形 (新都城中心三期)

营业中

休息中

📍住開將軍澳都知道附近冇咩宵夜好食😪同朋友聚餐發現開咗間串燒餐廳，入邊環境舒服有梳化凳坐，仲有埋桌球枱同埋飛鏢機！另外有酒飲，食嘢傾吓計都幾chill。🍴極上厚切牛舌 $98 / 豚肉荔枝卷 $44 / 豬頸肉 $44 / 燒汁雞髀肉串 $48串燒種類多達逾40款，店員推介我哋要試吓極上厚切牛舌，雖然價錢略貴，但係食落口感真係零舍唔同，質感軟熟得嚟又彈牙，會係咁咇肉汁！另外嗰豬頸肉竟然係條狀😂但係食落又幾爽口，播放串燒都有得揀燒汁或者鹽燒。整體串燒都做得非常唔錯👍🏼🍴唐揚炸雞件 $46 / 燒茄子 $58炸雞雖然得四舊，但係每舊都大大件，同埋個外片真係好似薯片咁脆口！茄子就比較特別，竟然係搣埋皮😹已經掃好晒醬汁同都燒得好嫩身。🍴和風牛肉炒飯 $98炒飯炒得好香口惹味，配料都用咗唔少蔥粒同蛋去炒好好食，不過見到隔離枱個鰻魚炒飯仲吸引😢🍴Snow ball $68;$88 / Passion Fizz $58;$78分左happy hour同normal hour收費，我哋分別叫咗兩杯cocktail & mocktail嚟飲，超鍾意passion fizz嗰味，好香熱情果味夠哂fresh

今日同朋友嚟到將軍澳行街搵野食，見到新開嘅居酒屋 - 形 Katachi Bar & Kushiyaki，緊係要試下啦～店內嘅環境闊落，除咗有開放式酒吧枱，仲有桌球枱、大電視、Wifi、鏢機等等，可以一邊睇波，一邊飲酒，好chill。餐牌上酒類選擇豐富，而食物以串燒為主，仲有炸物、佐酒小食、烏冬同飯等等。而且仲通宵營業，唔會有限時，啱曬通宵睇波聚舊呀～Rose Garden 嘅賣相一流，飲落甜甜地，杯邊嘅玫瑰花🌹好靚～而後面呢杯Sour Apple Frozen嘅酸度啱啱好，青蘋果嘅味道好清新🍹雞脾肉質結實富彈性，加入紫蘇葉嘅清香，食落有另一種風味。極度邪惡嘅雞皮串炸到金黃酥脆，最鍾意脆卜卜嘅口感，好啱用嚟送酒。鮑魚肉質彈牙爽口，而且牛油同埋蒜香味唔會太重，食到鮑魚嘅鮮味！豚扒嘅肉質較鬆化，肉嫩多汁，口感味道比起一般嘅豚肉更豐富細。芝麻雞翼嘅外皮外脆內軟，咬開個陣仲熱辣辣㗎！食落雞肉嫩滑，加上芝麻嘅香味，好食！👍🏻其實炒飯要炒得好食，一啲都唔簡單，除咗要炒得乾身爽口之外，仲要油份啱啱好，店員未上菜都聞到炒飯嘅香味～

將軍澳區一向以夜生活聞名，然而酒吧類型的娛樂場所卻少之又少。不過，近來區內開了一家匯集酒吧、餐廳、桌球和飛鏢的綜合場所，真是難得一見的好去處。現在就約上朋友一起來試試吧，既可玩樂又可享受美食！一進到餐廳，就被中央的桌球桌吸引了，我們立刻找了工作人員安排在桌球桌旁邊用餐，這樣一邊玩一邊吃，感覺棒極了！餐廳內有一個開放式廚房，可以製作多種炸物和燒物。我們光是聞到香味就忍不住點了很多種食物！我們點了雞軟骨、炸蠔、炸蝦和炸豆腐，全部口感一流，鬆脆可口，不會太鹹或太油，特別是那個蠔味道不腥，很有鮮味。餐廳也推出多款串燒，我們點了豬肉配蘆筍和豬肉配荔枝串燒，這組配搭真是恰到好處，鹹甜相宜！吃完了這麼豐盛的串燒和炸物，我們還點了一份和風炒飯和黑毛豚肉炒烏冬，這兩道菜都帶有日式風味，配上清酒煮蜆，味道鮮美，真是完美的一餐！到了酒吧區，我們當然要點兩杯飲料。今次我們選擇了Mojito，酒精濃度低，容易入口，不算太甜，非常適合女士飲用！

朋友唔講都唔知原來喺新都城附近開左呢間酒吧餐廳，環境都幾舒服，好坐又唔限時，所以就同埋朋友一齊黎試下。餐廳門口放左隻巨型熊啤啤，非常可愛，入到去就望到有得掟飛鏢，玩桌球，同埋可以睇波，仲有wifi提供添。雖然我地都鍾意飲酒，不過今日係星期一，所以飲杯mocktail就可以。不過襯返呢間餐廳個環境，雖然無叫酒，但係都點左串燒感受下氣氛。燒冬菇（＄25），燒得很香口，而且很juicy，不會燒乾。芝士翠玉瓜（＄28），輕輕燒得融化嘅芝士，真係非常滋味，翠玉瓜燒完仍然很多汁，很清新，估唔到翠玉瓜同芝士咁夾。鹽燒豚肉荔枝卷（＄44），豬肉同荔枝一向都好夾，荔枝很清新，鹽燒味好香。雞胶軟骨（＄36），燒得很脆口，口感很好。雞全心（＄48），肉質有彈性，口感鮮嫰。伊比利黑毛豚扒（＄98）豬扒大大塊，伊比利既豬肉質素有保證，肉味濃郁，口感柔軟，鹽燒亦很香口。雞肝（＄48），口感柔軟。串燒全部都好好食，而且性價比高。和風牛肉炒飯（＄98），炒得夠乾身，很香口，帶有黑椒調味。mocktail都有分happy hour，問職員係去到10點，好抵，可能因為呢度係通宵營業嘅關係。Sour Apple Froze

最近工作有點繁重，所以都用「食」去平衡心理需要😆。呢間餐廳好適合一大夥人一齊嚟暢飲歡聚，呢度酒的種類都幾多，價錢又合理。加上設有電視、鏢機、桌球枱，真係一次過滿足食玩飲的串燒專門店。😍鹽燒豚肉荔枝卷豚肉肉質鮮嫩，荔枝味淸甜，用豚肉包住荔枝做串燒，咬嘅時候有爆汁效果，非常好味道👍🏻！月見免治雞肉棒雞肉混和刴碎了的雞軟骨而成，超有咬口，而且啖啖肉，表面微焦，內裏多汁美味。整體而言，呢度啲串燒性價比甚高。鰻魚炒飯每粒飯米都掛有鰻魚汁，令人醒胃！鰻魚有微煎的果效，再配合雞蛋和紫菜，非常香口！Cranberry Sangria 賣相吸睛，打卡一流！本身自己勁鍾意飲蔓越莓汁，估唔到溝咗橙汁同七喜會咁好飲😍，果然冇令我失望！

店舖空間感十足，有齊電視📺睇波⚽️桌球枱🎱飛鏢機🎯比大家有得食又有得玩，好啱放工去聚腳chill一chill放鬆下🥳小食：🦐白海老仔 $68🥟雞皮餃子 $58軟殼類係my favourite❤️ 蝦仔好佐酒🍺而餃子都好特別，因為係用雞皮代替餃子皮包住內餡，咬落會多層煙韌感，所以擺耐咗都唔會腍💁🏻‍♀️串燒：🐔雞全心 $48🐔雞髀肉串 (紫蘇葉醬) $48👅牛舌心 $68🐷豚肉荔枝卷 $44🫑青椒墨魚燒 $48特別推薦牛舌心同豚肉荔枝卷👍🏻但其實樣樣都好食冇地雷🤣海鮮：🦪清酒生燒聖子 $58🦪牛油蒜香生燒鲍魚 $68/2pc依兩樣都係daily special，佢哋係每朝去市場見有新鮮海鮮賣先會入貨嫁😊 覺得師傅燒得火喉啱啱好，聖子同鮑魚都好新鮮彈牙好好食呀😋飲品：🌹 Rose Garden $58🍹 Virgin Colada $58酒有好多款，mochtail原價係$78，不過happy hour時段就會係$58😆前者嗰杯酸酸地幾好飲，後者creamy啲但味道亦淡啲😬

自從好耐之前三期煉瓦亭執左之後，同朋友冇左個canteen聚首，今次黎試呢間新開餐廳有驚喜☺️ 日式居酒屋 形 Katachi。裝修好骨子，一入去就望到個好靚嘅bar枱位，又有飛鏢波枱，席間都見唔少人去篤波同玩飛鏢。位都坐得舒服😌有分main同酒menu，俾我見到有Sapporo😍，點知staff話未裝機☹️所以就叫左杯1664先。居酒居最怕就係入座有時限，好彩呢度冇🥰 同朋友終於多返個canteen啦！staff話老闆試埋菜就可以開午市啦☺️老闆📢聽到嘛？快啲開午市啦！😆仲有最重要嘅係，快啲裝Sapporo呀！😂等緊你吖！吉列野唔會成口粉，好正👍🏼薯條想encore，點知太飽😛下次見鮑魚要趁熱食😋飲品非常打卡able🫰🏼牛舌芯被介紹話一定要試😌冇介紹錯👍🏼👍🏼👍🏼

朋友話將軍澳新都城附近新開左間食串燒既酒吧餐廳，原來係Bar Pacific 集團既。地點方便，寶琳站一出，行過對面就係。呢度有電子標機同桌球，我地5個人，都係小酒鬼，叫左3 Set 啤酒，十幾樣野食（前菜，小食，串燒），除左小食炸雞軟骨無驚喜外，其他野食都好好食，串燒調味及火喉剛剛好，特別推介黃花一夜干，燒得外脆，魚肉Juice，另一個推介係極上厚切牛舌，厚度剛好，好有口感又Juice ，而小食，我會推介白海老仔，炸物小食，細細條蝦仔好鬆脆，送酒無敵，最後忍唔住encore 多個其他既叫左炸雞軟骨，螢光魷魚漬，燒牛仔骨肉，燒豚肉蘆筍卷，燒雞全心，燒雞肝，燒雞腎，埋單每人$300，無諗過咁平😄多謝朋友介紹左我一個坐得舒服，野食好味，又可以暢飲既新地方，雖然我唔係將軍澳區街坊，但一定會再嚟，因佢地既串燒野食，好好味