意粉屋 (已結業)

我是常客,雅蘭中心此分店開到現在應有一年多,但在半年前我同這些侍應提出過在那裏的花園椅子好有問題好重又向前又左右兩邊遙,話會跟進,但現在都未有改善;另外d花圍欄,我上次見過有小朋友可以將它推捯,成地都是石春,坐在這邊的客人又要轉位坐.d侍應立刻掃地都用幾多時間清理,還有是其他人又可以在花圍欄出出入入,我真覺得沒有安全感.....我有一次食完走了才發現自己忘記拿手提電話,回到餐廳一問,d侍應話已交比收銀部,好彩取回手机...我當日如果坐花園那邊可能就冇左個手机啦......旺角區最好食的一間意粉屋

好想食公司三文治,但要食一份真正美味的公司三文治真的不易唔想就咁係快餐店就搞掂,所以選擇左去意粉屋,質素都不會太差吧!公司三文治有兩層, 三塊麵包 (符合標準吧!)一層係碎蛋加火腿,第二層係雞肉、生菜同蕃茄麵包烘過,再加上牛油,食得出牛油香~正!雞肉係新鮮雞肉片,唔係火腿片果隻,抵讚之處!餡料同麵包夾得好,唔會散晒,做得到層次分明但我對於餡料就有些少少意見如果餡料再豐富一點會更好!最好可以加上煙肉或double火腿!份量真係唔少,但就俾我一口氣食左三份!可見呢份公司三文治真係食得過!餐飲就order左"椰林相思"(另加$11升級)其實係雪糕紅豆冰,不過呢杯雪糕紅豆冰真係相當出色!紅豆甜得黎夠腍,而且粒粒分明,大大粒,仲有少少蓉添!上部份的奶水不濃,其實係for個雪糕溶落去既加埋個雪糕就真係天衣無縫!非常好味!而且佢做得好靚,好有心機,真係見到都開心呢杯special drink的extra price係值回票價的!

又係同媽咪做完facial，今次揀左近近地既「意粉屋」黎食晚餐~ 都差不多9點，所以就無咩人等位，好好彩，我同媽咪可以坐 4人枱，唔駛迫迫蚣 試左個2人節日套餐~龍蝦湯 x 2﹕加酥皮各加 $ 11，個皮就唔錯，湯都夠味，但我個人就唔係好「好」龍蝦湯啦 查實呢碗湯都唔錯既~芝士龍蝦天使麵﹕好creamy既天使麵，好正~ 仲有唔少龍蝦肉，但如果份量可以再多少少的話，咁就最好喇軟殼蟹帶子pizza﹕好欣賞個批底，真係好鬆脆，pizza hut 都做唔到呢個水準呀 批上除了有一小隻預你自行切開分來食既軟殼蟹及有限數既帶外，勁量既芝士就係呢個pizza得我鍾愛既另一個原因 我差不多一個人食哂成個咁滯丫~ kakaka餐飲﹕熱o茶(媽咪的)、凍o水(我的)，一般貨色，不詳述。散叫了一個火樹銀花(小食拼盤)﹕呢個小食拼盤中，最唔掂既係果兩條 醬燒豬仔骨 第一，一d都唔熱! 第二，件豬仔骨一d都無味，我媽咪話佢應該烚熟左再加d醬! 第三，好好好細條，得一隻手指尾咁大!! 其餘既 雞翼、薯角、炸春卷等等，都保持水準~埋單都幾貴...$ 502 以同樣價錢，應該可以再食好d.....p.s. 味道既

前排去佐食意粉屋既芝士火鍋. 我地order佐非海鮮果個set. 兩個人share黎食都夠飽既, 因為我同流沙包都唔係好大食. 味道方面, 我係半島酒店既Chesa食過果度既芝士火鍋, 無論味道同價錢當然就無得咁比較啦. 意粉屋既芝士火鍋... 味道好淡囉, 無咩芝士味囉, 個芝士火鍋相對地較稀囉. 不過百零蚊既價錢, 試下都無妨既.

新朋友---家明 11月23日生日，肥豬話不如我地呢個聖誕韓國旅行團一齊同呢位團友慶祝 生日，有得開開心心食返餐，緊係好啦~淨係揀食飯地點都搞左一輪...兩位男子，漲爆及家明等我同肥豬放工時，佢地走左去「別府」。但當我同肥豬到達時，漲爆又話原來壽星仔想食西式... 好彩我地咩都未叫....所以...我地好灑脫咁...走~ then，我地就黎左呢度「 意粉屋」由於我地有渣打卡，所以叫左佢地而家推廣緊既特惠套餐，一叫就叫左兩個餐喇~$ 268套餐有龍蝦湯x2﹕都幾濃郁噃 味道不俗，我呢碗有5-6件龍蝦~煙三文魚螺絲粉沙律x2﹕d生果及蔬菜都好新鮮，特別係d蘋果，真係好甜~不過d螺絲粉就...好似硬左dd啦...煙三文魚就...一碗都有3-5條，味道...一般啦，又未至於話差既~~主菜5選2，我地(其實可以話係漲爆同我決定)揀左芝士焗龍蝦帶子天使麵及醬燒豬仔骨配香脆薯角芝士焗龍蝦帶子天使麵﹕賣相唔錯，食落去有陣陣.....咁似頭先飲龍蝦湯果d味既?? however，味道是可以的，不會太淡或太濃 但龍蝦及帶子...就唔多覺...無理由係我食得慢架﹖﹖相信是數量不多罷了~醬燒豬仔骨配香脆薯角

十年不逢一閏，有張coupon所以便到意粉屋食晚餐。這店環境比其他意粉屋好，更有情調，座位的空間感不錯。來到意粉屋就特別想試芝士火鍋，所以有以下選擇：波菜芝士火鍋．小龍蝦海鮮拼盤：芝士味不太濃，波菜味較特顯，拼盤的海鮮份量就一般，以二人份量看就差不多，新鮮程度都不錯。欣賞這個set有墨汁麵提供，混入芝士火鍋都幾好食。煙三文魚沙律：比之前去同區第二間意粉屋份量少了四分一，三文魚帶有苦味，好想知點解？蟹肉南瓜湯：無味又唔香食完唔太夠飽，不是太高興。埋單要$360.9，已用了$50coupon及芝士火鍋已有$50優惠，即共$100discount，那麼原價就係$460.9，份量不多，質素不高，只有價錢最高，嚴重唔抵食。

原本想去風月堂, 怎知未夠晚上七時便排了一條長龍, 惟有去雅蘭再找食肆, 見意粉屋少人, 便入去坐坐了.要了個 $238二人餐:蟹肉南瓜湯 - 南瓜不太甜, 少了些濃香.煙三文魚沙律 – 生果是新鮮不是罐頭貨, 煙三文魚也大大片, 整碟分量十足.夏威夷Pizza – 餡有菠蘿和煙肉, 薄底不算很薄但也不韌得咬不開.下下次去吃日本菜啦, 哈哈~~

星期日下午黎食lunch, 原本想食DBS d餐，但睇真d，意粉屋的休閒假日餐仲抵食。三個人叫了一個二人餐同一個一人餐。菜湯：都係一般貨色，比羅宋湯清，無咁肥又唔會辣。龍蝦汁海鮮焗墨魚汁飯:蝦、帶子、青口、魷魚、魚柳、鮮菌及蕃茄，料多新鮮。飯黏黏地又有咬口，又不會過硬，已煮透心。意式海鮮炒飯:一樣好多料，帶子、魷魚、蝦、魚柳。但飯粒就比墨魚汁飯的硬；味道幾惹味，不會過咸或過肥。焗芝士肉醬闊麵:好大份，免治牛肉好香濃茄味。但個闊麵厚少少，所以口感麻麻，唔彈牙又有點淋。環境唔錯，因為只有成滿，sunday 都唔洗等位。服務員態度ok, 但一定唔係服務最好的一間。九龍塘分店比這裡還要好！

6 月26 日星期四放左工同FD 一齊去食，本來打算去新之城附近果間，但個FD 落遲左車，所以就去左呢間...但令我好失望咁首先講番我要D 咩，我點左個$268套餐A, 選擇了龍蝦湯，帶子天使麵同個PIZZA.。個湯完全唔合格，味道過咸，完全失左水準，對比起CAUSEWAY BAY JP 分店同又一城分店真係差好遠，不過安慰既係佢既天使麵好好味，唔知係唔係物價貴左，帶子好似少左D 咁。而最令人唔高興係佢地既服務態度，先講D 輕微既先，以我一個月食4-5 次意粉屋，都好滿意佢地既服務，但今次好差。首先，落單平時當客人叫完，侍應都會覆一次我叫左D 咩, 要等既食物會講堆大概要等幾耐，最後會講佢叫咩名，有咩可以找番佢咁.....但今次我一叫完一聲唔出就咁走左，唔多似係一間SELL 服務同食物質素應有的態度而嚴重既服務問題係我竟然聽到男侍應2次係樓面用對講機對話，內容為取笑顧客的對話肉容，好驚訝一間一直比我NICE 既感覺，竟然會有職員可以係樓面咁講，我冇即時找經理投訴，因為我覺得係冇用，經理自己也戴住耳機，比我既感覺係佢默許咁既事發生.........作為顧客，我以後都唔想再去呢一間上述情況

同男友係意粉屋既常客，一唔知食咩就會自然走入去~試過咁多間，覺得服務最好係呢度，連埋今晚試左3次，o的服務生會自動拎茄汁，加水，放低碟菜都會提你小心熱，上菜又快，好掂~例牌叫左個蝦煙3文魚什果沙律，炸雞籃同埋海鮮闊條麵~今次個沙律好新鮮，除左o的生果切得太大粒之外，真係冇得彈~炸雞火候都控制得幾好，係o的肉越來越縮水囉....以前啖啖肉，而家咩都貴，肉都少左~

2008年3月01日，Spaghetti House叫了兩個指定的下午茶餐。酥皮帶子龍蝦湯：好熱，龍蝦湯味道亦差不多了，中上之作。焗芝士肉醬義大利粉：覺得肉醬麻麻，有D，意粉也不太好，有點硬，我肯定那是硬而不是有彈性，兩者是有分別的。凱撒沙律配南方炸雞翼：沙律OK，雞翼吃不出有舍特別。咖啡：很好喝的咖啡，香濃，丁點糖也不用放。和熱檸茶。這一餐要鳴謝open rice,因為是它送的。

黑松露牛肉芝士火鍋(fondue)不算很豐富燒牛肉雞肉豬肉辣肉腸各有三幾片麵包也不算很脆黑松露加了只是顏色上的點綴沒有特別香或臭吃下也感受不到芝士的味道也比較淡好像滲了點水似的吃罷也沒有很膩的感覺但最後吃過比較正常的天使麵仍夠飽飲品買一送一要了雪糕紅豆冰和檸茶也是普普通通總欠了點甚麼的應是環境也應是心思和誠意吃著就有點懷念西貢的uncle kan(2006-06-17食評)這裡嘛口痕想吃fondue又想就腳就ok囉

好耐好耐冇組聚了, 都已經是兩年前的事了, 難得一班人還可以坐在一起, 交換一下近況, 真係多謝組代"終於"成功搞到個組聚呢~~~初時又係話去Cafe坐ga, 真係完全冇新意lor, 而且Cafe d o野又貴又唔好食Haha, 係食之茵的努力下, 大家今次終於可以脫離Cafe的魔掌la, 一班人去意粉屋, yeah yeah 因為張好大, 所以冇影哂所有相ar, 同埋都唔係好記得食o左幾多o野, haha 盡記la~~~~餐湯有特色龍蝦湯及蟹肉南瓜湯, 兩款我都有試ar, 味道皆很濃郁, 但個人比較偏愛後者, 因為有南瓜味ar ma~~~~~此外有沙律, 好特別ar, 煙三文魚配以鮮果, 最特別係有螺絲粉放底, 幾美味同新鮮lei!再來一個珍寶熱鍋: 紅酒燴牛尾長通粉牛尾頗淋, 長通粉也算"煙un", 但整體而言唔算impressive lor~~~接著下來是白汁雞肉千層意粉賣相好吸引ar, 因為佢面頭有好多芝士ar, 雞肉都算嫩滑的, 千層意粉我覺得Pizza Hut那個千層肉醬會比較對味, 因為淋小小, 同埋有好多薯蓉ar ma, 依個勝在都有好好芝士又有意粉, 係芝士焗龍蝦帶

第一次食意粉屋既芝士火鍋，侍應話兩個人淨食會唔夠飽，就叫多左個意粉，點知最後都食唔晒！講返芝士火鍋，我地揀左傳統芝士湯底，其實仲有蕃茄同黑松露，但都係覺得最傳統的比較好。配料可選海鮮或牛肉，因為肚子唔爭氣，所以都係食牛肉比較穩陣。火鍋包括一大碟配料，一籃麵包同一碗墨魚麵。配料除左主角牛肉，仲有雞肉，冬菇，本菇，蘑菇，意式肉腸等，二人份量剛好。初時都怕啲芝士湯煮唔熟啲食物，好彩送來的肉類都已經是半熟，所以只需稍微加熱就食得！芝士湯煮滾後質感濃稠，香噴噴的，用麵包同配料沾上簡直係人間極品，亦唔會覺得好漏！呢度坐既環境唔錯，好適合傾心事，侍應態度良好，食物質素亦幾好，係要去商場厠所就麻麻地喇！最後都要多謝好朋友請我食生日飯！

下午茶二時起供應, 價錢其實跟午餐差不多, 分量比午餐少, 但有酥皮湯。下午茶也有不少選擇, 意粉/通粉配酥皮湯有六款、pizza兩款、小食set、cake set...選了兩個意粉set都是配酥皮菠菜雞湯(另有set配酥皮龍蝦湯)。酥皮稍為不夠脆, 但很香, 湯則十分好味而且夠熱, 不會有粉漿水的感覺, 只是雞肉較乾。意粉分別是肉醬意粉, 一向覺得肉醬意粉是最好味的, 上面還有一層芝士, 好好味, 加上芝士粉, 味道更濃。另一個是意式豬柳意粉, 想不到這一個味道也不錯, 茄汁豬柳, 豬柳沒雪味, 而且很”稔”, 還有很多磨菰。值得一提, 意粉才是主菜, 彈口的。配上咖啡或茶, 是不錯的late lunch選擇。今天剛好是萬聖節, 店內也有佈置, 頗有氣氛。