德美壽司

营业中

休息中

今日心血來潮想食日本嘢，但沙田新城市廣場假日會超多人，所以即刻諗到河畔有間食日本菜嘅。中午十二點半到已經坐滿人，剛好有位即刻睇餐牌食咩先！“德美和食便當” （秋刀魚）$88定食餐包括有。。。刺身、甜蛋玉子、炸物、小食、燒物 附：沙律、味噌湯、茶碗蒸蛋、甜品味噌湯 - 味道適中有海帶同豆腐。沙律 - 好清新有生菜、青瓜、蕃茄、粟米同紅蘿蔔絲加埋沙律醋特別醒胃。茶碗蒸蛋 - 蒸蛋好幼滑蛋味濃。這個“德美和食便當” 超級豐富，即時要相機食先。刺身係三文魚， 有蟹柳、甜蛋玉子就印有德美字樣。原條秋刀魚 - 皮脆肉嫰多汁。吉列炸豬扒 - 夠鬆脆多汁肉嫰。甜品係奶凍，吃埋甜品真的飽飽了。

經常都是吃大型連鎖店的日本菜，有點悶今次試一試只有幾間分店的德美壽司。燒免治雞肉棒 係必食！必食！必食！重要的事要說三次！有雞軟骨的口感，加上鵪鶉蛋汁和燒汁，食到停唔到！大蝦黃金燒，蛋黃醬加入了蟹肉，葱等配料，加上厚燒大蝦，口感豐富。隻蝦都幾大，兩個人分，再食其他野，剛剛好。另一推介係荷葉鰻魚飯，鰻魚燒得剛剛好，又香又滑，大啖鰻魚肉，手感豐富。牛油果軟売蟹卷就一般啦。總括黎講，菜式十分有驚喜，味道高質。絕對係食過返尋味，下次一定會再食。

🥳終於食到德美啦想食德美好耐 不過一係撞正午休一係就晚市太貴唔捨得食 今次下定決心排午市.壽司定食🍣配牛肉湯烏冬 沙律 茶碗蒸 甜品由於冇錢食十貫 就揀左抵食啲嘅六貫有呑拿魚 三文魚 蝦 魚腩 帶子 希靈魚最好食竟然係個玉子🥰好甜牛肉湯烏冬都幾足料 都好滑.海膽什錦魚生飯🍱配沙律 茶碗蒸 味噌湯 甜品好滿足🤤海膽係鮮甜架 冇苦味大大粒魚籽爆哂汁 加埋啲魚生一齊食 正啊魚生有三文魚 魚腩 八爪魚 希靈魚 蝦 好豐富.天婦羅溫泉蛋🥚好特別食落炸漿好薄但超脆 味道適中溫泉蛋仲處於嫩滑狀態 口感一流難怪德美甘出名 無論午市晚市都排長龍

星期六晚餐，想吃好一點的日本嘢。沙田河畔的德美是不錯嘅選擇。但是星期六日，最好一定要預約，否則一定要等位。星期一至四有一個經濟二人套餐，很不錯的。星期六卻只提供豪華套餐，價錢$408。三個人一家大細不錯的選擇。（如不太大食）

最近沙田圍 河畔附近開左好多餐廳 但我最鐘意既都係呢間日本餐廳，通常12:00開門已經好多人，到1:00就要等位 夜晚更加要book位 佢啲套餐其實好抵食會有個沙津，酸酸甜甜好開胃，之後有個茶碗蒸，湯，主菜，最後仲有個小甜品啲壽司超級正 好鮮 好有口感 個蝦係真係有少少彈牙個種 師傅即叫即整 去日本食到嘅味道呢個餐仲配埋細嘅肥牛烏冬，牛仲要一嚟到都未完全熟曬，所以唔會話好鞋個種 烏冬係手打烏冬 另外佢啲便當都好豐富，有魚又有豬扒，食完真係非常飽

來到三月，是老公跟弟弟的生日。於是，我們一家人一起慶祝。這間餐廳已不是第一次來了，雖是平日晚，但人不少，所以預先訂座就不需等位了。無論是魚生、串燒、壽司、石鍋飯、烏冬，整體食物都很不錯，而且賣相也很用心。唯獨是附送的甜品，味道太淡，已向經理提議需要改良一下。是次生日飯很盡興，希望兩位壽星每天快樂就好。

慶祝同事生日，所以就嚟咗呢度食啦，lunch黎講，呢間餐廳差唔多係附近最貴嘅一間，不過食物質素確實係有保證。因為最近工作辛苦，所以我自己都叫咗一個海膽鮮手飯，雖然海膽得一舊，不過海膽味好重，同埋lunch會配茶碗蒸、沙律、湯，仲有甜品，好耐都無食過日本野，感覺都幾滿足，食完好想去日本😂

近年沙田真的是太多人了，很少來這邊，即是來沙田的話都不會選擇在沙田市中心吃飯，反而會在OpenRice看一看附近有什麼食店。當晚餐廳的顧客很多，但我們幸運地不用等便可以入座，店員安排我們在和室就座，需要脫鞋才可以進入，同一張大桌子對面也坐了一家人。由於餐廳菜單的選擇太多，所以我們選了一個精選二人餐，有前菜、刺身、鍋物、主食、味噌湯及甜品，看起來相當豐富。鍋物是我十分推介的，湯底清甜，配料新鮮。最後的甜品味道清甜，但實在吃不出是什麼，店員也沒有介紹。最後還有一個炒飯我們完全吃不下，就外賣拿走了。

今次特登入到沙田圍食德美，貪佢冇尖沙咀同紅磡咁多人，雖然落咗沙田圍站仲要行多10分鐘，但環境舒服啲，預早訂位一入到去就有得錯坐！菜單主要都係日本菜，但係都有啲比較特別嘅菜式，今次食咗溫泉蛋天婦羅，未試過溫泉蛋用天婦羅炸，口感新奇又好食，上菜嘅時候已經對半切開，唔會食到好呢啡，蛋好香又好滑，天婦羅外層仲脆卜卜，可以encore！你食日本野當然唔少得食魚生飯，今日食咗甜蝦三文魚帶子飯全部都好新鮮同鮮甜，三文魚不過不失，甜蝦就好驚喜，雖然唔算好大隻但蝦肉爽滑，個頭有蝦膏濃郁嘅味道！帶子口感爽身唔諗但燒過好似好食過魚生。總體來講都非常高質，130蚊嘅價錢食到呢個質素都算物超所值！原本就係普通嘅鮮奶凍，淡淡奶味，偏硬身算係普通嘅甜品

尋日突登過咗黎河畔花園呢邊搵食, 因為同事介紹咗附近有間食日本野嘅餐廳, 而呢間就係德美。德美原來都有幾多分店, 所以如果想試都唔一定要揀呢間。夜晚7點幾黎到門口, 發現都唔算多人等位, 大概等咗5分鐘就有位。叫左40蚊嘅燒芝士年糕申燒、103蚊嘅野菜牛肉烏冬同埋122蚊嘅三色魚生飯。先講講個芝士年糕先, 以40蚊嘅價錢黎講算貴, 因為芝士年糕嘅材料唔需要高價嘅材料去做, 但食落好煙韌同埋裡面嘅芝士做到爆漿嘅效果, 但論抵食就見仁見智。野菜牛肉鍋有一鍋用壽喜燒汁做湯底嘅鍋, 裡面有上菜時仲係半生熟嘅牛肉、蛋黃、冬菇、蘿蔔同埋生菜, 至於烏冬就加咗18蚊變手打烏冬。牛肉份量都算多, 脂肪比例少, 但質素算正常。如果沾一啲生蛋黃喺牛肉上面, 食落更滑。生菜就建議盡快食, 因為放得耐會變爛, 而且會吸咗太多帶有油份嘅湯, 所以唔太健康。至於手打烏冬確實食得出佢嘅高品質, 非常有咬口。三色魚生飯嘅魚生有帶子三文魚吞拿魚各三件, 中間放咗蛋白同蟹籽用黎伴飯, 飯入面混入咗冬菇條, 豐富咗口感, 亦令本身得壽司醋味嘅飯多咗陣冬菇香味。帶子三文魚唔錯, 但最好食都係吞拿魚, 食到有陣魚油香。

去呢間食set lunch. 同友人都覺得幾好食～Lunch hour 都幾多人、要排一陣隊先入到去。Menu選擇都幾多，睇到花多眼亂😛我揀左壽司定食配牛肉細烏冬，佢揀咗壽司十貫。前菜有沙律同蒸蛋， 個蒸蛋好滑👍🏻沙律菜都幾fresh.掛住食唔記得影😂友人唔食三文魚子，可以叫師傅轉另一款。轉咩師傅話事：P 轉咗我鐘意嘅芥末八爪魚🐙牛肉烏冬幾好味🥰d烏冬唔會太淋熟蝦壽司麻麻地，太硬了。好似咬唔爛🤭其他就正正常常無咩特別

好味好味好味！ 週六未到七點已到達，朋友常推介，特意入沙田一試，只有吧枱位置，正合我意，師傅用心炮製的食品一一在我眼前經過，不得不讚，尤其是卷物，份量十足，賣相一流

平日好少去沙田，嫌佢人太多，啲食肆又貴又排長龍又唔好食 但原來都有例外嘅！德美位於沙田某屋苑入面，地點唔多方便，好彩屋企有巴士直達 。營業時間由正午開始，星期六11:45 去到已經排長龍，我哋一行五人，好彩最後都入到，否則就要等到下午一點後至入得。因為一早出發，所以冇食早餐，入到店內已經好肚餓，再睇埋個餐牌真係頂唔順喇！德美嘅午市套餐性價比高，我哋揀咗烏冬壽司套餐、魚生飯、天婦羅套餐、壽司套餐、刺身套餐。魚生非常新鮮，肉質結實又彈牙，品質同高檔日本料理店無異，好難想像如此高質嘅魚生竟然隱藏响屋苑入面 魚生新鮮，壽司就冇得輸喇！基本上就算唔醮醬油都得天婦羅即叫即炸，保證熱辣辣，粉漿好薄，食多幾件都唔覺膩 牛肉烏冬用清湯做底，牛肉嘅鮮味令湯底更濃郁。食咗咁多生冷嘢，臨尾食碗熱烏冬真係非常暖胃又舒暢！不得不提，套餐入面嘅茶碗蒸，用上湯蒸蛋，係我食過最好味、最滑溜嘅蒸蛋！山長水遠？No No No 為咗德美，幾遠都嚟啦！

星期六中午又係時候出動搵好西食，德美幫親左好多年，呢間係屋企附近，一個月最少黎一次，價比性好高既日本餐。德美既生意真係好好架，次次黎遲左少少都會冇位，要等上半個鐘。餐牌上既午餐其實都食過曬，今次簡左日日都限量既櫻花角切飯，近排加左價$79蚊一份套餐。一坐低，職員通常好快手俾沙律同茶碗蛋，次次都保持到質素，兩樣都好好味。食左幾口先記得影相，角切中間有流心蛋，大量魚生，份量非常多，次次都冇偷工減料。次次都食唔曬的，魚生都新鮮架。除左呢味，都好推薦其他魚生飯同壽司套餐，味道都好不錯的。最後會送甜品，次次黎都冇不同款式的。大滿足！！

點解會去食：2018-11-28 個寬頻佬慢吞吞，搞到我地好晏先去食野囉！超過左十點喇！食物新鮮程度：⭐️⭐️⭐️⭐️鐵板牛舌好入味，配埋生蒜一齊食，味道升華左；牛鍋較為鹹左d,但係配料都好多好新鮮架！食物合適溫度：⭐️⭐️⭐️⭐️即叫即整架，黎到嘅食物都好夠熱或夠凍（剌身）食物驚喜程度：⭐️⭐️⭐️⭐️其實，德美的其他分店我都有去過，一向都好滿意，所以最驚喜係佢竟然開係呢度！—————————————————服務員態度：香港人黎講，佢地叫做好好，點菜時留意到我地叫嘅野有餐，有提一提我地，收野時又會好有笑容咁問要唔要，last order交帶下，仲安慰我地唔係催趕，好受重視！值得一讚，香港而家無幾多服務人員有正確的態度架嘅！唉—————————————————最重要系。。。我會唔會再去呢？重游指數：⭐️⭐️⭐️⭐️⭐️無可能唔會再去囉，如果價錢可以係而家嘅八折，會更多去添！