忠記咖啡屋‧私房菜 (已結業)

今晚一家人黎渣甸中心GE忠記食大餐！我地今晚人多就BOOK左枱先，伙記都留左個大枱比我地LEE到好在人多食一圍/半圍都可以有好多套餐揀，仲有得比個BUDGET餐廳定制私房菜菜單。我地睇完最後就決定食南非鮑魚至尊盆菜宴！套餐包GE汽水前菜係香凝月影四醉拼，有醉雞、鴨舌、木耳同豬腳，四款前菜全部以酒入饌，酒香撲鼻非常入味！老婆最鐘意個豬腳，啖啖骨膠原！跟住就飲啖熱辣辣老火燉湯LEE味係猴頭菇花膠燉乳鴿，唔係講笑絕對真材實料！湯料放到滿晒GE鮮味濃郁靚湯主角至尊鮑魚虎蝦帶子盆菜！先食左頂層GE冬菇、鮑魚、虎蝦、帶子！用料豪華頂級！正！中間有瑤柱同有吸晒D精華GE腐皮食極都仲有，層層不同層層美味！烏冬好滑溜，蓮藕都非常入味冬天食一碗暖笠笠GE臘味糯米飯最好不過最後仲有生磨蛋白杏仁茶湯圓飽吃一頓，食盆菜寓言一家人都團團圓圓，希望新一年大家都順順利利！

成日去銅鑼灣行街食飯都唔發覺原來有樓上私房菜，咁岩行過見到好多人排隊上去就八卦下有咩食，一睇就見到有忠記，見好耐冇食過小菜就一於試下啦！一試就後悔發現呢間餐廳發現得太遲！餐廳環境好舒服，好闊落，員工既溫柔體貼令我地覺得有少少家既感覺！選擇困難又發作，好難選擇之下終於簡左以下呢幾樣，因為樣樣都好想食~1)餐湯—椰子雞湯等食物黎既時候員工即刻附上一碗熱辣辣既餐湯，當日既餐湯就係椰子雞湯，好多時飲餐湯都會覺得好重味精，但估唔到呢間就好足料咁去煲餐湯，當日既椰子雞湯真係好好味，好香椰子味，成碗湯都好鮮甜所以我地好快就飲哂！！2)枝竹羊腩煲(跟生菜)咁岩個日天氣好凍所以就叫左個冬天先會食既枝竹羊腩煲！佢一煲都算好大煲，而且好多羊肉！啖啖肉！叫個煲會附送生菜一碟，肥美既羊肉配上腐乳真係無得頂食完真係暖笠笠3)生炒糯米飯見到佢有糯米飯就想食，佢碗糯米飯真係好好食，炒得夠干，唔會太黏！而且份量都好多，材料又夠多！$42好抵食，二個人叫一碗都可以！4)欖菜肉鬆四季豆呢碟四季豆我真係比100分！因為真係好好食！炒得好乾身之餘又夠香口，配上肉鬆送飯真係一流！見到張相都好想再去食過！無得頂啊！5)菠蘿沙拉小排

平時私房菜一定要為價錢好貴，但係呢度嘅私房菜唔單止平而且可以一大班人享受歡樂時光仲可以坐好耐。 我哋叫咗個冷麵開胃上面有好大粒帶子。小朋友都啱食旁邊總會有醬汁點嚟食。另外我哋叫咗野味嘅小菜就係西蘭花炒牛肉粒，炒得好香口下面有西蘭花仲可以配合埋一齊食，牛肉唔會太油膩而且有火候芋頭好靚所以我哋叫咗試吓，真係好入味仲會有啲冬菇同埋排骨啱晒一家大細食。叫咗口水雞呢一度嘅雞非常之滑好唔錯，肉質好鮮嫩，上面嘅辣到啱啱好唔會太麻冇咗雞嘅味道。保持到雞嘅鮮味仲會有輕微嘅辣味道。你叫咗肉餅同埋椒鹽炸豆腐兩樣嘅外皮都好脆，啱晒鍾意拎你送下啤酒。另外朋友好鍾意食魚所以我哋叫咗個XO醬炒斑片，斑片外脆內非常嫩，份量都好多㗎。刀工唔錯唔會抄到非常之散，每一件夾起都可以放落口到好滋味。另外仲會有甜品同埋例湯送，總會可以叫野飲。餐廳嘅職員都好熱情幫我地成日加水同埋問我地有啲咩需要。而且好詳細咁介紹有啲咩食，私房菜來講性價比非常之高。好建議一家大細過嚟呢度食啊。

同屋企人耐唔時會去酒家食半圈酒席食好野團聚，但近年私房菜興起，我地已經發現私房菜更抵食，食物亦更有保證今日黎到cwb, 係因為食家朋友介紹呢間位於渣甸中心一樓既忠記有好野食首先黎個四醉拼，有醉豬手，醉雞，醉鴨舌同醉木耳份量驚人，完全唔係前菜size. 唔通佢想第一味菜就食飽我😂😂😂跟住係北海道帶子拼烏冬，一人一碗係好似salad 咁，加d 麻醬黎食。帶子超大粒，要分三啖食再黎海膽桶蠔配sake.一啖酒一啖海鮮既美味，好豐富既口感跟住到我最期待既佛跳牆😍有鮑魚，魚翅，大冬菇，雞肉etc好清但好甜，用料十足，無浪費我既期待yaaaa!!!再黎既咖喱大蝦都好惹味，不過我地就係到傾，不如食黃金蝦仲好食。。。黑蒜子上湯芥膽 芥膽完全唔苦，仲好清甜，配埋黑蒜味道好match, 佢個上湯仲充滿左d 菌類同肉香～卵地清晒呢碟！黑蒜如果鍾意食，真係會好鍾意。。。（我就好鍾意la☺️)東江鹽香雞雞味香，d 皮煮到好脆，比平時d 炸子雞更香最後呢個立味煲仔飯令大家超驚喜d 飯粒粒都有油香，淨係飯我都啪左碗半🙈最後上埋甜品同生果，好新鮮，畫上完美句號成個餐份量十足，六個大肥仔黎都絕對餵得飽😂味道都水準以上，用料

今晚餐飯其實真係由上年約到今年由book枱個時開始其實都已開始期待今晚呢餐飯因為睇個餐單已經幾吸引，而店鋪既地點係銅鑼灣最旺既area 一出地鐵站行幾步就到係方便既香凝月影四醉拼其實係四度前菜 分別有醉雞 豬手 雲耳 鴨舌4個頭盤既酒味都非常足，當中個人比較鐘情既係佢個醉雞入味得黎仲幫你去埋骨，岩哂懶到傻既我北海道帶子和風汁稻庭烏冬食完頭盤就到呢一道美野食，先講隻帶子應該有大約大半隻手心咁大，輕輕煎過個底放左個烏冬佢配個醬汁都好特別 唔係單單既麻醬 而係麻醬加芥末 感覺好清新 我都係第一次咁食法至尊佛跳牆 <<< 推介呀！呢個位上既佛跳牆 非常非常足料 冇同你去慳 非常入味有種飲極都有既感覺 咖哩汁大虎蝦大大隻既虎蝦先啜一啜蝦殼既咖哩汁 放心 唔係走辣既路線 不過都非常野味 而蝦咬落去都食得出幾新鮮東江鹽香雞大大隻雞係你面前，雖然佢有提供個醬園俾我地不過其實我真心建議唔洗點太多醬，隻雞本身都好夠味食落係鮮嫩既！黑蒜子上湯芥膽食完幾味濃味既野食，其實上返個菜真係幾好近年黑蒜大行其道真係有佢道理，絕佳健康食品蠟味煲仔飯嚴格黎講呢個唔係一個煲仔 而係

由朋友帶路到銅鑼灣一嚐私房菜，地點非常便利！因為在𨋢口見到盤菜的單張很吸引，我們就點了有盤菜的私房菜 E 餐，半圍每人 $308，如果十二人以上每人就 $288。侍應讓我們拍照後就開始分湯，是猴頭菇花膠燉乳鴿。每碗湯都有滿滿的湯料，除了猴頭菇還有厚身的冬菇，花膠亦是大大塊的。頭盤是香凝月影四醉拼，分別有醉雞、醉鴨舌、醉木耳和醉豬手，酒香四溢。我鍾情醉雞和醉鴨舌兩味，入味得很。至尊鮑魚虎蝦帶子盤菜相當貴氣，山珍海味滿佈！上層有鮑魚、虎蝦、帶子和瑤柱，下層有花膠、白切雞、冬菇、豬腳和髮菜。最底層就有鯪魚球、腐皮、豆卜和稻庭烏冬，都是吸滿汁的食材。每一樣都碩大！南非鮑魚鮮甜彈牙，炆煮得不錯。生炒臘味糯米飯最適合在現在的天氣享用，糯米飯炒得粒粒分明，滋味得很！中式糖水是生磨蛋白杏仁茶湯圓。

一行六人相約去銅鑼灣食私房菜，主要被它們嘅佛跳牆宴吸引，6人就成團每位$418, 當然亦可選12人或以上每位人頭$398。講翻今晚已約左一段時間，因為大家工作忙家庭亦需要多陪伴，所以現在會好珍惜，食物亦有所要求。今次係由一個朋友安排的，食私房菜可以傾下計食吓靚餸。今次被佢地吸引係佛跳牆套餐，慕名而來的！先上枱的冷盤，香凝月影四醉拼，連改名都好憂雅，四醉包左醉雞，醉豬手，醉鴨舌同涼伴雲耳。我最鐘意係醉豬手爽脆彈牙味道剛剛好，其次係醉鴨舌好食到食原完再食，而醉雞就啖啖肉無骨的酒香撲鼻，另一冷盤雲耳過濃味偏鹹，四樣口感都係冷同爽口的！北海道帶子和風稻庭烏冬 粒帶子唔使講一睇就知LL size啦，還煎得金黃剛熟嫩口還滑，帶子下還有蟹子沙律同稻庭烏冬，醬汁自己落，其實醬汁係由芝麻醬撈均食超配惹味。金杯美酒配和風芥末汁海膽桶蠔其實係有杯Apple Cider 跟，食完飲的，賣相超靚肥美嘅蠔上面滿滿嘅海膽同蟹子，一口跟本無可能食得翻，隻蠔好Creamy帶少許蠔香，也是不錯嘅fusion菜，醬汁係用麻醬同山葵調製出來，幾特別山葵竟然唔搶喉！等到主角一人一盅佛跳牆，份量都夠大同好足料，鮑魚，翅，花膠，瘦

今天突然有種想吃中菜的衝動，加上天氣轉冷，就想吃一個非常暖心的羊腩煲，暖下個胃，補下身。喜歡吃羊的朋友不算太多，難得今日相約食飯的仁兄都喜歡吃羊，所以就叫他一起到忠記咖啡室，吃它的冬日限定——羊腩煲。就在銅鑼灣F出口，直入渣甸街，那裏臨立了一座渣甸大廈，上一樓便是。環境很乾淨，坐得舒適。雖然餐廳名叫咖啡室，但這裏是吃中式小菜的，有些更是時令海鮮，或時令清蒸魚，有種私房菜的感受。這裏有一些桌子是圓桌的，方便一家大細在這裏用餐。一坐低，就當然先點雙冬枝竹羊腩煲，再加一碗生炒臘味糯米飯。至於其他小菜，我們再慢慢細看。雙冬枝竹羊腩煲＄208羊腩煲份量都唔少，足夠二至三人享用。要等它滾起，都要等大約10多分鐘。滾起後，羊腩芬香撲鼻。材料完全迫爆整個煲。店員很貼心，會定時幫你番一番起，以免焦底。裏面材料有冬菇，枝竹，筍，羊腩，更有爽口的木耳和爽脆的沙葛，這是我意想不到的。羊腩不會很臊，很香口。外皮更加彈牙，嫩口。羊腩炆得夠腍，味道濃郁，喜歡它還帶有些少肥，所以食落有更香羊肉味。枝竹吸收了羊腩煲的精華，入口爆汁，好味道。木耳和沙葛更是爽脆。冬菇很香，羊肉味滲入冬菇之中，更添香氣，齒頰留香。羊腩煲更附

爸媽去了行山，晚餐時傳來幾張食物圖片。碰巧我們也吃中餐，回傳一張。他知道我在銅鑼灣，「我地埋單好平，你有條魚，一定貴啦。」結果一比，這場無聊的「食平D比賽」，我們完勝。來到冬天，特別喜歡吃中餐，除了有飯，中菜的氣氛讓人特別溫暖。星期日晚亂book了這間私房菜，沒想到如此旺。Walk-in要有心理準備會沒有位。其實環境跟普通茶餐廳差不多，不太有私房菜的感覺。食物選擇十分多，花多眼亂，還是點套餐方便。套餐有幾款。喜歡這個有魚。是日肓鰽售馨。點好餐後，店員先送上餐湯。一人一盅熱騰騰的青蘿蔔紅蘿蔔湯，完全沒有味精味，帶金華火腿的鹹。喝完後，全身暖笠笠。涼拌芥末雲耳套餐以外的前菜。雲耳上淋了芥末，帶少少嗆，都幾刺激，不過除此之外，沒甚味道。雲耳完全不入味，且沒有預期的爽。清蒸沙巴龍躉可以自選做法，我們要了清蒸。二人餐的魚都夠大條。蒸得剛熟，肉嫩滑。龍躉的背部位置厚肉，食到啖啖肉，加點蒸魚豉油，加點蔥，好吃。麻婆肉鬆豆腐有大中小辣供選擇。午餐在大坑的順興吃了勁辣魚蛋，把男友辣個半死，晚餐還是點小辣好了，放他一馬。小辣，是完全沒有辣。味道跟平時的麻婆豆腐不同，但說不出是甚麼味。雖然都是厚稠的茨，但味

位於銅鑼灣渣甸中心1樓忠記咖啡屋•私房菜。星期五晚上的入座率約為七成半，更有不少人陸續walk in吃飯，如果有興趣的可以先致電book枱。餐廳的位置頗大，不會坐得逼逼的。每一位用餐的客人也會送一碗湯，是日例湯為腐竹豬肺湯。熱騰騰的湯很暖胃，腐竹也煮溶了，變成了湯的一部分。湯的味道頗潤和鮮甜。第二道的為陳年花雕無骨醉雞。五十多元有半隻雞的肉，頗為抵食。而且醉雞是去了骨的，食得十分方便。個人喜歡吃之前再點一下花雕汁。雞肉的質感嫩滑，而且花雕汁味濃。曾經吃過有些餐廳的醉雞，花雕汁中加了很多水去溝淡。餐廳除了有家常小菜，更會有質素不錯的海鮮菜色。點了一客茄汁燴大虎蝦，一客有四隻。大虎蝦更可以選頭抽生煎、椒鹽或茄汁香爆。茄汁的味道不會太酸，酸甜適中，適合送飯。個人會把蝦頭也啜一下，味道鮮甜。大虎蝦的口感實淨，而且蝦肉夠離殼，用料夠新鮮。吃了不少肉類，最後點了野菌上湯浸娃娃菜去平衡一下。娃娃菜用一個啡色的瓷砵來到，賣相充滿家常感覺。面頭的肉碎和香菇有預先炒過，感覺香口。這款菜感覺不會太油膩，香菇的size夠大，肉質豐滿。略嫌娃娃菜切得太大條，不過娃娃菜也煮得夠軟熟的。

忠記咖啡屋已於銅鑼灣經營逾半個世紀，從早年只經營早午市，到近年開拓晚市做私房菜，俱給人一種住家的感覺。閒時沒有特別頭緒，只想簡簡單單吃一頓家常便飯，忠記是不錯的選擇。如果周末來臨，最好先致電訂位，免得白走一趟。忠記位置不大，會用間板隔開散客與聚餐客，裝修簡單整齊。散叫餸菜會贈送例湯及甜品，另免加一服務費。例湯節瓜甘荀煲豬骨雖不見湯渣，但味道十分濃郁鮮甜，冇落味精能放心飲用。陳年花雕無骨醉雞所有雞件連雞翼都已去骨，陳年花雕味道非常香濃，酒香沁入雞件甚至伴碟的椰菜中，幽幽的芳香十分討人喜歡。茄汁爆大虎蝦整隻大虎蝦輕輕油泡過，再用茄汁燴至入味，蝦殼酥脆可口，蝦肉鮮甜彈牙，茄汁酸甜中帶一點辣，十分惹味。菠蘿咕嚕肉咕嚕肉肉排件頭較大，入口有肉地，炸槳亦不太厚，十分鬆脆，咕嚕汁亦不厚不薄，剛好可以掛汁，伴碟的菠蘿亦酸甜爽脆。蟲草花杞子炒斑片斑片略薄，口感及鮮甜度都一般，西蘭花爽脆，為此餸挽回一點分數。芝麻湯圓甜品芝麻湯圓兩粒份量不多，入口軟腍少甜，糖水薑味非常之重，飲後全身發熱，隆冬飲用最佳。

今日又係大家聚會既日子，今晚黎到銅鑼灣既忠記咖啡屋‧私房菜食飯，過左愉快既一晚。 我地6個人，叫左個美酒佳餚盛宴C，果然非常豐富。 首先出場既係個名好長，陣容好強既《金杯美酒配北海道海膽糖芯帶子》，大家先黎杯蘋果酒，祝大家新年快樂，身體健康。之後就試隻帶子啦！帶子大大隻好鮮甜，配合味道濃郁既海膽，好夾；下面既係紫薯蓉，配合芝麻醬汁，非常好味。 《夏日豐盛五小碟》，涼拌豆芽、車厘茄沙律、酒煮鴨舌、酥炸雞軟骨及蒜香椰菜，樣樣都整得好好食。 《舞茸黑豆燉龍骨》，個湯煲得夠哂老火入味，保健養身，仙氣逼人。 《酥炸美國桶蠔》，大大隻蠔啖啖肉，口感十足。如果可以食多隻就好啦！ 《私房香橙江南小排骨》，夠哂橙味，酸酸地，餸飯一流。 《古法家鄉鹽甑雞》，成晚我最鍾意呢隻雞，同出面既鹽焗雞唔同，食落去爽口彈牙架，又有雞味。望落去普通，食落去簡直有驚喜。 《野菌上湯浸芥膽》，清清地，之前大部份都係肉，呢個時候有個菜真係平衡返成餐飯。 《石榴荷葉飯》，食左成晚終於有飯氣落肚，個飯做到成個石榴咁又幾有心思，而且份量剛剛好，又飽肚。 最後輪到糖水及甜品，糖水係《蛋白杏仁茶》，杏仁茶味道香濃順口，甜品係《意大利雪

朋友介紹嘅銅鑼灣一間中式嘅私房菜餐館，初頭一想去嘅時候我見到嗰個環境其實幾似茶餐廳，所以心裏一沉，就覺得私房菜做到茶餐廳咁其實應該好食都有限。但係見到佢嘅餐牌其實都有幾款自家製嘅特色小菜，但係今日我揀食嘅都係一啲比較傳統嘅菜式。又例如呢一個西蘭花炒斑片咁，西蘭花唔係白烚嘅，係經過油拖，所以會有油香嘅味道。而上邊嘅斑片薄切，都幾滑身。另外就係我今日忽然間好想食嘅砵酒煮桶蠔。平視我識桶蠔，多數都係食酥炸又話食薑蔥，今日唔知點解好懷念嗰種味。所以就特登叫左呢一個。一碟入邊有五隻生蠔，隻隻都非常之大隻，仲好厚肉。用鐵板上滲出陣陣嘅乾蔥同埋洋蔥香氣，當然唔少得砵酒的香喇。再者就係配合冬天食嘅臘味生炒糯米飯，呢度嘅糯米飯係需要兩個人起。呢度嘅糯米飯炒出嚟個乾濕度剛剛好，而且煙韌，但係略嫌蠟味嘅香比較少，反而係豉油香重。今次試咗傳統嘅菜式，味道不錯，如果下次過嚟嘅時候我就試吓去啲特色小菜先。

渣典坊向來食肆林立、渣典中心內很多高級餐廳、忠記咖啡屋是較平民的中餐館。有多款中式小炒可選擇、若跟一大班親戚朋友來亦可以選六人、十二人套餐、幾抵食。先送來是日例湯- 花旗蔘煲雞。餐前小食- 芥茉蒜泥牛舌$46、芥末唔會太辣、牛舌軟熟。涼瓜肉鬆菜甫煎蛋 $65涼瓜完全唔苦、加入菜甫的煎蛋更香更有口感、不錯。美國姜䓤桶蠔 $168 這裡的桶蠔特別大隻、啖啖肉、以姜䓤爆過味道更香。砂鍋鮑魚雞粒飯 $64 好抵食、有好多鮑魚粒和雞粒、飯粒粒分別、沾滿鮑汁好入味。

走在銅鑼灣街頭，要「搵食」真的要有點耐性，不想排長龍，又想吃一頓家常飯的話，可以選擇渣甸中心1樓的「忠記」，每人百多元，就可以吃得飽飽。 私房靚湯 我和妹妹這天來到，點了一個二人套餐 ($308)，沒有加一，有齊湯品、前菜、主菜、飯和糖水，吃不完還要打包！ 陳年花雕醉鴨舌 稻庭烏冬北海道帶子 前菜有鴨舌和帶子烏冬。鴨舌有濃重酒味，質感爽口；帶子煎得香，味道鮮甜，吃烏冬時可以加一些wasabi麻醬，冰凍涼涼，十分開胃。 野菌芥末安格斯牛柳粒 妹妹喜歡吃牛柳粒，這個自是她的「飛佛」。牛柳粒很腍，芥末味道不強，反而是因為與燈籠椒同炒，所以多了一陣椒香。 乾隆八寶生菜包 不知道是用了哪八寶，吃到的是豬肉、紅蘿蔔、青紅椒等，炒得好香，包在爽脆的生菜內吃，很有點泰國生菜包的感覺，好滿足。 生炒臘味糯米飯糯米飯又腍又入味，加了臘腸碎，沒有臘肉和蝦米等我不太喜歡的材料，所以更perfect！ 精美糖水 最後還有湯丸糖水，薑汁糖水好「夠薑」，芝麻湯丸細細粒，甜度剛好，美味！