御の味 (已結業)

到左生日月，梗係要出去同朋友食下飯我一直都好想食廚師發辦， 朋友揀咗呢間餐廳因為就我收工地方19:00去到，但係估唔到已經坐左五六枱店員推介左之後我哋直接就揀咗12道 $1180自製海草魚子，配sparkling water 一齊食，有海洋的感覺牛油果沙律好fresh，味蕾有衝擊刺身5味其中最鍾意食牙帶魚，肉質幾鮮甜爽口麻辣米通用上日本米，超級香脆可口麻辣魚肉吾會太辣，配埋香醋汁食落感覺好新鮮蘋果木煙燻鴨胸，鵪鶉蛋滷得勁入味，再三回味。牛肉乾，店家改名覺得好特別用上打印技術，將日本牛肉乾印製起米紙上面牛肉漢堡味道比較濃郁，配埋米紙啱啱好中和返魚蝦蟹用上腐皮代替天婦羅粉，令到炸蝦更加香脆 Seafood Espresso個壺好特別，鰹魚汁好香濃同鮮甜。豆腐做成既紙，包住海膽海膽份量一啲都唔惹少，海膽鮮味充滿整個口腔青檸雪芭食到咁飽，用雪芭作為結尾最好不過😉

中伏黃店中伏黃店今晚諗住在app找灣仔的好野食，見到7pm 有七折，而且OpenRice有200個like, 只有5個怒怒豬，便去試一試。全場只得一個侍應，她介紹一個$1100的二人餐，內容很古怪，看不明的餐牌，但侍應話可以用Openrice特價買一送一比我地，再加每人$200可以食D靚D既魚生，也沒有特別考慮便點了。食物上得很慢，餐廳環境都ok。但食物一出，一碟比一碟騎呢，唔新鮮，唔好食，古古怪怪，很離譜。埋單仲好貴，在現在經濟咁差既時間，每人$1016竟然食埋D咁既野，$1180 餐+$236加一+ $400刺生+$160細Sake= $2032

Omakase嘅奧義係師傅自己安排menu嘅食物，所以每次甚至每枱食客嘅菜式都未必一樣，師傅會因應季節同埋客人嘅喜好去決定，呢樣亦都係食Omakase嘅不確定性帶黎嘅驚喜。食咗都好多道菜，唔記得exactly有幾多啦，講下D我記得嘅highlight啦。木魚湯係用虹吸咖啡嘅器材去serve嘅，都幾有視覺效果。牛骨湯味道清香，加上萃取咗木魚嘅味道，呢道菜都好有特色。日文報紙紙包雞，又係有特色嘅菜式。外面包住嘅報紙係以食得嘅紙製造，而日文亦都係以食用顏色印上去，可以成份放入口食。其他菜式都包含好多唔同元素喺入面，睇得出亦都食得出師傅係花咗好多心思去開發佢哋嘅menu。

慶祝生日來食Omakase, 鍾意D檯隔得遠有私隱, 我地二人點左12 Course Tasting Menu, Upgrade左魚生海膽, 我個人最欣賞菜式係煙鴨胸同鵪鶉蛋, 煙薰味超香, 食完之後香味依然徘徊係口。第二鍾意係魚生併盤, 飛機貨即日到, 新鮮爽口彈牙, 尤其件吞拿魚較, 魚油豐富入口即溶, 超讚! 第三鍾意海鮮濃湯好清甜, 蜆肉新鮮。每一道菜式都精緻有香港特色, 看得出廚師用心。

灣仔區其實就幾多嘢食嘅，但我個人比較悶，去開一間就無心揀其他餐廳。通常嚟呢間都係食Lunch，佢嘅Lunch有平有貴。我就視乎心情嚟揀嘅。有時心情無咩特別，我就會揀個經典日式lunch，照燒雞扒定食。佢嘅套餐好豐富，會包括前菜，三片刺身，沙律，燉蛋。好豐富，照燒雞扒燒得好外焦內嫩。刺身鮮甜。咁多嘢食都只係70蚊。有時心情有啲麻麻地，就會叫個貴啲嘅set，通過消費嚟轉換心情。銀鱈魚西京燒配立魚湯稻庭烏冬，可以食到稻庭烏冬就已經好開心，果種滑嫩嘅口感，可以平復到混亂嘅心情。呢度環境唔錯，有種復古嘅感覺，一個人嚟都無試過搭枱，坐得幾自在。

呢間餐廳我一直都以為佢得晚市, 估唔到今日經過原來佢有做午市佢地午市都幾多款式揀雞扒、生姜燒、拉麵同刺身飯都有我今次就揀左蒲燒鰻魚定食鰻魚都幾大件, 有兩大舊望落好肥美, 幾靚仔下食落果然同賣相一樣咁正, 好油潤肥美, 肉都幾厚身唔會好似一般餐廳咁似食魚乾咁又扁又乾柴飯粒軟硬適中, 加上甜甜地既燒汁, 幾惹味個餐仲包左前菜、刺身、沙律、燉蛋同味噌湯三片刺身唔會薄到好似紙咁, 係有少少厚度個種, 肉質新鮮而燉蛋亦相當嫩滑, 好食過元x壽司個種燉蛋食完絕對夠飽肚下次再黎試埋晚市先

聖誕節無出去食大餐，所以農曆新年前就去咗食返餐Omakase，補番數。今次去呢間餐廳係朋友介紹嘅，佢話佢食過幾次，覺得好高質素，不比日本籍師傅開餐廳嘅遜色。牛油果前菜好好食，平時食沙律都鍾意多醬，見到咁creamy嘅醬已經好開心，入口好滑，配搭刺身一絕。刺身中嘅立魚同埋tuna係我比較喜歡嘅，其他都唔錯，不過鯖魚魚味太濃，我唔係好受得。獅子山下，一嚐鹹魚、白菜。鹹魚其實燒馬友，外皮香脆。表面係鹹魚白菜，其實係師傅誠意之作，同大家一齊加油。除咗食物，整個用餐過程都有好多視覺效果，係多元化嘅用餐享受。

Omakase就食過唔少啦，今次呢食呢間聽講玩味十足，菜式別具心裁，頗有特色。所以都幾期待。菜式都有頗多，但我就唔記得具體有幾道菜式啦。我只記得自己鐘意嘅幾道菜式。第一次飲虹吸壺整嘅湯，真係好驚喜，飲落清甜，影比朋友睇，朋友都覺得幾特別。另一道藝術分10分，味道9分嘅菜式係煙熏鴨胸鵪鶉蛋，道菜呈現出嚟我地都覺得好靚，亦都好意境，也能猜測出其中隱喻。鴨胸入味軟淋。香港人加油，鹹魚白菜唔算好好味，但係食一種精神，都感受到廚師的心意。

• 12 Courses Tasting Menu •💵Price: $1180🍴Food: 0/5🚫-大大大中伏既一間餐廳！食過咁多日本餐廳都未試過一間係貴得黎咁伏😨成餐飯都食得好嬲，原價千幾蚊既套餐，竟然比圖中爭鮮質素既刺身我，唔新鮮到一個點⋯唔係好知自己食緊乜😐然後中間個塊同我講話係熟成拖羅⋯？真係當我未食過拖羅咩？🥴🥴🥴質地勁散係劣質呑拿魚既質素😑我朋友一路食一路話驚肚痛⋯⋯然後仲有個dish係海膽豆紙壽司，個海膽完全係假海膽黎，無味道既，然後佢話係蒸海膽⋯⋯但如果啲海膽係新鮮靚既話好地地點解要蒸海膽⋯？個餐最後折左都成六百蚊一個人，你話你sell創意但係咪要比呢啲質素既野個客人食⋯？呢個價錢我普通去間正正常常既日本餐廳我at least食到新鮮好食既魚生囉⋯⋯🤯最搞笑係有個dish係魚子香檳，聽落好high class好靚，點知所謂魚子係海藻魚子，都算喇我當係gimmick野，然後個香檳竟然只係七喜🙃🙃又係一個聽落有新意但比hea料既dish🤷🏻‍♀️仲有啲咩天婦羅蝦配糯米飯、辣三文魚米通我都唔想提喇，隻蝦炸完都咁瘦弱都知未炸之前只係甜蝦size，上面啲炸粉仲厚過林鄭塊面皮。辣

生日飯，睇左好多間日本餐廳，覺得呢間既菜式好特別，決定黎試一試。 一坐低就有茶飲，仲要好似飲清酒咁有杯揀～D 野食都放得好靚呢個係放入杯sake+7喜 一齊飲～米紙上面係有字既，好特別好靚既沙冰食到呢度，其實已經好飽😂但之後都仲有3道菜支好似牙膏嘅物體其實係蝦膏～其實仲有幾道菜影咗相，全部都好靚但係放唔到上嚟，因為真係太多。因為係朋友生日所以老闆都好好咁送咗個甜品。呢餐真係好滿足，我地整整食左3個半鐘打擾哂。呢間餐廳值得推薦比大家

呢度主要係食Omakase，即係廚師發辦基本上你係唔會知個menu係食咩既，因為佢係連菜式名稱都無侍應上菜時都只係會話你知係咩食材~就係因為咁特別我個朋友先會有興趣拉我黎試既啫印像深刻既有一個類似刺身拼盤同埋報紙造型既米紙卷住炸蝦既菜式刺身拼盤入面既刺身係由淡到重味道既魚生都有，另外仲有一兜魚子口味幾獨特米紙卷炸蝦一上菜時我地真心以為係報紙，幸好侍應有解釋返出面個層「報紙」係可以食既，因為佢係用米紙製造而成呢道菜真係呃like一流入面既炸蝦都好好食，厚肉得黎炸得剛剛好，唔錯

我每個月總有一日係會同上司和上司個上司一齊食嘅午餐，一行三人，今次試下呢間。門口好靚嘅擺設一坐低就諗下食咩？點知三個人都係叫銀鱈魚配烏冬午餐第一道送上嘅係沙律菜、冷盤蓮藕、蒸蛋三道前菜普普通通，無咩特別。再來送上兩片魚生，由於我唔食生野，已交由另外兩位處理，評論唔到主菜送上了，銀鱈魚份量比我想像中多，有兩大片，煎得好香口，個邊脆卜卜，又不失魚嘅嫩滑，唔太多骨，幾好味。而個烏冬無乜特別，同平時食嘅烏冬差唔多。原來仲有一杯餐飲，普通熱檸茶，無咩特別。總括黎講，係個魚比較有驚喜，其他的都係普普通通啦！有人比錢又唔會肉赤嘅😅可能晚餐會好一點吧！

朋友知我鐘意食日本野，早前就約我去左呢間特色fusion廚師發辦度食晚餐。一坐底就可以揀個靚杯，準備飲店員為我地準備嘅櫻花茶，好香呢！仲有一杯蘋果清酒開啟我地嘅味蕾。第一道—牛油果他他，入面有唔同嘅刺身，包括劍魚腩、三文魚、吞拿魚嘅角切，混合埋牛油果同芥末嘅醬一齊食好特別啊！芥末嘅加入平衡牛油果嘅creamy，但又唔會太嗆辣。另外仲有蓮花莖增加口感。之後就係噴晒煙嘅煙燻鴨胸伴鵪鶉蛋，造型滿分，鴨胸仲幾嫩口煙燻得剛剛好。接住係由豆腐汁拌入嘅日本桃，幾新奇嘅組合！間場有海草水清下味蕾，繼續品嚐接落嚟嘅料理。刺身拼盤有三款魚刺身，再配上旁邊嘅醬～而更吸引我眼球係caviar盒內嘅魚子，係用左分子料理嘅方法整嘅魚子，酷似三文魚籽同法國魚子醬，咸咸地配上淡味嘅白身魚都幾配啊！食過幾道凍食嘅菜式，更令人期待呢款熱湯—鮮羊肉木魚絲湯用上虹吸壺嘅炮製方法好用心，見住啲水份被吸上去木魚絲嘅部分，吸取精華後再向下排出湯汁。期後店員將熱湯倒入鮮羊肉嘅部分，仲粉嫩嘅羊肉瞬間熟透，把握時間食落仲好鮮嫩，仲飲埋熱湯好暖身。之後就係玩味嘅一道菜—牛肉乾，面頭上用米紙做嘅「牛肉乾」，底下再有真．牛肉乾，配搭住食平衡到

服務差，食物差啲嘢唔好食個侍應冇禮貌好串刺身唔新鮮食物減半豚肉好overcook牛肉OK食玉子拉麵入邊剩係得一半咖啡得一半檸茶得一半前菜漏晒呃like有雪糕送全部唔好食，野飲淡過水

朋友升職當然要好好慶祝 ，有驚喜嘅廚師發辦， 每一道菜都令人有驚嘆嘅感覺！牛油果他他～上面係牛油果醬，下面係刺身、菜……撈埋食。 牛油果醬食得出裏包含Wasabi、沙律醬、牛油果， 絕對刺激到你嘅味蕾。雪茄、香檳、魚籽～威化餅夾著用酒低溫煮的鵝肝，清酒加入7up及海藻非常易入口， 平時唔掂酒嘅我，都覺得好好飲。煙燻鴨胸鵪鶉蛋～ 呢道菜係凍食嘅，鴨胸非常幼嫩，而餐具都非常配合主題，以一個雀巢嘅形式呈現喺你面前。其實仲有好多道菜， 不過會highlight以上呢幾度，因為真係太特別喇！每一道菜都非常精緻，令我回味無窮！