御品·千之味 (大全街) (已結業)

同友人難得去大角咀，行到攰攰地就黎左呢間日本野醫下肚。一入去，裝潢都幾似甜品店。環境雖然唔大，但都幾舒服茶幾香濃，碗碗碟碟都係瓦造既。佢有兩款豉油，一款甜豉油係for食壽司，另一款係昆布豉油係for食刺身。三文魚刺身5件 $58三文魚刺身都幾肥美，舊舊都成1cm厚，不過就唔算非常鮮，合格啦軟殼蟹手卷 $28軟殼蟹手卷隻軟殼蟹都幾大隻，料都足，同埋唔會包到散哂！味道好！炸得夠脆夠熱！推薦呢個！天婦羅炸蝦3隻 $48天婦羅汁仲係熱嘅，熱到出煙炸粉都算正常合格，但蝦比較細隻，味道一般，不推薦。御品．千之味卷 $98有三款卷壽司，每款兩舊，有三文魚子、吞拿魚（？）、仲有海膽，件件都幾足料！可以一試火龍卷 $78賣相真係成條龍咁，入面其實係蝦黎，呢款無太多醬，味道比較清，都推薦呢款！串燒香蒜一口牛 $35一串五粒，比較乾冇乜肉汁。但係好味既。串燒燒牛舌芯 $32一串三舊，呢個正！肉嫩易咬，又唔會失去左煙銀嘅口感，超級非常推薦呢個！食完仲有雪米糍送，正！

一直留意fb ，大角咀分店終於開張。一於約埋十幾個朋友黎包間房食環境闊落舒服，有日本feel。一間朋友仲可以book房，超正～叫左火龍卷一客8件$78蚊 外軟內脆，入面有兩隻大蝦炸天婦羅組成。跟住有十件壽司拼盤，佢地有專食壽司用既甜豉油，好夾。飯既軟硬適中，吞拿魚仲唔係出面用既西瓜，而係用日本靚貨。呢個價錢黎講真係無得輸熟食仲些左蒜香三文魚炒飯同一口牛。炒飯好香唔會過咸，仲好足料，帶子係清晰見到，而一口牛大約6-7成熟。所以一d都唔un好岩我個人口味。絕對值得推介

朋友近來推介呢一間日本餐廳，反正近日我哋冇乜心水，咁我哋就決定走去試吓啦！原來呢一間千之味已經係第三間分店，咁相信食物質素應該唔差。由於呢一間餐廳係新開所以裝修都好新淨，亦都好有心思咁佈置得好日式。🇯🇵見到佢有一個石板燒系列，我哋就決定叫一個吉列澳洲和牛試！加$28仲可以有一個套餐原來會提供一個日式小火爐，因應我哋喜歡嘅生熟程度俾我哋自己去燒。店員仲好細心提我哋小心危險因為火爐都幾熱。廚師亦安排咗一舊牛脂肪喺面，防止燒焦，亦增可以增加肉香味🐮一上菜嘅牛肉係大約2分熟，側邊有吉列包圍，由自己控制生熟燒。牛味夠而且吉列都炸得好脆口，大家夾時記得要輕手啲，如果唔係吉列邊會甩出嚟。由於朋友就唔食牛肉，佢叫咗一個鹽燒鯖魚套餐，份量都好足。套餐包埋三文魚、帶子、甜蝦刺身。鯖魚一向比我嘅感覺係會有少少腥味，但食落完全唔腥，仲非常鮮甜🐟廚師仲燒到金黃色，外皮脆，內裏多汁另一位朋友就叫咗個壽司套餐，仲另外叫多咗中拖羅壽司，芝士鰻魚壽司同海膽壽司。刺身好新鮮，而且壽司餐仲配一個烏冬，一定唔怕食唔飽海膽超大塊，好鮮甜超滿足芝士係成片鋪面🧀中拖羅油花夠，少筋價錢方面相當合理，一個套餐又有湯，又有前菜，又有沙律

經過大角咀，發現有新開的餐廳原來這是分店，在深水埗已有一間，但小妹是第一次嘗試～見價錢親民，當然要去試試看！室內裝修很有日本氣息不過座位較少，日後可能來用膳的時候也要排隊每款套餐都包含沙律、是日小食、甜品及飲品/湯，價錢亦非常合理！如果是中午來吃，套餐價錢更便宜下次一定要來試試這款石板燒和牛這裏的味增湯不會很濃，亦有湯渣可咀嚼芥末是磨製的那種，所以混合醬油後仍然會有一粒一粒的鮮芥末味道帶辛男朋友點了雙色三文魚丼配是日卷物，沙律很好吃！三文魚的色澤也很新鮮是日小食更是小妹最喜歡的螺肉小妹自己點了壽司烏冬餐烏冬是採用稻庭烏冬，好吃！壽司也很新鮮及鮮甜新開張期間可讚好及分享Facebook專頁，獲得一款小食小妹選了燒玉子男朋友則選了一款手卷最後還有雪米慈好吃～推介～下次再來

之前已經食過深水埗分店，知道佢係大角咀開分店，超開心，因為好近我娘家所以約埋屋企人一齊黎食。裝修靚過深水埗店，座位非常舒服，又見到深水埗店好好笑容&好幽默既員工係度，唔知佢認唔認得我呢呢間分店有生蠔食呀，點左一打，No.1超大隻，好新鮮，我分別再叫左刺身拼盤、炙燒拼盤、蒜香三文魚帶子炒飯、三色花之卷、火龍卷、壽司拼盤（15件）、燒三文魚頭&魚腩、南瓜番薯天婦羅、明太子醬燒蠔、燒汁一口牛、蟹柳玉子燒全部都好好食，我屋企人第一次食千之味，每個都好滿意，一定會再返黎食，同埋我呢次食完佢仲送左vip卡比我，話下次黎食，正價食品有8折添，覺得賺左