御名園 (已結業)

將軍澳站除左Popcorn 外，周邊商場其實都幾多選擇，第一次試御名園、晚飯小菜都幾多選擇。每個星期都有兩款燉湯，$38.8 一盅黃金石斟燉響螺，好足料、老火熬製而成 湯好甜！ 金銀蒜蒸蟶子 $38/隻 比手掌要大得多、爽口彈牙、好多蒜跟粉絲一起超好吃！晚飯時間可以優惠價 $438 品嘗澳洲龍蝦、差不多有一斤四両、兩個人食份量好夠、肉質爽甜、仲有跟上湯伊麵底。XO醬金蝦唐生菜，加了肉碎大蝦乾炒超惹味。除左龍蝦蟶子、仲有好多不同海鮮可選、薑蔥蟹、清蒸海班等，都好抵食。下次來可以選下其他小菜或者點心。

最近愛上去洒樓飲茶食點心😍今日就輪到來天晉呢間御名園啦，佢價錢親民，服務態度又好👍鮑魚燒賣皇-大大粒每粒都有隻鮑魚仔，燒賣咬落彈牙，餡料飽滿又鮮味😋蠔皇流汁叉燒包-很鬆軟，餡料味道好。招牌灌湯小籠包-皮薄，裡面充滿鮮肉汁。鮮蝦菜苗水晶餃-皮薄而且蝦肉彈牙。手磨紅米銀羅腸粉-其他洒樓比較少見，粉皮用紅米磨成的，包住脆卜卜的油條和蘿蔔絲，好特別。酥脆鮮榨鯪魚球-第一次見，鯪魚球面占滿紅色脆卜卜的東西。乾清養顏棗皇糕- 煙韌又彈牙酥脆芝士紅薯卷-外皮真的很酥脆，包任綿香的紅薯🍠食完先知原來有點心放題🤣

御名園 (將軍澳).將軍澳想食點心一時間真係未必諗到邊到，然後上個weekend同女朋友發現左呢間係商場一樓轉角位嘅酒樓，唔大間但都非常爆場！.我倆太耐無食點心，好開心瘋狂叫，炸物叫左個長蝦春卷，滑溜嘅牛肉腸，惹味嘅鳯爪，有咬口嘅金錢肚，飽魚燒賣等。一人一籠頂級灌湯餃！ 個餃好大隻，飲埋啲湯食埋配料，再加個小籠包，都算係有湯係入面！.點心好食，又唔算等好耐位而且店員服務都幾好，絕對會再幫襯.御名園 (將軍澳)將軍澳唐俊街12號天晉匯1樓102號舖

星期日常備既節目更係同屋企人去飲茶🫖將軍澳南有質素既酒樓唔算多🍚響天晋薈既御名園係一個唔錯既選擇，🍻中午午市時間唔算太多人👍🏻等左一陣就有位✨傳統既點心🥧例如馬拉糕、流沙奶皇包都非常好味😋馬拉糕又香又鬆軟，黑金流沙奶皇包咬開奶皇醬流出👏🏻賣相得而味道好。🥐另外，黑豚叉燒飯既叉燒十分有質素🥩半肥瘦叉燒肥瘦適中又均勻👍🏻蜜糖叉燒汁配白飯一流。✨最後高湯銀牙肉絲香煎麵係另一推介🧇👍🏻，香煎麵又香又脆👏🏻一d都唔油膩，而配料銀牙肉絲份量又多又好味。酒樓整體食物質素非常好，點心及粉面飯類都有質素👍🏻✨而且價錢合理，性價比十分高🍻將軍澳酒樓既好選擇。🍜

御名園 (將軍澳).住附近咁耐，依家先知原來近近地有條酒樓，可以食點心仲要點心放題!!! 不過我地兩個人都係單點算🤭. ▪️手拍青瓜配海皇醬海蜇▪️.必食涼拌，但海皇醬海蜇味道無咁清爽，但會 比較惹味！.▪️蘿蔔糕/炸兩▪️.好耐無食過點心🥹蘿蔔糕呢啲common得來都要好食，炸兩非常好食，腸粉皮滑入面酥脆.▪️金錢肚/鳯爪▪️.兩個必叫點心，都係好惹味！ 金錢肚有咬口，鳳爪有花生墊底！.▪️鮑魚燒賣▪️.比較華麗嘅點心，燒賣上面有隻小鮑魚，有咬口，燒賣好飽滿以及入面大大隻蝦！.▪️金銀蒜娃娃菜▪️.呢個係小菜，印象中$58鋪得整整齊齊好靚，而且菜好入味同腍身！.📌 御名園 (將軍澳)將軍澳唐俊街12號天晉匯1樓102號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.

將軍澳嘅茶樓有好多，包括半島漁港、稻香茶居、豪宴薈、翠園、海港、潮庭、譽居、初心等。住了在將軍澳二十多年，作為街坊基本上都吃過了，在眾多茶樓中，御名園是我的私心推介。點心精緻好食，款式亦有好多，其中我最鍾意食嘅係沙薑豬手同手磨紅米銀蘿腸粉。基本上飲茶人均約$100。今日要同大家介紹嘅係佢嘅晚餐，御名園位於天晉匯，可能因為位置偏僻咗一啲，所以晚市一般黎講都只係坐咗一半坐位，因為人唔算多，所以服務亦非常好，茶水一飲完，侍應就即時refill，上菜速度都非常之快，試過落完order幾分鐘已經開始上菜。晚餐必點推介係佢嘅陳皮脆香燒鵝皇，陳皮味濃郁，份量非常多，一拎上黎熱辣辣，可以媲美長途跋涉去深井食嘅燒鵝，皮脆肉嫩，我食咗咁多次都從未失過手，次次都一樣好味反而係佢嘅乳鴿唔係次次都可以保持水準，有時好食，有時就一般，二選一就一定食佢嘅燒鵝。蜂蜜柚子脆蝦球係另一個必食推介，蝦球係炸完再淋上蜂蜜柚子醬，一食落口滿嘴都係柚子嘅清香，酸酸甜甜，蝦表皮脆口，入面彈牙，一口落去滿口都是蝦肉大滿足呢個金獎蝦醬海珊骨係佢地鋪頭嘅攞獎之作，不過我就覺得略咸，所選用嘅肉亦都偏肥，可能因為食咗燒鵝同乳鴿，食到呢一道菜

八號風球下這間酒樓竟然照常開門，所以便與朋友去食個午飯hea 一hea！剛好四人所以叫了一個四人餐，連茶芥不用$500，十分豐富😍😍🎊燉湯菜乾湯用料十足又滋潤又消暑，有雞又有豬肉，而且十分鮮味，非常好飲🎉三款點心蝦餃雖然外表不像一般蝦餃、但皮薄餡靚，味道不會過鹹，餡料滿滿的炸両腸炸得香脆，腸粉皮薄，麻醬香牛肚牛肚大大碟，好惹味，彈牙😀燒味可以選樟茶鴨、燒鵝，叉燒或文昌雞、我們選了文昌雞，十分嫩滑，肥瘦適中，炒飯可以選海鮮烏冬、乾燒伊麵、乾炒牛柳粒河等，我們選了炒飯炒得幾有鑊氣時菜大大碟，灼得嫩，加上光瑤柱絲👍🏻

見食評唔錯 決定端午節去食飯做節。整體黎講都唔錯 蒸老虎斑都滑 西澳龍蝦啖啖肉 好新鮮 個薑蔥蠔就差少少 炸粉好厚 成個餸好鹹。 最敗筆係佢嗰碟強制性收錢nuts 已經係變左 一大陣油溢味 食左一粒就知中左伏 成個口都臭左 我懷疑佢唔知係咪回收再回收 放左出黎好耐嗰種。。

八個大人幫襯午市點心放題慶祝生日，食到一肚氣😡🥵第一：八個大人比張枱勁細，完全放唔到野，D野食到咗要放喺側邊放水個度，客人自助。第二：個經理見到我地點咗好多野，即刻話：加油加油，食唔哂要按重量收費。大哥，我八個人，點得多野食好正常啫，就算我哋平時去飲茶八個人點廿籠都唔過分啦。第三：已經話埋單比$， 經理走黎簽信用卡嗰陣時就話：你哋剩返10分鐘咋！ 咩意思？ 我咪簽名埋緊單囉！原本生日開開心心，比間酒樓搞到冇晒癮

這間酒樓的早茶時段，星期六、日及公眾假期需要在10:59前下單，並在11:59或以前離座。早茶有多種點心，選擇其中最抵食的是叉燒包和燒賣，每位可叫一款。我們五個人便見到了三籠燒賣共六粒和兩籠叉燒包共四個。叉燒包不會因價錢平而將貨就價，大大個而且多汁，叉燒也不太肥。燒賣味道也不錯，不會太多肥豬肉，而且蝦也爽口。這間酒樓的馬拉糕是原籠的，鬆軟得來有咬口，不會過甜，熱辣辣，家人也讚好味😀👍🏻今天叫了兩個小食$80兩款，其中一款是鮑汁鳳爪，鮑汁香濃，不會太稠。牛肉大大粒，有口感。總括來說，這間酒樓坐得舒服，食物也不錯，早茶算抵食👍🏻👍🏻

將軍澳站附近有多間中式酒樓，十分受歡迎，很多時候假日均需排隊。此間酒樓在疫情之後復業，位置距離將軍澳站幾分鐘，在，可能位置問題，較少人排隊。酒樓座位寬闊，枱與枱之間有距離，值得一讚。到酒樓用餐那天剛好是公眾假期，依然有特價早茶，需上午11時前入座，11時59分前離座，十分適合校遲起床的人。門口接待員不像其他酒樓比較親切有禮貌一坐下覺得茶壺十分精緻，有$37.8 的孖寶，亦有其他特價點心。那天四人同行，點了鹹魚肉片飯、鳯爪排骨飯、粟米魚肚粥、腸粉、雞扎等。我最喜歡鷄扎，用料足，大大件，美道不錯。鷄包皮薄有肉汁，而粉果皮薄餡料多。總括而言，這間酒樓食物不錯而且價錢大眾化，價性比高！

今日朋友相約，嚟天晉「御名園」一齊飲吓茶傾下偈，一入內見座位寬敞，感覺舒適…兼且於10:59前落單，還有特價呢！點心都頗多選擇，最後揀咗幾款～蟹籽鮮蝦燒賣、鮮蝦菜苗餃、薑汁雞包仔、四寶淮山滑雞扎、原籠古法馬拉糕、粟米魚肚雞粒粥、鳳爪排骨飯、鹹魚肉片飯、蔥花炸兩腸粉…😃而覺得比較係：“鮮蝦菜苗餃”～餃皮夠薄、🦐肉彈牙、菜苗清甜“四寶淮山滑雞扎”～雞肉滑嫩、仿蟹柳有口感、兼魚肚爽口，食材豐富“薑汁雞包仔”～皮薄餡靚、薑汁味香濃、雞肉滑嫩“鹹魚肉片飯”～鹹魚甘香，餸飯一流“蔥花炸兩腸粉”～腸粉皮晶瑩剔透，炸両脆卜卜大致上食材👌🏻、餐具亦頗美觀，但服務水準就嘛嘛哋喇！🤔

將軍澳新市鎮嘅發展而家已經超旺, 新興食肆林立, 想食什麼品種嘅菜色都有, 但係我都係鍾意飲茶😜🤣呢間酒樓仲有做點心放題, 不過我都喺鐘意單點食幾多叫幾多😜我哋叫咗👇下午茶超值孖寶(自選兩款點心$38.8), 共叫左兩個孖寶🤩🥢鮑魚燒賣皇👎鮑魚好Q細粒🤣, 亦唔算Q彈, 實實硬硬的, 燒賣正正常常一般貨色🥢酥脆芝士拔絲紅薯卷👍新鮮炸起金黃色熱辣辣, 外面酥脆, 裡面滑溜有流心及有少少拉絲, 亦食到有紫薯味, 唔算太甜🥢貓耳朵濃湯鮮竹卷都真係貓耳朵, 唔係大大粒嘅雲耳, 鮮竹都算嫩滑, 但係豆味唔濃, 內餡有豬肉, 紅蘿蔔, 西芹及雲耳, 味道正常🥢牛肉腸粉腸粉皮幾滑溜, 牛肉饀都算可以精品小食(自選兩款$78)🥢鎮江餚肉👍肉質唔太淋, 好咬口🥢椒鹽魷魚鬚👍新鮮炸起, 香脆好趙頭🥢燒鵝瀨粉$28.8燒鵝皮算脆, 不過燒鵝肉太過咸, 瀨粉質地正常🥢鮮蝦菜苗餃$23👍餃皮唔會太冧, 餡料足料 實泵泵, 鮮蝦爽彈, 味道ok酒樓細細地, 不過都坐得舒服, 小食有驚喜🤩, 點心中規中矩魚堅總評性價比 3.5👍(以5👍為滿分)

食物質素唔錯，服務很好，服務員好有禮貌。人不多，可以靜靜品茶。將軍澳內一個飲茶之選。我們点了蝦餃，蝦腸，芝士蝦春卷，黑金流沙飽，松露粉果，榴槤酥及鳳排骨煲仔飯（推介, 足火候）

好耐無同朋友相聚，今日我地約左去天晉匯飲茶，第一次黎呢到，環境寛敞，坐得幾舒服。好肚餓叫左好多嘢食，估唔到樣樣都唔錯。原籠古法馬拉糕鬆軟，回彈力高，好香，唔會太甜。香煎臘味蘿蔔糕煎得外脆內軟，啖啖蘿蔔絲，唔會好多粉。避風塘茄子呢個好得意，切到細細條，炸漿薄身，包住嫩滑多汁嘅茄子，加左避風塘汁好惹味。黑豚叉燒瀨粉叉燒肥瘦適中，燒得好香，肉味濃郁，瀨粉滑。百合貓耳炒勝瓜貓耳爽口，勝瓜多汁，健康菜。雪燕焦糖燉蛋蛋香味濃，燉蛋好滑，加上焦糖脆卜卜，好味。