廚十三老壇酸菜魚 (渣甸街) (已結業)

今次黎到銅鑼灣既廚十三，一定要試到招牌既酸菜魚！不過同時呢度既裝修都令人覺得好舒服，座位又闊落，好好坐。酥炸無臉男$88🐷無臉男即係豬肉條，豬肉條炸到好酥脆，上枱果陣熱辣辣，加埋辣椒粉就更重口味，而且豬肉條唔會有豬騷味，好好食！碧綠脆筍$78😻呢個岩晒想食得健康啲既朋友，露荀會切到一片片既薄片，加上少少既花椒粒，少少辣但又唔會搶佐露荀本身香味，好開胃！蔥油撈豬肚$98🐖呢個豬肚好煙韌好爽，撈埋爆香既蔥油同埋蔥，香濃入味，食到停唔到口！老壇酸菜魚🐟酸菜魚作為主角好出色，湯底調味岩岩好，唔會太酸，太辣或者太咸，全部適中，魚片又好入味又好滑，再加上自選配料，午餐肉豆腐蓮霧豆干呢啲，仲有其他可以簡啦，好滿足好好食，正常風味呀！

銅鑼灣呢間廚十三主打就係老壇酸菜魚，裝修方面好有內地食開既風格，好似番佐內地食咁，好有風味呀😆麻辣砵砵雞 $98🌶🍢一個咁得意既名原來包佐好多食物係入面，有牛展，牛肚，牛脷，鵪鶉蛋，萵筍片，土豆片，雞腳🤓牛展好腍好香，牛肚好爽，牛脷唔韌，蔬菜超級入味，雞腳好爽脆，全部都好好食！老壇酸菜魚🐟老壇酸菜魚同內地食既分別真係唔大，湯底味道好正宗，酸、辣，咸都好平均，超級入味，魚肉又唔會腥又鮮甜，滑嫩無骨，而且仲可以自選配料加入去，寛粉豆干呢啲吸味既都得，好多選擇，好正！

銅鑼灣呢間廚十三可以講得上係正宗川菜，唔止裝修中國風，食物都好貼近內地酸菜魚名店既水準！😳我地分別叫佐幾款小食，十三涼粉$48，碧綠脆筍$78同埋泡椒鳳爪$68👍🏻十三涼粉最主要係食果汁，辣汁好香，又麻又辣，啲涼粉好掛汁，好好食😋露荀切到一片片咁，好薄好香，少少花椒提升鮮味，開胃一流！鳳爪都好香花椒味，雞腳又爽口，好好食呀！然後就係主菜老壇酸菜魚😍首先要讚係份量十足，好大兜，而湯既酸辣咸都較得岩岩好，酸菜芽菜同魚一齊食口感好好，魚肉又嫩，唔夠飽仲可以好似我地咁自選配料，午餐肉蓮藕等好多選擇，好正好爽！

銅鑼灣呢間廚十三係其他地區仲有分店，但係銅鑼灣呢間就真係好高質好有風味！呢度既裝修都好中國風👍🏻🐖酥炸無臉男$88無臉男就係豬肉，酥香脆口既豬肉條熱辣辣好好，點埋附上既辣椒粉就更香，岩晒啲重口味既朋友呀！🐤香酥雞翼$78雞翼炸到香脆，脆卜卜既外皮加上嫩滑既雞肉，惹味可口，重口味既朋友可以點埋辣椒粉黎食，更加香口！🐟老壇酸菜魚酸菜魚份量十足，好似食極都有咁，滿滿既辣椒，花椒八角，桂花就咁聞都覺得好香，魚肉又滑又唔腥，加上自選既配料，午餐肉呀，豆腐呀呢啲，好豐富好好食呀！

銅鑼灣呢間廚十三仲有其他分店，品質絕對有保證！我地先食啲開胃前菜，就係刀拍前男友$58同埋泡椒鳳爪$68😋刀拍前男友其實就係手拍青瓜，麻辣既拍青瓜好開胃，大量花椒辣椒辣油令青瓜好入味，但仍食得出青瓜好爽脆好新鮮🥒泡椒鳳爪用佐好多花椒去浸啲雞腳，再加埋啲用花椒爆香既油，雞腳好香好好食！食完前菜就到主角老壇酸菜魚🍲辣度方面可以就番自己去選擇，我地今次簡正常辣，果然好香好麻好辣，而酸菜係另一大重點，呢度既酸菜天然發酵，夠晒健康，成個湯底既酸味，辣味都好適中，咸味都好夠，魚片就好鮮好滑，仲可以再自行加配菜，午餐肉，蓮藕呢啲都有，食到好飽好滿足呀！🤤

今次黎到銅鑼灣呢間廚十三，午飯時間都好爆，我地都要等左一陣先會有位，不過等位係值得架！我地先食前菜🥗碧綠脆筍，$78既露荀絕對值得，露荀切到一片片既薄片，晶凝通透，每片都好清香，而且露荀有花椒調味，好香好好食，少少辣味，好開胃！之後就係麻辣砵砵雞 $98，好得意既名，原來入面有好多野食，包括牛展，牛肚，牛脷，鵪鶉蛋，萵筍片，土豆片，雞腳🤓每一樣都好入味，又麻又辣，食得好過癮，中意食辣既朋友絕對唔可以錯過！而一定要叫既仲有老壇酸菜魚！酸菜魚好酸好香，魚片滑溜唔駛講，酸菜酸度適中，辣度都可以選擇，所以唔會太辣，加埋本身既芽茶，口感好想好，唔夠食既朋友仲可以加唔同配料，寛粉，午餐肉果啲，好正好好味！🤤食完辣野要解辣緊係要飲枝啤酒，即刻爽晒！

今次黎到銅鑼灣呢間廚十三，以川菜為主既餐廳，岩晒中意食辣既朋友！😋蔥油撈豬肚$98豬肚爽口煙韌，加上香蔥香菜同爆香既蔥油，好濃味好好好食，而且豬肚份量好多，好抵食呀！🤤🐟老壇酸菜魚黎到廚十三點可以唔食酸菜魚！一上枱已經好香好吸引，魚片鮮嫩，酸菜激多，湯底酸酸辣辣，味道岩岩好呀！而入面配菜可以自己選擇，午餐肉，豆腐，先富足，土豆片， 青筍片，好多好多，咩都有得簡，超豐富超正！🥗碧綠脆筍$78切成薄薄一片既露荀片特別清甜，好香好好食，露荀切佐薄片又唔會有渣，反而好開胃！

呢度嘅泡椒鳳爪實在太好味啦，如果佢可以製作成為小食咁就好啦，好似綠色包裝嗰一種鳳爪咁。我記得以前返學嘅時候啲同學成日都食。但係我自己就覺得味道都係唔係好足夠🤨，但係呢度就唔同啦佢個泡椒已經整到好香好話辣😝食到我出晒汗另外仲叫左雨露均沾&老壇酸菜魚 🙆🏻‍♀️ 雨露均沾即係紅糖糍粑，入口先是黃豆糖粉香甜嘅味道，糍粑軟糯煙韌嘅口感，再蘸上濃稠嘅紅糖醬，食落真係成個人都好幸福😆呢一個次吧就比較甜相比下老壇酸菜魚就有一個明顯強烈嘅對比，因為佢真係比較酸。佢嘅湯攞嚟撈飯就啱晒！佢啲魚肉都冇咩骨非常好💛下次我都會再嚟呢度幾舒服，2黎幾方便，最緊要最緊要嘅係呢度啲嘢食好好味💯

( ´◔֊◔`)有冇人仲係未知道我超級鍾意食酸菜魚㗎 ？香港好多餐廳嘅酸菜魚我都已經試過㗎喇不過仲未有一間叫做真係好驚艷到我🤨唔通香港真係冇好好食嘅酸菜魚？今日同同事傾開酸菜魚呢個話題就約咗今晚一齊去食呢間餐廳😝💮老壇酸菜魚💯呢度嘅酸菜魚我可以比滿分，因為佢嘅湯底真係超級正，感受到係經過長時間熬製嘅湯底😆點解我會知道？因為佢嘅酸味真係好濃郁‼️而且佢有好多餸菜，如果自己想加配料都可以自行選擇🙌🏻入邊嘅魚肉非常鮮美。肉質結實，唔會好容易散開👍🏻💛香酥雞翼🦴呢份雞翼，真係好香口，先唔好諗佢熱唔熱氣！食咗先講啦。佢嘅外皮炸得香脆可口，雖然係經過油炸，但係入邊嘅肉汁仍然係滿滿。🌱碧綠脆筍❇️有冇人同我一樣好鍾意食萵筍？但係喺屋企永遠都傳唔到好食嘅唔知到底有咩秘笈。呢度嘅萵筍炒得幾入味，我自己幾鍾意。

聽聞呢間餐廳係太二美國店班底嚟到香港開店🤔雖然改咗名，唔知係咪真係同太二一樣咁好食呢🤭<十三涼粉> 涼粉嘅口感細膩滑爽、筋道柔軟，再拌自家製香辣調味料，好似食緊平時嗰啲辣雞絲粉皮咁，熱辣辣最鍾意就係食一碗🤫<香酥雞翼>單骨雞翼來講佢都算叫做炸得幾出色，炸粉唔會太厚，唔會食落覺得啲肉好少㗎。單骨就係方便食用。😏佢嘅雞翼真係炸得好酥脆可口。愛了愛了。<老壇酸菜魚>呢間餐廳暫時係我食過最好食嘅酸菜魚湯底餐廳，佢個湯底聽講係喺成都直接運送到香港，而且酸菜仲要熬製咗好多日先會成湯，而且佢嘅魚肉非常嫩口，😎清甜彈牙。魚肉又唔會散晒，食得出師傅功夫，而且仲要冇骨添㗎 ！你話點會唔正呀。難怪咁多人嚟食啦！

今日同男朋友終於離開屯門去到銅鑼灣行吓街。平時好少出聲嘅我哋發現原來銅鑼灣平日都咁多人。買齊晒我哋所需嘅嘢就去食飯啦今日要食嘅就係呢間廚十三。呢一間餐廳係我嘅同事介紹我去食嘅，咁啱見到銅鑼灣有就試一試佢。正經的雞被撕 餐牌真係好搞笑，又有無面男又有手拍前男友笑到我男朋友肚都痛埋，其他嗰兩日我哋都唔係太知道係乜嘢，又驚中伏🥶所以就揀咗一樣我哋都知道係乜嘢嘅菜式你做小食。就係手撕雞。雞肉嫩口，唔會有雪藏味👍🏻，佢嘅醬汁好濃，啱晒我哋鍾意食重口味嘅嘢。麻辣砵砵雞入面有的菜式: 牛展，牛肚，牛脷，鵪鶉蛋，萵筍片，土豆片，雞腳，嚇咗我一下心諗呠呠雞全部都係牛肉得雞腳係雞🤣不過唔好理佢個名，佢啲嘢食係超好食㗎好掛住正宗麻辣串串香😭老壇酸菜魚嚟到呢度肯定要食酸菜魚啦！之前已經聽過同事介紹佢哋嘅酸菜魚勁好味啲魚肉好滑，成個湯底好香🤭估唔到真係一試難忘。

ｸﾞｯﾅ━─━─━ヾ(o✪‿✪o)ｼ━─━─━ｧｨ♪又來到肥妹豬推介💁🏻‍♀️，今日要介紹嘅餐廳就係廚十三，呢一間餐廳係位於銅鑼灣嘅川菜小館。入到餐廳裝修都幾中式旁邊有好多唔同嘅畫。我自己覺得佢Menu上嘅菜式名幾特別，有啲名其實根本都唔知係咩嘢食。有少少開盲盒嘅感覺。🙆🏻‍♀️上上簽💜:呢個上上籤其實就係用竹籤串住嘢食嘅意思，籤上嘅菜式有幾樣，鵪鶉蛋，蓮藕片，椰菜花，黑木耳，鳳爪等。我自己反而覺得椰菜花最好食，因為比較上入味啲。🙆🏻‍♀️正經的雞被撕💜:呢個菜式名比較容易估，就係手撕雞嘅意思。佢呢度嘅手撕雞係配埋香辣嘅醬汁。作為前菜小食嚟講都幾抵食㗎份量都幾大。🙆🏻‍♀️老壇酸菜魚💜:唔多唔少嘅人都會叫呢個酸菜魚見咁多人叫我就肯定要試吓佢係唔係真係咁好食自己可以加其他配料同職員講就得㗎啦！鍋入邊本身已經有萵筍其實我覺得佢嘅份量都幾大，唔加配料都係冇問題的。魚肉鮮甜冇骨容易入口。

🤎老壇酸菜魚🤍酸菜魚味道鹹鮮酸辣，香氣濃郁誘人，一上枱已經聞到好香嘅酸菜味，我自己有個習慣就係第一件事一定要飲吓佢個湯😋果然佢個湯真係好足料好重味，酸酸辣辣好正啊！我已經急不及待食佢啲魚😂魚肉非常彈牙。仲要冇骨，very good！🤎刀拍前男友 🤍我閨蜜話一定要叫呢個，因為佢啱啱先同佢另一半分開咗嬲死佢，所以為咗一解千愁一定要叫呢個，等廚師當佢係青瓜咁拍🤣果然佢真係食咗好多🤣我諗佢真係超級嬲🤪🤎正經的雞被撕 🤍好搞笑嘅菜式名，一睇就知道係手撕雞。旁邊仲有好多辣醬汁，撈埋一齊食好正㗎🤭我都幾建議大家要叫呢個食🤎雨露均沾🤍初頭仲諗緊係咩嚟，原來係紅糖糍粑😏係糯米打糕製作而成，相比起韓式年糕更加重米香同埋較為煙韌，夾埋香脆嘅外皮，感覺十分過癮。黃豆粉＋紅糖漿亦係非常合拍嘅組合，女孩子一定要食多啲，因為紅糖對身體好❤️❗️

💃🏻：人人都叫酸菜魚嘅？🕺🏻：我哋都叫啦！💃🏻：會唔會唔好食㗎？🧑🏻：兩位靚仔靚女，一定要試吓我哋餐廳嘅酸菜魚，真係冇骨㗎食得好爽㗎 ！如是者，我哋就聽咗侍應姨姨講叫咗一份酸菜魚。原來OpenRice真係好多人食呢個酸菜魚，而且喺餐廳度坐得耐咗見到台台都叫我諗應該真係冇復。我試過之後真係覺得好好食呀，因為佢嘅肉質真係好厚實，份量多好多性價比超高。最緊要佢嘅鮮味真係好正！另外，我仲叫咗一個萵筍片同埋手撕雞😆一個辣一個唔辣‼️萵筍片已經煮到好爽口，大家可以放心食落唔會有草青味😋，相反手撕雞你見到佢個賣相紅卜卜，就知道佢辣到飛起。佢嘅雞肉非常嫩口。

Haha今日終於可以同我爸爸二人世界，我媽咪同咗朋友去行山。我哋終於可以去食辣嘢，平時帶住我阿媽佢成日都話熱氣又油膩落晒order唔俾我哋食😭今日終於可以放監啦🙈我同爸爸睇完個餐牌之後就叫咗兩樣嘢🤭1️⃣十三涼粉2️⃣老壇酸菜魚仲以為嗰涼粉係黑色嘅添，原來係白色，煙煙韌韌幾好味，仲要配埋佢哋自家製嘅香辣醬汁非常開胃。食落有少少似麻辣涼皮。酸菜魚可以自己加配料，我最鍾意就係可以加木耳同埋腐竹🤭酸菜魚鍋中仲有好多萵筍，全部都好入味好正㗎。講返條魚先，佢哋嘅魚片厚薄適中👏🏻鮮味十足。兩個人食到勁飽🙌🏻食完之後我哋好快就叫阿媽多啲去行山，等我哋可以成日走出嚟食辣嘢😆