德美壽司

营业中

休息中

厚福街尾H8啲舖頭成日都轉手, 唯獨德美咁多年都屹立不倒. 今晚想me time一下, 決定一個人的浪漫. 《海膽軍艦$72》 是必須的. 見到有留言話係屎味, 我倒真想試下屎係咩味. 是晚海膽是馬糞海膽, 那當然有馬糞味呀, 仲好濃郁嘅馬糞味添！！😋😋 《芝士鰻魚卷$69》鰻魚有焦香, 同大大粒嘅cream cheese, 夾到揼一聲. 食完呢四舊巨型卷物都已經飽咗🤰 《海膽花の戀$63》《洋風三文魚$36》 火炙三文魚冇得輸, 海膽加三文魚直頭宇宙無敵！ 最後店員送上是晚甜品三色糕： 綠茶椰汁紅豆topped with mango puree. 我見隔離枱食完埋單都冇, 佢話淨係送畀我. 哎呀～ 一定係我人見人愛冇誤(๑•́ ₃ •̀๑) 😇🥰

❗️德美壽司 (尖沙咀)❗️餐廳座位坐得舒服，用QR code 落單。食物款式都好多選擇，我就叫咗刺身、丼飯、天婦羅同串燒。食完餐廳有奶凍作為甜品，口感軟綿嫩滑，好重奶香味。整體嚟講： 刺身新鮮，串燒同天婦羅好香口，性價比高，絕對值得回頭再食。♦️北海道魚生丼$142有蟹籽，甜蝦，油甘魚，三文魚都好新鮮。♦️魚子蔥拖羅茸飯 $146魚子粒粒爽脆，吞拿魚蓉份量好多，成價比高。♦️三文魚腩刺身（六片）$92新鮮，肥美肉厚，魚油豐富，值得一食。♦️帆立貝刺身 $79清甜爽滑，肉質鮮嫩♦️大蝦天婦羅 $88有4大蝦，蝦肉鮮嫩美味，炸漿香而唔會好油膩。串燒燒得好香口，有基本調味。♦️燒牛舌$45牛舌牛味濃郁，口感爽口。♦️黑豚串$52黑豚串油香好充足，肉味濃。♦️燒雞軟骨 $21雞軟骨燒得好香又有咬口。🏠：尖沙咀厚福街8號H8 5樓

一直聽朋友講過話德美壽司好正，今日終於有機會去尖沙咀分店試下。原來佢地有好多間分店，每一間都以日式木門同窗棱嘅設計，仲有各式各樣嘅日式料理，包括壽司、刺身同燒物等等選擇。我同朋友分別叫左幾款壽司同鍋物，人均都只係$130左右，十分抵食！火炙帆立貝 🍣🔥：帆立貝鮮嫩多汁，火炙過嘅外皮帶微焦香，一入口即化！蟹子軍艦 🦀🚢：蟹子十分爽口，配上脆口紫菜，好滋味！三文魚壽司 🍣🐟：三文魚鮮嫩又新鮮，大廚嘅刀功幾好，切成薄片，一咬就融入口中。加州卷 🍣🥑：呢個經典卷物，大大件，配合切左絲既青瓜，牛油果，蛋絲同埋蟹柳，口感豐富又平衡，每一口都好好味！野菜牛肉鍋 🍲🥩：滑嫩嘅牛肉同新鮮野菜一齊煮，牛肉保持柔軟口感，湯汁鮮甜好味，仲有豆腐香菇等配料，份量好足！😍整體評分味道：🌟🌟🌟🌟🌟環境：🌟🌟🌟🌟🌟

今次係第三次黎德美壽司，前兩次正正常常，但今次食到一肚氣！我和朋友分別點了壽司餐和什錦海鮮丼。朋友的壽司餐先到，點知我哋見到平時靚靚仔仔印住「德美」嘅蛋，竟然係蛋磚切剩嘅尾尾，仲要被格硬一分為二，細到連字都印唔到！嗰時已經覺得企喺店面整嘢食嘅廚師，連整一份新嘅蛋都懶，格硬將唔應該攞黎奉客嘅嘢擺上碟，當個客死嘅！之後什錦海鮮丼上埋，menu相有嘅連頭蝦刺身變咗熟蝦。☹️ok其實蛋同蝦都只係小事，個海膽先係戲肉。我分咗啲海膽俾朋友，點知佢試完竟然即刻要飲茶洗口！我小心翼翼試咗少少，原來個海膽嘅屎味真係災難級，試少少都已經成口屎味！我好好奇呢啲巨量屎味海膽，究竟係邊度黎，韓國？智利？定深圳大小梅沙？實在食唔落啲海膽，唯有放棄（見圖）😞己所不欲，勿施於人，更莫講話奉客。我唔信店主食得落啲海膽。今次真係中大伏。

今日係尖沙咀行開街就去左呢間成日食嘅德美壽司，地點方便，一岀地鐵站行5分鐘左右就到。6.30左右上到去唔洗排隊，落完單5分鐘就開始上菜一開頭就食個三文魚刺身先，質素一如既往，勁厚新鮮。之後再食炸蝦天婦羅，有4舊，啲粉勁薄&蝦都大隻，味道唔錯。壽司個人覺得唔錯嘅係鰻魚壽司同帆立貝壽司，其他仲叫左魷魚海膽、蟹膏壽司呢啲就麻麻地。主食叫左一個鍋燒烏冬同牛肉鍋，夠多配料，牛肉份量都唔少仲有啲粉絲係底，個湯底都唔會太鹹。

同事話今晚請食飯，咁我緊係即刻搵日本野啦，呢間餐廳之前聽朋友介紹過話選擇好多又高質又近公司就毫不猶豫揀呢到，我哋叫左個野菜牛肉鍋，超級喜歡個壽喜燒牛肉湯底，味道非常濃郁，甜度啱啱好，材料包括大葱、洋蔥、冬菇、白菜、金針菇、麵條、溫泉蛋，當然唔少得主角厚切牛肉片，成個湯底明顯係靠食材既清甜熬製而成，所以好好飲，食完都唔會好口渴，牛肉片份量好多，吸咗個湯更加juicy，冬菇彈牙，麵條煙韌有咬口，北海道魚生丼好大碗，有三文魚、油甘魚、甜蝦，想講佢個Wasabi都幾好食，我平時都好少沾Wasabi，但今次原來加埋都幾好食，蝦膏鮮甜滑嫩，油甘魚同三文魚厚切新鮮，仲有叫左個洋風鰻魚班戟，一嚟係比呢個配搭好新奇吸引到，二來係我同同事都鍾意食鰻魚，冇諗過原來呢個配搭都幾好，牛油果、芒果、鰻魚，加埋pancake同沙律醬，甜甜酸酸幾開胃，最後甜品芒果三色糕，芒果汁同椰汁紅豆糕，清清地做個結尾，埋單都係$315 only❤️

🇭🇰✨尖沙咀厚福街老字號日式料理要去尖東上堂，隨便喺附近食晚飯～之前同朋友食過呢間老字號日式料理，覺得食物質素OK，今次自己一個嚟就試下晚市定食～獨食嘅話推薦嗌壽司定食，可以品嚐到6款壽司及招牌德美甜蛋，適合選擇困難症嘅朋友，仲配麵豉湯、迷你沙律及牛肉烏冬，一定夠飽～餐廳仲會贈送一客甜品，今晚係椰味紅豆抹茶三色糕，為晚餐劃上完美句點～① 秋冬之選：壽司定食配牛肉烏冬 $172🔹套餐包咗6件壽司，包括帆立貝、三文魚、吞拿魚、油甘魚、熟蝦、三文魚籽，仲有2件德美甜蛋；三文魚子大粒好有鮮味，魚生亦相當厚身。套餐配上麵豉湯、迷你沙律及牛肉烏冬。② 腐皮壽司 $29③ 七味燒雞腎 $26📍德美壽司 尖沙咀厚福街8號H8 5樓

《德美壽司》▪️▪️▪️▪️▪️▪️▪️▪️▪️▪️▪️🔸 秋冬之選:洋風燒三文魚丼（$102）非常出色既丼飯👍厚切三文魚炙燒過後油香十足，十分下飯😍😍而且本身魚生亦頗為肥美🥰🥰啱曬鍾意食炙燒類丼飯既大家！🔸 洋風鰻魚班戟 （$84）幾有特色既一道菜🫣用班戟代替左紫菜同壽司飯，mix出嚟既味咸咸甜甜好得意，唔知算唔算甜品😂🔸 野菜牛肉鍋 ($80) 野菜牛肉鍋的水準好唔錯！🥳🥳 牛肉份量足之餘，湯都好香甜🤭 不過就要注意主食要另外落單~▪️▪️▪️▪️▪️▪️▪️▪️▪️▪️▪️設加一收費▪️▪️▪️▪️▪️▪️▪️▪️▪️▪️▪️今次幫襯📍尖沙咀厚福街8號H8 5樓#波比出沒尖沙咀 #Tsimshatsui #Tsimshatsuifood #尖沙咀美食 #hkfoodie #hkblogger #foodie #hkfoodblogger #hkinfluencer #hkkol #hkfood #hkfoodlover #hkfoodstagram #hkigfood #igfood #food #hkeat #hkrestaurants #食好西 #香港美食 #餐廳推介 #香港好去處

餐廳：德美壽司地點：尖沙咀厚福街菜式：日本菜餐牌：刺身、壽司、卷物、小卷，手卷、丼物，燒物、一品料理、鍋物、串燒、揚物、天婦羅、盛合、飯麵、碗物、丼物、沙律前菜、漬物珍味、飲品、甜品。落單用QR code。牛油果軟殼蟹卷 $88 另加一牛油果軟殼蟹卷一客4件，係飯卷包住紫菜，入面有炸軟殼蟹同青瓜絲，面頭鋪上牛油果，再加上蟹籽同沙律醬。兩件身一件尾，好大件，仲有軟殼蟹腳伴卷物。軟殼蟹好脆口，卷物食落味道清爽，唔會太油膩。伴有酸薑片同日式芥末。燒牛舌 $45 另加一燒牛舌一串5件，口感彈牙爽口，味道鹹香十足，伴有一塊檸檬。雞心串燒 $28 另加一雞心串燒一串5件，口感爽口彈牙，味道剛好。伴有少量沙律菜。洋風鰻魚班戟 $62 另加一呢道菜式係和洋fusion既一品料理。洋風鰻魚班戟一客四件。軟綿綿幾層皮包住鰻魚，牛油果，芒果肉同南瓜，再加上蟹籽同沙律醬，食落係多重口感味道，又甜又鹹，軟綿綿中帶滑溜脆口口感，好正。伴有龍珠果半粒。yummy食完仲有甜品送，係三色糕加芒果醬，又滑又彈牙，椰汁同紅豆味濃，感覺輕盈不膩。總括而言，今餐試左卷物，一品料理同串燒，食物質素都幾好，價錢唔貴，上菜快速。

好耐冇約fd子去尖沙咀行吓，行到攰fd子帶路嚟咗呢間日本餐廳食個飯先。雖然店名有壽司兩個字，但其實除咗壽司之外，仲有好多唔同種類嘅日式食物。店內人手十分充足，落咗單食物好快就送到。油甘魚刺身 - 一份有五片，每件都厚切，好肥美，咬落柔軟無筋好鮮甜。北寄貝壽司 - 壽司飯握得結實唔會一夾就散，北寄貝爽口彈牙有嚼口。稻亭烏冬 - 可以揀熱食或凍食。配料都有四款，有蔥、薑蓉芥末同埋烤天婦羅粒粒。烏冬汁甜中帶少少酸幾開胃。冰涼嘅烏冬點埋個汁，夏天食一流享受。巨峰乳酸梳打 - 味道酸酸甜甜好夠氣，好清涼解渴。

行街行到熱，行到厚福街就去H8搵有咩食。突然好想飲杯冰凍生啤，就去咗德美食日本菜。以前喺紅磡返工間唔時會去紅磡新村嗰間食lunch，今次第一次嚟尖沙咀店。一坐低就點咗杯冰凍生啤，好啱夏天熱辣辣飲，爽！之後再點咗一個野菜牛肉鍋同汁燒鮮魷筒。最鍾意食野菜牛肉鍋個壽壽喜燒湯底，甜甜地好開胃。個鍋都幾足料，有半生熟蛋、唔少牛肉片、仲有豆腐、紅蘿蔔、紹菜、冬菇同粉絲。個汁燒魷魚筒好高質，賣相又好。魷魚質地軟軟的，似棉花糖，個汁啱啱好，唔會太鹹，好啱送啤酒。

可算是有一定歷史的壽司店, 一直都想去嘗試, 奈何大部份朋友都已經試過, 而又未有太大回響, 這晚終於都試到了 😊 總有些餐廳吃不到就是不到黃河心不死。德美海膽魚生飯 $178聽得太多評價所以不抱太大期望, 反而有驚喜 😁 魚生比預想新鮮, 尤其是三文魚籽, 平時未有什麼好感, 卻首次吃到這樣鮮甜的三文魚籽 🤩 另外有新發現, 原來池魚都是很美味的, 海膽, 三文魚跟帆立貝就不用說, 全部都鮮甜美味, 三文魚非常厚身, 如果海膽再多一點就更加滿足 😌什錦天婦羅 $82天婦羅分別有兩隻蝦, 茄子, 南瓜, 魚, 大菇和蕃薯。上碟時熱騰騰, 蝦肉跟魚生飯的口感差不多, 非常厚實, 茄子和南瓜都不會炸到太乾身 👍🏻 大菇可以水潤點就更好, 天婦羅雖然經油炸, 也不會很油膩。離開前侍應會送上奶凍, 免費的, 甜品奶味非常濃郁, 口感則比較像布甸。

香港禁日本水產之前去咗食💕 都幾多人同我一樣🤣Menu真係好豐富 有串燒鍋物天婦羅 壽司刺身⁽⁽٩(๑˃̶͈̀ ᗨ ˂̶͈́)۶⁾⁾可惜胃口有限 碟碟都好大份 下次多啲人再食🫢 ❣️ 魚子蔥拖羅茸飯 $146晚市食到個咁嘅丼飯好平‼️ 黐線俾咗成座山咁多拖羅茸😍 同飯幾乎一比一😽三文魚子好正 唔係平時食醬油漬偏鹹 而係甜甜地清爽啲✨🐟上面仲有粒鵪鶉蛋 撈埋更滑🍳 芝麻蔥花都有加分💕仲要配味噌湯同沙律菜 很ok💯❣️牛肉炒烏冬 $83唔想食生嘢嘅朋友嗌咗個炒烏冬🫢 幾高質喎～烏冬係煙靭彈牙嘅稻庭烏冬( ´•ω•` ) 牛肉好多 唔會太肥🐄 洋蔥菇蘿蔔炒香🥕🧅 醬汁甜甜哋好似壽喜燒咁 oishi🔥

午市不設訂座，要食就要早點來取位。餐牌選擇豐富，最鍾意食佢既便當，有壽司又有炸物，食到飽飽，好滿足。味道幾好，魚生新鮮，厚切既，啖啖肉感覺好爽。朋友叫的烤蠔都好香脆。

這間是尖沙咀我會推介的餐廳，第一次應該是在3年前吃，之後在尖沙咀不知道吃什麼都會想起這家🤣CP值高，刺身新鮮，食物款式花多眼亂，比一般日式餐廳多選擇，超適合我這種圖新鮮，好奇心超強的人😎，就喜歡每次都嘗試不同的料理～價錢的range算大的，想吃豪華到實惠的都有😛▫️海膽壽司、三文魚子壽司，蔥拖羅茸壽司 $95▫️綠茶冷麵 $57▫️自家制一夜干（甘鯛）$73最後還送了牛奶布甸，奶味重，質感是挺身的布甸，一個人的晚餐，完美❤️