彩薈軒 (238中心)

营业中

休息中

未食飯已经一肚火！排隊攞籌等枱飲茶，公平等候，平常不過。留意到有籌號在我之後的兩人，和服務領班一番寒暄問好後，在眾目睽睽之下，竟然在我之前先被安排入座。經過我連翻質問後，相關領班不但未能解释，只能立即安排我入座希望平息投訴。既然有這麽多熟客，没必要给他們派號，直接带位不是更好，何必多此一舉！被發现被投訴後下，還諸多解釋，又不能自圓其說。以後都不會再光顧旗下餐館。

今日年30諗住同屋企人飲個靚茶，食左幾個攞獎既點心，總體黎講唔錯，但埋單個陣諗住去櫃檯埋單個陣，有個肥婆女侍應大聲呼喊，埋單要座係到等，勁無禮貌，全場都聽到，仲要慢慢處理你張單，埋單係要慢慢等。想要俾人開年既可以去試下佢啲優質服務，真係覺得佢無認真落服務到既訓練。佢寫字樓熱線永遠打唔通，投訴唔到，唔怪之得服務咁好，因為無人俾到意見佢啊，封閉自己好易，門面做幾靚都無用，服務差到一個點，所以個老闆一定好錢，所以開到咁多分店。

疫情期間專登來到佐敦彩薈軒這裏買叉燒外賣，恢復全日營業，當然要來嘆吓龍蝦餐啦！彩薈軒裝修雅致新潮，餐廳寬敞，闊落舒適，適合婚宴、朋友家庭聚會。中菜最適合同屋企人食飯，地點好就腳，店長推薦《超值四人龍蝦套餐 》，我哋驚唔夠喉，所以都係散叫龍蝦加小菜。彩福龍蝦節游水加拿大龍蝦原價每斤$208震撼價每斤＄98最吸引我的食法當然是上湯開邊焗帶出鮮味，另加伊麵底每份＄30，龍蝦節食游水加拿大龍蝦🦞 上枱時熱辣辣，感覺好生猛。上湯開邊焗龍蝦有手掌般大隻啖啖肉，賣相已經好吸引，龍蝦走過油所以特別香口，龍蝦肉好爽口，鮮甜入味，蝦頭亦滿滿的蝦膏食得好滋味，龍蝦濃汁淋上伊麵食一流，每條伊麵都掛滿龍蝦汁，吸收晒所有精華。金獎叉燒皇 $158金獎叉燒皇賣相好豐富，叉燒肥瘦適中，甜甜地多肉汁，飽滿肉質又細嫩，第一次食半肥瘦叉燒覺得咁鮮嫩幼滑又惹味！食得出好新鮮。脆皮旺金南乳雞 $83脆皮金黃色，南乳雞肉質柔嫩，食落多汁，彩福三大優惠之一，唔好錯過。彩福精選小菜金銀帶子炒滑蛋 $95餐牌上好多小菜樣樣都好想試，金銀帶子炒滑蛋裡面帶子幾大粒，份量也不少，帶子入口食得出鮮甜，配搭咸香的皮蛋，味道層次豐富。餐廳位置佐敦

我們 喜歡去連鎖店的酒樓,  因為有信心保証.   今日去佐敦配眼鏡, 遇上有 彩薈軒, 好合意.   門外有菜牌, 食品款式多, 價錢中位.酒樓在商廈二樓,  步入餐廳,  氣氛熱鬧,  無柱的大廳,  燈飾華麗 , 裝修靚,   從門面以至內部裝潢都有氣派, 食堂座位舒適.  設有多間 VIP房, 服務員先開茶及送上餐牌, 茗茶每位 $16, 好合理.  餐牌有多頁, 價錢豐儉由人.餐牌有名貴及扺食菜式.  今天晚飯有多個推介,  晚飯三寶有四款,  或可單點.   我們選了超值龍蝦套餐, 因為有時令龍蝦, 及至愛燒味.燒味拼盤有脆皮燒腩仔,   蜜汁叉燒, 油雞,  煙熏鴨胸肉, 及海蜇, 油雞 肉嫩,  老抽醬汁好惹味. 煙熏鴨胸肉,  正!   燒腩仔半肥瘦, 皮脆.碧綠炒珊瑚海螺片    珊瑚海螺片新鮮爽彈, 碧綠翠玉瓜好脆口,  而最重要係唔油膩又夠健康.接著是主角 上湯開邊焗加拿大龍蝦, 共兩隻,  熱辣辣的送上, 份量足,  龍蝦多肉, 龍蝦鉗好肉, 肉質滑彈, 每人半隻,  味道鮮美.  配以高湯汁, 好滋味. 口感豐富,  非常滿意,  清蒸生猛龍躉班    魚肉

放工同爸媽去了酒樓食晚飯，老人家對酒樓都是情有獨鍾，歎住茶坐下傾下計，最主要是夠闊落，坐得舒服唔使同人迫。上湯焗加拿大龍蝦伊麵：點了兩隻龍蝦，用了上湯煮法，另外還配上伊麵底，上湯汁豐富，伊麵吸收了湯汁及龍蝦味道，爽口鮮味，龍蝦新鮮爽口，龍蝦鉗都好大件肉。金獎叉燒皇：燶邊叉燒夾雜點蜜汁香味，入口陣陣焦香，而且半肥瘦的叉燒有兩個層次，爽口之餘又有油脂甘香，是必食小菜。蜜梅柚子京燒骨：入口淡淡柚子酸甜味刺激味蕾，燒骨正好一口一粒，方便食用，咬開啖啖肉，而且炸至外面微脆，中間肉嫩。北菇紅燒豆腐：豆腐炸至金黃，中間十分嫩滑，加上冬菇炆煮，一個不錯的素菜。

今晚約了哥哥和嫂嫂晚飯,  選擇了近佐敦地鐵站 的 彩薈軒 (238中心), 交通極方便. 酒家位於二樓,可以乘扶手電梯或大堂乘電梯直達,  酒家面積大, 設計不落俗套.燈飾好靚,  侍應招呼好, 酒樓氣氛不錯.座位闊落, 水滾茶靚, 我們四個人剛好點個超值龍蝦套餐, 五道菜加甜品, 價錢夠吸引.上湯開邊焗加拿大龍蝦兩隻, 龍蝦兩隻大大隻, 龍蝦紅卜卜, 係宴會最好意頭食品.龍蝦好大只,  好肉,   色香味俱全. 每人龍蝦半隻,  配備刀叉.  龍蝦肉質飽滿緊實,  味道果然鮮美.燒味拼盤合有五款, 喻意五福臨門.   有脆皮燒腩仔,   蜜汁叉燒, 油雞,  煙熏鴨胸肉, 及海蜇, 我喜歡食大哥叉燒, 肥瘦均勻,  調味到位, 蜜汁味濃. 如果 肉質能夠鬆軟些會更好. 碧綠炒珊瑚海螺片    用了珊瑚海螺片, 好爽口.  配上碧綠翠玉瓜,  紅椒, 吾油膩, 好睇好食.清蒸生猛龍躉班蒸得時間剛好, 魚肉鮮嫩, 加入了簡單的薑蔥, 更能帶出魚的鮮味. 瑤柱鮮茄浸菜苗,  小堂菜配有瑤柱絲, 蕃茄, 吃點菜蔬, 清清腸胃食得健康. 最後送上餐後甜品, 香滑黑糖紅棗糕   熱烘烘用蒸籠送

這間位於佐敦的彩薈軒，放假都會同屋企人去飲茶，但晚飯小菜則未試過，不過見佢晚市都有幾多特價小菜，所以今晚就屋企人去食晚飯。酒樓地方寬敞，座位間空間都有距離，坐得都舒服。每位茶錢$16。上湯焗加拿大龍蝦伊麵特價的龍蝦每隻$110，龍蝦新鮮彈牙，而且啖啖肉，上湯燴伊麵爽口，醬汁剛好，不會太濕或太乾。咸菜胡椒豬肚鯛魚片煲鯛魚片完全無骨，肉質嫩滑，加上胡椒湯辣香，鮮甜十足。金獎叉燒皇用了半肥瘦的豬肉，叉燒燒至表面焦香，入口鬆化無渣，帶點蜜汁香味。

今日同朋友到佐敦食飯，到達餐廳時候不需要等位就可以入座。我們看見加拿大龍蝦在做特價，於是就二話不說就叫一隻再加粉絲底來試試。另我們還叫了咸菜胡椒豬肚鯛魚片煲和蜜梅柚子京燒骨，還有一個金箔芝麻卷甜品。首先上的是蜜梅柚子京燒骨，排骨上有沾到了蜜梅柚子醬，入口甜甜酸酸，而排骨的肉質香酥，味道配搭開胃一流。之後再上的胡椒豬肚鯛魚片煲，本以為會比較鹹，但事實上又不會，而且更像湯。湯入面有魚的鮮味，又有胡椒的辛辣，非常可口。接住就上了龍蝦，龍蝦都比手掌大，以蒜蓉清蒸味道鮮甜，而且肉質爽口彈牙。底下的粉絲吸收了龍蝦汁的鮮甜，為之一絕。最後芝麻卷有淡淡的芝麻香味，清甜而且不會太甜，入口不會黏糊。整體來講，食材新鮮而且價格合理。

好友同老公同月生日，生日飯當然要一齊慶祝，2個壽星都想食中菜，剛剛見到酒樓又開始做龍蝦節，一於食龍蝦慶祝生日。酒樓格局光猛闊落，枱與枱之間距離感十足，感覺舒服潔淨。肚子已經非常肚餓，急不及待叫了一些小菜，龍蝦好好大吃一番。上湯開邊龍蝦龍蝦加伊麵底份量十足，龍蝦肉爽口鮮甜，彈牙多汁，上湯調味剛剛好，濃淡度適宜，每條伊麵都掛滿上湯湯汁，軟淋可口，鮮味滿分。金銀帶子炒滑蛋金銀原來是雞蛋+皮蛋，皮蛋切粒加埋帶子炒蛋，滑蛋色澤金黃，帶子鮮嫩軟滑，夾埋皮蛋一齊食，超夾，口感非常豐富，鮮味十足。脆皮南乳雞（半隻）新鮮熱辣，外皮香脆可口，雞肉鮮嫩多汁，味道咸香惹味，一脆一嫩口感滋味無窮。蜜梅柚子京燒骨梅子加上柚子醬，味道酸酸甜甜，燒骨外脆內軟，香甜美味，送飯一流。

同屋企人食飯，中菜當然係首選，今日去咗地點好就腳嘅佐敦《彩薈軒》食晚飯，好可惜佢地嘅片皮鴨賣哂，店員就推薦我哋食呢個《超值四人龍蝦套餐 》🦞龍蝦～一共有兩隻，以上湯開邊焗製，夠入味掛汁亦一流，肉質爽口啖啖肉亦好鮮甜🥰🥰！🐔燒味拼盤～有齊四款燒味加個海蜇，賣相都好豐富，叉燒肥瘦適中，甜甜地又多汁，而鹹雞都係第一次食，估唔到鹹香味咁惹味👍🏻！🐚小炒～翠玉瓜炒珊瑚蚌和海螺片，簡簡單單的一味餸，夠爽口已經好好味😋！🐠龍躉斑～大大條即叫即蒸，魚身飽滿，肉質又細嫩，食得出好新鮮，蒸煮時間亦剛剛好🥰！🥬小棠菜～加咗上湯鮮蕃茄和瑤柱，微微酸度加埋個湯都好鮮甜，特別開胃😋🥧黑糖紅棗糕～熱辣辣又不太甜，即點即蒸，口感超軟熟，煙煙韌韌淡淡紅棗香味👍🏻！

屋企人最鍾意食中菜所以就帶咗佢哋嚟到位於佐敦「彩薈軒」酒樓食飯。踏入酒樓環境寬躺，裝修得好靚好光猛。餐牌上面亦都有好多優惠小菜，樣樣都好想試😋上湯開邊焗龍蝦龍蝦有手掌般大隻，賣相已經好吸引，龍蝦炸過所以面頭特別香口，蝦肉好爽口好鮮甜入味，啖啖肉，蝦頭亦都帶點蟹膏，食得好滋味，龍蝦汁淋上白飯食一流😋清蒸生猛龍躉斑龍躉上枱時熱辣辣，感覺好生猛，薑蔥味清香，簡單用薑蔥去蒸已經帶出鮮味，魚肉好鮮嫩幼滑。瑤柱鮮茄浸白菜🥬湯底加入了瑤柱肉所以特別鮮甜，蕃茄酸酸地好開胃，白菜煮得好淋好好食，每人飲咗一大碗。碧綠炒珊瑚海螺片顏色七彩繽紛，炒得好有鑊氣，調味適中，珊瑚蚌及海螺片切得好薄好爽口，口感豐富。

今晚來到佐敦，揀了一間裝修雅致又新潮的中菜酒樓彩薈軒。餐廳寬敞闊落舒適、很適合婚宴場地、朋友聚會及家庭聚會。Menu都頗多選擇，最吸引我的當然是龍蝦節游水加拿大龍蝦的震撼價及小菜 。金銀帶子炒滑蛋$95 滑蛋裡面材料足，帶子頗大粒，份量也不少，帶子入口食得出的鮮，配著滑蛋，再加上咸香的皮蛋，當然是味道層次豐富。游水加拿大龍蝦$110，加芝士焗伊麵底$50游水加拿大龍蝦震撼價$98/斤，街市買都要大約$130-$150/斤，當然要試這個價廉物美的加拿大龍蝦，食龍蝦我最喜愛配芝士，因為我覺得芝士配龍蝦特別香，及更能帶出龍蝦的鮮味，今次的芝士焗龍蝦沒有令我失望，龍蝦入口爽，芝士味好香，龍蝦肉質鮮甜，香濃的芝士令龍蝦味道更鮮美。酒香鹵水鵝掌翼$65 酒香鹵水鵝掌翼上枱已聞到淡淡的酒香，鹵水鵝掌翼鹵得夠腍，且鹵得腍度剛剛好，食落又腍又滑的。凍楊枝甘露$26 食完飯都好好想食番個甜品，所以要了個楊枝甘露，楊枝甘露裏面一粒粒的柚子粒及芒果粒，令整個香甜的楊枝甘露甜品更有口感。餐廳位處佐敦旺地，價格是意外地抵食，服務及質素都是上上之選，有機會會再來。

本人差不多每星期日都會和2位老人家去佐敦彩薈軒飲茶, 大堂知客都是有禮貌, 每次我都會向知客講要1瓶普洱和1瓶細熱水, 但好多時都有送來只有普洱, 即時向侍應話要多1瓶細熱水, 她們話枱上有大的熱水, 所以不願意比, 我已表明有2位老人家根本不夠力拿起, 每次都要向好多個侍應才會有人取來, 我們有比足夠茶錢, 真的希望有待改善, 食物方面是好的和多選擇。

朋友book咗呢間餐廳食 啱啱所講我哋八個人一間 裏面有卡拉OK 自動麻雀枱 因為疫情關係限聚令八人一台 💃💃房間10分華麗 而且食物質素高 包括有龍蝦伊麵 脆皮燒腩仔 燒鵝 炸蟹鉗 😛😛👍🏻呢間值得推介俾朋友 我哋八個人每人都係$370左右 又有得玩又有得食🍻💃

喺呢間酒樓食咗幾次點心同晚市小菜幾次，啲菜式其實唔錯嘅，係經理嘅態度就爭啲囉！應該同彩福係同一個集團，因為我見外賣袋都係用彩福個袋，仲有嗰啲點心牌都係彩福既菜式點心好食，小炒夠乾身夠鑊氣！侍應係咁上錯野，開頭我哋唔知，因為我哋人多所以以為係其他人叫嘅，後尾先知我哋個個都冇叫呢樣食物，不過我哋已經食咗，經理態度好串咁話點解上錯菜都唔同佢哋講仲要食埋，我哋解釋咗因為我哋人多，以為係其他朋友叫嘅所以咪照食囉！過左一陣個經理仲要串串貢行埋來話要我地俾返錢，話我地明知上錯菜仲要食，講到係我地錯甘😡