悅滿軒

Book了1:30pm，提早了10分鐘到餐廳，餐廳未有空位尚能理解，待有位再致電聯絡我。30多度的炎炎夏日、烈日當空，係戶外走動約二十多分鐘，在1:40pm主動前往餐廳了解座位，仍需等待執位才入座，店內人手不足，入座程序較混亂餐廳冷氣不足!! 十分炎熱! 在食客進出後，未有及時關門，令戶外的熱氣進入餐廳，環境並不舒適。食客談天聲音、店員收碗盤的聲音，令環境嘈雜，又熱又嘈，相當辛苦。食物方面，前菜沙律、南瓜湯及麵包味道不錯。5成熟的"燒澳洲10安士肉眼扒配薯仔.炒菜"，肉眼扒韌、有筋，較難用刀分開筋部; 炒菜方面, 露筍及小粟米都偏生, 帶有令人不喜歡的草青味，薯仔味道不錯。坦言，味道、環境都令人失望，並不如其他食評般美好。

𓃖美國頂級牛腹肉 12安士牛腹肉有啱啱好恰到好處嘅牛油脂；牛腹肉鮮味比牛隻其他部位更加濃郁 口感軟嫩得黎又帶有嚼勁，好咬得黎又唔會太廢牙力😬𓃟蘋果木煙燻西班牙乳豬 $318西班牙烤乳豬係一大個脾位 好似食雞脾一樣咁爽🐷 豬皮油令令烤得超級香脆又夠薄身 唔會油膩膩，乳豬肉質軟稔稔好鬆化。分開附上一兜意大利黑醋汁質地厚實有少少黏稠 配搭乳豬食可以提升肉嘅醇香口感 整體更上一層樓；乳豬底部典咗好多薯蓉 質地順滑奶滑無顆粒感，食得出牛油味好香濃🧈 連我平時唔太鍾意食薯仔都食哂！

美國頂級牛腹肉 12安士 ($328)牛腹肉重12安士，牛肉味香濃突出，無任何難頂嘅蘇味，燒到平時怕食牛肉嘅朋友仔都話好味🐮法式烤鴨清湯配風乾鴨胸片 ($98)跟住到賣相好靚好精緻嘅呢款湯，雖然睇落清澈見底但味道絕對唔會好清淡無味，飲到濃濃嘅鴨香味又無咗平時鴨肉嘅油🦆海龍王湯 ($448)呢個湯真係多料到嚇親 已經唔可以用湯嚟將佢歸類 應該係話屬於主菜😂😂裡面有五六隻藍青口、兩隻皇帝蝦、兩隻托托蜆、大大粒帶子同埋一球龍蝦肉全部海鮮都真係好新鮮好鮮甜，唔會有任何雪藏味或者腥臭味，呢點好值得表揚🥇

咁耐無出街難得今日約左朋友食飯當然要食好啲食豪啲，就揀咗呢間位於荔枝角嘅法國餐廳。首先話名食好啲食豪啲當然要叫反幾隻蠔，果然係“好蠔”，呷到鹹鮮嘅海水味🌊，肉質又肥美蘋果木煙燻西班牙乳豬🐽嘅肉都幾厚，唔會話燒到好乾，而且真係食到少少蘋果木嘅味道，唔係齋gimmick嘢🍎美國牛腹肉他他🐮混合咗好多材料，有酸有甜有爽脆，食到口感味道豐富但又唔會蓋過牛腹肉自帶嘅牛香味。好鍾意佢配嘅蒜蓉包，屬於偏薄身唔係厚切多士類型，但都有四塊。多士成片都烘到超級香脆，鬆軟嘅麵包體變咗完完全全香脆，似帶少少煙韌嘅薯片🤣

-法式海膽焗蛋 從來靚嘅材料只需要簡單烹調已經可以好好味呢味菜嘅焗蛋做得好好 剛好熟外層凝固內層依然滑溜溜好動L的感覺💃配搭的海膽醬香味四溢，質地十分滑順😚-寶雲酥焗西班牙伊比利亞羊扒配自家製羊肉腸西班牙伊比利亞羊扒連骨架 可以用手攞起然後啖啖肉咁咬 超級豪邁 好爽羊肉鬆軟然後外皮黏咗啲麵包糠脆脆地再加埋啲芥末醬又辣辣地口感味道都好豐富🌶️配搭嘅砵酒汁味道甜甜地淨係帶少少酒味所以都好容易入口🍷紅酒配搭羊扒都算係經典組合 平時係紅酒當飲品但原來變成醬汁一樣好夾～

法國家鄉焗煲配黃油雞🐔 $268法式海龍王👑 $448海龍王的確好足料海鮮超級重份量，包括咗藍青口、皇帝蝦、托托蜆、龍蝦同埋帶子。每樣都大大粉同埋有好幾件👍藍青口外殼漆黑帶藍又好有光澤，雖然青口驟眼睇好似瘦猛猛唔夠肥美無咩肉咁，但食落發現肉質好嫩滑好creamy，做到基本無渣之餘都好爆汁。食到淡淡嘅海洋海水鮮味。托托蜆帶微微煙燻鹹味，肉質爽脆又鮮味。見到餐牌前菜有個托托蜆配白酒昆布湯應該都會好正，下次嚟一定會試試佢😋最驚喜係竟然有一大球處理好嘅龍蝦肉，龍蝦肉質爽彈又有鮮味🦞

其實基本上我每次去到餐廳見到有得點生蠔，都會叫幾隻嚟試試，呢間餐廳就提供四款唔同品種嘅生蠔！分別係一、法國皇家蠔二、愛爾蘭路易費莎三、美國黃寶石四、法國吉拉多蠔味道從淡到濃店員都有建議我地話如果係初嚐生蠔或者鍾意少啲海水味比較容易接受嘅話就可以叫第一第二款，跟住進階到第三第四款。我地就每款叫一隻對比下。首先係四款都好新鮮，我自己嚟講最鍾意第三款，有海水味得黎又唔會蓋過生蠔嘅鮮甜味道，加埋檸檬汁就更加refreshing🍋另外叫咗海膽燉蛋同埋法式海龍王湯都食到好濃嘅海鮮鮮味👅

1. 法國生蠔法國生蠔聽就聽得多但都真係第一次食因為全家都唔食生嘅食物 所以由細到大都無咩機會接觸到唯一一次食生蠔係放題嘅時候但覺得唔太新鮮就無再食過呢款完美刷新我對生蠔嘅印象🦪呢次叫咗款法國皇家蠔 好似話係比較淡口味嘅感覺比較適合我呢種初哥 金屬味唔突出又食到海水鮮味🌊我食完一隻都即刻攞咗第二隻 開始同朋友搶食😂😂2. 法式海膽焗蛋焗蛋時間焗得剛剛好滑捋捋嘅焗蛋配搭順滑濃郁嘅海膽醬表面重放咗一片橙橙嘅海膽 超級creamy絲滑點會唔滿足啊😇

🦀法式泥蟹湯其實本身都太清楚泥蟹係啲咩，感覺似龍蝦蟹湯就叫咗。味道甘香口感幼滑香甜，表面仲有啲蟹肉肉碎增加口感又增加鮮味。🐷蘋果木煙燻西班牙乳豬 $318西班牙乳豬切成兩大塊，連骨上嘅。乳豬豬皮烤到金黃色見到已經流口水！意大利粉配薄切西班牙紅蝦。 番茄蟹肉紅蝦汁 $298🍝意大利粉偏幼身又保持到口感🦐薄切西班牙紅蝦第一次食薄片嘅紅蝦，味道依然香甜，口感好似更加爽脆🍅番茄蟹肉紅蝦汁有番茄酸酸地嘅味道又有蟹肉同紅蝦嘅鮮甜整體配合得好好超高質啊 會為左佢encore再到呢間餐廳！

$348美國安格斯牛肉眼扒 據說肉眼扒有呢個名係因為佢有一塊好似眼睛嘅油花👀牛肉眼扒肉質鮮嫩 油花分佈均勻而且多 所以食到肉同埋油花嘅比例好平均🥩 叫嘅五成熟都好啱啱好🔥肉質淋得黎又有肉香味配菜有幾粒燒過嘅小番茄 大大粒飽滿多汁 絕對要一啖一粒如果唔係會爆汁漏到周圍都係🤣 另外有個烤過嘅蒜頭 味道無左生蒜頭嘅辛辣味道同埋口臭味 反而多左一種香甜軟糯嘅口感 辛辣感都會變左鮮甜$448法式海龍皇湯材料多到我嚇親  係完全好似個海鮮拼盤咁 有蜆肉 藍青口 帶子 蝦 龍蝦🦞超有鮮味又濃郁🤤

寶雲酥焗西班牙伊比利亞羊扒配自家製羊肉腸。 砵酒汁羊扒都屬於比較少見既肉類，因為一般人都會覺得羊扒會有好膻好難接受既味道。呢款西班牙伊比利亞羊扒就完全無我擔心既問題👌反而呢款羊扒有種比平時食既雞肉同牛肉更加濃郁既肉味，而且比嗰兩種更加嫰滑多汁，帶點獨特既羊香味。呢款羊扒烹調方法都好特別，叫咗寶雲酥焗，屬於法國南部一種最傳統既焗羊架方法。🇫🇷做法係喺烤羊架面層搽上芥末醬、麵包糠同埋香草嚟焗香。會食到羊扒面層酥酥脆脆內裡羊肉好滑嫩嘅雙重口感，非常特別👍砵酒汁口感細膩又可以提昇羊扒嘅鮮味🍷

$328美國頂級牛腹肉 12安士 標榜無激素無抗生素就可以食得好放心啦❤️淨重有12安士重好適合同朋友或者另一半分享食 所謂獨食難肥啊嘛😙牛腹肉我一向食開唔成書 嚟到都唔例外叫咗五成熟牛肉顏色好粉嫩好靚 肉質鮮嫩好有牛香味🥩而且佢哋好貼心上菜時候已經幫食客切好左一塊塊咁就唔需要擔心儀態問題而且可以直接用叉拮黎食😍配菜有燒原個蒜頭同埋幾粒燒車厘茄 屬於經典配搭👍車厘茄經過燒過所以更加甜咬開會爆汁嗰種🍅食西餐當然要配埋酒啦叫左杯紅酒配紅肉牛腹肉果然好配🍷

🦆法式烤鴨清湯配風乾鴨胸片🦆呢款餐前湯都幾有綽頭架 佢上菜嘅時候你第一眼會見到一個空空嘅白色碗盤盛著個風乾鴨胸片 咁你就會諗啦“唔係點左個湯咩?” 其實呢個時候就係要加入隔離個兜仔裝著嘅法式烤鴨清湯 烤鴨清湯質地無平時西式湯咁濃郁 但又會比媽媽煲嘅中式湯濃厚啲 加入湯後會見到個好似豉油顏色嘅湯底 上面有朵花花做點綴🌹🍝意大利粉配薄切西班牙紅蝦🍝意大利粉屬於偏幼身嘅 似係天使麵 口感大約係al dente有咬口得黎唔會話麵粉感太重 番茄蟹肉紅蝦汁嘅質地同份量平衡得好好 令意大利粉夠醬汁又唔會太過分濕潤

🦪生蠔有四款選擇，分別係法國皇家蠔愛爾蘭路易費莎美國黃寶石法國吉拉多蠔叫咗兩款分別聲稱係最大嘅三隻法國皇家蠔同埋三隻法國吉拉多蠔法國皇家蠔嘅生蠔滑溜口感好突出 海水鹹鮮味比較淡法國吉拉多蠔嘅海水鹹鮮味就明顯更加濃厚 肉質更加厚實爽脆而且蠔味鮮甜如果就呢兩款比較我更加中意食後者嘅法國吉拉多蠔係會想encore多幾隻嗰種🤤意大利粉配薄切西班牙紅蝦。 番茄蟹肉紅蝦汁西班牙紅蝦切成薄薄一片配搭酸酸地番茄蟹肉紅蝦汁同埋有咬口嘅意大利粉👍

前菜湯品嗌咗一款🦀法國泥蟹湯🦀跟住到個個樣貌賣相好似法式燉蛋甜品嘅法式🥚海膽焗蛋🥚法式海膽焗蛋嘅焗蛋火喉同埋時間控制得好好 個蛋係啱啱好熟嘅狀態 完全唔會老仲係好滑身 至於海膽方面就食到海膽超級奶滑順滑海膽鮮味香味都好突出 口感都係超級creamy🥰主菜其實都係一款湯 就叫咗🥄海龍皇湯🥄材料多到嚇親我地！有好大隻蜆肉 藍青口 肥美帶子 大虎蝦 相信係加入左好多好多嘅蝦頭蝦膏 以大量海鮮浸著令到個湯底超級鮮味🦞而且湯底呈橙紅色一見到已經令你食慾大開!!