念川居

营业中

休息中

午餐叫了幾樣，無樣好食。好失望，芙蓉海鮮芋茸盒，完全唔知食左咩落口，完全無芋頭味，但樣呃到人，幾靚。四川擔擔麵超咸，食完好口渴。整體失望無下次，同之前睇既食評相距太遠。

😍很喜歡形點念川居的粵菜，皆因高質和烹調手藝好，也光顧了許多次。今次品嚐「念」的點心，想不到同樣出色，實在令饞嘴的我雀躍🔰香茜牛肉腸$70，腸粉皮滑溜，包裹着鮮嫩的牛肉餡，份量又多，還有不可或缺的芫荽粒，所以邊吃邊讚👍🏼🔰鮮蝦餃皇$78，每隻飽滿，餃皮晶瑩半透，看到內裏的菜粒，蝦肉餡料爽口味美，又有蝦餃香，太好吃了🤩🔰豉汁醬皇蒸鳳爪$58，肥美皮滑，如附在鳳爪的醬料少一點，口感更佳🔰鮮蝦炸雲吞$58，個人大愛之物，很開心在這裏遇到高水準的炸物，食到舔舔脷👅1. 呈玫瑰花的形態2. 質感超脆，但不油膩3. 花蕊的蝦大而爽口🔰櫻花蝦炸兩腸粉$68，外皮超薄，油炸鬼脆得來有點嚼口👍🏼，加埋脆脆的櫻花蝦，雙重脆口配搭，實在冇得輸😋🔰乾炒牛河$183，牛肉很嫩滑，河粉不油膩(控油得很好)，有鑊氣，還有芽菜/蔥/蛋絲和白芝麻相伴，演繹了這碟好手藝的乾炒牛河😘最後要說就是飲什麼茶🫖，每次都是要香片，真的水滾茶靚，喜歡那撲鼻的茶香

農曆新年繼續同親戚朋友飲飲食食，呢間係yoho mall 入面比較新既中菜館，所以一於訂位食晚飯。見餐廳名就知道係食川菜，但係其實本身唔sure 係唔係所有親戚都食得辣，多得其他食評見到話唔食得辣都可以點粵菜，所以先至夠膽book👍🏻我哋一行六人，只有兩個係可以食到辣，所以我哋點菜既時候都有照顧大部份人既需要。川菜方面，叫左招牌菜水煮牛脷，入面有牛脷豬紅同埋寬粉，味濃得嚟又唔係超級辣，就算唔係食得辣既都覺得惹味。另外螞蟻上樹又係辣嘅，呢個餸原來變成辣既板本的話算係做得唔錯。粵菜本來想order炸子雞，賣晒唯有叫𤍤茶鴨，正常偏肥。然後小炒王又睇佢唔出喎，算幾有鑊氣高水準，蝦仁炒蛋亦ok, 最後一個梅菜蒸茄子亦都唔錯。價錢方面係中價，碗碟新淨又有花紋，服務就符合價位既。Overall 所有食物味道都唔錯，可以再去幫襯喎

今日初二 員工只顧著逗客人利是。我地點左一窩雞湯，服務員打瀉左一碗雞湯，但服務員竟然扮無野抹一抹就走左，亦無道歉。我地7個人d湯分哂 打瀉左一碗 ，我地唔夠分。 我見佢地完全無提過補償或解決方法，我即刻問係咪係補番一碗湯比我地。然後，所謂嘅經理出來話因為d湯要一大煲咁煲 所以補唔番，完。 但係湯點樣煲同埋你哋補唔補到其實唔關我哋事，我要嘅係解決方法，點解可以當無左件事？最後只能夠我地其中一人無得飲湯。食物正常，但員工非常不負責任，亦十分無禮貌。

📍念川居是LUBUDS旗下的其中一間餐廳，看店名以為只有川菜，但其實是有粵菜和川菜的選擇🤝相約好友們光顧。一坐下，已被極漂亮的餐具吸引，且富有雅致的中國風👇🏼先來一碟必叫的椒鹽九肚魚(我的大愛😍)$108，完全沒有令我失望，外脆內滑，內裏的魚肉很燙口，整碟乾身不油膩，絕對是完美演繹💯👇🏼新鮮脆皮吊燒雞(半隻)$318，鮮嫩肉滑，外皮薄脆，皮下只有少許油脂，邊吃邊讚💯👇🏼豉汁蒸大魚頭(半個)$328，嘩😲！超大的魚頭，肉質新鮮嫩滑💯，美味的大魚雲滑嘟嘟，豉汁惹味，吃得滋味👇🏼黃酒豬手煲$208，最愛豬手淋，皮光肉嫩，酒味不重，有人愛，也有人喜歡酒味多一些更好。伴菜白蘿蔔不夠入味，如能入味一些就更佳👇🏼招牌脆皮血旺$118，即是炸鴨血，既有創意，味道也不錯，外層微脆不油膩，包裹着滑滑的鴨血，外皮有少許調味，但鴨血是沒味的，所以點適量的淮鹽較好

獨遊Yoho，見到新開川菜館，從外面睇裝修華麗，就試試。入面濃厚中國風，仲有啲位放裝飾品。點咗川菜代表— 擔擔麵。擔擔麵麵身偏幼。味道上好香芝麻味，食落唔膩，唔會太張口。小菜方法點咗京式賽螃蟹。賽螃蟹利用海鮮、蛋白或魚肉炒出蟹肉的鮮嫩爽滑口感及味道，係傳統中菜。炒得比較稀身。材料有瑤柱乾，彷蟹肉一絲絲口感。甜品方面點咗杏汁燉官燕黎補下。一分錢一分貨，官燕分量唔少。官燕用冰糖燉，帶有微甜。杏汁好香滑，好濃，單飲都好正。

><Yoho mall不時都轉換餐廳裝修得幾有格調 晏晝有點心供應見時間尚早 可以食住等夠鐘蟹籽北菇燒賣皇($68)燒賣飽滿彈牙 食唔到肥豬肉值得一提嘅係其橙紅蟹籽 蒸後先加上 高湯瓜粒牛肉球($48)祥獅瑞獸作器皿很吸睛天氣凍時有熱湯盛載既可保溫 又可享用韮黃鮮蝦腸粉($68)腸粉厚度剛好 唔會過厚過薄每啖都有韮黃同蝦鮮蝦腐皮卷($48)食起上嚟唔油膩 香脆爽彈><><><><><><><><><><><念川居元朗元龍街9號形點1期2樓2023-2027號舖

#meloin @chuanpalace_mokoYoho終於開新的川菜館，裝修精美別緻，空間感大，食物份量大，建議多人食用。🐮前菜$25每次都是隨機的，今次是麻辣汁牛肚，本身不太愛牛肚的小編，竟然愛上這個麻辣汁，一粒粒的不斷地食。🍗招牌辣子雞(小)$288大量乾辣椒、腰果、雞粒炒成一堆，真係要食得辣先可以叫，食一啖就好辣。腰果脆口，麻辣感覺過癮。🍆魚香茄子煲（加白飯$20）$178熱辣辣滾着的魚香茄子煲，真的加入了鹹魚的味道，茄子大小適中，非常入味，一定要加個「靚仔」一齊食🔆脆炸饅頭$68饅頭新鮮炸，炸得金黃香脆，外脆內軟加上甜煉奶，是極佳的飯後甜品。念川居 (元朗)元朗元龍街9號形點1期2樓2023-2027號舖#念川居 #yoho #川菜 #炸饅頭 #水煮魚#魚香茄子 #元朗 #yuenlong #chuanpalace

念川居 (元朗)餐具好別緻，揀左鐵觀音茶，茶味清香～ 菜式份量幾多，所以今次2個人叫左3款菜式同一個白飯：🥢螞蟻上樹 $138原來螞蟻上樹即係豬肉碎粉絲，用辣椒🌶️炒，對小編黎講偏辣，但喜歡辣既朋友一定要試下，好惹味～🥢滑蛋蝦球 $198嘩～ 蛋炒得好香滑，包著大大隻蝦，蝦🦐肉彈牙爽口，再配埋白飯（+$20/碗），滿足🥰🥢魚湯鮮腐竹浸菜心 $158魚湯鮮甜😋 腐竹好滑溜，菜心翠綠，吸收魚湯精華🥰午市仲有點心，下次試下點心先🥰*需加一服務費地址：元朗元龍街9號形點1期2樓2023-2027號舖

元朗yoho mall 勁多嘢食,今日試呢間念川居係新開，門面裝修睇得出檔次比較高，今日就試吓兩個人啱啱坐低，飲啖茶先會有個牛肚做前菜，香辣醒胃，同你熱下身先先嚟一個高湯竹笙釀露筍，露筍爽口清甜，食得出係好嫩，用竹笙包住出奇地夾，竹笙用上湯熬製，好爽口索晒湯味，加上用咗金華火腿吊味，食得出用咗一段時間處理竹笙唔係咁容易處理，絕對係功夫野，如果做得唔好會有陣噏味，呢味餸已知廚師有料酸菜煮桂花魚，魚勁滑，新鮮彈牙爽口湯嘅酸辣味冇得頂，好辣之人必試，一開始食唔覺得太辣，但飲埋湯就知道之後越嚟越勁，果然係正宗川菜極度肥美彈牙份量都好多架就算係配菜配合呢個湯底都係一流再嚟多半隻新鮮脆皮吊燒雞，唔係平時普通去飲食嘅炸子雞，首先隻雞係好鮮嫩最重點係佢層外層，又薄又脆，皮下唔會成舊油脂，食落去下下脆卜卜，佢會跟兩個調味料，一個係淮鹽，另一個汁酸酸甜甜，令到你呢味菜有唔同嘅體驗兩個人食住咁多先，見到佢仲有好多餸，下次再同其他朋友嚟食

今日同屋企人嚟到元朗起yoho搵野食，礙於屋企人比較偏向鍾意食中菜最後選左念川居印象之中，依間餐廳唔係開咗好耐但係見座位坐得好舒服，決定試一試前菜有一個香辣貢菜，爽口之餘仲辣得過癮炸饅頭賣相吸引，饅頭炸得又香又脆，煉奶絕對是首選！Yummy蘆筍炒乳鴿片食落香口惹味，略嫌乳鴿片炒得來有少少過咗火喉，但蘆筍爽脆無渣擔擔麵麵條很幼滑十分掛湯，香辣嘅湯底非常之濃郁，最近咁凍冰冰就啱晒。魚湯腐竹浸時蔬奶白色既魚湯鮮甜帶陣陣胡椒香氣，飲落暖意在心頭。

YOHO又有新店進駐啦，鼠妹🐿當然要跟靜靜去探店啦😚。店舖位置一期食肆樓層，門面以紅黑色裝修，裡面是中式風裝修。食物以散點為主，價格中等食物大份。-▪︎脆炸鰻頭 HKD$68金黃色的賣相挺吸引，平常也喜歡吃的小吃，這個一份有六件。鰻頭外脆內軟口感鬆脆，配煉乳吃感覺香甜，而且味道較香口。-▪︎酸菜魚 HKD$418用中式小瓦盤裝著，金湯的賣相味道挺香 湯頭味道酸酸辣辣的。魚肉是用去骨桂花魚，肉質嫰滑鮮味。魚皮爽口肉質感覺入味，還有野菌和酸菜等配料吃。-▪︎薑蔥田雞煲 HKD$378打開煲蓋傳來“滋滋聲”，感覺是鑊氣足夠的。用薑蔥爆的味道很香，這個天氣吃薑挺暖胃的。田雞肉質嫰滑，份量算是多的。-▪︎松露瑤柱蛋白炒飯 HKD$188一上菜就聞到很香松露味，炒飯口感煙韌，粒粒分明。瑤柱口感煙韌，整體口感豐富，跟朋友分享吃挺好的。-

這間念川居位於元朗形點1期2樓嘅店舖，係一間新開以新派形式混合懷舊年代嘅風格🤔高級食府，尤其是用嘅餐俱好有過去年代特色😍，用嚟擺放食物吸引之餘增添食慾，店面環境以柔和色調坐著感覺寬鬆舒適😙，我覺得都唔錯!.酸菜魚 $418呢一窩酸菜魚賣相望著都幾吸引🤤，色香味散發香噴噴味😙，尤其是湯底奶白色好似幾正🤔，配埋大大件白叨叨桂花魚厚度適中，食到入口啖啖口感魚嘅味道鮮美😋，沾滿汁液令到味道更加好食!.薑蔥田雞煲 $378呢一煲田雞煲夠哂穫氣店家送上枱熱辣辣出哂煙😲，散發出好香薑蔥味聞到都好想食🤤，每一件田雞肉質原全入哂味又夠香口味道十足😋，肉質嫰腍又有咬口汁味濃厚!.松露瑤柱蛋白炒飯 $188呢一碟蛋白炒飯望著都幾好，望著冇乜特別🤔，食入口聞到松露香味😙，啖啖口感粒粒軟硬適中，加埋D配料蛋白瑤柱多層口感，而味道帶點香又唔會好乾口都幾好😋!.脆炸鰻頭 $68呢一碟炸鰻頭賣相金黄，外皮香脆😙內軟綿綿，將脆香鰻頭沾上甜奶香口之餘，令到整個鰻頭更加好味😋.

念川居 元朗元龍街9號形點1期2樓2023-2027號舖中國茗茶中國風 中華特色 擺設碗碟 酒杯 全盒 甚至有啲擺設係有夏商周嘅色彩如果對於以往中國陶瓷藝術有留意嘅話會發現某啲擺設係隋唐時期嘅製品 當然係仿製品 真嘅一定唔會擺喺度啦🤣陶瓷 枱燈 小木凳水墨畫碗碟，帶有宮廷特色嘅水杯 典雅 貴族風 木系特色建築當中有啲部份附帶西洋色彩有啲似民國初年 喺大上海嘅西洋餐廳當然主調都係離不開中國風帶屋企人呢享用士族嘅享受大舊招牌炒飯（洋蔥帶子炒飯）超大份🤣 帶子份量多 上碟好睇 賞心悅目級 小心食唔晒😂生磨芝麻卷仲記得婆婆叫呢啲稱之為菲林卷係由芝麻糊卷成嘅一個甜品外面加上少少炒香咗嘅芝麻椒香河蝦仁青椒🫑蒜蓉 青椒籽 一齊炒香河蝦鮮甜彈牙 肉質飽滿

新店開張，同家人黎飲下茶試下先。店內用上黑色主調，環境優雅，餐具精緻，店員仲好有禮貌，感覺唔錯喎😊開了一壺鐵觀音茶，打開茶壺望下，係用茶包包好的茶葉，聞到好香鐵觀音嘅茶味呢😌🥢蟹籽北菇燒賣皇燒賣係手切豬肉㗎，仲有大大隻蝦肉同北菇，鮮味有肉汁，好好味😘🥢鮮肉濃湯小籠包小籠包皮薄餡料多，一夾起就見到好多湯汁，個皮薄得黎又唔易穿，高質小籠包黎喎。咬開飲啖湯汁先，好鮮甜，再點少少醋同薑絲，真係好perfect😍🥢芙蓉海鮮芋蓉盒而家好少有芋角食，見到即刻要點黎試下，芋蓉軟綿綿，海鮮鮮味鹹香，外層炸得鬆脆唔油膩，好食！🥢富士蘋果叉燒酥叉燒酥嘅新派版本，加入蘋果粒多左份香甜，又令到隻叉燒酥無咁膩，good idea呀，好味好味🤤🥢四川擔擔麵仲叫左碗擔擔麵，上枱時幾香喎，顔色紅紅的好吸引，飲啖湯試下先，有花椒嘅麻同辣椒嘅辣味，但個人覺得欠左啲花生醬味唔係好習慣。麵條彈牙掛湯，放耐左都唔會淋晒有咬口，整體黎講都係好食嘅。環境靚，點心高水準，係嘆茶嘅好地點🫖