德昌魚蛋粉

营业中

休息中

九龍城嘅德昌魚蛋一早經已街知巷聞， 每次經過都好想入去試一試， 又係下午茶嘅時間，終於下定決心走咗入去一轉！牛腩魚蛋粗麵 $40粗麵當然都冇乜嘢可以講喇，但係呢個粗麵呢比較彈牙，有口感！湯底喺深咖啡色，可見餚際時間較長，味道濃郁，當然都比較鹹。牛腩同牛筋 設得細嚿，兩者都比較硬身！可能因為雙拼，所以畀咗三粒魚蛋，當然四粒就比較好啲啦！自家製魚蛋都係爽口彈牙， 應該可以用嚟打乒乓！可能好耐冇食過魚蛋粉麵同時代脫節咗，又或者可能係加上知名度，個人覺得 40蚊一碗雙拼真係貴咗少少！

Tucked away in the middle of foodie heaven Kowloon City, locals have been flocking to this local noodle shop for years for their delicious bouncy fish balls and fish cakes that have a firm texture with a genuine fish taste, unlike the poor quality ones made with too much additives and flour that sadly is the mainstream offering in Hong Kong today. The quality of the noodles is average but the fish balls and fish cakes make it worth the trip, so much that people start queuing up as early as 10:3

好耐無嚟食魚片頭河，夜晚十點半專登揸車嚟買，俾完錢淥面果位先生先話賣晒，咁就算啦話唔要啦，點知果位人兄有骨咁話多謝晒，真係好喇做少啲野多謝晒喎！其實咁唔想做不如唔好做啦😒

一碗高質素的魚蛋河，讓人垂涎三尺。魚蛋要符合四大要求，爽、彈、滑、鮮。河粉要細滑,容易入口。但不能太軟，過軟會散,難夾又缺口感。湯亦是主角之一，湯要香，用料要天然，頂多放鹽，大地魚粉等調味。湯不宜過濃。我走訪了全港的潮州麵店，試吃了兩間的魚蛋河。以下內容，本人會就以上標準評價一下。德昌魚蛋粉位於九龍城的福佬村道。格調亦影響食客的心情，德昌魚蛋粉店舖像港式茶餐廳多於粉麵店，欠缺麵店的感覺。這間店用的魚片是圓形的，亦相對厚身。本人比較喜愛方形魚片的口感。而魚蛋方面，第一下咬下來，覺得像一層膠包着魚蛋的核心，口感奇奇怪怪的。但魚蛋裡面的味道亦不錯。河粉太軟,一夾便斷了，變得整碗河粉散散的。魚湯則中規中矩，相比翠華餐廳的好喝。值得欣賞的是，餐廳堅持用冬菜作配料，但缺乾蒜茸。

朝聖。星期六中午排左20分鐘。紫菜墨丸魚皮餃米粉*湯底夠清 唔會太咸 食完唔口渴。紫菜爽脆。墨魚丸彈牙而且有粒粒墨魚。魚皮餃肉汁juicy 皮薄 唔錯。雖然人多 但質素幾好。打邊爐要黎買丸先得。

星期日1點有十幾人排隊，由於我只有一位，幸運地不到5分鐘可以入座了。叫左魚蛋米，菜心全走，凍檸茶走甜，白魚蛋還可以，但係魚片好喊呀，魚蛋水準比起以前真係差好多 埋單$72

去九龍城，發現有間魚蛋粉鬼咁多人排隊，心生好奇，於是就排埋一份。排左差唔多十五分鐘之後，終於有得入去食。見佢馳名嘅係魚蛋，就叫左個四寶河，四寶: 魚蛋，墨丸，魚皮餃，同豬肉丸。仲加多個鮮牛油多士。直接上評: - 四寶河- 魚蛋，好一般，唔夠味。大失所望- 墨丸，好味，超爽之餘夠魚味，係四寶入面最好食嘅。- 魚皮餃同豬肉丸- 普通。評價: 下次黎(如果有下次)都係直接喊墨丸河好過。是了，依間的河粉不錯。鮮牛油多士 - 好正，多士烘得脆而鬆軟，中間夾塊徐徐融化的牛油，再自己加啲砂糖係中間，真係超絕嘅人間享受。雖然有dd heavy 都唔緊要。

前幾天專程到九龍城買月餅，順道去九龍城德x魚蛋粉品嚐一下幾年前食令人回味的魚蛋和片頭，坐在近門前，店內裝潢依舊，生意仍然不錯，客人來來往往，我點了一碗最愛的淨片頭和一碗淨雲吞，再加一碟炸魚皮，先品嚐一下片頭，湯底尚可，但片頭魚味和口感一般只有一個字形容 咸，再品嚐淨雲吞令人再度失望，再試價值25元一碟的炸魚皮，完整的只有幾片，碟裡多數是炸魚皮碎，炸魚皮硬淨程度我只能説老人家不要拿自己牙齒開玩笑，不能試，吃過失望的潮州魚蛋餐，之前答應了朋友幫他買了半斤潮州白魚蛋外賣，我自己也忍不住再冒險一試買了一斤，希望這些白魚蛋能令我重拾對這店的信心...

好耐無食過德昌咁就買個外賣食啦德昌一向我都唔擔心失望因為佢地既湯底一向又濃又好味今次我叫左沙爹牛肉煎蛋公仔麵煎左隻蛋落去湯到麵唔會太油而公仔而硬度適中但食食下，好似食到粒石屎即刻心裡有點減分

以為德昌只有魚蛋粉食原來仲有茶餐廳既麵食叫左個沙嗲牛肉煎蛋公仔麵湯底味道唔會太喊沙嗲牛肉又好食！好'林'以後去德昌食野 唔一定要食魚旦粉食下呢d麵都係唔錯既選擇。

很久沒有來九龍城了, 這天在KCP玩樂過後, 也是吃午餐的時候. 文迪心思思想吃魚蛋河, 好, 就來這人龍店排一排吧. 雖然人龍很長, 但客人都是快上快落, 不用等十分鐘已經能夠入座了.除了雲吞麵之外, 魚蛋河也是大家從小就吃到的童年回憶, 飲食文化. 說到香港經典的魚蛋河, 德昌的出品, 怎也有一席位吧. 或許水準已經比不上當年, 但, 吃了那麼多年, 有感情分搭救.馳名魚蛋河 $33: 8分, 當然不用多想, 跟文迪一人一碗魚蛋河, 份量是不少的, 當作午餐吃, 也足夠. 魚蛋依舊彈牙, 河粉亦很爽口, 另外還有片頭, 要吃就要落單時說清楚, 否則店方或會奉上一碗全魚蛋的河粉. 套用文迪的一句, 吃魚蛋河, 又怎能不吃片頭. 只是湯頭來得比較重口味, 吃完碗魚蛋河, 很口渴.還是來支可樂, 這才是正頭正路.其實今時今日, 要找家有水準的魚蛋河, 不容易. 德昌魚蛋粉, 魚蛋彈牙, 河粉爽口, 收貨有餘了. 又說真的, 這裡的人龍, 可不是趁熱鬧, 趕人氣, 這麼多年, 依然大排長龍, 是真的貨真價實的人龍店.

德昌食左十幾年，但諗諗下原來冇寫過佢的食評以前未係好出名，要去食易如反掌。而家，繁忙時間想食的話，預10分鐘左右排隊啦。呢度最出名當然係魚蛋同魚片，排隊時唔難見到一條條魚片好壯觀咁排列，色澤金黃，確係幾吸引，好多人都專程黎買返屋企。奉勸大家，黎得就唔好心多多叫其他嘢喇，因為質素一般，普通茶餐廳或粉麵店都食到，無需花時間排呢間。魚蛋粉（$33）係必點的，價錢冇錯係幾貴（我以前食$20左右而已，加價密度超驚人），不過都幾大碗，當晚餐食都得。老實講，魚蛋唔算好高班，細細粒都幾彈牙，但就缺少香氣，反而魚片真係唔錯，邊位好香口，質感又爽。不過最出色都唔係麵碼，而係河粉，德昌的河粉暫時仲係我心目中的No 1，條條幼身軟滑，係可以直滑入喉嚨果種，所以，叫咩都好，配河粉一定加分不少。加入大量冬菜亦起畫龍點睛作用，令河粉味道更香。仲有，德昌係少有提供魚露的粉麵店，香氣同普通豉油係冇得比的，記得要落少少。值得去指數：

午餐時間行過九龍城 諗緊食咩好 泰國野就周街都有 不竟小泰國之名唔係浪得虛名但今日唔想食泰菜 想清清地忽然諗起友人話過呢到有間出名既魚蛋粉德昌魚蛋粉 我自從食過潮州魚蛋之後 都無再食其他流港式魚蛋 因為口感同味道真係令我拜倒要左碗馳名魚蛋河粉份量方面佢中規中距 以一個正常男士 佢可以填到肚 但唔會好飽 有餘肚食甜品賣相方面 乾淨清澈 四粒潮州魚蛋 三塊魚蛋片魚蛋片 佢做得札實有咬感 唔會太簿 魚肉味夠潮州魚蛋 一口size一粒 適中 ，好彈牙又爽口（索索聲！！），外皮滑潤 感受到佢係打得好有筋性 而且魚肉味濃 十分足料 河粉底 最估唔到係佢個河粉 每一條都好簿 口感好好 而且好滑但又唔會散開 湯底方面 清湯底 無味精 簡簡單單一餐都可以好滿足 員工個個都笑面迎人 幾有地道親切感

星期日lunch去久違了嘅九龍城德昌食魚蛋粉，條龍竟然排到去街口。。。超誇張！(仲要已經係人流極快架啦。。。) 成年無嚟食過，可惜嘅係某d食物水準有d keep 到，有d 卻keep 唔到。魚蛋依舊彈牙好食，味道不變，必點之選！魚片薄咗，亦無以前咁好食。墨丸彈牙爽口可惜無墨魚香。炸魚片暫時仲係我心目中嘅no. 1, 香脆，鹹香，夠大塊，停唔到口！！雖然水準已經無以前咁好食，但一年食一次，留住回憶嘅味道都算係咁~

德昌滿載中學回憶...唔知係咪以前無咁多選擇會覺得啲食物係好味啲嫁呢？還記當天，呢度既河粉係最好食的，原因係超薄身加上秘製既湯，lunch成日同同學食魚餃河加枝汽水之後就去九龍城廣場， 'yes'店行街街。。。過左咁多年都無返過去，今次經過，一於去回味下，點知呢家要排隊，排左半個鐘。今次選左紫菜魚蛋河， 有魚片同魚蛋兩種，魚蛋很彈牙，沒有太大腥味同胡椒粉味同唔會太實.湯都幾清，食完唔覺有味精般。奶茶唔澀，茶色水夠，茶味唔會過濃。成長了，食既口味都會唔同，感覺和味道當然無從前好....所以。。。回憶總是美好的！