恒樂海鮮菜館

营业中

休息中

蟹肉新鮮，不過比較瘦，沒有甚麼肉。椒盬鮮魷頗爽口，唔會太韌，但味道比較重, 鐘意食香口野既朋友必選呀!豉椒炒蜆好夠鑊氣，蜆肉無沙而且帶辣味，但就份量不多!!姜蔥炒蟹蟹隻十分瘦少，蟹鉗也細細的，蟹肉不多。但蟹入十分入味，愈食愈惹味!總括黎講，份量十分小，但味道不錯。

每次來到長洲，總會在海旁碼頭一帶散步，偶爾進入那些橫街，看看那些具有特色的小店，看看有否特色的小飾物或物件，購買下來，用作手信自用也好。當逛街逛得累了，便是休息一下，隨意找間罎店，順道來一個午餐吧。恆樂海鮮菜館雖不是第一次來，但依然故我走入去坐下來，上次坐在室外，今次坐室內。基本上不用看餐牌，便可點菜，皆因已有想吃的東西。酥炸魷魚對比上次吃的，有所進步，至少炸粉不會甩皮甩骨，完全包著魷魚。今次吃到的是酥脆之餘，魷魚亦具柔靭，不硬，也較好吃。中式牛柳雖然與以前吃過的大有分別，沒有那種鮮豔的橙紅色，卻只有暗訝的色彩，當中洋蔥也頗多，故吃起來也頗惹味，而牛柳算是不靭吧。薑汁炒芥蘭是身邊人必點的，雖然看起身和吃起來都會有肥膩感覺，但當中亦有薑汁的味道，倘若用少一點油的話，就更好了。食過午飯，可以繼續餘下的行程，當入夜後，就出番市區。

上星期六和朋友E一起去長州一天遊，當然要試一試長州出名平、靚、正的海鮮，其實我上年已經幫襯過一次，那次是我第一次和家人去這些遊客區食海鮮，一直對遊客區的海鮮食店不太有好感，因為太「海鮮」價，但經過上年的光顧後，發覺長州這地方食海鮮，比在酒樓更抵。介紹一下我今次點的菜色啦！白灼蝦很好吃，因為夠新鮮，上年來吃時都定落下次一定會再叫這個菜色，份量都還可以，2個人吃很足夠，新鮮虾唔出奇，但價錢平就很抵。椒鹽鮮魷是一隻隻魷魚的，很可愛，不過我覺得應該剛剛這批是這樣，因為我上年吃都沒有這樣齊整。這是今餐最後一道海鮮，聖子一直是本人海鮮必點，這個聖子很好，沒有沙，夠新鮮，份量夠多，平上菜碟底的份量更多，佢一直有加多一些，那都算合理。這碟菜每張枱都包的，我今次就點了腐乳通菜，上年都有點，因為本人覺得通菜口感比其他菜好，可以用很多唔同的醬炒。介紹完今次的菜色，回顧返上年的菜色啦！我發覺我上年和今年的菜色其實差不多，不過今年沒有點魚，因為朋友E不喜歡吃魚，其實點魚就最抵，因為酒樓一條魚最平都要70多，現在叫三個餸+一個菜都是158蚊，我地還點了2支汽水和一個飯，200蚊都唔需要，食海鮮已經算很抵了。

琴日1/7就去左長洲 都見幾多人下 所以早D食早啲走 費事夜d要排隊食 見到海滂咁多間 呢間算最多人以為ok啦 入到去 呀姐話208蚊3款加多碟菜 咁我同男朋友就嗌左椒鹽瀨尿蝦 蒜蓉帶子 椒鹽鮮魷 仲有蝦醬通菜 通菜都ok正常 我本身對食都無咩要求 正正常常入得口就ok之後黎左瀨尿蝦 喂大佬 你黎得食海鮮你預左佢係新鮮架啦 大細我無所謂講真208有3碟海鮮你仲要求手掌咁大隻咩 碌完蝦殼都覺得怪怪地 個頭好易甩 之後咬落去都知道中左伏 霉霉地既個口感？ 我未食過瀨尿蝦口感係咁 俾左幾次機會佢 每隻個頭都勁易甩之餘 完全無平時食瀨尿蝦爽口脹卜卜既感覺 真係新鮮既野就咁白焯都好食 唔新鮮既落幾多調味都無用 我真係食左幾隻就食唔落 呢碟瀨尿蝦係我咁大個人最難食既 之後帶子得4粒 5蚊銀咁大左右 不過多蒜蓉 加埋啲粉絲 所以我覺得都ok既之後椒鹽鮮魷 唔知以為俾人食左幾舊-.- 隻碟唔係大架啦 仲要得一半 都算 一咬落口 啲粉仲厚過舊魷魚 食唔出爽唔爽口啦咁薄 不過我食左2舊就無食囉  埋單啦 嗌左支大汽水同$10一碗白飯-.- total$233好食就話抵姐 我真心覺得好貴呢餐埋完單先見到

黎到長洲渡假屋 晚餐就無乜所謂 去到依間野門口 個姐姐好熱情就入去一行九個人 入到去 枱布勁污糟 我們覺環境無乜所謂 就無走到 之後叫野食 呀姐服務又唔好 完全比門口態度好既呀姐呃哂野食到左之後 真係唔知自己食緊乜 所有炸野得個粉味海鮮又唔新鮮 真係得飯係正常味  如果十分滿分 我會比負五分囉

長洲海鮮大排檔真多, 一行4人一路行一路睇下人地枱面既白灼蝦好大隻, 終於選左呢間野, 門口D呀姐好落力拉客的, 入到去比個冷氣地方, 但好迫仲要一張大枱撘左4組人, 心諗唔通好好食,坐底叫餸, 選左6個餸$378既套餐,豉椒炒蜆、姜蔥炒蟹、椒鹽懶尿蝦、蒜茸粉絲蒸扇貝、蒜香骨、炒通菜.由炒蜆講起.......,蜆-細隻仲有好多死既, 味道還可以蟹-水蟹肉地一般,一碟得一隻比較細隻,4個人唔夠食尿蝦-走油過晒火,好乾身淨食到椒鹽味扇貝-蒜茸好多,粉絲吸晒味,唯一全晚最好食既,呢個真心贊好味道蒜香骨-其實系豬扒,唔系一字骨,都系好乾通菜-咸到飛起整體講家中的賓賓姐姐煮得好食過佢地多多聲雖然只系收$378,+樽裝汽水$15/支,啤酒$20/支, 並埋單$428, 但唔算抵食 

喺長洲行到7:30pm係時候晚餐揀咗恒樂海鮮菜館簡單叫個2人餐$238~等了20min已可入座踎大排檔梗係要啤啤佢啦~爽呀豉椒炒聖子我一定炒得好食過佢囉~鮮蝦上湯伊麵蝦好新鮮又彈牙上湯味道就削D喇冇乜味生炒骨夠鑊氣車爸爸吃酸了點但我愛啊不錯~吃飽打道回府~

同男朋友夜晚7點幾搵地方食晚飯，因為呢間門口個阿姐又話送飯又話送汽水咁，心諗既然個道間間都係做118兩個送加一個菜，是旦啦咁就俾佢氹左入去我地叫完野食，諗住問下係咪送飯送汽水啦，點知落單個個阿姐好冷淡咁話：「我唔知嫁喎，你問番門口個個啦」，心諗你地氹左人入黎想反口，搞到有d尷尬。後黎有另一個阿姐過黎笑笑口話：「飯同汽水只可以送一樣咋你要邊樣丫」，最後我地要左飯就算。雖然明明門口話兩樣都送，其實我又唔係特別好汽水個d人，但如果做唔到就真係唔好呃人囉好啦講番野食先。d野食都上得幾快，而且都係熱既我地叫左豉椒炒聖子、蒸扇貝同蝦醬炒通菜炒聖子其實都ok，個量都唔少，味道同口感都唔差。只係食落有幾隻有d沙 蒸扇貝，真心細隻到睇佢唔到咁制。雖然好中意食d蒜同d粉絲，但結果真係好似食蒜蓉蒸粉絲咁蝦醬炒通菜，勁大碟，兩個人加我勁中意食菜都食唔曬，不過慘在無咩蝦醬味加埋兩枝汽水，埋單142$兩個人，其實價錢係ok，但野食就唔算好好食。不過入面d阿姐有幾個好好笑容，又好有禮貌，勉強值得我俾一個ok既

晚餐黎到呢間，因為仲未夠鐘坐船走，經過時呀姐又大力推介118蚊2人海鮮套餐，2碟海鮮包埋茶同2碗白飯，見佢感落足咀頭，價錢又唔貴，又唔駛等位，就坐低試下。坐在海傍漆黑地望著海邊漁船，都幾有氣氛，直至菜上枱，就知中伏了蒜溶蒸扇貝細到無朋友，一啖咬落去，仲有好多沙，咬到牙都痛，吞唔落，感覺無沖洗乾淨，好唔衛生椒鹽九肚魚味精重，得個咸味，魚味無曬，可能要蓋過魚唔新鮮的腥味吧！最好味，竟然係碗白飯!118蚊，食這兩碟質素的海鮮，都算貴呢！

這個白灼蝦的蝦肉好多都係"梅"既，雖然你個辣椒鼓油做得唔錯，但係好少用得著佢菜芯雖然係送的，所以要求唔太高，不過食左幾條已經食唔落口係苦的薑蔥炒蟹個汁就好食，但係講到蟹肉的話就........又係同蝦一樣梅的揚州炒飯.....用"梅"蝦,火腿,蔥,蛋炒成一碟飯完全係沒有味道的炒飯我見到依間咁熱情招待就入依間啦...點知就出事但食完之後,我寧願食其他餐廳，甚至係連鎖快餐店

在茶餐廳吃過午飯，便先打道回府稍作休息，整理一下食文和相片。看看時間，艾呀，原來是四時多了，要出門口往中環接親愛的女友。接過後，便前往五號碼頭乘搭渡輪往長洲逛逛，落船後，便四處閒逛。到了晚上七時多，又是晚飯時間，在海旁兩邊有著大大小小的食店，提供了海鮮小菜晚飯，經過一輪「候選」後，便決定在恆樂海鮮菜館落腳，吃番正常的晚飯。由於坐的位置是露天地方，故此環境就一般吧，可是咱們卻不介意坐在露天，而且平時不會坐露天，而親愛的女友也肯陪在下坐在這樣環境下吃飯，實在難得。既然是要海鮮，當然先點來兩個，再點兩個小菜，已經好足夠了。椒鹽鮮魷是親愛的女友點來的，也是她喜歡吃的。鮮魷表面較白，沒有想像中那麼的深色，也沒有椒絲在內。不過吃起來卻有微微的椒鹽味道，沒有那麼重口味，而且椒鹽味道適中，沒有吃得太過口喝。清蒸黃立倉黃立倉的食法有鼓汁和清蒸，但是今晚不點豉汁蒸，改為清蒸，魚蒸得很滑，蘸上了蒽和甜醬油，更能吃到魚的鮮味。中式牛柳色澤較深色，不像從前那種橙色的那麼鮮艷。這個牛柳以洋蔥和茄汁調味，與從前做法不同，牛柳沒有被炸過或用油汆過，口感則屬軟腍，就像在吃牛扒般的感覺，只是有種酸微微的。薑汁炒芥蘭原本想

入到大學之後，sem break 悠悠長，上星期就同男朋友一齊去長洲，展開一次美食之旅 係我地食左好多街頭小食之後，我地終於決定坐低食晚飯！ 當我地行到食肆雲集個area 既時候，每一間餐廳都有一位阿姐負責招徠客人，不斷咁sell 我地入去食，我地睇哂咁多間之後，決定揀呢一間食晚飯。 原因係因為，呢間既價錢最平再加多野食，118 蚊兩碟海鮮再加一碟菜。我地覺得是okay 的。 我地就要左鼓椒炒蜆，椒鹽鮮魷，仲有一碟生菜。 首先上枱既係生菜其實有啲失望，感覺上係就咁冇落sauce炒，然後加啲炸蒜係頂做調味，食左幾啖之後有啲後悔揀左呢間。 好頹咁食左幾條生菜之後，跟住黎既就係鼓椒炒蜆。 好正！個sauce 好夠味，啲蜆好新鮮(長洲既好處xd仲有，比起平時出街食，呢到少好多空殼同埋未開口既蜆，值得一讚！應該只係得唔夠十分一既蜆係未開口，空殼都比較少，而且一碟既份量都幾大，我同男朋友都食得好開心 食食下蜆椒鹽鮮魷就出現左啦其實呢一碟跟一碟醋我一開始以為係鼓油然後就…xd啲鮮魷都好正，同樣好新鮮，個調味係咸中帶點甜，幾特別：D炸粉幾薄，咬落去係爽架！！！(前幾次係茶餐廳食椒鹽鮮魷是淋的所以我今次

是日聖誕節，第一次係長洲食晚飯，食呢間係因為有個阿姐sell我地入去，見另外兩間咁多人排隊就，呢間唔洗，咁就坐低啦。叫左：豉椒蜆，殼就好多啦，不過肉就堆埋都放唔晒一隻豉油碟。味道ok，因為好重味精。薑蔥蟹，d肉梅既，唔新鮮，好後悔叫左呢個。蒜蒸扇貝，最好食呢碟，蒜味重，粉絲多，但肉質都似蒸耐左。蒜蓉炒芥蘭，呢碟送既，套餐$208就送一碟菜；味道都唔錯既，但係食下食下發現食到好多沙，應該完全冇洗過，真係好唔衛生。但係送既野，都唔好expect咁多。下次再去長洲我諗我會食第間。食完即刻睇openrice發現大部份食評都同我既experience差唔多，早知做左research先去啦......不過咁既價錢有4碟餸，$24有支大啤，仲要聖誕節，都唔好expect太高，所以平均黎計我俾OK真係好仁慈啦....

從來都覺得去長洲吃海鮮，都是些遊客們的玩意。基本上去到海皮一列的海鮮檔，巳經成班拉客阿姐當我萬人迷一般洶湧而上。「靚仔靚女，哩邊座啦」，全世界唔使整容都被叫成靚人。在拉拉扯扯一輪後，最終「恒樂」的大姨戰勝了，她即時在一眾阿姐中露出勝利得戚的笑容，差在未做「V」字手勢。。。「海帶清湯」我絕對相信此湯是十分有益，因為我只見一堆海帶浸在熱辣辣的湯內，而且是甚麼味道也沒有，巧清啊。「椒鹽鮮魷」叫了用來送啤酒，味道還好，勝在剛剛新鮮炸起，椒鹽也下得足，是沒有不好吃的理由。「清蒸海魚」這項抵讚，魚肉蒸到剛剛離骨，肉也鮮甜，甜豉油也對胃口，用來撈白飯也不會過鹹。「薑蔥炒花蟹」花蟹細小而無肉，將價就貨，係咁上下。反而慢慢去拆蟹肉吃，是個消磨時間不錯的方法。。。以上套餐價賣$138元，白飯無限添補。抵嗎？抵。好吃嗎？60分咁上下。同枱食飯各自修行，平均約$2換一分，想不想吃，你就要自己衡量了。

我近來出食評真係好慢.幸好我寫得如此差.應該沒有人會期待我的食評.今晚我就要清一下食評. 大約十日前.即興去了長洲.事前什麼計劃也沒有.但腦海中也有心水海鮮店.怎料我去到我的心水店門口.門口掛著:今日休息.心中帶點無奈繼續前行.上一次長洲之旅.光顧過海旁第一間食店.今次就試第2間.店員相當熱情拉客.服務當然沒有問題. 我建議大家大約六點到海鮮店.可以由日景看到夜景.而且吹著海風食海鮮.既有氣氛,也是一種享受.而且付出價錢也很便宜.118元就有2個海鮮,一菜.一湯.不用加一.海帶湯:上枱時熱辣辣.海帶也相當足料.湯味道亦算清甜.合格有餘.豉汁蒸鎗魚:用的材料當然是街市最便宜的鎗魚.蒸的火喉有點過火.影響到魚的肉質死實的,魚鮮味亦盡失.感覺較失色.唯一可取的是,調味醬汁不會過鹹.蒸扇貝:蒜蓉香味.相當吸引.伴碟粉絲亦鮮甜.但元貝的確很細.比吃日式放題的元貝細.不過味道也鮮甜,質感正常.也算好食.炒通菜:為什麼如此濕?看到賣相.胃口都減了一半.菜算嫩,入口爽口.味道不算鹹,只是賣相差一點.味道接受到.其實如果要評論質素..的確低於水準.不過2人價錢128元.有飯有餸,有汽水.給