彩福皇宴 (已結業)

到銅鑼灣與幾位舊同事聚聚舊，這區域一如既往般的熱鬧，食店立林什麼新派美食都有，今天約會的是長輩同事，還是選擇中式的較適宜。 一於是就在皇室堡九樓*彩福皇宴*訂了位。最近約會朋友，家人都喜到*彩福*因爲食物味道保持到水準。剛好最近彩福集團正在做龍蝦節，每斤88元非常抵食！還'記得他們愛吃海鮮，相信一定會令他們滿意！第一次光顧銅鑼灣店，這雖然樓底比較 矮，但冇柱位感覺地方闊落環境裝潢優美還有街景，不錯的選擇！很多經濟抵食小菜推介~點了上湯焗龍蝦加伊麵底，蝦肉爽脆彈牙，伊麵吸收了蝦汁精華鮮甜爽滑！蝦味濃郁！啖啖肉！質素依然！食得很痛炔！蒸沙巴躉，肉質嫩滑，時間 拿捏得剛好， 謹謹熟！ 南乳吊燒雞1/2隻~燒得皮脆肉嫩，沾上南乳醬汁更加美味！各人都很滿意今晚的小菜晚飯！

今晚小弟和家人外出吃飯酒家，銅記彩福是我們飯堂之一，不但食物出品好，環境又寬敞，，由於彩褔主要是用作婚宴用途，因此星期六日晚市常被人包場，因為來之前最好先查詢一下。彩福最近推出一系列的懷舊經典菜及小菜。 孖寶優惠（ $398 ）:半隻燒鵝王、清蒸老虎斑一斤。半隻燒鵝的份量十足，可媲美一隻雞的份量，外皮算是香脆，整體上肉質有咬口，唯獨是比較多肉的脾位肉質偏硬了一點，整體調味亦滿意，個人覺得真的不用老遠去那些乜記X記吃燒鵝。  這條老虎斑亦很大條，肉質鮮嫩，熟度剛好。 懷舊金獎叉燒 （例牌$118 ），叉燒肉質很腍，醬汁調味恰到好處，為出色叉燒，旁邊的蜜味豆更為這道菜式加添了不少分數，這兩種食物很有化學作用，且均為小弟的至愛食品。

枱枱都點，大家目的一致，只在點幾多隻，席上有人對龍蝦敏感，所以蒜茸開邊蒸兩隻，五個人夠食。配粉絲喜出望外，不知幾滋味。精選小菜有九款，豬、牛、鵝、蝦、豆腐及菜各有一兩款，選擇全面，價錢方面都是兩位數字居多，聰明消費者的選擇，我哋自然在當中揀。脆皮旺金南乳雞，$70半隻足料，非常大件而且很滑，雞胸肉都無問題。蜜桃咕嚕雞球蝦球好特別，無論是雞球蝦球皆酸甜肉厚，蜜桃青紅椒都好好食。紅豆桂花糕樣精緻味道可以。

身為熟客，一年一度食龍蝦，年年夏天都有龍蝦優惠，$88/斤，大概$100只，確實是抵食，因此攜老帶幼一家人來。龍蝦可以上湯可以蒜茸蒸，我們鐘意蒜茸香，平日配伊麵多，未試過配粉絲又試下。看來足秤，四個人一人半隻之後，尚有大量頭頭尾尾慢慢吮，如大家所望，蒜茸粉絲十分之惹味。今日入咗條大魚，侍應力推大海蘇鼠班二味，翡翠炒班球份量唔大多，不過魚肉滑西芹爽，味道非常好。生炆頭腩煲夠大煲，炸得香口唔燶，炸漿不厚，味道濃郁。其他優惠小菜都相當唔錯。最後甜點不能缺，我最喜歡紅豆桂花糕，細細粒，唔太甜，有豆豆咬口。一家人皆滿意，家庭聚會好選擇。

之前曾經在這裏飲朋友的囍酒，今日就來試下午茶。首先要講環境，真是好多影相位，如去飲囍酒就沒有太多時間給你影，而且婚宴主角也不是你。點了一個得獎菜，芝心海皇千絲春卷，得獎賽果然不同，芝士味濃蝦非常新鮮。 潮式涼瓜燒骨腩煲，這個不得了，涼瓜不是苦而是甘味，最怕腩肉死實，但是這肉有少少油份非常軟滑。灌湯餃，湯底非常清甜，而灌湯餃肉多，亦有蝦也是新鮮的。XO醬花姿煎藕餅，XO醬微辣使人開胃，藕片很爽。味道: 不是工廠貨，是師父手制環境: 多影相位衛生: 不錯服務: 不錯抵食: 跟價格成正比

星期五茶友團又再次攪龍蝦之夜，上年大家食得都好開心，所以今年再來一次。當然主角係龍蝦啦，一碟上湯煮，一碟蒜蓉蒸感覺蒜蓉蒸比較鮮甜燒雞個皮好脆口海鮮雜菜煲夠足料特價雞煲翅份量足，我們行6人都可以有兩碗沙巴龍躉都幾滑，特價$138大家都食到飽飽，但要有個完美句號，點少得一碗甜品呢，大家都揀左燕窩鮮奶燉棷皇，當大家都諗緊會唔會份量好少之際，姐姐就送上大大個的棷皇到枱上，打開蓋好香奶味同有一定份量的。。。。。燕窩呀！

一打開𨋢門就見到個走廊用大海的藍色作主色， 門口亦都有好多同花有關的佈置，係女生的大愛。場地冇柱位，甚開揚。我叫咗幾款得獎點心，雖然逢星期六日公眾假期每款要加$2，但都值得試。原隻鮑魚燒賣皇鮑魚仔彈牙，燒賣有好大隻蝦。芝士海皇千絲春卷炸得幾脆又唔會好多油。旋風黃金流沙包做到流沙的效果，入面係蛋黃餡。另外又叫左春夏大廚滋味。魚香茄子炆稻庭麵煲烏冬幾煙韌，口感唔錯，而且個汁係辣辣地，好入味， 不過茄子的份量太少。XO醬花姿煎藕餅XO醬配藕餅真係一流， 蓮藕有略略咁煎過。仲叫左其他點心甜品，款色甚多。潮式涼瓜燒骨腩煲涼瓜好脆口唔會太苦， 燒骨好容易咬開入味。珍珠糯米雞原來係珍珠雞，有三小隻，不過好足料，入面有蛋黃。瑤柱灌湯餃大大隻，湯唔會太鹹。懷舊芝麻卷分開咗六小件，有香濃的芝麻味。楊枝甘露甜甜地透心涼。星期六都有下午茶飲真好。

這家是小妹和家人常來的酒家，食物質素高之外，亦坐得很舒服，由於彩褔主要是用作婚宴用途，因此店內的裝修亦一絲不苟，近來彩福又推出一系列的懷舊經典菜及小菜，一於試試。 懷舊金獎叉燒 （例牌$118 ），這個叉燒口感非常腍身，溫度夠，醬汁調味得宜，發揮到這道菜的應有水準，不過可惜旁邊的蜜味豆是涼的，如果也能把它加熱，整體會更佳。 孖寶優惠（ $398 ）:半隻燒鵝王、清蒸老虎斑一斤。半隻燒鵝的份量十足，可媲美一隻雞的份量，外皮算是香脆，整體上肉質有咬口，唯獨是比較多肉的脾位肉質偏硬了一點，整體調味亦滿意，個人覺得真的不用老遠去那些乜記X記吃燒鵝。 這條老虎斑亦很大條，肉質鮮嫩，熟度剛好。 客家風味炆豬肉（ $118 ），這個豬腩肉非常肥美，亦很入味，這個客家風味是以雪、芹菜、花椒等去調味，十分惹味，不過小妹略嫌辣了少許。 海王櫻花蝦炒飯（ $113 ），這個炒飯炒得粒粒分明，調味相當恰到好處，加上櫻花蝦的鹹香味，能把整個炒飯的味道提升，而且炒飯還有其他海鮮，雖然不是什麼海上鮮，但口感還不錯。 另外不得不讚的就是這裏的店員服務態度， 十分勤快細心，希望他們能保持食物質素。

今日晚飯選擇再去皇室堡9樓嘅彩福皇宴 因為已經食咗下午茶墊底 所以一行四人淨係叫咗三餸一湯 環境唔需要多講 都係普通婚宴專門店咁嘅陣容 好多鏡好多射燈 不過環境都尚算闊落 侍應都叫人多 必食冬瓜盅 200頭就可以食冬瓜盅 本身以為呢個冬瓜盅只係例牌 可能張圖我影得唔好 事實上佢係非常之大 我哋四個人每人飲咗四碗先勉強飲得曬 入面有好多蝦 咸瘦肉 金華火腿 仲有少少元貝 冬菇 同帶子 味道好清甜 冇乜味精味 較為清淡 好啱食飯之前飲 亦好解薯 飲完好舒服 比起例湯都要190蚊 真係超值 蒜蓉炒莧菜 睇幅圖就唔想食 啲莧菜炒到非常之乾 完全冇蒜蓉味 好嚡 完全感覺到 食落去好傷胃 所以成碟原封不動 擺咗喺度 蜜汁叉燒例牌 佢配埋啲黃豆 黃豆似擺咗好耐 味道普通 叉燒相反就好正 半肥瘦 慢煮 再焗到出面脆卜卜 入面好淋好鬆軟 非常之入味 送飯啱啱好 後悔只係嗌咗禮牌 應該叫多啲 因為好快就大家都食曬 魚香茄子煲 其實都好大兜 不過略嫌薑味重咗啲 睇圖都見到 好多薑粒 煮法同傳統魚香茄子煲應該冇乜分別 用油炸嗰啲茄子再落鹹魚辣椒其他配料炒埋一齊再用煲上 味道冇乜特別 唔會特別好食都唔難食

每個月都好期待媽媽會嘅一期一會，雖然有幾個媽媽臨時甩底有啲可惜，不過都冇影響我哋愉快嘅心情，行程依舊照去皇室堡間彩福酒樓飲茶，呢間彩福裝修好新淨，坐得幾舒服，枱同枱之間有一定距離，唔駛同人背貼背，食物質素又有水準，難怪黎親都要等位。今日點咗好多嘢食，有蓮蓉壽桃飽 醬皇金錢肚 沙律蝦卷 xo醬煎腸粉 燒味雙拼飯等等…… 個包好軟熟 蓮蓉好香，令我回憶起兒時嘅味道；金錢肚好爽 下面係用薯仔墊住，薯仔吸收曬金錢肚嘅醬汁非常惹味，沙律蝦卷 係原隻大蝦 落足本，酸酸甜甜好開胃…而其他食物 保持一貫水準 絕無欺場，銅鑼灣飲茶呢度算係最經濟抵食，我哋班媽媽都好鍾意喺度打躉！！

舊同事約下班後在銅鑼灣他的公司附近聚舊，暢談往日舊公司之人和事，有喜亦有悲，然而，舊夢不須記，尤其是活到這年紀，甚麼也不重要，只要活在當下，開心地過日子。到了晚飯時間，剛巧大家都因家人有節目而要各自搵食，索性找間館子繼續我們未完的話題，來到附近的皇室堡，說這酒樓是他飯堂，一星期有數天在這裏午膳，這晚又來這裏，真服了他。酒樓的裝修也頗新穎，以湖水藍為主調。看著推介的餐牌，點了煎焗新會陳皮豚肉粒和松子沙汁蜜桃青瓜蝦球，加碟炒麵便是。煎焗新會陳皮豚肉粒，入口嚐到豬肉粒的肉香，及有一些軟骨，繼而啖出打成蓉的陳皮醬，甘香的味道令味蕾對豬肉粒常規的味道有了新的體驗。松子沙汁蜜桃青瓜蝦球，看賣相和份量，性價比高，蝦球頗大隻，上薄粉炸後，撈沙律醬，再灑上名貴的松子仁，蝦球香脆，沙律醬配炸蝦球很夾，惟沙律醬太多，影響口感，松子仁的作用是畫龍點睛，墊底的爽口青瓜和伴碟的蜜桃也不要浪費。好友不想吃飯，點了美極乾炒海鮮麵，除了蝦，帶子，魷魚，還有蔥段，銀芽，洋蔥，炒得幾乾身，味道剛好，每人分到兩大碗。甜品選了懷舊芝麻卷，久違了的芝麻香和口感。$18，相當抵食，相比同價的鮮果慕絲，雖然口感綿滑，但份量少，無咁抵

同事推薦彩福酒樓的龍蝦，大讚抵食，$88/斤。於是我便約友人在銅鑼灣逛街後，到這店晚餐。一入內，感覺很舒服，地方大，裝潢都很有心思。仲可以望到海景，令人很 relax ^_^當然要食龍蝦啦，蒜茸開邊蒸加粉絲底，再點了「中式煎牛柳條」、「松子沙汁蜜桃青瓜蝦球」及「蒜茸鶴斗苗」。蒜茸開邊蒸龍蝦加粉絲底，啖啖肉，味道又鮮甜，粉絲入味 中式煎牛柳條，酸酸甜甜，開胃！松子沙汁蜜桃青瓜蝦球，上菜才知道蝦球是炸的！蝦球炸得香脆，配料清新，惹味！原來蒜茸鶴斗苗，即是「蒜茸白菜仔」！諗住個名咁特別就試下啦，為何不直接叫白菜仔 今餐食得很豐富，最抵食都係龍蝦。

有朋友鍾意食片皮鴨，search open rice 見到呢間有就試下... 之前食過美中鴨子，都覺得唔錯，點知呢間係仲好食，而且價錢平好多! 勁推介!首先一入門口已經覺得地方好大 (因為係用黎擺婚宴)，好多人食，全場幾乎坐滿! 我覺得啲服務阿姐好有禮貌，招呼殷勤，加埋著左制服，整體感覺好專業! 因為得三個人，點左個片皮鴨，炸子雞同蒸金菇茄子... 片皮鴨$188全隻，比起出面食係平好多，而且份量好多，個師傅仲要係你面前一片片咁片一大碟出黎! 鴨皮好脆好香，鴨肉就好腍唔鞋，食嘅時候配上葱，青瓜同醬，啲油香出哂黎真係好好食! 隻炸子雞同平時飲宴食到嘅差不多，佢個皮做得好脆，啲肉夠嫩但又唔會話唔熟，特別嘅係有個南乳醬點，幾惹味; 至於個蒸茄子就好有住家飯嘅感覺，個味好清新。平日好少食酒樓嘅我，對於今晚真係覺得好有驚喜! 啲野食真心好食，價錢合理，而且份量多，啲staff嘅服務又好，睇得出佢地有heart, 超級推介，絕對有下次!

今日同媽媽行開銅鑼灣shopping買到累累地 所以去搵間中式酒樓坐底慢慢嘆個dinner 由於我地6點就黎到岩岩開市無耐 所以間餐廳無乜客人可能人少容易留意到 呢到員工比例好高 目測約有10位員工係樓面 落單送菜都好快手每次黎到酒樓一定會點童年回憶-北京烤鴨 再加一碟櫻花蝦炒飯 今次呢位哥哥好有心機係我地面前慢慢片隻鴨 肉多過皮～一睇就知食過下夜粥 出面好多間餐廳都做唔到呢個水準 好多時都係皮多過肉另外櫻花蝦炒飯 值得一讚！炒得好有鑊氣 啲飯粒粒分明炒得平均！

老朋友跟丈夫從國外回港旅遊。 他們甚懷念香港茶樓的點心, 故約他們到位於銅鑼灣的彩福皇宴, 方便他們飯後購物。彩福皇宴在九樓, 需乘電梯前往。 我們一步出電梯, 他們已被酒樓氣派十足的裝潢吸引。 酒樓打造成華麗婚宴佈局, 裝潢明亮, 呈長方形, 沒有柱位, 十分適合大排筵席。 還有不同的「打卡位」供拍照留念這酒樓有數款點心連續數年榮獲點心大獎。 那當然要點選來招呼好友。 (得獎)原隻鮑魚燒賣皇 : 朋友説未曾這麽豪氣嚐過原隻鮑魚燒賣皇 還說味道固然好, 而燒賣體積較外間的大。 那當然, 一來燒賣內滿是多隻爽口的蝦, 二來體積大才可放着原隻飽魚 (得獎) 海皇太子餃 : 皮薄餡(蝦丶魚肉)美, 加些芹菜, 香味滿溢。 (得獎) 旋風黃金流沙包 : 嚐到滿口香甜的奶黄流沙。 (得獎) 芝心海皇千絲春卷 : 以麵線圍着裹有蝦丶帶子丶菇和芝士的春卷。 外圍脆脆的, 內裏濕潤, 多重口感。 (得獎) 龍皇野菌腸 : 以腸粉包着春卷。 特色之處是餡料內有龍躉肉和雜菇, 看似清淡簡單, 實質不失貴氣。 黑松露帶子鳳眼餃 (上) $30 / 惹味潮州咸菜胡椒豬肚(下) $47 : 把鳳眼