德成號

营业中

休息中

試過恆指蛋卷、榮華蛋卷，都唔及德成號嘅家鄉雞蛋卷咁好味！幾日唔夠，已經比屋企人食剩得返三份一就知啦😂香脆鬆化，大約4至5層皮，其蛋味香氣四溢，其實恆香蛋卷已經唔差，但相比之下，德成口感和味道更上一層樓！價錢不平，但絕對值得，暫時試過係最好食嘅蛋卷！

嘩！可能係全世界最好食的蛋卷😍有錢都買唔到架🤑要晨早同黃牛黨排隊👬👬不愧為享負盛名的老字號呀！🙇🏻「德成號」家鄉雞蛋卷🍳全部都係用人手捲製架❗️朕忍唔住喇～等我打開個盒先！😛一陣陣濃郁蛋香味直撲臉前🌬清新雞蛋味久久不散～💫一啖放入口👄蛋卷係會秒速自己溶化架😳直情連咬都唔洗咬🙊口感保持高度鬆化！👏🏻濃烈蛋香在口中爆發💥點解？點解可以咁好味架？😂家鄉雞蛋卷堅係真材實料🙏🏼每條蛋卷都卷得好厚💯清晰見到一層捲一層的蛋皮💪🏻入口鬆化。層次分明。甜度剛好👍🏻蛋卷鬆化香口又毫不油膩☺️真。係食到停唔到口呀！🤘🏻

今天是初七，假期後第一日開舖，同平時一樣多人，大約09:20到達排隊，10:30左右就截龍，排到12:30終於買到，排了大約三小時，每人限買四罐，椰汁味好快就沽清了。

12-9-2016 (Mon)晚同家人食晚飯做節時,二嫂帶o黎呢間我想食好耐o既雞蛋卷,到14-9-2016(Wed)迎月夜,因有啲餓,於是開o黎食,一打開個蓋,已經即嗅到雞蛋卷香,果然厲害.睇睇佢每條都仍好完整,冇斷冇碎,長度又均一,有16厘米長,同埋睇吓佢都卷得好厚.食落,口感鬆化,蛋味o岩o岩好,唔會好甜,而且,完全唔覺得漏,我重可以一口氣食幾條,停唔到口.奇華o既比唔上佢,因為佢o既口感較實.感激二嫂走去排隊買俾我o地.

肥柑子的媽媽突然通知柑子，她買了德成號的蛋卷給柑子，柑子的反應是呆了，因為德成號是以前柑子小孩子時期常常吃到的美食，但隨著太多太多的推介，現在要擁有一罐，已經是非常困難，至少柑子實在沒辦法再在清晨起床，和那些炒賣蛋卷的黃牛黨鬥法排隊。收過柑媽的禮物，柑子當然不會客氣，立即打開罐子，一陣陣蛋香味直撲面門，清新的雞蛋久久不散，伸手拿起蛋卷時，手工精細的蛋卷卻不易碎掉，咬開它後，可以清晰看到一層又一層的蛋皮捲成的蛋卷，以巧手製作的出品，被譽為第一實在不為過份。入口鬆化，層次分明，甜度剛好沒有加入太多的糖，亦沒有混入大量的豬油而令它過份油膩，麵粉、雞蛋等材料，做出來的是越吃越想吃的感覺。

「德成號」最初經營雜貨，後因出品牛油蛋卷而廣為人所識，是香港享負盛名的老字號，其蛋卷更被遊客列為「非買不可，非試不可」的伴手禮。除了大時大節可預早致電落單外，其餘日子，想吃蛋卷的話，就要一大清早親自到店門排隊，每日限量出售，售完即止。唉，我等之輩，豈能與六時就出動的阿婆和賓賓鬥？小妹，曾八時去到，最終空手而歸。牛油蛋卷，真可說是一罐難求啊！是日，到表姐家作客，桌上放有一罐住北角的婆婆千辛萬苦買給表侄的「德成號」蛋卷，小妹，當然不客氣了。。。。。。「德成號」的蛋卷以手工捲製，一層捲一層，口感卻依然能保持高度的鬆化，拿在手裏又不易碎掉。咬一口，蛋卷鬆化香口且毫不油膩或甜溜，越吃越香，滿嘴的雞蛋香氣。

德成號既蛋卷好出名, 聽講要一早去拎籌再排幾個中先買到, 而且每人限買2磅, 實在利害, Vi無咁有恆心去排, 但好開心有朋友專登去排左4個中, 買到請Vi食 蛋卷係傳統既鐵罐包裝, 打開已經聞到蛋卷既香味, 呢款係牛油味蛋卷, 咬落好鬆化, 有蛋香, 味道係唔錯, 但無驚為天人既感覺, 唔洗排隊既值得再食, 但要排幾個中頭就有點名大過實了~

香蛋卷本人很喜歡蛋卷，知道德誠號很出名蛋卷。星期六排隊排兩小時，大部分排隊的都是老人家。最後買了兩盒原味～我急不及代地打開，吃了一條蛋卷，一咬蛋卷⋯噢，淋的，有點失望。蛋卷只有蛋味，而未能做到脆口，令我大為失望。眼見許多遊客都會買這蛋卷作為手信，心感不值，仲要排隊，浪費遊玩的時間。當我們吃第二盒的時候雖然蛋卷比第一盒脆，但已經補救不了我本來期盼的心。

端午節，清晨5時去排德成號買蛋卷送給父親，排第二個，之後等到9時半派籌取蛋卷，買了兩罐原味，一罐牛油和一罐椰絲，食了原味蛋卷，好有蛋香味，而且食落去不太油、入口鬆脆，好味

話說有日好有詩意又好鬼浪漫咁走上去山頂睇日出雲海! 睇完一大輪(當然唔係幾睇到)又未夠鐘返工就去做一個平時不可能的任務。落北角排德成號蛋卷。為左食蛋卷你可以去到幾盡？落單訂等半年？晨早流流係街企係到排兩個鐘？星期五既早上七點過到去條龍已經長到去五六個鋪位。一路等等等等等要等到9:30開門。龍尾已經去到街尾咁滯。我估有成百人為左d蛋卷係到排隊。果然少啲毅力都唔得.。雖然話其實唔洗咁早黎。九點前到都買到。不過排得後就好有可能有d味會賣晒。每人限買最多4罐細$70@/2罐大$133@ (原味) 唔同味唔同價錢 仲有牛油S:$73@ L:$139@同椰汁S:$76@ L:$144@蛋卷確實係好鬆脆！食落同聞落去都好有蛋味！德成號係標榜每日新鮮製造 同埋用天然食材 果然名不虛傳！不枉晨早流流走去排兩個鐘。不過懶人如我下次去排隊買蛋卷可能已經係退休嘅事。

我知道德成號蛋卷已很多年可是一直也没有機會嚐嚐上星期媽媽特意排了2小時隊，也是為了一罐蛋卷因為我們家以前只有爸爸吃過德成號蛋卷所以媽媽今次只買了一罐一磅原味試試合不合口味一開蓋的時侯就能嗅到很香濃的雞蛋味~一拿上手時便知道十分鬆脆不像某些蛋卷像餅乾的質感一咬下去，鬆脆而化，雞蛋的味道齒頰留香，蛋卷有幾層，有層次，不會太厚或太薄這個蛋卷絶對是我吃過中最好吃的！下次一定會再牛油味和椰汁味嚐嚐！雖然很多人排隊，但花2小時換來有質素的蛋卷是值得的！ ]

我第二次食, 依然好味. 係一位住在上環順德媽姐~婆婆送給我吃. 她說7:00上午到, 等9:30開門. 排隊人龍甚至排到街角，一般到約10時就全部沽清. 超多謝婆婆, 我先至有得食.我喜歡食椰子味, 好香好鬆化, 牛油都好, 但椰子味比較惹味一點, 可能我鍾意飲椰汁. 蛋卷使用牛油及植物油製作，全部人手捲製, 所以超多人欣賞而家仲要....門市每星期僅周五及周六兩天才有蛋卷發售，每日零售約數百罐，每人每次限購4磅tim.

我與德成號的緣...始於今年2月時，同事們的一個關心，在此，感謝她們的細心，讓我能與德成號的蛋卷結緣 話說同事莎莎在2月初時，問我有否興趣一起訂購德成號的雞蛋卷，那個時候，我對德成號的認識很淺，只是曾經在中學同學的面書裡，得知她公司老闆要求同事們放下所有工作，在2天內要訂到300罐德成號的雞蛋卷，同學在面書上哀求協助，會否有親朋好友認識店方，可以幫忙預訂或購買，因為訂購的電話實在不好打，幾個同事不停的打了一整天，才能訂到100罐 ，就在那時開始，德成號這個名字，開始記錄在腦海裡了。所以當同事問我有否興趣一起訂購德成號的雞蛋卷時，我就立即說要2罐牛油味(當時的我，根本不清楚到底有多少款味道選擇，她們說牛油味好吃，我就下單了 )，也記不起過了幾多天，莎莎跟我說，蛋卷已經訂好了，待7月中有貨時，會再相約一起去取貨！我聽到7月....不是吧....要等幾個月...也沒所謂，反正等就是一起等吧...7月初...莎莎說我們的蛋卷有貨了，要在7月26日前去領取，幾個同事約好了下班後去取貨，順道吃個晚飯。當晚回家後還沒有馬上把蛋卷打開來吃，第2天還趕緊把其中一罐送到媽媽的家。第2天放假，醒來後肚

想食德成號蛋卷？方法一，每日朝日七點幾去排隊，排番兩個鐘可以買到四磅蛋卷。方法二，每年有兩次可以電話訂蛋卷，分別係三月同九月，每次打通電就最多可以訂二十磅，但電話就超級難打得通。今年3月3日就第一次試用電話訂蛋卷，由早上十一點開始打，打到下午六點終於打通左，電話訂可以選擇親自去羅或送貨，如果要送貨，每二十磅就要收$25送貨費，落完單，德成號就話大約要七月中先送貨，嘩！要等成四個月？無辦法啦，名牌蛋卷係要等下！果然七月中真係有蛋卷食，送貨前兩日德成號打黎confirm時間，今次就訂左盒最貴既鮮椰汁蛋卷($71，一磅)，一盒粗略估計大約有25 條7吋長既蛋卷，鮮黄色既蛋卷表面帶點燶燶地色，聞一聞有蛋既香味，但食落口就靜係食到蛋味，完全食唔到椰汁味，蛋卷唔算脆仲有d淋淋地！可能對德成號既蛋卷期望太高！真係有d失望！

近期係北角附近返工, 先開始聽聞德成號大名, 本身同屋企人都鍾意食蛋卷,2月尾行過佢地舖時好奇入去問下可唔可以訂? 佢話你3月3黎訂啦, 我仲補多個電話打去問下係咪3月3可以打黎訂, 佢話可以, 你10點後打黎啦,不過個電話都好難打架喇, 我問咁可以黎舖頭訂? 佢話可以...到3月3, 我真係諗住打電話試下, 唔得先走去舖頭訂, 我打左兩個幾鐘係一D都唔通,佢得兩條線...感覺仲難打過訂演唱會飛,我都係親身走去攪啦, 去到...見到條龍...嘩...唔係掛? 買蛋卷咋喎...我就試下排啦, 因為lunch time其實都好趕時間...飯都未食...排排到一半已經大半個鐘...我諗仲排唔排好呢?但排左一半又唔排埋好唔底,所以keep住排左個幾鐘終於到我...一路排時,前後既人都係度傾計, 大家都分享自己之前一早黎排或者預訂排隊既經歷, 聽話一年好似會預訂4次左右,今次訂3月3, 下次就應該端午後訂中秋拎, 到中秋訂時就新年拎咁...我同後面果個講我未食過架, 佢話...食左返唔到轉頭, 呢句說話...之前都有聽朋友講,話好食, 食左返唔到轉頭,食唔到其他牌子...入到舖頭都好有秩序, 大