廣東名門 (三聖市場)

营业中

休息中

我們一行三人行完千島湖影左一堆靚人靚相 行到累便折返落到三聖食海鮮呢度比起流浮山既海鮮餐價錢更親民，味道一樣鮮海鮮係自己先在隔離街市挑選的各檔主都好落力推銷，有競爭之下價格也ok仲有些特別海鮮可以試 例如係蝴蝶蚌，黃油奄仔蟹，膠樽瀨尿蝦，我們揀左蟶子 和 上面三樣海鮮再拎到酒樓做加工，酒樓侍應通常都有建議點煮跟佢意見都ok 除非你有特別口味煮法想試都可以提出，酒樓再收各海鮮煮法既加工費。我們怕等得耐都叫左個醉豬手和百合炒時菜醫醫肚先呢度都係食海鮮比較好豬手和菜都好一般好彩叫得唔多 唔係浪費左個肚容量原來15分鐘左右已經有海鮮上先上蝴蝶蚌， 原來係用杞子蘿蔔上湯浸蝴蝶蚌！ 鮮味出曬黎 估唔到可以甘樣蒸海鮮yummy d蚌啖啖肉 鮮甜美味 食到停唔到口😋😋😋😋😋再上避風塘炒瀨尿蝦 夠辣夠咸香 十分惹味😋😋😋😋但瀨尿蝦比想像中少肉 唔夠喉早知比多些錢買大隻d經典豉汁炒蟶子，蟶子反而比想像中多肉廚師工架十足亦煮得恰到好處 新鮮味美😋😋😋😋😋最後椒鹽黃油奄仔蟹令我最為驚艷！因為我好少食蟹 又怕煩又怕寒涼但呢隻蟹好易剝 因佢本身都剝緊殻，而且有齊硬和軟既蟹膏 蟹肉都好味 😋😋😋😋😋真係令我喜出望外

今日去屯門有野做，完咗就去咗附近的三聖村食海鮮。豉椒蟶子沾米粉蟶子好彈口，米粉都煎得好香口，脆卜卜的。象拔蚌剌身非常新鮮👍🏻👍🏻蒸鮑魚-鮑魚好大隻，噡噡肉👍🏻👍🏻我地仲叫個蕃茄豆腐魚湯，好鮮甜，飲左幾碗，好正👍🏻👍🏻

今日嚟咗屯門黃金海岸酒店住，準備後日去日本，瞓到夜晚七點幾，坐的士去，三聖村，啊海鮮街買海鮮食。海鮮街好熱鬧好多大排檔，好多海鮮揀，價錢都唔貴我哋搵咗一間，叫咗揀咗一隻肉蟹，岩揀咗六隻花蝦，扇貝六隻另外有件蜆。另外叫咗支啤酒，就去咗對面呢個廣東名門，做加工。廣東名門嘅誒，地方都幾大，噉啊，啲員工都好熟嗰啲菜式，基本上合埋眼都知道住點樣煮，噉價錢呢，都收個加工費，都叫做貴啦。但係未知道煮出嚟嘅食物嘅效果係點樣，呢個就要睇師傅喇。另外個前菜係好好食嘅，記得叫多兩三碟前菜。

呢排都好少出街食飯, 果晚即興想食海鮮, 竟然一呼百應有車就去遠啲, 最後決定入屯門三聖食廣東名門不是第一次來, 佢價錢比海天合理, 坐得又舒服過冬菇亭先去旁邊海鮮檔買啲海鮮首先要讚職員態度好好, 無論係經理或上菜姐姐, 都好友善同好傾, 講真, 食飯最緊要開心, 感覺好就係成功第一步上菜速度都幾快, 首先係油鹽水花甲, 鮮甜, 白蘿蔔好淋薑蔥石鍋鮑魚, 意外的好吃平常本小姐唔鐘意食鮑魚, 因為通常都煮到好硬, 但今次好淋好易咬開, 唔知係鮑魚靚定煮得好, 總之好味椒鹽瀨尿蝦, 惹味, 啖啖肉不過上面的炸蒜就淋淋地, 唔香脆豉椒炒蟶子, 一定要加煎米粉餅底, 索哂啲汁真係好正 呢條魚又係冇得頂, 老虎斑蒸得啱啱好, 滑到痺小二, 來多兩碗白飯!!!今次食得好滿足, 仲有幾味其他野冇影相, 連工包料, 500位, ok啦

話說小編👧🏻好鐘意食海鮮，今次就同埋🥚仲有uncle三人行又去拆餐好既。去到三勝村即刻搵番相熟既海鮮檔【發記】 揀番啲靚海鮮先🦐🐚🦀🐟，買咗蝦、聖子、花甲、蟹、魚、蠔；買咗咁多樣野先八百幾蚊🙌🏻跟住拎啲海鮮過對面俾大廚👨🏻‍🍳即刻煮，menu好清楚列明海鮮來料加工費，另外都有提供海鮮以外嘅燒味、小炒。【白灼蝦🦐】冇咩技術可言，因為我地買既來貨好新鮮，好難會唔好食【豉椒炒蜆】、 【豉椒炒聖子】兩款都揀咗豉椒炒，個醬汁調味得唔錯，唔會太咸，加上辣辣地幾惹味🔥👧🏻好想食脆卜卜既燒腩仔，可惜當日賣哂，唯有轉食【荔枝柴叉燒$98例】錯有錯着試到佢啲叉燒，點知又幾好味喎，淡淡蜜汁香，叉燒相當鬆化 🐖【紅燒乳鴿$68隻🐦】皮脆肉嫩，又係惹味送酒之選🍻仲叫咗【炒時菜🥬$88例】、【西瓜🍉汁$98渣】同埋【兩個🍚$12x2】，最後埋單係$1100 (未計海鮮)

2019年6月6日星期四今日收咗工同一班同事一齊去咗三聖邨食海鮮今次食嘅食物應該係最豪嘅一次。飯都冇叫淨係食海鮮食飽咗。淨係買海鮮都買咗$3600四隻賴尿蝦12隻鮑魚12隻扇貝六隻龍蝦仲有聖子同蠔一條2斤重嘅瓜子斑。至於煮工同埋酒水及半隻燒鵝，埋單$2900。食咗咁多好嘢價錢可接受。之前試過附近幾間餐廳，自己覺得呢度嘅煮得係最好味。最有特色嘅應該係個龍蝦嘅煮法，放咗好多芝士上去。今日我同D同事去食飯嘅時候大約六點開始食。冇咩人住，所以感覺上煮工係最有心機。建議大家如果去食海鮮都係早些去食好啲

昨日收爐同同事一齊去食大餐先上半隻燒鵝，好肥好邪惡再黎瀨尿蝦，整得好食過西貢喎蟶子幾有咬口如果鐘意芫茜呢個仙貝都係幾正GE呢個龍蝦口感相當特別，脆皮芝士炸龍蝦，但我都係鐘意番芝士焗伊麵底多D砵酒蠔第一次食，又幾惹味仲有菜芯、蟹、鮑魚煲同斑，加加埋埋都食咗好多款海鮮啱哂收爐氣氛

食海鮮出曬名ge 屯門三聖村。係附近買完料過左黎廣東名門俾啲廚房加工。8個人ge料買左2千鬆，廣東名門加工料搞搞埋都成2千到.總共是日晚餐用左42xx左右。但確係值得食ge..先講三聖買既海鮮穩陣新鮮，size又夠大，食地好夠，juicy...其次廣東名門ge廚整得都好食，話曬加工費都唔便呀。特別啲既係個芝士焗龍蝦，芝士味道超香，焗得啱啱好，直性去到隻青龍蝦殼都脆脆地，可見功夫。蝴蝶蚌難得有得買緊要食黎整，肉好鮮甜，厚食，又無沙，果然係蜆類中我至愛。其他海鮮都好正，提得一提呢度既砵酒蠔都整得出色，very香口，正。

即興海鮮聚會，是日一行5人浩浩蕩蕩展開食好西旅。海鮮來料是在榮利記買的，由於廣東名門的鑊氣夠好，我地是日落戶廣東名門。的確，名門完全無令我地失望，無浪費新鮮材料。油鹽水蝴蝶蚌：所有蚌都是煮得剛剛開，鮮味十足。油鹽水不會過油過鹹，甚至油鹽水作為湯去飲幾啖都好好味。豉油皇中蝦：蝦煮得香脆可口，肉厚而嫩滑。證明名門的鑊氣沒有浪費材料。最後，我連蝦頭也忍不住吃了下肚。粉絲蒸扇貝：令人滿意的是蒜蓉充足粉絲充足。雖然友人豉油 雖然有略嫌豉油鹹了一點，但是的我重口味的我吃過覺得剛好。黃金鮮魷：這實在是另外一個沒有鑊氣會煮得很難吃的菜式。上次在三聖另外一家食肆，吃黃金鮮魷；由於唔夠鑊氣，煮出來"林pat pat" ，那實在是失敗中的失敗。幸好今次，魷魚炸得酥脆，墨魚上的鹹蛋黃也佈滿均勻，齒頰留香，令人吃到停唔到口。豉椒炒蟶子仔米粉底：由於今次海鮮自來料的蟶子，是小蟶子，並非一般的大蟶子，所以一點也不韌。而精髓 除了是炒聖子之外，亦在於炒米粉底。當蟶子和炒米粉一起放落口的時候，豉汁聖子 的濃香和米粉的脆香充滿口腔。 鹽焗奄仔蟹：去三聖食海鮮點可以冇鹽焗奄仔蟹。老實說，鹽焗奄仔蟹真的每間酒樓也是做得不錯，

今日有人請我去食海鮮大餐勁開心食海鮮不外乎都係三聖同埋鯉魚門同埋西貢老實講我就覺得三聖啲海鮮就比較新鮮同平不過煮得好食嘅呢都係鯉魚門今日呢係對面嘅街市買咗象拔蚌啦魚喇龍蝦啦同埋海蝦最好食嘅呢就係嗰象拔蚌 平時去外邊海鮮酒樓好驚佢哋會偷工減料明明你買兩斤象拔蚌 佢哋呢就會偷走你半斤咁但係你睇相就知呢今次啲象拔蚌呢就冇偷喇另外呢我比較意外佢哋嘅切功唔差每1片都切得好薄咬落去又清甜又爽口 成餐最回味嘅就係象拔蚌不過我覺得佢哋嘅Wasabi可以整得辣少少比較淡另外龍蝦都好清甜不過靚嘅加工嘅材料太少喇 伊面少得滯 八個人都唔夠分扇貝都大大隻好好食 不過有啲失望嘅係呢叫咗兩條魚都整得唔係幾好鑊氣係夠嘅不過呢個火候好似太過 令到啲魚全部硬左少少食海鮮啦最緊要都係原材料好所以建議呢大家去返相熟嘅海鮮舖買跟住先再去揀餐廳加工個人就覺得如果魚嘅話呢都係海天整得好食不過名門就整體唔錯

忘了訂位，只好提早晚餐碰運氣，名門見我們焦急，確定我們能7時前埋單，即叫我們選海鮮，讓我們來個快閃晚餐。快得都忘了拍照了。鮑魚肉厚，要軟冧不容易，酒樓的火喉控制得好，鮑魚剛熟，肉質軟滑避風塘瀨尿蝦有獨特的咸香，雖然走油得有點過火，但惹味度蓋過較口感，也不錯蟶子炒得很有鑊氣，椒味十足，濃汁沒有蓋過蟶子的鮮甜，口感亦佳。然後我忘了為超美味的辣酒煮花螺拍照？辣酒香濃有層次，辣味夠，酒香亦足，螺是小螺，鮮甜但不容易拆肉，但席間最怕麻煩的一眾都乖乖拆肉，吃到最後，辣酒亦被瓜分，可見此菜的吸引力蒸星斑，中型魚，魚剛熟，鮮甜爽滑，唯一是豉油只有咸味，未能帶出魚肉的鮮甜，也令我們越吃越膩。整體來說，名門的食物是不錯的，侍應很幫忙，環境也可以，雖然食物的整工略貴，幾道菜就要800多元，但這個質素的食物，不是任何一酒家做得到，這種價錢算是合理

我家全是海鮮怪。在家煮飯都是海鮮。出外吃也是海鮮。我和老公擺酒都是在這裡。十圍海鮮宴。所有人都大呼好吃。好吃不特別說。獲氣好足夠。條魚蒸得岩岩好。我超愛吃魚。可以一整條獨吃。蟹都是我心頭好。所有蟹都愛吃。其他海鮮都是不同家人喜好。在魚海場買完海鮮。過對面便可坐低等吃。開心。

早排放工車埋父母同埋佢兩個朋友去廣東名門食海鮮。呢度永遠都係去屯門食海鮮屋企人嘅首選。呢度嘅煮功係貴少少但係始終都係比其他我近嘅餐廳好食。最好食嘅都係呢個鮑魚雞煲。仲叫咗其他幾個餸但都唔記得影相我最鍾意食嘅都係呢度嘅辣酒煮花螺其他地方地方食唔到呢個味道

有海外的朋友來港旅遊，兩位美國 🇺🇸兩位馬來西亞 🇲🇾對於馬來西亞的朋友食海鮮都不是太特別， 不過對於美國的朋友，香港人這樣食海鮮的方法新奇刺激，很好的經驗呀！ 首先要過對面買海鮮,選購完畢再來餐廳用唔同嘅方法處理,上臺的時候感覺嘩然！第一碟上枱係豉椒炒蜆味道剛剛好 跟住有薑蔥龍蝦,食到舐舐脷呀再嚟椒鹽瀨尿蝦兩隻,一隻cut開三份，啱啱每日食一件蒜蓉粉絲蒸蟶子王係我的最愛 最後壓軸當然是阿拉斯加皇帝蟹兩味 🦀清蒸蟹腳鮮味無比，第二味就係伊麵底，不過唔係芝士清清地很好味 上次去過另外一間酒樓，買海鮮煮完都冇廣東名門咁好食！ 不過老實講唔夠人手，想要好服務嘅唔好咁高期望

昨晚到飯店食晚飯，一入門口等帶位。等咗十分鐘都無人帶位，原來經理就係門口，見到我地一行7人都無問幾位，唔想帶位。在這段期間，有幾個伙計見到我地都無反應。真的不知所謂。如果不是約了朋友在這，我一定走。食到尾結帳時才知原來海鮮舖送給我們的海鮮湯料原來要收加工費，每兩湯料計，個湯成為170元。重要不好飲。最後加工費都食咗2，000，未計海鮮。真的未試過這麼差的茶樓。一D都唔值。服務又情好，不會再有下次。