彩興來來火鍋 (已結業)

話說將軍澳有好多新食肆經常排晒長龍，我自己喜歡到處找新野試！近海皮那邊有新屋苑還沒有很多人知唸住去幫襯下，點知做了佬襯中晒伏，哭！野食無特別，但特別貴！有D搵笨感覺！本來一段時間沒有寫食評，我連相都無影，但真係貴得唔合理激發起我寫此食評嘅情緒。當天叫了個胡椒豬肚湯底，服務員放了胡椒豬肚落鍋炒兩炒之後加湯，以為有什麼好野點知再加湯已經無味同普通湯底無分別！食物分量唔多，價錢又貴，最重要食物質素好普通（叫在個脆骨腩仲食到有泥味）好差！呢D無人候嘅地方貴過銅鑼灣價錢，有入去俾人割得感覺！失望！不會再幫襯！

天氣又轉凍，又係時候去打邊爐。彩興來來火鍋位於 帝景灣 商場裏面雖然地方唔算好方便，但係一樣座無虛設，正所謂有麝自然香。餐廳地方唔大，但係有好多卡位，坐得比較舒服，而且唔會煙霧濔漫。火鍋湯底選擇好多，有招牌家鄉鴨煲，鮮鯇魚煲，黃金雞湯等等。最後我哋揀咗一個清清地嘅魚湯，唔想太熱氣。打邊爐除咗個湯底，醬料都好重要。呢度嘅醬料有好多選擇，九宮格一樣，可以俾你因應自己嘅口味混醬。鯇魚放左入鑊炒左幾炒後，再加入魚湯同紫蘇葉煲左一陣，一滾就可以撈D魚上嚟食同埋飲湯。魚湯非常鮮味，好甜，有紫蘇葉嘅香味，唔會感覺到腥，鯇魚煮得啱啱好，好滑。黑松露餃好大粒，好足料，入面有黑松露，蝦肉，豬肉，冬菇，有多重口感，非常好味。四色手打丸好彈牙，可以食到唔同既味道，唔洗咁齋。以呢個價錢來講有咁多粒，非常之抵食。芋頭件炸過之後，一煮就變得好粉，再點一點醬料就非常入味，好食到暈。稻庭烏冬好Q，配埋肥牛一齊食，非常之正，今餐真係食得非常之飽。

天氣突然轉涼，便立即想吃火鍋，但又不想去太遠，於是今晚和女朋友來到將軍澳這家彩興來來火鍋，吃雞煲暖暖身。餐廳面積不大，但位置空間感足夠，更有卡座正好可以舒舒服服地傾計，但記得要先訂位。抽氣系統完善，吃完不會一身火鍋味。餐廳有各式鍋底，今天想吃辣，於是選擇了辣雞湯，另外餐廳其他火鍋配料選擇夠多，價位適中。餐廳一大賣點是用生鐵鑊打邊爐，故此別有一番風味，而生鐵鑊要養鑊，但餐廳不嫌麻煩，可見主持人對細節的執著。侍者先奉上有如九宮格的調味料，乾淨衛生，選擇甚多。辣雞湯侍者先以薑蒜爆香鑊，再將辣雞件加入炒香，隨即加入辣湯合上鑊蓋沸煮入味，與市面一般的雞煲多出很多功夫。辣雞湯一開鑊蓋，一股麻辣香氣撲鼻而來，一嚐雞件，舌尖立馬發麻，夠香夠辣，醬汁特別和味滲透骨肉，味道令人上癮，雞件份量多，雞肉嫩滑而味道豐厚濃郁，注意雞湯會越煮越辣。吃完雞件後可加湯火鍋，可選清湯或辣湯，今次選了清湯。日本黑豚五花腩油脂分布恰如其分，厚薄適中，輕嚼一下，肉質鮮嫩，肉味香濃。黑栢葉未經漂白的黑栢葉比白柏葉新鮮，保留天然顏色，賣相的確不太吸引，但卻能品嘗到牛栢葉原本的鮮味和口感，建議大家不要因為外觀而捨棄更美味的黑栢葉。即

今次去左將軍澳呢間小店打邊爐, 7點去到都唔算太多人, 好快就坐低左.果度用個鐵鍋黎火鍋都幾特別, 我地叫左個鮮鯇魚湯底,見佢落左D配料炒一炒再放魚同湯去滾, 煲出黎個湯都幾鮮甜, 唔錯。火鍋調味料都有9種野簡, 都算OK。食物方面都有幾多選擇, 搞到我地唔知食咩好, 最後我地就簡左以下幾樣啦。火鍋黎講, 肥牛必叫啦, 咁我地叫左個美國肥牛, 都不過不失, 係略為肥左D。再黎係黑松露蝦餃, 有8隻, 幾香黑松露味, 又大粒, 堅正。蝦滑黎講都幾鮮幾彈牙, 值得一試。醬爆手打丸拼盤, 有4款, 柚子墨魚丸都幾FRESH同彈牙, 芥茉芝心蝦丸就夠曬香, 反而黑松露牛丸同花膠豬肉丸就相對普通D。豆府, 炸芋頭, 唐生菜同稻庭烏冬就正常, 冇特別。總体而言, 係間值得一試既火鍋小店

今日入左將軍澳搵朋友食飯。天氣有點涼，就係想食啲辣野暖下個肚。朋友就帶左我去呢間商場仔既火鍋店到食喇！都有好多特色既湯底揀，我地揀左 辣雞湯🐥小辣岩岩好。職員先為我們開鍋炒下啲辣雞，話咁快就食得😻嗅到好香又惹味既麻辣香味，啲雞已經索哂啲汁，好入味呀！叫左半隻雞份量，好快俾我地食哂，太開胃！之後就可以加湯打邊爐喇！叫左幾款自家製特色餃三拼。都唔錯！件件都包到好大粒，好多料！有黃金餃，韮菜餃，同黑松露鮮蝦餃！我就最鐘意食黑松露鮮蝦餃😻好多料，好多爽口既木耳，肉碎同原隻彈牙蝦係入面，食落好香濃既黑松露味！黃金餃裡面就有啲豬肉同粟米，食落都唔錯，幾有口感。而韮菜餃就包到勁多韮菜，鐘意食韮菜就岩哂，好濃味，多汁。鯇魚腩 份量都多，幾靚幾鮮。魚腩位好嫩滑鮮甜😋芝心墨魚丸都好好味，有8粒。食落好彈牙，一咬開，啲芝士流出，好滋味😍好味。仲叫左 美國肥牛，質素都唔錯，唔會話好瘦。食落都重牛味。雖然好似叫得唔多野，但大家都食到好飽！😋😋

心血來潮興起，和妹妹突然想去打邊爐，便想起搵將軍澳海濱長廊附近，最就腳的一間火鍋店。本來係OpenRice見到食評幾好，所以就想試一試。我哋係星期六，入座時間係7:30pm, 係星期六一個繁忙時段晚餐，店內座位只坐滿一半，心想已經覺得有一啲問題。開始點餐，見有一個養生鍋，只看餐牌不明白是什麼，一問之下原來是一個用菇造成的湯底，聽上去好似真係幾養生，所以就試試。但係點知拎出嚟的，只是一堆草菇和幾條竹笙的清淡湯底，食北去一啲味都無！然後忍不住自己加鼓油辣椒調味！然後我哋再見到有肥牛，心想$230嘅肥牛應該質素不錯，但是原來好肥，好薄，亦不新鮮的肥牛！繼續上菜的就係蔬菜藍，size 細又貴，無特別！其後在上菜的係新鮮即炸的響鈴和墨魚滑，全餐我唯一覺得OK的就是呢兩味。喺將軍澳一個好僻嘅地段開的火鍋店，食物又不是特別好，環境又擠迫，完全冇賣點，到底可以點樣維持下去？本人下次一定不會再光顧！

朋友問有否試過生鐵鑊火鍋，沒有的話今晚放工後一起去吃，在將軍澳站附近，他帶路。侍應嬸嬸無端端在我們面前用水洗鑊，原來生鐵鑊需用麻油養著，如不是會生銹的，她只清洗一下麻油的味道。辣雞湯半隻 $168侍應把已煮過的料頭蔬菜連半生熟雞、醬汁一起放在生鐵鑊內爆炒，香味四溢，我們點的是小辣，細少的雞件比較入味野味，而最好味的是料頭蔬菜，小辣的辣度很好味，我們先吃完雞再下辣湯，再烚下烚下，有辣湯與上湯隨我們選擇的。花雕肥牛$108端上枱的肥牛有濃烈的花雕酒味，不過肥牛油脂比較多，灼一下轉色便吃，牛肉滿有花雕酒香味，為免浸透過久而產生苦澀味，我們也很快吃完他。黑栢葉 $68頗大塊的黑栢葉，縮小後灼多10秒便可吃，爽脆，點上麻辣醬汁，味道OK，今晚的麻辣醬味道混得不錯。韮菜餃 $68大大件的餃子，有肉粒，韮菜勁多，很新鮮，像剛剛包起的樣子，加麻辣醬汁，好味。侍應加湯時說出，有客人點餃子，才即包出來的...，莫非我們說話太大聲。

今次帶家人食好西，呢間火鍋開係地鐵站附近，離地鐵站只要行一小段距離，係間好有特色既小店！見到個鑊係內置左係張枱到就知唔簡單。我地叫左個黃金雞湯，冇諗過會係即場係我地面前倒油，爆香蒜蓉，炒熟d雞再落湯。真係夠哂鑊氣又香口，又保證到d雞唔會唔夠熟，正呀！醬料係自己加，鐘意配咩加幾多都得，可以按自己口味去揀，夠哂貼心！打邊爐又點可以冇牛食呢？ 呢個極上肥牛賣相已經夠吸引，切得夠薄😍😍 上碟時下面有冰住唔怕擺得耐 慢慢食都得😋😋最後不得不提呢個薏米桔子水，打邊爐打到有d口渴飲佢就最岩啦！ 酸酸甜甜、解渴又開胃，我地都忍唔住encore左一渣呀！

話說最近喺將軍澳搵到間「隱世」火鍋店，因為位置的確係喺唔起眼嘅帝景灣商場，好在有朋友喺樓上住先識得嚟呢到搵食！一開波就覺得呢間餐廳好有誠意啊，醬料多款到用九宮格比我地揀！而且佢個鍋根本唔係普通嘅不鏽鋼鑊！係大大隻嘅鐵鑊！就好似我地叫咗黃金雞湯，店員係即場喺我地前面嘅鐵鑊到炒起再煮湯！即場煮嘅雞好嫩，唔怕預先煮嘅會老哂雞湯吸滿雞嘅精華，之後再用嚟打邊爐！極上肥牛！比起普通肥牛色彩色澤更鮮艷、雪花分布更平均。吼玩應該係餐廳佢自己打嘅，食落爽口，好快就寫熟。每次打邊爐都會叫嘅脆魚腩！今次都唔例外！呢到嘅魚皮餃係餐廳嘅推介！啖啖魚肉，真材實料！

搬離左將軍澳之前都無咩返過黎，今個週末有事返黎將軍澳！嘩，好多新既商場同食肆，完全唔同晒！每個商場都行下啦，去到帝景灣商場見到彩興來來火鍋，見有d肚餓同天氣凍凍地最岩打邊爐，就同男朋友決定入去試下啦！雖然呢個商場唔係地鐵站樓上，但餐廳d位都坐得7788！坐低叫左個湯底先啦，今次就揀左招牌家鄉鴨煲，侍應一黎到打開個蓋，個煲係非一般既煲，重點係可以當鑊用，估佢唔到，非常有特色！而個鴨煲並係煮完拎出黎，係即刻用鑊炒起！雞煲就食得多，鴨煲其實都係第一次食，仲要係用鑊炒，充滿驚喜！整體都好野味，鴨都大大舊，好味！食完個鴨煲之後就落湯打邊爐，個鑊即刻變身做鍋！美國肥牛好高質，口感好，好有牛味！珊瑚蚌份量好足，好新鮮，夠爽口，無腥味！仲叫左豆腐，芋線同冬瓜。食完份量剛剛好，食完個鴨煲已經飽飽地，每樣野都好足料，再叫就食唔晒了！另外飲品叫左玫瑰花蜂蜜，好清新，打邊爐飲就岩晒！整體來說，呢間火鍋店好特別，價錢亦唔係貴，老闆娘仲好nice，街坊們值得一試！

數數手指，對上一次去將軍澳差唔多4年前。今次黎食下打邊爐。估唔到將軍澳變化咁大，勁多新樓，勁grand ，呢間餐廳係個屋苑入面，同埋隔離未整好，有少少難搵。不過野食係正既。waiter會幫你落湯底啲餸落鑊炒兩炒先落湯。桔仔冰，足料青檸桔仔水油墨菜安格斯牛頸脊，成塊面咁大碟入口即溶，覺得抵食過肥牛。響鈴，即炸要即時食，自家製，唔係現成既。脆肉鯇，有啲餐廳會俾普通鯇魚俾你。呢度真材實料，好脆，煲好耐都唔散開。海鮮拼盤，最後落埋海鮮拼盤，飲兩啖湯底真係好鮮味。

今日朋友新居入伙，搬咗去將軍澳帝景灣度住，佢話好在有屋企人幫手，啲首期先攪得掂，裝修又使咗一大舊錢，真係又排供，好在兩公婆都有份高收入嘅工作，每個月都會有錢儲起， 上咗佢新屋度參觀真係装修得好靚，佢話一場嚟到，不如食埋飯先走啦，係佢屋企樓下有間彩興來來火鍋店，就落去睇吓有冇位，人都好多，但好在我地4個人，位都易揾啲，入去座底，伙記就話可以係点餐紙上選擇湯底及配料，我話凍凍地不如要個胡椒豬肚湯做火鍋湯底啦，配料朋友揀咗手切本地雪花肥牛，蔬菜拼盤，蟹籽墨魚滑，日本黑豚五花腩，鮮雞件，飲品要咗日本啤酒Asahi，湯底先到，係先把胡椒豬肚爆香，再加湯煮滚約十分鐘，飲完湯再淥嘢食，湯嘅味道辣辣地，幾好味，跟住先放蔬菜拼盤嘅、番茄同埋粟米落去先，等舊粟米煮耐啲先入味，咁就最好食，日本黑豚五花腩，肥瘦適中，沾少少自己配嘅醬油，味道一流，鲜雞件就算淥耐咗啲都好滑，重有嗰墨魚滑都好好食，最後一提係手切肥牛，真係冇得頂，牛味濃郁，好快一碟肥牛就俾我地食晒。

因為要同兩個朋友去攞新嘅身份證，所以下午就去咗位於將軍澳嘅新身份證換領處，順便可以睇吓張新嘅身份證有幾靚，去到都係個零鐘就走得，都算快手，跟住我地幾個人就走咗去係新嘅身份證換領處附近嘅彩興來來火煱度，食埋嘢先走，因時間尚早，所以可以揀位座，侍應俾咗嗰點餐紙我地揀選湯底及配料，湯底朋友揀咗胡椒豬肚湯，配料就有手切本地雪花肥牛，蔬菜拼盤，黑松露鮮蝦餃，黑栢葉，個湯底好特別，從來未食过咁樣整嘅湯底，侍應先將胡椒豬肚湯嘅材料放落個鍋度抄熱先，再放啲湯落佢，煮滾約，十分鐘，先飲湯，再淥嘢食，胡椒豬肚湯辣辣地，飲完成身暖晒，再放啲手切雪花肥牛落去淥，真係冇得頂，只要淥幾秒就食得，入口即溶，牛味濃郁，黑松露鮮蝦餃，勁多黑松露，蝦又大隻，黑栢葉又爽，易食，食埋個蔬菜拼盤就啱啱好啦，因為都有唐生菜， 蕃茄，粟米 ，土豆片，娃娃菜，金菇，呢啲蔬菜索晒啲胡椒豬肚湯同埋其他火鍋配料嘅精華，真係超好味，朋友話佢下次可以同埋屋企人落呢食就得啦。

呢幾日天氣凍凍地同朋友嚟咗呢間火鍋店打邊爐。一坐低就有九宮格比我地點醬。個鍋係凹落個枱度，方便夾嘢食。火鍋配料好足，亦有特色鍋底揀。叫咗個招牌家鄉鴨煲（例），店員會先落蒜頭炒炒爆香，再加鴨等材料同少少水，鴨又滑又濃味，好暖胃補身，枝竹吸咗鴨湯精華好味道。等我地食完鴨煲就可以再加湯打邊爐。日本黑豚五花腩，嫩薄肥美好快熟。鯇魚片，賣相吸引，厚薄均勻，夠曬鮮甜。打邊爐唔少得嘅響玲，同平時食嘅有啲唔同，比較脆口。蟹籽墨魚滑，爽滑彈牙。最後落埋出前一丁，索曬啲湯汁正呀！一渣薏米桔子水，清涼又清熱。兩人夾埋670蚊，食到好飽好滿足！

就話說好耐都未去過將軍澳嗰邊，所以今日就同細佬兩個人去咗將軍澳探險搵食啦。聽人講最近喺帝景灣商場有一間新開嘅打邊爐 ，所以就去啦呢個屋苑都幾高質，以為有西餐喇喎我哋偏偏就揀咗打邊爐🤣🤣🤣睇到個menu有好多新派特色嘅火鍋配料仲有佢哋自家獨有嘅食物同埋湯底。我哋叫咗先鮮鲩魚湯底，有頭，而且煎過再加埋薑蔥首先 侍應哥哥會將啲嘢放入個㷛入面，煲好啲湯再落料，有淡淡魚味，煲咗一陣之後就會叫我哋飲咗啲魚湯先。我同細佬都覺得呢條魚好鮮甜係幾好飲嘅😍😋打邊爐必叫，好大碟，頂級安格斯牛頸脊價錢雖然唔係最頂級，但係都ok㗎牛肉灼一灼變色少少就可以食， 牛肉冇渣幾嫩口，點埋辣椒油就更加惹味😋😋芝心鮮蝦丸開頭以為係急凍嘢，但原來唔係㗎，佢呢啲係自家製好，新鮮嘅蝦而且煮熟咗之後好滑捋捋，仲有芝士味呢一個鮮蝦丸真係第一次食🤣🤣貢丸呢個我諗佢哋都係自家製嘅，因為佢個形狀唔係坊間嗰邊咁圓碌碌整齊佢係有少少參差， 反而食到佢嗰種彈牙嘅感覺😃😃蔬菜拼盤食到甘上下，有少少油膩，我同細佬就叫咗個蔬菜拼盤，等自己好似消化下清一清咁呢個蔬菜拼盤擺設好有心思😂😂😂蔬菜盤入面有金針菇， 蕃茄，粟米，唐生菜黃芽白等等。。都係好新鮮㗎