意粉屋 (已結業)

3:30放工，約埋阿媽去旺角tea tea。揀咗意粉屋，因為唔洗等位，又做緊買二送一優惠。兩個人叫三個餐，公司三文治、火雞煙三文魚沙律同煎雞扒菜湯天使麵。公司三文治，穩陣之選，味道正常;料好豐富，有碎蛋、芝士、火腿、雞胸肉、蕃茄同生菜。麵包烘過，脆脆地。煎雞扒菜湯天使麵熱辣辣，雞扒同天使麵分開上。菜湯天使麵有雜菜，湯底夠味，蕃茄味酸酸地。天使麵好滑又唔會過淋…雞扒反而較失色，較油又較鞋。火雞煙三文魚沙律最出色，最開胃…有火雞、蘋果、菠蘿、生菜同螺絲粉;面頭有煙三文魚。螺絲粉好硬; 蘋果好爽甜，酸酸甜甜好開胃…意粉屋真係一個食下午茶嘅好地方！

禮拜五同媽媽係朗豪坊 UA Cinemas 睇完「那些年，我們一起追過的女孩。」後，唔知食咩好，見到對面有間 Spaghetti House，好似好耐無幫襯過，所以就決定入去試下啦。我地係係後門入既，因為我唔知後門淨係得樓梯通往門面，所以就同媽媽一齊撐左十幾級樓梯先去到。去到門口，唔駛幾耐就有個侍應招呼我地坐低。揭完一輪餐牌，由媽咪發板，叫左個濃香套餐。叫呢個套餐既主要原因係媽咪對個沙律同個豬仔骨好有興趣，可惜只可以2選1，最終加多左個沙律(因為散叫沙律比散叫豬仔骨平幾蚊)。首先黎既係餐湯呢個湯味道一般，略有蜆味，但心知係以雪藏蜆肉煲成，再加幾隻有殼既蜆而成既。然後係另外叫既沙律係成個餐唯一比較可取既食品，生果沙律清新開胃，加上煙三文魚，口感豐富有層次。再黎係主菜芝士焗出黎既食物應該都唔會太差，至少一上枱個下香噴噴，幾令人垂涎三尺。龍蝦汁都做得唔錯，配搭得宜。不過可能唔食慣墨汁整出黎既食物，食到一半開始個喉嚨有少少痕痕地。另外，個飯做得唔太黏身，「不」起上黎「散收收」，唔知係咪個飯既特色呢？之後講起就把鬼火，我地明明落單個時講到明個沙律係另加既，個餐要既係豬仔骨。原本以為個豬仔骨製作需

芝士焗巴馬火腿厚切吉豬扒飯 賣 $98。豬扒先炸後焗，香脆外皮把肉汁鎖住，肉味濃郁，肉質挺實。下些芝士及 parma ham 同焗，火腿鹹香沁入豬扒內，混上炒飯底，迅速 KO。

同朋友黎呢到gathering. 發現都有好多年無食意粉屋啦!一早book左位, book個陣waiter又話好full, 又話只可坐2個鍾。點知成餐飯見到都好多吉位, 一d 都唔full。意粉屋宜家用DBS 有D套餐可享半價，但朋友食過又話唔岩食，最後就散叫，叫左：1) 醬燒豬仔骨配粗薯$138, 大大份, 豬仔骨夠晒淋, 夠入味, 粗薯炸得岩岩好, 唔油, good!2) 芝士波菜$38, 波菜浸在芝士當中, 朋友讚好, 我就覺得唔match, 好彩d芝士唔濃, 唔係一定超"流'3) Greece Legend, 普通厚批$117, 材料有菠蘿, 磨菇,火腿, 煙肉, 批身厚而脆, 不過其實pizza box 個d pizza仲好食,仲平。3人埋單$32X, 幾貴, 不過呢到環境幾好, services又唔錯, 會成日黎針水

YA好耐無食過意粉屋我地要左份SET野食好快先黎左杯奶茶同埋湯10分鐘內番茄蘑菇意粉已經送到意粉都OK 不過太乾身過左冇耐個PIZZA已經送到不過好似冇咩肉系個PIZZA上面好彩芝士搭救不過太多青瓜同洋蔥PIZZA都系去返PIZZA HUT食好啲!到最后都系食唔曬

星期6放工去咗意粉屋食晚餐。一行三人，六點半去到，人不多，唔洗等位。credit card 做緊promotion，有個二人餐幾好，亦知佢地份量好足，於是叫個二人餐都夠食。個餐有兩個餐湯，沙律，揀咗一個飯同一個意粉，仲有餐飲。餐湯不過不失，一貫水準啦。煙三文魚沙律真係好好食，墊底嘅唔係什果，而係沙律菜，好清新。沙律菜好爽脆，smoked salmon好好食，大大塊，新鮮唔腥。帶子carbonara質素好好，好過pizza hut 嗰d一千萬倍。個白汁好濃好杰，包裹住每條意粉。配料有bacon & scallop，兩者都好好味。海鮮墨魚汁飯嘩，勁多芝士喺面，我唔食芝士架，不過阿媽就好like，佢話一次半次唔怕啦，於是就好快手咁將d芝士撈晒落d飯度.......勁cheesy，畢飯嘅時候見到d cheese 一絲絲咁，好膩。海鮮多款，有魚、蝦、青口、魷魚，份量十足。墨魚飯帶點煙韌，好吃！意粉屋嘅食物一向有質素，食物夠熱夠味，服務也很好，水準穩定。

旺角的意粉屋這間意粉屋地方大不嘈吵不逼，今天來了下午茶。酥皮粟米忌簾湯 外層酥皮鬆軟好食而粟米忌簾湯不淡質數好。芝士忌簾火腿烤雞炒飯 芝士忌簾香濃比較吸引，意大利飯質感較好好過其他餐廳的飯而且烤雞有香的味道。

到意粉屋吃了一個至尊二人龍蝦套餐，原價$588，用匯豐信用卡優惠價$318。當中有：酥皮特色龍蝦湯：酥皮很香，湯有濃郁的龍蝦味，但不算很有特色。挪威煙三文魚、蜜桃、蘋果螺絲粉沙律：份量不多，各種食物搭配得宜，蜜桃、蘋果很甜，正！芝士焗波士頓龍蝦配雜菌扁意大利粉：龍蝦啖啖肉，好味道，可惜意粉淡而無味，龍蝦和雜菌的醬汁不足夠兼不適合拌意粉。挪威煙三文魚海鮮薄餅：薄餅很脆，海鮮不多，個人認為偏鹹，同行的蘇珊卻認為很美味。最後是餐飲，有檸茶、檸水、奶茶、咖啡、汽水可供選擇，我喝了檸樂。服務不錯，坐下後侍應馬上送來暖水或凍水。當龍蝦意粉未送上時，侍應又很醒目地送上濕紙巾。上菜速度很快，正在喝湯時沙律已送上；未開始吃沙律，意粉、薄餅又來了。總結而言，至尊二人龍蝦套餐可以一試。

意粉屋於1979年由兩名澳洲及英國人創立，一直於中價西式主題連鎖餐廳中扮演著領導者的角色。 相比起Pizza Hut我更喜歡Spaghetti House，因為從它的味道中更能找到意式的感覺。味道很濃的意大利菜湯三文魚鮮果沙律，每一次去都會點這個，無論是生果還是三文魚都超新鮮。 意式肉醬意大利粉平時光顧通常都會點肉醬千層闊麵，今次試試別的。這個意粉跟賣相一樣，不是說超吸引、超令人回味，我喜歡有芝士焗的那種肉醬意粉，聞起來更香！冬天的時候意粉屋會有芝士火鍋的套餐，密切期待！Buon Appetito!!

屋企人生日, 一行9個人, 叫咗3個2人餐+3個單人餐, 都算多選擇, 有燒骨, 墨魚汁意大利粉, 墨魚汁飯, Fried chicken basket, pizza, 芝士肉醫千層麵, 等等...都好味, 可惜碟頭較細, 平均每人$90

我7點左右到達就吾駛等位..最近HSBC 有個PROMOTION~$248 2人餐栗米忌X湯 / 雜菜湯三文魚沙律龍蝦墨汁飯 - 呢個幾惹味...好香...都幾多海鮮, 比我想像中好食...一向意粉屋只有PIZZA 好食...其他 麻麻地...但今次樣樣都幾好食....巴馬火腿PIZZA - PIZZA 就一向都好食, 但個幾塊火腿巴鬼...有同冇都冇咩分別...餐飲呢個PROMO 幾抵食!!!都係百幾蚊~

食飯時間例必要等位帶子墨魚意粉 ~ 帶子唔係太大隻, 意粉硬度啱啱好, 但個碟底勁多油白汁雞肉焗千層面 ~ 白汁好Creamy, 食落啖啖都有忌廉味, 認真說不錯炸雞炸雞籃 ~ 炸得好乾身, 唔油粒粒, 粉薄有肉汁, 好味過KFC三重芝士PIZZA ~ 雖然只得D蕃茄仔同芝士, 但都好好味, 餅底都好味過PIZZA HXX!!

Normally its apple crumble, but here its "Baked Banana and chocolate crumble", thats why I decided to give it a try.Before it arrived, I imagined it to be mushy sweet baked banana beneath the crumble, but when it arrived it was only the crumbs at the top were baked, the banana beneath it was fresh cut slices and cold.The chocolate sauce was runny but not too sweet, it was bitter, so I asked what it was, and it turns out to be Martini.There was a scoop of ice-cream on top too.

行行下街見肚餓,個天又落雨,想搵個坐得舒服的地方食D野,行下行下就黎左lee度我地叫左檸檬pancake同田園烤雞沙律餐,有埋龍蝦湯龍蝦湯好濃好鮮,又唔會過鹹,個人覺得比沙嗲王好得多~當然兩者價錢都好唔同,有埋酥皮,對於非常肚餓的人就特別o岩喇!!!田園烤雞沙律,賣相不錯,初初以為D雞肉可能會唔滑,但食落都ok...至於檸檬pancake,對於鍾意食fresh甜品的人就相當o岩喇!!酸酸甜甜幾開胃,有埋個雪糕真係好正,冇得彈~~不過,如果要減肥的話,就真係要忍忍口,齋睇個樣,牛油都幾多下,卡路里唔少ga!!!整體來講,lee餐下午茶真係唔錯,地方又坐得舒服,仲要有wi-fi, 對於冇iphone的我們真係一個非常休悠的地方^o^

Ordered the sweet potato milkshake which is slightly different to the product picture. However I do not have the product picture.The product picture was basically purple milkshake with jelly in the drink.When it came, it had wheatgerm on the top, and the milkshake was watery like rather than thick.The taste was rather milky too.