心煱 (已結業)

這夜邊爐去，熱辣辣，熱辣辣，去左心煱。因為俾佢個乳鴿，蒸蠔吸引左😍😍😍湯底都好多款俾你揀。有辣有唔辣，任君選擇。首先佢會俾個蒸爐入面有人頭數既蠔，有timer幫你計，d蠔都算大隻，幾新鮮，食完之後佢地會收走個爐就上人頭數既半隻乳鴿，都幾惹味，外皮脆脆可口乳鴿食完之後就揀打邊爐湯底，我就揀左豬骨湯，黎到好香豬骨味，湯料都足夠，有粟米豬骨莞茜等等。手切肥牛，入口即溶，不錯魚皮炸到好鬆脆，味道可口。新鮮蝦，唔會似雪藏急凍果d，因為肉質都幾彈牙。午餐肉同金菇，午餐肉都唔會薄。白鱔片。黑豚肉，肉質唔會太硬唔難咬口。鯇魚片同廣東雲吞廣東雲吞都有驚喜，皮薄肉正。佢地仲有好多種食物選擇的，每樣都係俾人頭數岩岩好既份量，唔會驚食唔晒之餘仲可以叫多幾款食物，因為畢竟都係放題，咁樣食就最抵，另外佢仲有好多款飲品任飲，整體不錯👍👍👍👍

我之前從來沒見過一家放題是有四部曲的，這裡應該是全港首家？價錢還要豐儉由人，怎麼不能趕快打電話訂枱呢？在太子站行過來好近。這家店不是好大，平日七點時這樣子但半小時後就滿座，沒訂位根本沒得吃，一座難求啊！飲品，雪糕都任食，調味區都是自助的~蒸蠔，乳鴿，雞煲然後火鍋，超級豐富的~隨意在雪櫃拿了平常好少機會喝的飲品，冰涼的甜甜的好舒服~先來個蒸氣鍋，計時器及工具，內裡有一大隻蠔。蒸好後要自己開，沒經驗的我弄了好一陣子才挑到蠔肉出來頗肥美的~然後乳鴿就上桌了，不是好大隻，但香味濃郁，皮脆肉嫩味道十足，非常有驚喜吃完還想再吃啊~雞煲有麻辣和芝士可選，為免這階段就飽，所以選了麻辣，端上來時已聞到香味，在電磁爐上keep著炒免焦。每件雞肉都被麻辣醬汁包著，好惹味，雞肉又滑，正呀如果可再辣點更好~吃完收了這煲就收掉上火鍋，開頭我還以為湯是直接加進去的呢，真豪華!湯底，選了粟米豬骨鍋，滾後喝一口湯，味道已經很濃，之後會愈打愈濃，想到都期待!牛魔王第一時間就點了金錢牛和手切肥牛。肥牛都不算很肥也不粗糙，牛味尚算重。牛更正，又沒肥，又爽口，味道又重，我非常喜歡海鮮類點了海蝦，手打蝦滑墨魚滑和是日精選的大

又來到旺角想打邊爐但唔知去邊間好嘅處境（為什麼次次都係出到去喺個街度先諗⋯⋯⋯大熱天時要知道咁樣係好熱好辛苦的⋯）諗左五分鐘屋企人都係忠於平平地又味道ok的舊好～《心煱》 如果大家有睇隊長B之前的介紹，都會知道呢度性價比算ok ，而且大人$158位（未連加一）但有唔少野食選擇的前提下係唔差嘅～加上佢地新出左任飲任食4部曲，多左蒸蠔、乳鴿、麻辣/芝士雞煲3部，唔再係齋邊爐，絕對可以一戰！ 一埋位坐底店員就會準備氣鍋蒸蠔，蠔好大隻，都算新鮮，雖然可以食到原汁原味，不過要自己開，有少少麻煩，大家用蠔刀開嘅時候記得要小心手～乳鴿好香一人半隻，燒得剛剛好，好入味～好吃好吃！ 隊長B就揀左芝士雞煲，芝士味都幾香濃，用的是新鮮雞件，好滑嫩好有鑊氣～唔知麻辣係點呢～最後就到打邊爐的時候啦～選擇都應有盡有～揀左的皮蛋芫茜湯好清～仲要好多好多皮蛋正正子！

食完蒸蠔食雞煲再食火鍋@心煱 早幾日打風，來不及買菜便到附近的餐廳搵食。路經太子道西，就在旺角差館附近見到心煱的海報，湯底免費而且收費便宜便上去試試看 酒樓格局，平實裝修，地方不說得上大，不過冷氣強勁而且坐得頗舒服。 打風也坐滿了客人，相信平時會更旺，來食飯前不妨先訂桌 飲料也是任飲 黑啤，果汁，汽水綠茶應有盡有 這兩款手工啤也是任飲，我很喜歡啤梨味的那一瓶，很香甜，跟本不似啤酒，就是女孩子喜歡的味道 服務員為我們送上了一個蒸籠 大大只的石蠔一人一只，非常新鮮 等食嚕～ 在等食期間侍應又為我們送上了一只燒乳鴿～ 燒乳鴿燒得金黃，未食己聞到陣陣香氣，食起來又沒有很多油脂，個皮卜卜脆而且很入味 食完蠔之後就為我們送上雞煲，上桌時只需輕輕加熱即可，雞煲食起來帶點辣，很惹味，雖然雞肉不萛嫩，但味道不錯，而且份量不會太多，可以有空間多試其他食物 食完蒸蠔食雞煲接著再食火鍋，我們選擇了麻辣湯底，而麻辣湯底可以為了遷就香港人口味，其實不萛得上辣，只是那種色比較驚人而已～ 自助調味料區 咀巴沒有停過下來，又來忙點食物～ 生料任點任食，好幾十款選擇，每樣食一點都很飽了 手

今晚太子逛街，路經太子道近砵蘭街，見到易拉架寫住火煱四重奏，幾抵咁，就同同事一齊試試四重奏第一重係燒乳鴿，每位有半隻，奉上檯時熱辣辣，是即炸的，食落表皮香脆而肉嫰多汁，很有水準。接著第二重奏是蒸生蠔，每位一隻，生蠔未開殼放在蒸鍋內蒸，侍應更放下鬧鐘，五分鐘後，生蠔食得，蠔都很大很肥美。第三重奏是麻辣或芝士雞煲，二擇其一，原來唔食雞煲可以自選以下湯底，我是番茄湯擁躉，即轉。第四重奏當然是打邊爐，生料大部份任點任食飲品吧選擇眾多，韓式蘋果同西柚特飲最正花枝片都有得點生蝦好大隻下手切肥牛，任食黎講，算唔錯響鈴幾脆口豚肉超大塊金菇及黃金魚腐臨尾梗係食甜品，有任食雀巢雪糕杯總結呢個價錢有齊咁都款野食，真係超抵

今日友人相約到太子覓食，友人介紹新的任食四步曲作為今晚的晚餐，大家興致勃勃的心情去潮聖到達店前未行上去已經流口水我坐下來後就到自助調味料區混下醬先先來一人一隻新鮮生蠔，蒸熟後仍很大隻再來每人半隻乳鴿，幾香乳鴿味，又唔會太細隻到第三步曲食雞煲，點了個少辣，雞肉幾惹味係時候又到飲品區攞飲品，主打韓式飲品，有汽水、茶類、果汁、仲有啤酒添，當然飲酒的朋友必須要夠18歲第四步曲就係打邊爐，火鍋有幾十款配料任我點，亦係大路的食物，可以動食完雞煲、打完邊爐記得仲有杯仔雪榚

味道1.乳鴿不錯好食肉夠味＜－－推薦2.啲生蠔一陣臭味，欠口感3.個麻辣雞煲咸到苦又欠麻辣，雞肉粗糙4.肥牛羊肉不錯環境1.地方細 幸好有架小推車放食物2. 這必須跟進：冷氣機在我一路食一路滴水，永不停，身邊的朋友亦中蕉， 坐前要緊貼張桌又中係，坐後啲又食5到野 ！失敗！3.有洗手間不再光顧原因（注意注意注意 因重要要講三次）：不知真的是漏單還是故意1. 好多野落左單都冇嚟到， 叫咗幾碟牛（肉類）食完枱上面啲嘢，第2次下單（第一次下單係十幾分鐘前）啲野都未到 三吹四請都未上到菜，桌而清空，再Call牛，後有侍應回覆「因為今日繁忙，肥牛未刨，所以要再等多陣」…… OK，我等，突然想去廁所，經過廚房，啲廚師 q住手響度有講有笑(廚房細 一目了然)，個陣時真係火都嚟埋💣，又話好忙刨緊牛，啲牛呢，出餐錯漏百出 成班人就坐向到等， 食完都唔飽，吉家仲好過佢(乳鴿除外XD)☆可能只怪我地5唔彩

今晚路過太子，有個咨客向我們派傳單，一看有蒸蠔，乳鴿，雞煲，火鍋，任食而且價錢合理，好少有餐廳會有咁的安排。我同男友決定上去試下，咨客好識做，立即留位給我們，9:30的優惠開始了。首生是吃蠔，一人一只，好特別，蠔未開，蒸熟後自己打開，肉不算肥，不過還算新鮮。之後上乳鴿，皮脆肉香，滿意！再上麻辣雞煲，雞煲好香好滑，唯一不足的是太咸同埋無雞煲特有的甜味，可能廚師落多咗鹽。最後上來的是麻辣火鍋，火鍋材料好多，有任食很少見的花枝，海蝦，牛肉也不差，任飲除左有啤酒，還有Vodka!!員工服務態度好，十個這樣的餐廳好少有，下次再來

見到廣告有間打邊爐任飲任食好鬼抵食！所以今晚就一於同埋個朋友去試下龍與鳳！環境都ok, 服務態度都唔錯！所以都幾欣賞~~一坐底之後就先黎個蒸蠔！！相當大隻，蒸6分鐘到就食得，開殼後都無縮水！！蠔肚位置非常飽滿！蠔味幾濃郁而且味道相當甘香~之後一人有半隻乳鴿，肉質幾嫩滑，煮得剛好！！又唔會食到食口油淋淋！食完真係想食多次呀！因為真係太好味啦。。本身打邊爐之前有麻辣或者芝士雞煲先食，但我地都飽飽地所以直接跳去食打邊爐啦！既正係個蝦~~任飲任食黎講食到呢個質數既蝦真係非常驚喜~我都翻卓左幾轉喔！蝦肉彈牙有鮮味，蝦頭肉汁甘香~好岩我既口味。肥牛亦做得相當唔錯~雖然比較薄身！但牛肉都幾滑！夾埋香葱一齊食更提升層次！！任飲都有好幾款既飲品~有款平時比較少見就係呢款有少少酒精果汁！！呢個係啤梨雲呢拿味道！！幾清香又夠冰凍~好正呀，又有雪糕可以拎黎ov~so far真係性價比超高既餐廳

趁天氣涼反少少，小妹跟朋友到太子附近搵火煱嘆下，見到這間"心煱"新派任食火煱5點至9點半入座只需$158仲有四部曲咁吸引就決定去試下。店舖雖然不大但都有一間獨立房可做6至7人都算體貼。由於我地6點就入座，時間尚早所以無預先訂枱都有位，雖然平日但大概7點半就開始多客人了，而大部分桶的都給預訂了，walkin的客人都被拒絕了。所以小妹提提大家不輪平日或時週末來就要記得預早預訂啊。另外預早訂枱還會送贈冬瓜海鮮窩價值$68。下次小妹都要預早訂枱。一進店舖就見到大雪櫃，多款飲品供食客任飲。飲品種類比一般火煱店多，除了一般汽水外，酒類飲品也有很多選擇，還有茶類，果汁，滿足不同愛好的食客。第一部曲~嘆蒸蠔侍應準備好兩層的蒸籠及時間錶，烹煮時間大概6分鐘，備有開蠔刀綸客人自行開蠔。原隻生蠔，大大隻，清蒸後保留蠔的清甜，讚。第二部曲~食乳鴿每人半隻乳鴿，貼心準備了手套給食客。乳鴿熱騰騰的，味道不錯，最驚喜的是鴿皮仍脆口，值得推薦！第三部曲～麻辣雞煲(可選芝士)我地選擇了麻辣雞煲，二入份量雞件數真算多了，每件雞件都滿是肉，肉質嫩滑。雖然雞煲已煮至全熟但小妹會提意大家可以開著電爐至最低火邊食邊都，因為可令麻

今晚BOOK左同朋友去食火鍋,朋友話BOOK左間一餐3味既火鍋,去試下睇下咩料先原來先有隻乳鴿,再有個蒸蠔,再黎個雞煲仲未完,仲有打邊爐...一餐4味先岩一埋抬就好餓,坐低1分鐘就有隻乳鴿食下,個味都OK,仲有夠晒熱...燒乳鴿唔熱真係好難食,好彩佢又熱又香口再黎個蒸蠔,蠔仔肥肥都好新鮮,一個字正再砌個雞煲,份量唔算好多,不過夠晒因為仲要打邊爐...唔算太辣,小辣都香口食完雞煲梗係要飲野啦,基本啦都好多選擇,試下飲這支酒因為我都好少見有這..都OK既開始點火鍋,我點左個蕃茄湯底個味夠濃,正呀點左好多海鮮,脆肉鯇魚正呀,蝦夠實肉,是日海鮮精選係蜆,都OK無沙仲食左九肚魚,水餃,豚肉,粟米,金菇,魚雲,芝士腸.魚旦,芋絲,蟹柳,白鱔片仲有個肥牛唔算好肥,所以我幾鐘意,海鮮都新鮮埋尾就梗係食雪糕啦,有幾隻味選..一個人食兩杯唔算多啦...食完咪大完滿囉

之前已經黎過心煱食下午茶,尼度地方舒適寬敞,點心好味又趣緻~知道佢晚間有個任飲任食4部曲,除左有雞煲仲有得涮涮鍋,就約埋鍾意食雞煲既朋友仔黎食,因為太肚餓,我已經搶先食蒸蠔同乳鴿,當然都會留番d俾朋友仔啦~蒸蠔好新鮮,一點都唔腥,完全唔使加醬汁辟味～乳鴿暖暖地,肉很嫩,即食至啱~朋友仔來到就上麻辣雞煲~麻辣雞煲好多肉,唔多骨~ 好夠味!食過好幾間既做法係食完雞煲就加湯落去烚,所以我地小心翼翼咁潷起左啲辣油,但侍應細佬有禮貌同我地講:你地可以選其他湯底喎~我地就話諗一諗先決定湯底,侍應細佬好有責任感,會番轉頭跟進,值得一讚啊~!我地點左2輪火鍋料,每人飲左2枝飲品,仲食埋朱古力雪糕~Good~好味又抵食!

平時最鍾意打邊爐嘅我， 久唔久都會嚟呢度幫襯， 一嚟佢地點較近， 二來價位真心吸引， 百幾蚊放題任食打邊爐， 而且食材夠曬新鮮又好味而家的香港已經好難搵到， 所以呢度成日爆場！ 今日在上到嚟發現多咗啲新款嘢， 一坐低個伙記就放低一個好大的不銹鋼蒸籠，原來是任飲任食四部曲的第一部曲嘆蒸蠔！ 隻石蠔好大隻，差不多有一隻小手掌般大， 而且非常新鮮， 蒸好之後要用附上的開蠔刀再打開佢先可以食㗎！ 雖然蒸完之後隻蠔就唔係好大隻，不過勝在鮮甜，而且感覺好高級呀！ 第二部曲食乳鴿，一人有半隻乳鴿仔，都幾好食！ 第三部曲食麻辣雞煲，或是選擇芝士雞煲都可以~呢度個麻辣雞無大中小辣之分，是大衆麻辣，所以唔算好辣，追求剌激的可能要自行到調味枱加啲辣椒了！ 不過，食落都幾夠味，麻味又夠香，不過隻雞就細隻左小小，隻雞翼超袖珍，好可愛！ 第四部曲任食火鍋，亦是我最鍾意嗰part啦！我揀埋麻辣湯襯番!任食火鍋材料十足，有超過50款自選菜式，如果想食豪啲都可以加錢食園價海鮮和靚牛！ 不過自選菜式陣容都好夠我吃了！例如有生猛海蝦 、金錢牛展、即晚推介海鮮、手切肥牛、花雕醉雞件、手打墨魚丸、手打墨魚滑、手打鮮

與朋友閒來約吃飯，朋友提意去試食這店。朋友主要是被他的「上枱四步」所吸引才想試吃的。地算清潔整齊，食物也算新鮮。叫左蝦滑、墨魚滑（送漏左一款），也叫了一些丸和手切牛，食物是很新鮮，沒有像些店那樣（雪壞了）的感覺。其間上鍋次序亂，但也願意立即補上（但也等了約十分鐘。「一、蒸蠔，二、乳鴿，三、雞煲，四、火鍋」不過坐位之間比較近，很容易就會聽到另一枱客的對話。如果遇上大聲說話的客人，都會幾嘈吵。話說門口有個大招牌，就連我這路痴也覺得很容易找到。

朋友先前經過見到任飲任食四部曲覺得吸引 約齊一班朋友試一試 一行8人 8人都食到氣憤1-冷氣嚴重不足加滴水一開頭 店員安排左一個8人位置 但一坐低已經feel到個陣熱氣湧埋黎 加上坐位上冷氣機勁滴水 最後要求換位 但另一個位都係冇冷氣 想問冇冷氣點做火鍋店2-上菜勁慢第3 part既芝士雞煲 連第4 part既火鍋湯底都黎埋 三催四請下先有 但食完雞煲 d火鍋配料一直都唔黎 留意返 一早交左點菜紙俾店員&兩個火鍋都滾到冇哂水要加湯 認真 第一次打邊爐未落野食已經要加湯3-湯底得個咸字火鍋 要左四川番茄&粟米豬骨一個字 「咸」4-等好耐先有野食仲要突然埋黎話夠時趕人走一開始都冇remind過可以食到幾點幾分 頭段等雞煲等火鍋配料等到燥浪費左大半個鐘有多 突然食食下 女店員拎張單黎話埋單夠鐘 朋友A同女店員解釋返因為等候食物多時可否補時 女店員冇回應走開左 其後過黎講左句「俾返20分鐘你地囉」想講女店員態度由叫我地埋單開始已經勁惡劣 嘴藐藐其實知道$158任食唔應該奢求有咩service但未至於要差成咁樣 差到忍唔住要寫食評可想而知情況有幾worst 唔會再食 NEVER。