悅滿軒

🐔法國家鄉焗煲配黃油雞🐔黃油雞係原隻上嘅，雞隻肥美雞肉又好厚身做到食肉者最愛啖啖肉嘅效果🤩就算係食到雞胸位置都唔會話好乾好柴，鎖住到雞肉嘅肉汁。而且好欣賞佢係用個煲仔原煲上所以好可以保到溫，就算同朋友一邊傾計一邊食都唔會凍得好快🍲法國家鄉焗嘅醬汁係酸酸甜甜嘅香草番茄醬汁，酸甜中帶香草香料嘅清新味道，中和到黃油雞可能存在嘅油膩感🍅🐟烤釀智利海鱸魚配地中海汁🐟海鱸魚賣相好靚，旁邊放咗啲綠葉好似還原魚喺海底咁。魚皮香脆魚肉新鮮好嫩，新鮮嘅魚簡單煎煎已經可以好好味👍

🇫🇷法師海龍王，海龍皇湯底有加入左超級多海鮮，有托托蜆、龍蝦、藍青口、皇帝蝦、帶子！托托蜆好大隻 同 藍青口一樣連殼上，皇帝蝦、龍蝦、帶子都係肥嘟嘟啖啖肉塞滿個口超滿足，我就最鍾意食個藍青口，肉質飽滿、嫩滑又無渣渣！有咁多鮮甜嘅加持令湯底味道十分濃郁鮮美🌊而且因為海鮮種類多份量多，而且湯底濃郁濃稠，所以基本上飲完個湯都已經飽飽地食埋啲海鮮就真係好飽足，絕對可以當正餐食🥄都另外叫咗幾隻生蠔，每隻大約三十幾蚊以呢個新鮮程度絕對值得🦪中間放咗幾瓣檸檬擠完就更加鮮味更加清新🍋

1⃣生蠔拼盤之前都食過生蠔但未算生蠔專家，就聽朋友話揀咗呢款嘅YellowGem。味道好容易入口，無個種好重口味嘅海水味或者金屬鐵臭味👍每一隻生蠔嘅外貌唔算到最肥美但全部都係👍🏼👍🏼👍🏼👍🏼👍🏼2⃣海膽法式焗蛋完美體現到簡簡單單嘅食材只要用適當嘅烹調方法就已經可以做到超級好味嘅菜式3⃣寶雲酥焗西班牙伊比利亞羊扒配自家製羊肉腸寶雲酥焗肉係法式嘅傳統烤焗方法，用上咗大量黑胡椒、芥末同埋麵包糠包裹著一大塊肉扒。自家製羊肉腸確實少見 普遍見到都係豬肉腸雞肉腸或者牛肉腸都比較少見，呢度就有埋自製嘅羊肉腸🐑

美國牛腹肉他他配蒜蓉包 $168牛腹肉他他同一般食開七成熟嘅牛腹肉肉扒相比：少咗陣油脂感 多翻啲Q彈嘅口感🥩 旁邊附上四塊惹味香脆蒜蓉包，搽咗滿滿嘅蒜蓉醬汁 蒜蓉同牛油味都好突出好香寶雲酥焗伊比利亞羊扒配自家製羊肉腸 $298平時伊比利亞橡果黑毛豬就見得多都食過，伊比利亞羊扒真係第一次聽第一次食😆羊扒煎到七成熟 聲稱會食到佢最好嘅口感，有啲肥膏但又唔會太過分油 羊肉味好濃郁但係又唔會有平時接受唔到嘅羊羶味👍旁邊配有薄荷啫喱一齊食可以中和油膩度 會涼涼地感覺更清新🌱

蘋果木煙燻西班牙乳豬店員會喺你面前再將已經切開嘅乳豬放上蘋果木燒 ，可能因為啱啱燒好嘅關係所以乳豬皮比平時食到嘅更加香脆，而且薄薄一層都唔會覺得好油膩好難入口👍 ，味道方面的確食到濃郁芳香嘅蘋果木味 有種好raw嘅感覺！乳豬係大大舊上 就唔會好似平時食到嗰啲切成細細片食咁樣 可以食得更豪邁感覺就當然會更滿足 佢係會食落有種乳豬嘅油香又唔會覺得好油膩嘅感覺🐽寶雲酥焗羊扒配自家製羊肉腸羊架肉嫩蘇味亦都唔太感覺都有🐑 外皮酥酥脆脆比較特別

睇佢地理位在山上，所以就去一試午餐，但食完之後，又唔覺得有驚喜，食物水準一般，只係一試無妨，再試諗諗。始終地理位置和食物唔太吸引到我。相信食客來都係打下卡，輕鬆下，即係食環境。分別有前菜、主菜和後加的甜品。另外好多想食的甜品都沒有。最後食個Cheese cake前菜：湯+ 沙律主菜：7成熟牛扒，上菜時仍有血水滲出，都幾韌，有牛味。甜品：一般，沒什麼comment, 可能是入貨。食物唔會令你驚喜，地方環境可以，年輕朋友仔和couple 可以一試。

由於中午飯都食得比較飽所以晚餐時間來到呢間餐廳就同朋友點咗一個魚同埋兩杯野飲🍻-烤釀智利海鱸魚配地中海汁智利海鱸魚係連埋魚頭同魚尾上菜。魚皮烤到金黃色脆卜卜咁；魚肉顏色潔白，食到口感細嫩而且充滿魚油香，有油潤嘅口感🐟智利海鱸魚嘅魚肚釀咗好多唔同嘅材料，雖然唔可以好清楚咁講得出每款材料但裡面味道最突出嘅我覺得係個墨魚滑，食到口感爽彈又有魚香味用咗啲紅番茄乾 金華火腿 薄切炸過嘅蒜片 同埋橄欖油調成醬汁墊底係大量幼細嘅菠菜苗葉，口感滑嫩清甜🥬地中海汁酸酸甜甜令鮮甜嘅烤海鱸魚更鮮甜更好味

🐮美國頂級牛腹肉牛腹肉上台時已經切成咗八片 每片都有一定厚度又稔身，旁邊有分開附上一個忌廉黑椒汁 同 阿根廷青醬，忌廉黑椒汁偏向奶啡色 質地順滑帶啲黑胡椒粒粒，阿根廷青醬帶有草青獨特嘅香氣🍃有豐富嘅橄欖油油脂之外又有大量香草碎碎喺表面，有汁點又有菜食🤣 係多重口感嘅感覺！配菜方面有差唔多成十粒車厘茄 因為經過烤焗所以甜度更濃縮更高更突出🍅另外都有個同樣經過烤焗嘅蒜頭 兩者配搭牛腹肉可以增加豐富感之餘又解到膩，雖然屬於經典嘅配搭但食得出花咗唔少心思👍

法式烤鴨清湯🦆都比較少見。質地輕盈味道鹹香湯清又唔油膩。配搭嘅風乾鴨胸片質地香脆，經過風乾所以鴨肉味更突出，更香脆可口。法國泥蟹湯🦀相比之下就更加濃郁更加惹味。有好濃嘅海鮮蟹鮮味，而且質地濃稠所以配搭跟餐餐包堪稱絕配而且比起另一款嘅法式烤鴨清湯跟適合，索哂啲味道令原先酥脆嘅麵包更上一層樓🍞泥蟹湯質地比平時西餐飲到嘅忌廉餐湯更更更杰身更綿密，重點係仲食到啲好幼細嘅蟹肉絲。鍾意佢跟餐餐包🍞有加入風乾蕃茄乾，有蕃茄甜味之餘又有啲鹹香嘅味道，算係鹹甜相配🍅麵包外層香脆，麵包體又足夠鬆軟，點湯食一流。

❤️生蠔❤️叫咗六隻來自太平洋嘅Yellow Gem黃水晶生蠔，蠔肉大大隻有海水鹹鮮味道 感覺非常新鮮抵食🌊🐔法國家鄉焗煲配黃油雞如個菜式名所講都真係幾有家鄉嘅感覺，同市面上連鎖店嘅家鄉雞唔一樣 去真係好似傳統西方屋企媽媽煮比你食嘅感覺🏠黃油雞原隻上 做到鎖住到肉汁同埋濃厚嘅雞油。🥚法式海膽焗蛋平時燉蛋蒸蛋茶碗蒸都食得多，焗蛋重要加海膽真係第一次食，巨蛋嘅表面有微微脆嘅口感 裡面又超級滑捋捋，加咗少少海膽係面頭 鹹香鹹香好creamy！每一樣食材都食到佢本身自帶嘅鮮味，係滿足啊❤️

法國泥蟹湯:首先講講佢嘅質地，質地濃稠帶點漿力，味道帶濃濃嘅蟹味道🦀 最緊要係唔會有蟹殼或者蟹衣 每一啖都好似飲到濃濃嘅蟹精華咁，配搭嘅跟餐麵包非常香脆。沾咗濃濃嘅泥蟹湯之後變得比較軟綿，味道超級超級濃郁鹹香🍞法式海膽焗蛋:感覺有少少似法式燉蛋或者平時日式茶碗蒸嘅變奏版，焗蛋超級滑溜 表面放咗一篤橙黃色嘅海膽，海膽味道甘甜口感奶滑，整體成個菜式都好滑好鮮甜。另外都叫咗個海龍皇湯同埋西班牙紅蝦義大利麵，兩款都食到海鮮本身自帶嘅鮮香味道🦐

法式海龍王｜$448呢款應該都算係法國菜式經典中嘅經典🇫🇷 味道比一般平時飲嘅龍蝦湯濃，食到用咗大量海鮮而醞釀到濃郁嘅鮮香味 表面已經好靚靚咁鋪擺咗幾隻連殼嘅原隻大蝦 幾隻連殼青口 帶子 大蜆 多款海鮮，每款都好肥美鮮甜🦐 最鍾意個大蝦 因為係原隻連殼上嘅關係所以吸滿咗濃濃嘅海鮮湯精髓 超級濃香惹味烤釀海鱸魚配地中海汁｜$288海鱸魚選用咗智利嘅魚 原條上🐟 因為經過烤所以魚皮好香脆魚肉又好多汁好鮮甜，地中海汁用咗大量各種嘅蔬果海鮮同橄欖油 味道清爽微微帶酸 同個烤過嘅海鱸魚都好夾 配搭相得益彰🍋最後仲有十分新鮮，礦物味十足既生蠔，呢個價錢，加上呢個味道，無得輸❤️❤️

嚟食法國餐點可以唔叫翻幾隻生蠔試試佢啊😗我今次叫咗佢哋主打嘅愛爾蘭生蠔同太平洋黃水晶生蠔各兩隻^_^個愛爾蘭生蠔叫做Louet Frissero ，太平洋黃水晶生蠔就叫做Yellow Gem，可以見到每隻壕雖然未去到最肥美但都好大隻，我比較鍾意個太平洋黃水晶生蠔Yellow Gem，味道更清爽比較淡金屬味^_^主食叫咗個法國家鄉焗煲配黃油雞，有原隻嘅黃油雞 帶濃濃嘅雞油香味🐔食到雞髀位就更加嫩滑啦🥰醬汁係番茄牛油醬酸酸甜甜好開胃，另外個醬汁都加入左超多配料，有切咗半嘅紅蕃茄 洋蔥 鷹嘴豆 ，所有配料都煮到好軟稔好入味，加埋表面撒咗大量芝士碎就更惹味^_^

意大利粉配薄切西班牙紅蝦呢味菜賣相頗特別 通常紅蝦意粉都係意粉上面放隻紅蝦 但呢度就將紅蝦肉切成薄片放喺意粉底部，紅蝦薄片蝦肉爽甜鮮美又好濃好突出嘅蝦味🦐醬汁用咗個番茄蟹肉紅蝦汁緊緊咁包裹著每一條意粉 唔會見到個碟有好多多餘嘅醬汁令賣相變得無咁好睇🍅美國頂級牛腹肉 牛腹肉我哋揀咗五成熟 廚師嘅火候都掌握得好啱啱好 唔會話太熟變咗七成熟或者太生咁樣😍牛腹肉有濃郁嘅牛味而且肉質超級軟腍 唔會話帶好多筋位令妳要不斷咬或者咬唔斷咁🐮

美國牛腹肉他他配蒜蓉包 $168美國牛腹肉嘅味道一向濃郁幼滑，如果煮熟後可能會覺得比較油膩，所以呢間餐廳將佢做成他他就避免咗有機會覺得油膩嘅問題👍牛肉他他係將生牛肉切碎再拌入唔同嘅食材，食到牛肉幼滑嘅口感之餘又有洋蔥爽脆刺激嘅口感🧅法國家鄉焗煲配黃油雞 $268呢款菜式難度非常高好考廚師功夫個煲香味超級香 黃油雞肉質特別細嫩幼滑🐔齋食雞部分會食到好香濃嘅牛油味醬汁係酸酸甜甜嘅番茄醬汁🍅 濃郁又開胃蘋果木煙燻西班牙乳豬 $318平時如果見到用煙燻嘅菜式一定會點 因為真係比較難自己還原到乳豬係大大片上而唔係平時切件🐷皮脆肉嫩 配搭嘅酸菜酸酸地好好味