老壇酸菜魚，止一止我的酸菜魚癮。一進食店見到的黑色掛畫，作風跟深圳的太二酸菜魚很似，久違了的酸菜魚回憶及味覺頓刻都浮出來了，未食先興奮！疫情少了外出用餐，而每次堂食我都必會嚴選食店，會揀著重座位是否有隔板防疫措施及能讓我感到食得安心。這間尖沙咀店主要以卡位為主，而每張枱都有隔板，安全措施做足，令我食得很安心。每次我食酸菜魚，都一定要點算可以解辣的飲品，因為我是個愛酸菜魚，但又不太受辣，今次點選了可以幫我解辣的酸梅湯，大大杯很解辣。《老壇酸菜魚(大份)》來食廚十三之前，已經預先看過其他食評，知道2人份量的偏少，而我跟姐妹都是為著酸菜魚而來，要吃多多的，於是點了個大份的老壇酸菜魚(3人份量)。酸菜魚本身預設為小辣，如果食得辣的，可以要求加辣，相反，真的食不到辣的可以要求減辣。不過我覺得預設的辣度已經夠辣。用上鱸魚製作酸菜魚，每片都大大片，又厚肉，又滑。一碟滿滿酸菜，配白飯食好開胃。除了魚肉片及酸菜，伴菜還有豆腐及蓮藕片，2個人食大份量非常滿足。《上上簽》一碗麻辣雜菜串，有鵪鶉蛋、萵筍、椰菜花、蓮藕片

這陣子，因為疫情嘅關係，想找一個比較寧靜的地方，能夠舒舒服服坐下來，安安靜靜，疏疏離離的好好享用一個午餐。約了朋友在尖沙咀，就試一下位於北京道的㕑十三，老壇酸菜魚，餐廳位於樓層18樓，一進店，光光猛猛的環境，十分開揚，充滿正能量，讓我們能開開心心，安安樂樂的好好享用午餐。顧名思義，老壇酸菜魚的名菜便是酸菜魚，它的份量分別有小份、大份和土豪份；辣度方面則分了小辣，中辣和大辣。我跟閏密都是女孩子，食量不太多，店舖有個體貼的單人套餐，朋友選擇了小辣的酸菜魚配米線，而我就選擇了中辣的酸菜魚配米飯，套餐還包括了飲品，我們都選了酸梅湯，剛剛好中和它的辣度。酸菜魚採用了全部都是冇骨的魚柳，適合一些不喜歡挑骨的朋友，除了主角酸菜和魚外，還有配菜豆腐、蓮藕、金菇菜等，盡吸收了湯料的精華，湯底的辣度有一定的挑戰，初試的朋友不妨由小辣開始。除了主菜外，還有各種小吃、涼菜、蔬果和甜品，我們選擇了兩個小吃，分別是蔥油撈豬肚和棒棒雞，都有一定的水準。值得一提，店員服務態度很好，殷勤介紹菜式給我們，尚算貼心。

呢日約左朋友食生日飯～壽星話要食酸菜魚，所以我就book jor 呢度同佢食由於限聚令，所以我地兩個只可以係中午撐下檯腳原來中午有套餐，相對抵食好多由於壽星係嗜辣之仕，所以我地分開要左份老壇酸菜魚單人套餐”HKd$88+10%，另外要左一份“香酥雞翼”HKd$78+10%一齊食單骨雞翼香脆又易食一人一大碗酸菜魚壽星要咗中辣我就要咗走辣魚片好滑～我仲加咗寬粉索曬啲湯汁，超好食每份酸菜魚都有包咗豆腐、金菇同粉絲呢啲配料，非常豐富仲可以選擇跟一碗白飯或者米線㖭套餐會包酸梅湯或者汽水最後仲一人要左一碗“冰粉”HKd$28+10%做甜品，清甜又解辣

疫情關係，不能上深圳玩，但在尖沙咀廚十三老壇酸菜魚，仍然可以尋覓到我最愛酸菜魚的踪影，就在尖沙咀太子大厦18樓，一間環境舒服，而且落地玻璃很開揚!我們看到餐牌，第一時間就叫了酸菜魚2人套餐，加了午餐肉和藕片!酸菜魚套餐很抵食，不過一百八十多元，一客很大又香又熱辣辣的酸菜魚呈上，酸菜很道地入味，而魚片大大片很爽口，口感一流，我們叫了米線伴上，一口魚肉，一啖米線，真的很正，加上伴菜午餐肉和藕片，真的性價比高，而且環境看以看到整個漂亮的香冮，真的令人很放鬆，另外酸梅湯酸酸甜甜，我們真的超滿足了!

好耐無食過酸菜魚，所以上個禮拜約左朋友去尖沙咀的廚十三老壇酸菜魚度食。餐廳座位寛敞舒適，我地被安排係近窗的位置，可以望到開揚的景色。我地點左個二人酸菜魚套餐，加配左午餐肉，套餐包左飯/粉仲有兩杯野飲。酸菜魚份量十足，鱸魚片啲魚既骨都去得好乾淨，食落幼滑無骨啖啖肉，味道鮮甜，辣度大約小辣左右，酸酸辣辣好開胃。我地另外叫左個松花皮蛋同麻辣牛展。松花皮蛋擺盤唔錯，蛋白瑩剔透光澤，蛋黃紮實綿密無腥味。麻辣牛展香辣開胃，勁道十足，非常入味。

一直book mark左呢度食酸菜魚，但因為疫情關係，少咗出關食飯，今日難得同埋個志同道合嘅朋友一齊嚟，大家都好期待呀！而家食好嘢，好多時都會貢上商廈搵食，呢度燈光光猛、環境整潔、好多卡座位，部份玻璃窗仲睇到海景view 添😍必食嘅一定係酸菜魚，我哋兩個人嗌左個細分另外加咗萵筍、 藕片同寬粉。侍應端上好大盤酸菜魚，賣相好靚、顏色鮮艷吸睛，香辣味撲鼻而來。酸菜魚我哋叫咗正常辣度，湯底有好多唔同嘅配料而成，辣味層次豐富，味道平衡，萵筍，蓮藕爽脆，又索曬味。寬粉同酸菜魚係絕配，寬粉入口滑身又煙韌。小食叫左個上上簽，好似大雜燴咁，每款食物都可以試下。食物由竹籤穿着，浸係個秘製湯底凍食嘅。飲品點左杯芒果梳打特飲，清香解喝。呢一餐滿足到我哋黎之前嘅期望，一定有下次。

自從北上工幹食過酸菜魚後，就開始愛上酸菜魚，但疫情下唔能夠北上，唯有係香港四圍搵好味酸菜魚，今日就來到「廚十三」。酸菜魚有唔同份量選擇，我地兩個人揀左小份，再加幾個小食。老壇酸菜魚 :酸菜魚可以加唔同配料，我地加左午餐肉、青筍片及寬粉。酸菜魚份量十足，小份都有好多魚片，入口好嫩滑，無骨下啖啖肉；湯頭微辣，麻香味十足，非常惹味；寬粉吸收晒湯汁後好好味。酥炸無臉男 :炸豬柳條入口香脆，沾上七味粉後辣辣地好刺激，一啖一條話咁快就食晒。麻辣豬耳仔 :豬耳可以話係我嘅最愛，質感好爽口，配上麻辣汁食，非常開胃，作為涼拌前菜一流。麻辣雞爪爪 :雞腳去骨後再切小件，無骨下食落啖啖肉好方便，雞腳入口非常爽，麻辣汁麻香味十足，加上蔥及芝麻令味道更豐富。呢度嘅食物味道唔錯，想係本地食酸菜魚又多一個好選擇。

一向好喜歡食酸菜魚嘅我，疫情前轉向內地市場，選擇北上試內地嘅店鋪，一黎價錢更加親民，二黎味道更加正宗。今年因為疫情關係唔能夠離開香港，唯有係香港睇下邊度有好野食啦。「廚十三老壇酸菜魚」共有四間分店，今日就嚟到位於尖沙咀北京道嘅分店。老壇酸菜魚:老壇酸菜魚有三個size, 一行兩人嘅我哋，揀咗最細嘅二人份量，另加午餐肉，寬粉，同埋青筍片。酸菜魚上菜時散發出陣陣香氣，鍋內伴有好多胡椒粒，亦有好多魚片。魚片好新鮮亦都好滑，無骨，湯底入口都帶點麻，食落都幾開胃。我哋另外都試咗幾款小食。麻辣豬耳仔：切至幼身既豬耳，入口非常爽，麻辣並重，食落好刺激，加埋芫茜同埋芝麻，口感同味道都非常豐富。麻辣雞爪爪：麻辣雞爪爪冇骨，食起時啖啖肉，配上泡椒麻辣嘅風味，非常惹味。酥炸無臉男：豬肉切條後炸到脆卜卜，肉質肥瘦適中，沾上七味粉食，辛香惹味，非常刺激。總括黎講呢度既食物唔錯，環境亦都好舒適，睇得出係一間好用心經營既餐廳 ，有機會我一定會再來光顧。

疫情底下，依然唔影響我呢個外食族一直出去覓食既興致，今日同朋友去咗附近商場行街，行到攰就想去一間比較坐得舒服嘅餐廳。於是我同朋友就去咗太子集團中心嘅廚十三老壇酸菜魚。 因為喺下午時候過去，所以人唔算特別多。好快就有位坐了，而且位置都算幾寬敞。因為有午市套餐嘅關係，所以我哋點左一份雙人套餐，手撕雞同泡椒無骨麻辣鳳爪。大概5分鐘之後酸菜魚就上菜了。魚肉幾多下，經過酸菜湯底浸泡之後多左種酸既清香味，拎黎撈飯食一流。而手撕雞有一個好得意既名，叫正經的雞被撕。手撕雞特別嫩，有香濃嘅麻辣風味。而麻辣雞爪爪本身無骨既關係，食起黎啖啖肉，加上泡椒麻辣既風味後，變得特別惹味。整體來講，呢間性價比唔錯，唔算趕客，坐得舒服，可以邊食飯邊吹水。

今日係我第一次上黎尖沙咀店，之前多數都係同朋友去銅鑼灣店食。兩點40幾50上到去，只有4枱客，好靜好舒服，環境好開揚，某啲枱仲會望到少少維港景啊因為自己一個，所以叫左個午巿一人餐，88蚊包左魚，飯或者米線同埋飲品。因為佢啲餐具係一早就擺左係枱，所以個水杯竟然有啲塵建議鋪頭將碗同杯反轉放，應該會好啲講返個魚，魚大約有8/ 9塊，魚肉好滑而且無骨，不過酸菜真係少得可憐，又少又碎配菜係粉絲同豆腐，豆腐有三片，不過就完全唔入味，粉絲份量好多，酸酸地加少少辣，粉絲幾好食。同銅鑼灣店相比，尖沙咀店係衛生同味道上都相對失色如果再食 我應該會揀返銅鑼灣店或者荔枝角店

天氣轉涼就想搵d熱辣辣既嘢食酸菜魚就係不二之選，開胃又惹味！呢一間主打酸菜魚的餐廳果然出品不錯湯底鮮甜惹味酸菜係我鍾意既口味，唔會太鹹魚片好新鮮！入口都幾嫩滑我地仲加左粉絲同金針菇配料，兩人吃量非常足夠！而且環境同服務都十分之唔錯！鍾意酸菜魚嘅人可以一試😎

廚十三的根源來自太二, 但不是大陸的太二, 而是主理美國太二的班底, 再在香港開分店, 但不能用上太二的名字, 也許就是得不到其授權. 無論在菜式和店舖裝修上, 也很有太二的味道. 來到這裏當然要點酸菜魚, 兩天午餐份量不用二百元, 份量並不少, 只是魚肉和酸菜份量比豆腐和蓮藕等配菜少, 至於米粉直接放入酸菜魚, 就成了一大碗酸辣米粉. 魚肉肉質還算鮮嫩, 沒有問題, 只是味道過嚟於柔和, 酸勁, 麻度和辣度也不夠, 豆腐放入去不能吸收精華, 味道有點割裂. 至於另一道小菜酥炸肉也大有改善空間, 吃到令人討厭的油膉味, 炸皮很厚但內裡的肉不多, 一咬下去內外分離, 唉! 要是說我最推介的酸菜魚, 應該是駿景軒吧! 其實三四人份量也是三面多元, 不會比這裡貴太多. 想吃便宜一點, 蓉玥的也相當不錯, 特別是它的午市套餐, 一人份量剛剛好.

愛吃酸菜魚不是一天兩天的事，甚至疫情嚴重期間也忍不住要在超市買調料包在家自製酸菜魚。難得現在可以稍微安心出街吃飯，酸菜魚怎麼能不安排上呢對吧。廚十三，分店已經開了好幾家, 這晚星期一且多少還受點疫情影響, 但也幾乎坐滿了全場, 可見其受歡迎程度。酸菜魚當之無愧鎮店招牌, 超~大~一盤, 號稱酸菜比魚更好吃, 酸菜味濃但不刺喉, 魚肉嫩滑易融于口。值得一提的是另加的薯粉, 份量厚實, 口感Q彈, 給它十個讚。酥炸無臉男就令人有點失望, 感覺擺了很久, 上桌都已經涼透了, 理論上炸物都應該是熱辣上桌的才對啊。而且肉很細碎, 份量也很小氣, 和旁邊的辣椒粉碟對比就知道, 感覺對不起價錢。