彩逸皇宮

营业中

休息中

臨近中秋節一家人食飯，去左彩逸皇宮，雙龍全包宴$888，好抵食。加拿大龍蝦伊麵計返足足有1.5隻，大大隻，肉質爽口，伊麵唔會太油膩，感覺唔錯。🤗松子龍躉斑塊真係龍躉肉，唔係普通魚柳，口感唔錯。可惜啲醬汁實在太多太甜啦，好快令到香脆嘅魚柳林晒，好在同家人夾手夾腳即刻拎起佢哋先。金銀蒜蒸龍躉頭腩另外一樣我覺得推介嘅食物，蒜蓉汁足料，龍躉頭腩爽口有咬口，感覺新鮮，個底有啲粉絲吸收晒啲汁，好好味。是日燉湯椰子雞湯，好好飲，足料。胡麻沙律菜半吉列蝦感覺呢道菜比較hea🥺係平時小食店吉列蝦，加埋少許沙律菜就係一碟餸。其他食物中規中矩，冇太大特別。

星期日買咗戲飛睇戲，睇2:10，順便在商場食個午餐，選擇了彩逸皇宮飲茶，拎籌2-4人檯要等成起碼30幾張之後，看看手錶是12:30左右，我們時間充足就等等，大約等20多分鐘就有位。開了茶位，就開始看看點心紙，有點心拼盤，適合人少又想試多些不同的點心，包含蝦餃、鳳眼餃、素餃、馬拉糕及紅棗糕各一。味道都是很大路的味道，沒有一點伏。太太喜歡的藥饍雞腳，雞腳質素上好，比較一般的厚大，似乎是有挑選過的貨色，煮得夠軟稔，一啜就骨肉分離，膠質頗重，有微微藥饍味道，湯也甘甜。煎鍋貼，味道好像跟正宗的有點不同，但又不是不好吃，外皮底焦香，內餡有肉汁，但不是那種肉汁多到爆射出來的那一種。炸魷魚鬚，這個真是超水準，炸漿皮酥脆，內裡魷魚鬚還保留到鮮嫩多汁，絕對可以同日式天婦羅一較高下。蛋散，太太喜歡甜點比較多，這不是我飛佛，問了太太好不好吃，她說不像一些酒樓很求其淋上糖漿就算，有芝麻跟椰絲，比較有層次，絕對比坊間的有誠意。叉燒腸粉，腸粉皮質感適中，沒有一夾就散的情況，也不會過韌，當然要伴甜豉油同吃。整體而言，炸物都比較出色，蒸點心也中規中矩，是可以有下次的幫襯之選。

每逢放假都會必去天水圍呢間酒樓陪屋企親朋戚有飲茶😘香港正宗傳統美食..通通任君選擇🤤🤤燒賣真材實料...啊！元粒元粒嘅蝦粒😍鮮味滿載肉質軟嫩多汁，咬係嘴裡好有嚼口🥳棉花雞滑溜溜雞肉..棉花完全吸了雞汁超好味😋蜜汁叉燒餐包上面一層薄薄甜甜的蜂蜜醬，裏面滿滿佈滿完粒完粒叉燒在餐包內..甜蜜蜜好吃😋紅棗糕晶瑩剔透一層一層..煙煙韌韌口感..元粒元粒紅棗...飲茶必備☺️甜品一流流心奶黃包流沙奶皇包搣開後瘋狂流出金黃流沙..金黃奶香奶黃順滑鹹蛋味超濃冇得頂..不過小心燙嘴臘腸包鹹香甜美既臘腸捲熱騰騰又柔綿綿係包裏面..肥肉的臘腸..食軟熟鮮香暖笠笠...簡直係冬天嘅恩物..😍豬腳薑酸酸甜甜豬腳薑..豬手夠軟稔口感夠幼嫩🥺食埋粒蛋美滿..馬拉糕既鬆軟又香甜..食過之後真係令人難以忘懷..鹹水角金黃脆而唔韌的外皮..食落咸中有一點甜味..色香味俱全..有邊個唔鍾意呀🙈藥膳雞腳女士們岩曬..滋補..滋補..益氣活血又美容養顏..炆得夠林..食落骨膠原滿載..咬都唔使咬入口即溶😎咖喱魷魚厚實魷魚大大嚿😍粥水菜心鮮甜又夠嫰..

我諗好多人都會好喜歡去飲茶，也成為了星期日放假的指定動作，俗語有話飲杯茶食個包！點心拼盤$68，有蝦餃，燒賣，豆苗餃，叉燒包，黑糖千層糕，呢個其實都幾抵食，二人食啱啱好，每款一塊，又可以試多啲野！啲蝦肉又好彈牙，蝦餃皮唔會太厚又唔會太薄👍🏻👍🏻豬腳薑啲雞蛋太過實，雞蛋皮實得來硬左少少🙄牛肉腸的腸粉好滑👍🏻👍🏻薑蔥牛柏葉唔知點解係辣嘅🙄🙄整體來講：環境舒適，坐得舒服，望落去幾新淨！假如大家星期日去嘉湖，下午可以去隔離戲院買定飛睇戲，Lunch可以去飲茶，也不失為一個好活動！

今日同老公由元朗去天水圍嘆早茶 先去睇早場' 9点到達酒樓 ，發覺很多人等位!取票後要等25張枱😅等了15分鐘有位😁😁相當快🤗🤗早茶有三十幾款特價點心選擇 !🍵兩公婆點下點下就八個點心 💏👫皮蛋粥，鹹水角，咖哩土魷山竹牛肉，四寶雞扎 叉燒包煎釀茄子，牛肉腸🤗🤗食物熱辣辣又好味🤗🤗🤗鹹水角👍🏻熱辣辣脆卜卜 👍🏻環境寬敞整潔!食物質素高! 兩個人埋單食咗$12O蚊超級抵行去銀座戲院入場

當日去到茶樓，係非常之多人最少起碼二十枱客等緊！心中以為有排等之際，竟然好快比人選擇搭枱可以吾洗等到最後一枱可以坐左四對吾同客人不過最緊要都係吾洗等位等到食午茶啦，搭枱又有乜所謂首先要講我最中意既家鄉炒米除左少左火腿之外，基本係吾錯既份量，賣相都係可以接受會再食因為好多地方其實已經無左流沙奶黃包同馬拉糕，點知呢度仲有雖然包無流沙，但食落都重鹹蛋黃味，質地都有一dddddd係流質既另外個馬拉糕都係非常好食不過熱食先會好食d！即係擺多陣都吾係咁好試左個咸水角，係非常脆口！雖然皮略厚，而且餡少，但放左至少十至十五分鐘食，都係脆架！會再食驚見做優惠，蝦餃只係$6.8一籠，1至2個人可以叫1籠，如此類推。好抵食雖然皮略厚但$6.8幾抵食牛肉腸粉，腸粉皮好滑，厚薄適中另外叫左牛肉球、燒賣、蘿蔔糕，都係吾錯架！

平時同屋企人喺度飲茶就飲得多，晚飯真係第一次，呢日媽咪話唔想煮所以即興黎食小菜。一如其他連鎖酒樓，晚市價錢都偏貴，炒個菜都要八十幾，但都有啲優惠菜式，半隻片皮鴨$48。質量同價錢成正比，得八片，而且每片都得皮同肥膏，無乜肉，配料既蔥尚算新鮮唔會太辣口。粉皮煎得幾香，厚薄適中，口感可接受。+$48可以一式兩味，有得揀薑蔥爆鴨件或炒鴨絲，因為食得方便啲所以揀左後者。鴨絲份量足，韮菜新鮮唔鞋，炒得幾香口，但略嫌豆豉落多左味道鹹左啲。之前食過午市既橙蜜燒鱔覺得幾好食，見晚市有就點左呢味蜜餞鱔拼盤，幾豐富，有燒鱔、炸豆腐、腐皮同海蜇。海蜇爽口彈牙，醬汁甜而不漏，好惹味，反而腐皮一般般。鱔燒到岩岩好，搽上蜜糖表面燒到脆身，甜甜地好開胃，加上肉質滑而鮮美，油香足，整體口感好豐盈。炸豆腐炸到外脆內軟，豆腐口感唔散，仍然好堅挺，入口仍唔會好油膩。最抵食係呢個金菇肥牛煲，份量十足，粉絲同肥牛都好多，沙嗲亦唔會太鹹，唔洗送白飯都得。而且牛肉唔會太肥，每一塊薄得黎大大塊，食起黎好過癮。整體不過不失，都係正正常常酒樓野，無咩要求但求一餐飽肚既可以一試。

第一次的點心拼盤奉獻左俾彩逸皇宮la^ ^攞左等位紙後唔洗兩分鐘已經可以入去埋位，最緊要唔洗同人搭檯啊，讚👏👏問開waiter原來呢間酒樓全日點心一個價錢，冇分早茶下午茶之類👍👍👍然後我地叫左一個點心拼盤，內有（蝦餃、薑汁千層糕、菜肉包、燒賣、菠菜餃）各兩粒、味道各有千秋，一個拼盤都係$68蚊jar，都叫抵食既！😐然後心血來潮突然想食粽，粽香味加上白糖，久違的味道ar😆有時飲茶真係飲緊細個時既回憶🤣埋單加一total $125，可以接受，點心唔差！

今日一早起床，就去了天水圍銀座的彩逸皇宮飲早茶☆*:.｡. o(≧▽≦)o .｡.:*☆先叫了一個鳳爪排骨飯，熱熱的，鳳爪夠入味。(⁎⁍̴̛ᴗ⁍̴̛⁎)另外，又叫了牛肉腸，侍應在牛肉腸上面倒上豉油，腸粉口感都夠彈。o(*////▽////*)q說到腸粉，我還叫了一碟煎蝦米腸，外皮微微煎香，入面有䓤粒和小蝦米。⁄(⁄ ⁄ ⁄ω⁄ ⁄ ⁄)⁄☆*:.｡. 最後，又叫了一碟煎薄餅，這個煎得很「香口」，上面灑了芝麻粒，令味道增添了一點層次。入面有蔥粒，配搭一起頗不錯。

兩老好少飲茶，問一下系唔係有優惠（星期一到五），點知個收銀還是樓面經理惡過奇拉，反而大大聲講你唔明我就要講到你明，到處都點點點！斯文人，不和惡霸正面衝突。以後都不會幫襯......一間店菜可以一般，但服務唔可以甘差

禮拜六九點入座，叫哂餸之後先話唔夠白飯，六個白飯只黎三個，攪到一班手足要分飯食唔夠飯要齋食餸😡個椒鹽牛柳腰果略嫌乾身，但條斑唔差，魚肉都幾滑，其他都無乜特別，無飯送成餐都好咸

不知是否因為閒日晚上，酒樓已被包半場，餘下半邊場仍然有6成空位，好似很空虛....由於早前來吃過晚飯，所以今次媽媽生日，一早預了這晚來吃飯，這個套餐很豐富抵吃，$888全包，有6罐汽水/啤酒，被迫破戒也要吃這個了!整體質素算不錯，共11樣食物，不逐一作介紹了，但特別喜歡野生椰子螺頭湯，非常清甜! 不過我找不到螺肉呢!牛柳粒有些筋，不過還可以，但偏鹹了，送白飯吃會更好~荷葉飯好大碟，但味道很一般，偏濕~原本最喜歡應該是龍蝦伊麵，大約有1.5隻龍蝦，麵底偏乾，不太覺得有上湯味和似無焗的吧?! 加上要焗的話，應該加些芝士才更美味!最後的甜點原來是薑汁千層糕，我不太喜歡，如可以換紅棗糕/綠茶糕/壽包就更好了!由於我們只有5個人吃，真的太多了，吃剩了不浪費，唯有打包! 相信起碼7人吃也足夠有餘!最後連生日蛋糕都無吃便埋單回家了。

真係食到一肚氣！！！呢間酒樓第二次光顧，服務員同收銀員服務態度很差！不會再去！向服務員查詢菜單時，態度超差，講到一半隔離枱叫佢，佢仲走左去serve 其他顧客！serve 完先慢慢行反黎繼續，完全吾尊重顧客！查詢時仲扔我張單係枱面，叫我地自己睇，服務員質素完全不能接受！因為我地有向部長投訴過，到食完埋單果時，一個完全與成件事無關的收銀員見到我地個枱號，認得我地投訴過，仲幫手串我地，一啲都吾專業！請員工上上訓練吧！

又試新酒樓，唔多人等位，環境幾大又靚，光猛夠新。叫了碟炒飯，粒粒分明，夠乾身，多料，好味，不會太濃味。大碟的。其它的有叫點心拼盤，有雞包，蝦餃，燒賣，菜苗飯，薑汁糕。平均的水準，薑汁糕少少薑味，蝦餃爽身彈牙，燒賣唔會好肥，也是有蝦，包也好味。魚肉銀針粉，有d紅蘿白絲同葱絲，幾清幾甜呀，銀針粉唔散的！長春卷熱辣辣有蝦。又夠香脆，唔係好長身。好味！豬肚燒賣，賣相不吸引，一件係髮菜，蝦膠，翠玉瓜，另一件就是豬肚，蝦膠，翠玉瓜，只有食左蝦膠，其實也幾爽口彈身的，翠玉瓜太淋了！！

由於阿姨同表弟都係同一個月生日，所以七姨丈特意約咗我們今晚一齊喺天水圍嘉湖銀座嘅「彩逸皇宮」食晚飯慶祝！我們叫咗川貝海底椰甘荀燉鷄嘅湯料好足料豐富，味道非常清甜香濃，因有海底椰，所以令到味道更加香甜！泰皇醬烤骨嘅肉質相當爽滑鬆軟，酸酸甜甜嘅醬汁非常惹味醒胃！高湯焗美國龍蝦「伊麵底」嘅肉質相當爽甜彈牙，高湯芡汁令到味道更加鮮甜，伊麵嘅麵質好爽滑煙韌，唔會好腍身！脆皮燒鵝皇嘅皮燒得都幾香脆，肉質亦都幾鬆軟！因阿姨比較鍾意食炸得好外脆內軟嘅豆腐，所以姨丈就叫咗潮粵拼盤同金裝拼盤，除咗炸豆腐之外，仲有嫩滑嘅白切鷄、香甜鬆化嘅叉燒、爽脆清新嘅青瓜同酥脆嘅燒腩仔！清蒸海西沙珍珠斑蒸得好嫩滑同好新鮮，而且時間火候亦控制得啱啱好！野生深海西沙金尾大龍躉兩味：碧綠炒球嘅肉質好結實彈牙，而且份量都幾多幾足料！清蒸斑頭腩嘅肉質好滑溜，魚皮嘅質感相當煙韌彈牙，而且有好豐富嘅骨膠原！蒜蓉蒸日本大元貝嘅肉質好鮮甜彈牙，舖面嘅粉絲吸收晒惹味嘅蒜蓉同鮮甜嘅元貝汁，真係好正呀！蒜蓉炒油麥菜同蒜蓉炒芥蘭分別係原片撕開同切成一片片，而唔係一棵上，咁樣都幾好，最啱貪靚嘅女士們同小朋友食，感覺都幾細心！